AMOS 2

Moab

1 Topa in, “Moab mite a sual lelem haw hangin dantat loli tung hi. Edom kumpipa i nguh cu upat ngawlin mei ah halin, vut cangtik haw hi.#Isa 15:1-16:14; 25:10-12; Jer 48:1-47; Ezk 25:8-11; Zef 2:8-11; 2Mah hangin Moab ngam humah mei alh khesuk tung a, Kerioth inn phazette kang khawng tuk hi. Moab mite cu ngal dodun laihtak, ngalkapte a au haw laihtak le pengkul a tum laihtak haw in thi ti haw tuk hi. 3Moab ngamuktu le a ngamsung lamhuaitu hempoh vang that khawng tung,” ti hi.

Judah

4 Topa in, “Judah mite a sual lelem haw hangin dantat loli tung hi. Ka thu zilhmi nautatin, ka thukhamte zui haw ma hi. A pu le pa tei biak ngawlmi pathian dang ten lampialtik haw hi. 5Mah hangin Judah humah mei alh khesuk tung a, Jerusalem a inn phazette kang khawng tuk,” ti hi.

Pathian In Israel Humah Thukhen

6 Topa in, “Israel mite a sual lelem haw hangin dantat loli tung hi. Midik ahi haw hei in leiba a lulh thei ngawlte, kedam dap khat man a pia thei ngawlte cu salin zuak haw hi. 7Bawmtu nei ngawl mi nawmtamte cu cilpekin, mi zawngte cu lampi pen nawm vawkin zam haw hi. Pa le a capa in, a salnu pa khat sualpihin, ka min thiangtho cu nawngkaitik haw hi. 8Biaknak hempoh ah mi ca-ngah tei lak pen leiba i in, a lak haw mi puante phahin zau haw hi. Sumba tei lak pen a lak haw mi zu cu Pathian biakinn sung pen haw hi.”

9“Mahnaven, “Ka miphunte aw, nangmuh ca tukin sidar thing bang a sangmi le sasua thing bang a cangmi Amor mite cu siatsuah khawng ing.#Daan 3:8-11; 10Izipt ngam pen puitul lehin, phillawn lakah kum sawm li sung khol ing. Amor mitei ngam cu nangmuta tukin pia ing. 11Na capa uh khenkhatte profet tuk tengin, a khenkhatte cu Nazir#2:11 Nazirtihmi hi Pathian a deih hawnak le a nadeh nuamnak haw hang zu in tukma, sammet tuk ngawl le miluang zen tuk ngawlin thutiamnak a la tu haw hi. mi tukin teng ing. Mah kha ma hi, tin tithei tuk uh cim, Israel mite aw? Topa keimah in hilh zo ing.#Mipum 6:1-8; 12Mahnaven Nazir mite cu zu khamtik uh ci a, profet tei tangau tuk kham uh ci. 13Mah hangin atu-in lei ah nemcih tung a, van ngitzet a puatu tuk khuileng nging bangin tau tuk uh ci. 14Tai cakzette vang suakca thei haw tukma; mi ngilte a zaangtha haw kiam tuk a, ngalkapte hei amu nunnak nangawn humdun cop thei haw tukma hi. 15Cei le thalcang a mangtute hei in nang zo haw tukma hi; tai cakbel pa vang suakca tukma, cipuh hum khung ngalkapte vang suakca cuang haw tukma hi. 16Mah ni ten ngalhangbel ngalkap pa hei in, a hiamnam vawkin, tai tuk hi tin Topa in hilh zo hi.

Currently Selected:

AMOS 2: NBF1

Highlight

Copy