AMOS 4
4
1Hithu hi ngai hem un, noh, Samaria numeite, cawm thaumi Bashan khuipi bangte, mi nautate cilpektu, mi zawng a nuainemtu le “zu intuk pia in,” tin, mah i pasal tei lakah au lelem thei uh ci. 2Topa cu thiangtho in, amah in, “Nga sio tuah a dawh hun hengleh tuk hi; na venghawng uhin ngasio awkmi ngasa bang hi tuk uh ci. 3A naibel pang awng pen kai tul haw tuk a, mahlai pen khua pualeu lamah vawk haw tuk,” ti hi.
Israel In Theitum Ma
4 Topa in, “Israel miphunte, mun thiangtho Bethel ah hawhin, na nuam bangin sualta un! Gilgal ah hei hawhin, na sual theihzah uhin sualta un. Na biakpiaknak ngansate cu zing khat nung zing khat keng unna, seh sawm seh khat uhte vang ni thumnak sial ten keng leleng un. 5Na cangho uh cu lungdamnakin, Pathian nelah pia unna, seh sawm vang a valin pia un. Mahti bangte cu si na bawl nuambel uh!
6Na khua hempoh uhah paam tungtiktu cu keimah ing. Mahtibang hei ten ka nelah kikleh ma uh ci. 7Na lo ankung ten nguahtui a kin laihtakin, nguahzu ngawlin umtik ing. Khua pa khatah nguahzutik naveng, a dang khua pa khatah nguah zutik mang. Lo pa khatah nguahtui ngah naven a dang lo pa khat cu nguahtui ngah ngawlin ko hi? 8Dangdum hangin thanem haw a, mi tampi cu khua dangah tuicawi tukin hawh haw hi. Mahnaven intuk tham mu haw ma. Mahtibang hei ten ka nelah kikleh cuang ma uh ci.
9Na lo ankung uhte ngautik tukin huihsa theutik ing. Khaaumawng in, na huan uh le na sabit huan uhte, na theipi kung le olif kungte vang ei khawng hi. Mahnaven ka nelah kik nuam cuang ma uh ci.
10Izipt ngamah ka hentik bangin na hum uhah pulhnat hengtik ing. Ngaldonak mun pen na khangno uhte thitikin, na cipuh ngilzet uhte laksak ing. Na naal kua uh pen na ngiahbuk a, mi luang uih ngim sia tuah dimtik ing. Mah hei ten ka nelah kik nuam cuang ma laih uh ci.
11Sodom le Gomorrah ka siatsuah bangin nangmu sung pen mi khenkhatte siatsuah ing. Atu a, nungmi nangmuhte hi meipi sung pen a alh lih laih suahtulmi ngolhkang bang uh ci. Mahnaven ka nelah hung nuam cuang ma uh ci.#Pian 19:24; 12Mah hangin hi Israel mite, dantat tung ka tih cu! Mahti bang ka bawl tuk hangin ka thukhennak tawk tukin tuangtim ham un,” tin, Topa in ti hi.
13Pathian cu mualte bawlin,
huih a umtiktu hi.
A ngaihsutnak cu mihing tei nelah
theitik hi;
Sun cu zanah cangtik hi.
Leihum mun sangbel
humah hawh hi.
A min cu
Cungnungbel Topa Pathian hi.
Currently Selected:
AMOS 4: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
