JOHN 13

Jesu in Nuazuite’ Keng Silpieh

1Peisan pawi masangin Jesu in leitung panin a Pa kunga a pei ding hun tung ta hi, ci a thei hi. Ama in leitunga a it ama’ mite a tawp dongin a it hi. 2Jesu a leheh dingin Simon Iscariot’ tapa Judas’ lungtangah dawimangpa in ngaisutna koi zo hi. 3Pa in ama’ khut sungah na zosie pie-in ama pen Pasien kung pana ang pei hi a, Pasien kunga peikia ding ahi lam zong Jesu in thei ahi ziehin, 4sabuoi#13:4 Gk “nitah an nehna panin” panin ama dingto a, a puontuol suo dawhin mainul khat tawh a kawng a gah hi. 5Tua ciengin ama in kuong sung khatah tui sungin a nuazuite keng a silpieh a, a kawnga a viel mainul tawh nawtpieh ding a kipan hi. 6“Topa aw, ka keng ei silpieh laizang ding na hi amah?” a ci Simon Peter kungah ama a tung hi. 7Jesu in, “Tu-in bang bawl ka hei, ci na thei sih a, ahi vangin a nua ciengin na thei ding hi,” ci-in a dawng hi. 8Peter in ama kungah, “Ka keng na sil ngai poma sih ding hi,” a ci hi. Jesu in, “Na keng kang silpieh sih leh kei tawh a kipawl lo na hi hi,” a ci hi. 9Simon Peter in ama kungah, “Topa aw, ka keng guoh hi loin ka khut le ka lu zong ei silpieh vet in!” a ci hi. 10Jesu in ama kungah, “A kipumsilsa mi in a keng longal#13:10 Adang tang laibute ah “a keng longal” ci om lo hi. sil ding a kisam ta sih a, a pumpi zosie a siengsa ahi hi. Tuale note na unpi-un na sien vangun na sieng kim sih uhi,” a ci hi. 11Azieh pen ama in a leheh ding pa a thei hi; tami thu ziehin ama in, “Na unpi-un na sieng kim sih uhi,” a ci hi.

12Ama in a keng uh a silpieh zaw ciengin a puontuol sil a, anneh sabuoi lamah kilekia-in a kung vuah, “Note adinga ka septe na thei vuoi mah? 13Kei pen Siepa le Topa nei ci vua, tua pen a man ahi hi, azieh pen nei ci bangun ka hi hi. 14Tuaci’n na Topa ule na Siepa uh ahi keima in na keng uh hing silpieh ka hi leh note in zong khatlekhat na kisilpieh ding uh a kilawm hi. 15Azieh pen keima in na tung vua ka bawl banga note in zong na bawl thei nadingun ette dinga kang pieh ahi hi.#Luk 22:27 16A tahtah a kang ci-in, nasemte#13:16 Gk “silate” pen a pupa sangin lienzaw lo a, a kisawl pa zong a sawl pa sangin lienzaw lo hi.#Mat 10:24; Luk 6:40; Jhn 15:20 17Tam thute thei-in tuate na zui uleh mi hampha na hi uhi. 18Na unpi vua ang gen ka hi sih hi; keima in ka teelsa mite ka thei hi. Ahi vangin tami pen Lai Siengtho sungah, ‘Ka an#13:18 Adang tang laibute ah “ka an nehpi pa” ci-in kigiel hi. a ne mipa in a aketul tawh ei peh hi,’ ci-a a kigen thu a tangtun thei nading ahi hi.#Late 41:9 19Tami thu a pien ciengin kei ama#13:19 Gk “Keima” ka hi lam nei thei nadingun tu-in a pien masanga ang magen ka hi hi. 20A tahtah a kang ci-in, ka sawl mi a sang poma in kei zong ei sang hi a, kei ei sang mi poma in kei ei sawl pa zong a sang ahi hi,” a ci hi.#Mat 10:40; Mrk 9:37; Luk 9:48; 10:16

Jesu in a Kileheh ding Magen

(Mat 26:20-25; Mrk 14:17-21; Luk 22:21-23)

21Jesu in tam thu a gen zaw ciengin a lungkham mama a, “A tahtah a kang ci-in, note lahah khat in kei ei leheh ding hi,” ci-in a gen hi. 22Koi pen gen ahei, ci-in a nuazuite khatlekhat a ki-en uhi. 23Jesu in a it a nuazuite lahah khat pa in Jesu nehin ama zomah a kingam phei hi. 24Tua ahi ziehin Simon Peter in a mit-heh tawh ama hopi a, “Koi a ci nopna adiei,” ci-in Jesu dong dingin a sawl hi. 25Tuaci’n Jesu lamah ama a zamphei laitahin, “Topa aw, koi ahei?” ci-in a dong hi. 26Jesu in, “Kuong sungah khomun halkhat ka die zaw cienga ka pieh ding pa ahi hi,” ci-in a dawng hi. Tuaci’n khomun halkhat a die zaw ciengin ama in Simon Iscariot’ #13:26 Adang tang laibute ah “Simon’ tapa Judas Iscariot” ci-in kigiel; adangte ah “Karyot pana Simon’ tapa Judas” (Kerioth) ci-in kigiel hi.tapa Judas a pie hi. 27Ama in khomun halkhat a san zaw ciengin a sungah Satan a lut pai hi. Jesu in ama kungah, “Na bawl dingte nawbawl ta’n,” a ci hi. 28Bang dingin ama kungah tam thu a gen adiei, ci thu sabuoi-a omte koima in thei lo hi. 29Pawlkhatte in Judas pen taangpi sumkem ahi ziehin Jesu in ama kungah, “Pawi cienga i tulmaw ding vante va lei ta’n,” ci-a a sawl ahi sihle, mi zawngte bangkhat pie dinga a sawl hi ding hi, ci-in a ngaisun uhi. 30Tuaci’n khomun halkhat a san zaw ciengin thakhatin a pusuoh pai hi. Tua hun pen zanlai ahi hi.

Thupieh Tha

31Judas a pusuo zaw ciengin Jesu in, “Tu-in Mihing Tapa kipatawi a, ama sungah Pasien a kipatawi hi. 32Ama sungah Pasien a kiminthansah leh #13:32 Adang tang laibute ah “Ama sungah Pasien a kipatawi leh” ci om lo hi.Pasien in zong ama sungah Tapa’ min a thangsah ding a, thakhatin ama’ min kithangsah pai ding hi. 33Ka tanote aw, note tawh bakhat sung beh ka om ding hi. Note in kei nei sui ding uhi; tuale Jew mite kungah, ‘Ka peina munah nang pei thei sih ding uhi’ ci-a ka gen bangin tu-in zong note kungah kang gen hi.#Jhn 7:34 34Note khatlekhat na ki-it nadingun keima in note tungah thupieh tha khat kang pie hi. Keima in note kang it bangin note zong khatlekhat na ki-it un.#Jhn 15:12, 17; 1Jhn 3:23; 2Jhn 5 35Note khatlekhat na ki-it uleh tam thu ziehin mi zosie in ka nuazuite na hi lamtah uh ang thei ding uhi,” a ci hi.

Jesu in Peter’ Niel ding Magen

(Mat 26:31-35; Mrk 14:27-31; Luk 22:31-34)

36Simon Peter in ama kungah, “Topa, hei-a pei ding na hei?” a ci hi. Jesu in, “Tu-in ka pei nading munah nei zui thei sih ding hi; ahi vangin nualam ciengin nei zui thei ding hi,” ci-in a dawng hi. 37Peter in ama kungah, “Topa, bang zieha kang zui thei lo ding ahei? Nang adingin ka hinna kang pie ding hi,” a ci hi. 38Jesu in, “Kei adingin na hinna nei pie ngam diei mah? A tahtah a kang ci-in, aah khuon masangin thumvei nei niel ding hi,” ci-in a dawng hi.

Currently Selected:

JOHN 13: ZBOTF01

Highlight

Copy