JEREMIAH 25
25
Babylon Saltan ding Kigenkhol
1Judah Kumpipa Josiah’ tapa Jehoiakim kumpi a suozaw a kum li cin kumin Judah mite zosie tawh kisai-in Jeremiah kungah Topa’ thu a tung hi. (Tua hun pen Babylon ah Nebuchadnezzar kumpi a suo a kum khatna kum ahi hi.)#2Kum 24:1; 2Khg 36:5-7; Dan 1:1-2 2Kamsang Jeremiah in Judah mi zosie le Jerusalem-a a teng zosie kunga a gen ahi hi: 3Judah kumpi Amon’ tapa Kumpi Josiah a kumpi suo zaw a kum sawm le thum pan tuni dongin kum sawmni le kum thum sung vilvel Topa’ thu ka kungah ang tung a, na kung vuah kang gengen vangin na ngai nuom sih uhi. 4Topa in na kung vuah a nasem kamsangte zosie ang sawl den vangin note in ngai loin na bil zong na daw sih vua, 5tuale amate in, “Tu-in na unpi-un na gitlona ule na gamtat sietna panun na kihei uleh Topa in note le tanglai-a na pu na pate uh tungah kumtawn nei dinga ang pieh gam sungah na om suoh ding uhi. 6A na sem ding le a bie dingin pasien dangte’ nua zui sih unlen, na khut utawh na bawl uh milimte ziehin kei ei lungthahsah sih un. Tua hile ke’n zong note bangma kang law sih ding hi,” a ci hi. 7Ahi vangin note in ka thu na ngai sih vua, na gim nga nadingun na khut utawh milim bawlin nei lungthahsah uhi, Topa in ci hi.
8Tua ahi ziehin Vanglien Topa in tam bangin gen hi: Note in ka thu na man nuom lo ziehun 9leilu lam gama om minam zosie le ka nasempa Babylon Kumpipa Nebuchadnezzar nangawn ka thuta ding a, tam gam le a sunga teng mi zosie le tam kimvela om minam zosie a do dingin ka kuonsah ding hi; keima in amate ka sumaimang ding a, a cimulthawhuoi, a ehneh hohuoi le kumtawnin mite’ simmaw-in#25:9 Syr tawh a kitekah Gk: Heb “tuale kumtawn gamkhing” amate ka bawl ding hi, Topa in ci hi. 10Amate kung panin kipah thanopna awging, motha nu le zi nei pa’ awgingte ka tawpsah ding a, an gawina gingte le meivah tangte ka sumit ding hi.#Jer 7:34; 16:9; Kln 18:22-23 11Tam gambup kisie-in koima’ ten lona gamkhing suoh ding a, tua minamte in kum sawmsagi sung Babylon kumpipa’ na a sem ding uhi.#2Khg 36:21; Jer 29:10; Dan 9:2 12Kum sawmsagi a cinzaw ciengin amau’ khielna ziehin keima in Babylon kumpipa le a gam dan ka pie ding a, a gam uh kumtawn gamdai ka suohsah ding hi, Topa in ci hi. 13Amate tungah tua gam ka dona ka thu gensa zosie, Jeremiah in minam zosie a dona a genkholsa zosie, le tami laibu sunga kigielsa zosie ka tungsah ding hi. 14Bangzieh ahei cile minam tampite le kumpi liente in zong amate salin a nei ding uhi; keima in amau’ gamtatsate le a khut utawh a bawlsa uh nasepna dung zui-in amate tungah ka thuhkia ding hi.
Pasien’ Lungthahna Hai
15Bangzieh ahei cile Israel’ Pasien Topa in kei kungah tam bangin gen hi: Ka khut tung panin tam lungthahna zuhai la inlen, kang sawlna minam zosie dawnsah in. 16Amate in dawn ding a, keima in amate lahah ka sawl ding namsau ziehin amate hawi vadoi-in a motlaw ding uhi.
17Tuaci’n keima in Topa’ khut panin tua hai ka la a, Topa ei sawlna minam zosie ka dawnsah hi: 18Jerusalem le Judah khuopite, a kumpite ule a uliente uh pen tuni-a ma bangin mi ten lona gamkhing suoh a, a ehnehhuoi le samsiethuoi ahi ta uhi; 19Egypt kumpipa Pharaoh le a nasemte, a uliente le a mite zosie; 20nam kisawhal mite zosie;#25:20 Heb ah a khietna kicien lo hi. Uz gam sunga kumpi zosie; Philistia gam sunga kumpi zosie - Ashkelon, Gaza, Ekron, le Ashdod-a a omlai teng; 21Edom, Moab, le Amon-te; 22Tyre kumpite zosie, Sidon kumpite zosie, le tuipi panga om kumpi zosie; 23Dedan, Tema, Buz khuopite le a sam a heukieu zosiete; 24Arabia kumpite zosie le senel gam sunga teng nam kisawhal#25:24 Heb ah a khietna kicien lo hi. mite’ kumpite zosie; 25Zimri kumpite zosie, Elam kumpite zosie le Media kumpite zosie; 26a nai a gamla-a om leilu lam kumpite zosie le lei maitanga a om leitung kumpi gam zosie khat zaw khat keima in ka dawnsah hi. Tuale amate zaw ciengin Sheshach#25:26 “Sheshach” pen “Babel” adingin phuolsel min ahi hi, “Babylon” kumpipa in dawn ding hi.
27Tua ciengin Israel’ Pasien Vanglien Topa in amate kungah tam bangin a gen hi, na ci ding hi: Dawn un, kham unlen luo un. Note lahah namsau hing sawl ding ka hi ziehin pua unlen thokia nawn sih un.
28Tuale amate in na khut tung panin dawn ding hai a lah nuom sih uleh amate kungah tam bangin ci in: Vanglien Topa in tam bangin a gen hi: Na dawn teitei ding uh ahi hi! 29En in, keima’ min tawh a kilo khuopi sungah gimna tunsah ka kipan ta ding hi, tua ahile dan thuohna tawh note bangci kipel thei ding na uh ahei? Keima in leitunga teng mi zosie langkhatah namsau khat sawl ding ka hi ziehin dan thuoh loin na om sih ding uhi, Vanglien Topa in ci hi.
30Tua ahi ziehin, nang in amate ka langpanna tam thute zosie hil inlen, amate kungah tam bangin gen in:
A sangna mun panin Topa ang hawh ding a,
a siengtho ama’ tenna panin ama ang ham ding hi;
a mite langkhatah ama nahpi tahin hawh ding a,
lengga cil mite bangin leitung mi zosie
langpangin a awng ding hi.
31 Topa in minamte tungah thu phul ding ahi ziehin,
ama’ awging in leimong dong a thawn ding hi.
Ama in mi zosie thu sit ding a,
namsau tawh mawneite that ding hi, Topa in ci hi.
32Vanglien Topa in
tam bangin ci hi:
En un, gam khat pan gam khatah
gimna a kizel ta a,
leitung a gamla pen mun panin
huipi lien khat in nuoigawp ta hi!
33Tua ni-a Topa in a thalia mite leimong khat panin mong khat dongah kithezah ding uhi. Koima in amate ki kaa loin a luong uh kikhawm lo ding a, zong kivui lo ding hi; lei lahah amate eh nuasie-in kinuasie lel ding hi.
34No tuucingte aw, kap unlen mau un;
no tuuhon lamkaite aw, vut lahah kilawmlia un,
azieh pen ang kithalia ni ding ule
note ang kithethang#25:34 Heb ah a khietna kicien lo hi. ni ding ang tung zo a,
a kituomteel beel bangin
note na pua ding uhi.
35Tuucingte adingin
tai nading mun om lo ding a,
tuuhon lamkaite adingin
suotah thei nading om lo ding hi.
36Ngai vawi un! tuucingte kaana aw, le
tuuhon lamkaite mauna aw khu!
Azieh pen Topa in
amau’ lonona mun suhsietpieh zo a,
a giinhuoi mama Topa’ lungthahna ziehin
37a galmuonna uh gam kisiecip hi.
38Migilo pa’ a thahat namsau le
a giinhuoi a lungthahna ziehin
humpi in a kibuhna
mun a nuasie bangin
amau’ gam pen gamkhing
a suoh zo hi.
Currently Selected:
JEREMIAH 25: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
