MATTHEW 8

Jesu in Miphah Khat Damsah

(Mrk 1:40-45; Luk 5:12-16)

1Muol tung panin Jesu#8:1 Gk “ama” a kumsuh zaw ciengin mihon tampite in ama a zui uhi; 2tuale miphah#8:2 “miphah” le “phah natna” kammal in natna tuomtuomte zong a cinopna ahi hi. khat ama kungah pei-in a mai-ah khupdin a, Topa aw, nei damsah nop leh nei damsah thei hi,” a ci hi. 3Ama in a khut zahin ama tham a, “Kang damsah nuom hi. Na siengtho ta in!” a ci hi. Thakhatthu-in a phah natna a dam pai lien hi. 4Tua zaw ciengin Jesu in ama kungah, “Koima kungah gen malmal sin; ahi vangin siempu pa kungah va kilah ta’nlen amate kungah teci dingin Moses’ thupieh bangin biehna va pie ta’n,” a ci hi.#Siem 14:1-32

Jesu in Galkap Mangpa’ Nasem Khat Damsah

(Luk 7:1-10)

5Capernaum khuo ah a lut ciengin ama kungah mi zakhat a uh galkapbu khat pei-in, 6“Topa aw, ka nasempa zaw gawpin inn ah lum a, a natna thuohla mama hi,” ci-in ama kungah a thum hi. 7Tuale ama in khumpa kungah, “Hing pei-in ama ka damsah ding hi,” a ci hi. 8Galkapmangpa in dawng a, “Topa aw, ka inn sungah nangpipi ang lutsah dingin kilawm malmal sing; kamteng khat gen zieu lacin ka nasempa dam lel va. 9Azieh pen kei zong thuneite khut sunga om ka hi a, ka khut nei-ah galkapte a om hi; tuale khat kungah, ‘Pei in,’ ka cileh pei a, adang khat kung ma-ah, ‘Hing pei in,’ ka cileh ang pei hi. Ka nasempa kungah, ‘Tami bawl in,’ ka cileh nasempa in a bawl pai hi,” a ci hi. 10Jesu in a thugen a zah ciengin lamdangsa a, tuale ama a zuite kungah, “A tahtah a kang ci-in, Israel-te sungah tam bang upna a nei koima#8:10 Adang tang laibute ah “Note kunga a tahtah a kang ci-in, lah nangawn-ah ci-in kigiel hi. ka mu sih hi. 11Ke’n kang ci-in, nisuona pan le ni tumna panin mi tampi ang pei-in vantung gam sungah Abraham, Isaac le Jacob-te tawh an a neton ding uhi,#Luk 13:29 12kumpi gam luo mite ahi uleh kaana le hagawina mun a pulam khuomiel lahah kipai ding hi,” a ci hi.#Mat 22:13; 25:30; Luk 13:28 13Tuale Jesu in galkapmangpa kungah, “Pei in; na upna bangin na tungah kibawl taheh,” a ci hi. Tua hun ma-in a nasempa a dam pai hi.

Jesu in Peter’ Innah Mi Tampi Damsah

(Mrk 1:29-31; Luk 4:38-39)

14Pater’ inn ah Jesu a lut leh ama in cithuo natna tawh lupna tunga a lum a sungnu a mu hi. 15Ama in tua nu’ khut a thampieh leh a cithuo natna dam a, ama zong tho-in zindo a kipan pai hi. 16Khumi nitahin amate in dawivei mi tampitah ama kungah a peipi uhi; tuale ama in kamteng khat tawh dawite hawlkhie-in cinate zosie a damsah hi. 17Tam pen, “Ama in i zawngkhalnate ladawh a, i natnate a puo hi,” ci-in kamsang Isaiah tungtawn a na kigensa thu a tangtun nading ahi hi.#Isa 53:4

Jesu’ Nuazui dingte

(Luk 9:57-62)

18Jesu in a kimvelah mihon tampite a mu ciengin, ama in galkhat lama pei dingin thu a pie hi. 19Tua ciengin thukham hil siepa khat a va pei ta a, “Siepa aw, na peina popo-ah kang zui ding hi,” a ci hi. 20Tuale Jesu in ama kungah, “Ngiete in kuo nei a, vana leng vate in bu a nei uhi; ahi vangin Mihing Tapa in a lu ngah nading mun a nei sih hi,” a ci hi. 21A nuazui dangte khat in ama kungah, “Topa aw, va pei-in ka pa ei vuisah masa phot in,” a ci hi. 22Ahi vangin Jesu in ama kungah, “Keima ei zui in, misite in a misite uh vuisah lel in,” a ci hi.

Jesu in Huipi Daisah

(Mrk 4:35-41; Luk 8:22-25)

23Gunkuong sungah ama a tuon ciengin a nuazuite in a zui uhi. 24Tuipi tungah huipi nahpi-in langin tuihuolte in gunkuong a hlummang dihdih hi; ahi vangin ama a kimu ziuzieu hi. 25Tuale amate pei-in Jesu a phong vua, “Topa aw, kote ei hun ven! A simang ding ka hi ta uhi!” a ci uhi. 26Ama in a kung vuah, “Upna neu mite aw, bang dinga zau na hi uh ahei?” a ci hi. Tua ciengin ama tho-in huipi le tuipite a phawhsie leh a dai dide pai hi. 27Amate in lamdang a sa mama vua, “Huite le tuipi nangawn in a thu a man va-ia uh tampa bangci mi ahi diei?” a kici uhi.

Jesu in Gadara Khuomi Dawiveite Damsah

(Mrk 5:1-20; Luk 8:26-39)

28Tuipi galkhat, Gadara mite’#8:28 Adang tang laibute ah “Gergesenes”ci-in kigiel hi. gam a tun ciengin han panin dawivei mi ni pusuohin ama na dawntuo uhi. Ama gel a hansan seng ziehun tua lam a pei ngam koima om lo hi. 29Ama gel thakhatthu-in a kiko vua, “Pasien’ Tapa aw, ko tawh bang kisai laizang na hei? A hun tun masanga ko ei bawlsie dinga ang pei na hi amah?” a ci uhi. 30Amate kung pan a gamla seng lo mun khatah voh hon tampi kikhawi a om hi. 31Tuale dawite in ama kungah, “Ko nawdawh nei sawm leh voh honpi lahah ei lutsah in,” ci-in a thum uhi. 32Tuale ama in amate kungah, “Pei un!” a ci hi. Tuaci’n amate pusuohin voh honte sungah a lut uhi. Tua bepin voh honte luibang ken panin thakhatin kumsuhin tui sungah a si sieng uhi. 33Voh cingte tai-in khuopi sungah a lut vua, amate in a thu omdan zosie le dawiveite tunga thupieng teng a gen uhi. 34Tua ciengin Jesu dawn dingin khuozangin a pusuoh vua, ama a mu ciengun a gam panun a peidawh nadingin a thum uhi.

Currently Selected:

MATTHEW 8: ZBOTF01

Highlight

Copy