PIENCILNA 14

Lot’ Saltanna le a Kihutkhietna

1Shinar Kumpipa Amraphel, Ellasar Kumpipa Arioch, Elam Kumpipa Chedorlaomer, le Goiim Kumpipa Tidal-te hun lai-in, 2tam kumpite in Sodom Kumpipa Bera, Gomorrah Kumpipa Birsha, Admah Kumpipa Shinab, Zeboiim Kumpipa Shemeber, le Bela (tua pen Zoar) kumpite tawh a kido uhi. 3Tam teng kipawlin Siddim kuom (Ci Tuipi)#14:3 Heb “Ci Tuipi” ah a galkapte a gawm uhi. 4Amate in kum sawm le ni sung Chedorlaomer’ na a sem uhi. Ahi vangin kum sawm le thumna a cin ciengin amate in a ledo uhi. 5Kum sawm le li a cinin Chedorlaomer le a panpi kumpite a pei vua, Ashteroth-kalnaim gama Rephaim, Ham gama Zuzim, Shaveh-kiriathaim gama Emim, 6le Seir muol tunga Hori mite gam, senel gam monga om El-paran gam dong a la uhi; 7tua ciengin a kilekia vua, En-mishpat (Kadesh) ah pei-in Amalek-te’ gam zosie le Hazazon-tamar gama a teng Amor-te zong a zo uhi. 8Tua ciengin Sodom kumpipa, Gomorrah kumpipa, Admah kumpipa, Zeboiim kumpipa, le Bela kumpipa (tua pen Zoar) a kuonkhie vua, Siddim kuomah kipawltonin, 9Elam kumpipa Chedorlaomer, Goiim kumpipa Tidal, Shinar kumpipa Amraphel, le Ellasar kumpipa Arioch tawh a kido vua, kumpi li in kumpi nga a do uhi. 10Siddim kuom pen suongmeihol nai khuhte tawh a kidim hi. Sodom kumpi le Gomorrah kumpite a tai ciengun, tua khuhte sungah pawlkhat a kie vua, a omlai teng muol tungah a tai uhi. 11Tuaci’n galte in Sodom le Gomorrah-te’ neisa zosie a tomgam vua, amau’ lampi-ah a pei uhi; 12amate in Sodom-a a teng Abram naupa’ tapa Lot le a nei a lam teng zong tomgam piehin a pei uhi.

13Tua ciengin a suohta mi khat pei-in, Eshcol le Aner’ sanggampa, Amor mi Mamre’ gangpi singte#14:13 Ahi sihle “tawsaw singte” gei-a a teng Hebrew mi Abram kungah a gen hi; tam teng pen Abram’ kipawlpite ahi uhi. 14Sala a tupa a kimatna thu Abram in a zah ciengin, a inn sunga a suoh galsim dan a siem mi zathum le sawm le giet zawpi-in Dan dong del uhi. 15Zan lai-in amate sim dingin ama’ galkapte, ama le a nasemte khenin amate a vatgawp vua, Damaskas’ leilu lam Hobah cieng dong a del uhi. 16Tua ciengin ama in a tupa Lot le a neisa zosie, numei le a galmatte tawh a peipikia hi.

Melchizedek in Abram Thupha Pie

(Heb 7:1-2)

17Abram in Chedorlaomer kumpipa le a panpi kumpite a zawna panin a kilekia zaw ciengin, ama dawn dingin Shaveh kuom (Kumpipa’ Kuom) ah Sodom kumpipa a pei hi. 18Salem Kumpipa Melchizedek in an le lenggazu a puoh hi; ama pen Sangpen Pasien’#14:18 Heb “El Elyon” siempu ahi hi. 19Ama in tua pa thupha pie a,

“Van le lei a siem,

Sangpen Pasien in

Abram thupha pie taheh!

20Na galte na khut sunga ang pie

Sangpen Pasien in thupha nga taheh,”

a ci hi. Abram in na vannuoi’ sesawm-suo-sekhat ama a pie hi.#Heb 7:1-10

21Tua ciengin Sodom kumpipa in Abram kungah, “Mi teng ei pie’n len, van zosie nangma’n kitan ta’n,” a ci hi. 22Ahi vangin Abram in Sodom kumpipa kungah, “Van le lei a bawl Sangpen Topa Pasien kungah ka kiciem zo ta hi. 23Nang in, ‘Abram keima hausah ahi hi,’ na ci khah lo nadingin na neisa vauzam khat ahi a, kedap khau khat ahi a, ahi sihle na neisa khat popo ahi zongin ka la sih ding hi. 24Tangvalte’ nehsate le kei ang zawpite’ satanh ding teng simlo bangma zamtawng ka la sih ding hi. Aner, Escol, le Mamre-te amau’ satanh ding pie in,” a ci hi.

Currently Selected:

PIENCILNA 14: ZBOTF01

Highlight

Copy