ၥ မိ 8
8
8
ထံၫလုၬဘံၭဆၧအထုၬအဂဲး.
1ယွၩနၪ့ထၪ့ထဲၩ့စနိအၫ ဒဲကယဲဆၧအၥၭမၧၫ့တၭ, ကယဲဆၧဖိၪဆၧဎါ လၧအအီၪလၧအၥိၭ လၧတလၫ ဖၭဒိၪအဖၧၩ့နီၪ, ယွၩဒုၭအူၪထၪ့လံၩ လၧဂၪ့ခိၪချိၫ့ 2တၭ,ထံၫလၩ့ၥံၭထဲၩ့ဝ့ၫဒၪလီၫ.- ဆၧယိၬဖၧၩ့အထံၫ ထၪ့ဖျိၭအလး, ဒဲမူၭခိၪအဆၧဖိးလဖၪ ကၭဘံၭထဲၩ့ အၥၭတၭ, ဆၧဂဲၫဆၧၩ့လၩ့ဖၭဒိၪ လၧမူၭခိၪနီၪ ဆၧ 3မၩထုၬဝ့ၫဒၪလီၫ.- ထံၫထဲၩ့ထဲၩ့ လၧဂၪ့ခိၪလထံၪဎး တၭ,အၥၫ့လယၩယဲဆံၫ ဖီၩ့ခွံၬနီၪ ထံၫလၩ့ၡၩထဲၩ့ ဝ့ၫဒၪလီၫ.
4တၭလၧလၩနွ့ၫဘံၪ့လဘံၪ့ လၩထၪ့လဆံၫနွ့ၫနံၩ လနံၩနီၪ, တလၫဖၭဒိၪဘုၭထၬ လၧခိၪလီၩ့အၫရရၭ 5အဒၩ့ခိၪနီၪလီၫ.- ထံၫလၩ့ၡၩလထံၪဎးထီၩ့လၩ့လၧ လၩဆံၫဘံၪ့လဘံၪ့တၭ, လၧလၩဆံၫဘံၪ့ လဘံၪ့, ဒဲလၩထၪ့ လနံၩနီၪ ခိၪလီၩ့ဒၩ့ခိၪအီၪ ဖျီၪထၪ့ဝ့ၫဒၪ လီၫ.
6တၭဆၧမၩအၥၭ လၧအၥၫ့လံဆံၫဖီၩ့ခွံၬနီၪ, စနိအၫ 7ဝဲထၪ့တလၫဖၭဒိၪအဖိး လၧအမၩဝ့ၫဒၪလီၫ.- တၭ ကွဲၪဖျါထၪ့ကျၭလဘံၪ့နီၪ, အဝ့ၫလ့ၩဂဲၫထဲၩ့, လ့ၩဂဲၫ ထဲၩ့ထီးထံၫအွံၩထၪ့ခွံၬ လၧဂၪ့ခိၪချိၫ့လီၫ.
8ထံၫလၩ့ၥံၭဧၪလလၩ့ၥံၭဘၪဧၪ လၧဂၪ့ခိၪချိၫ့ယီၩ, ဘဲၫၥိၭအမိၥ့ၪယၫတၭ, ကွဲၪဖျါထၪ့ထိၪလွံလဘံၪ့လၧ 9အအီၪလီၫ.- ထိၪလွံလဘံၪ့နီၪ လဒၪဘၪအီၪပွံၭအလး လၧအခၪ့အဂးနးစီၪ့တၭ, ဂဲၫထဲၩ့ထဲၩ့လၧအလးလၧ အအီၪလၧတလၫဖၭဒိၪအဖၧၩ့နီၪ, အဂဲးဘဲၫယီၩထံၫ အီၪလၧဂၪ့ခိၪချိၫ့ထၧၫ့ဖျိၪ့ယၫလီၫ. အဝ့ၫဒၪယူၬထၪ့ အစူၪမၩန့ဝ့ၫတၭ, ဒုၭနုၬထဲၩ့ဝ့ၫလၧတလၫဖၭဒိၪအ 10ဖၧၩ့လီၫ.- အီၪခိၭဒံၭနွ့ၫၥၫ့တၭ, ဖျါထၪ့ခွံၬဒီၭထိၪလွံ 11လဘံၪ့နီၪ လၧတလၫဖၭဒိၪ အဖၧၩ့လီၫ.- ထိၪလွံနီၪ ဂဲၫထဲၩ့လၧအအီၪ လၧမုဂၪလၩ့တၭ, ယိခွါ, အလဲအိၫ့ အလၪလၧအဘျၨၪန့ဝ့ၫလဘံၪ့ အီၪလၧအနိၭဖၧၩ့လီၫ. တၭစနိအၫၥ့ၪယၫဝ့ၫ လၧထံၫလၩ့ၥံၭခွံၬ လၧဂၪ့ခိၪချိၫ့ 12လီၫ.- အီၪခိၭဒီၭနွ့ၫၥၫ့တၭ, ဖျါထၪ့ခွံၬထိၪလွံနီၪတၭ လဂဲၫထဲၩ့လၧၩ့ဘၪ လၧအအီၪနီၪလီၫ.
13ဆၧမၩအၥၭ လၧအနံၪ့ဎူၫယၩလနံၪ့, လၩခၪ့ထံၭ လဘံၪ့လၩထၪ့လနံၩနီၪ ထံၫအွံၩထၪ့ခွံၬ လၧဂၪ့ခိၪချိၫ့ တၭ, စနိအၫရိလၩ့ခွံၬ တလၫဖၭဒိၪအခိၪတၭ, ယိဝ့ၫနီၪ 14ဒၪဘၪဂၪ့ခိၪဎဲၫ့ထၪ့ယူၭ.- တၭလၧလၩနံၫဘံၪ့လဘံၪ့, လၩထၪ့နံၫဆံၫနွ့ၫနံၩလနံၩနီၪ ဂၪ့ခိၪဎဲၫ့ထၬယူၭလီၫ. တၭယွၩချဲၩ့ဆၧ လၧစနိအၫစံၭဝ့ၫဒၪ, 15-16စဲၪ့လၩ့ ခွံၬလၧတလၫဖၭဒိၪအဖၧၩ့ဆံၭ. နဝ့ၫဒၪ, ဒဲနမၫ, ဒဲနဖိၪ 17ခွၫၥံၪ, ဒဲနဖိၪခွၫလဖၪအမၫၥံၪ, လၧနၥိၭနီၪဆံၭ.- တၭ ဒုၭစဲၪ့လၩ့လၧနၥိၭ လၧကယဲဆၧအၥၭမၧၫ့ ဒဲလၧဆၧ ယၪထီးအလူၬအကျၩ, ထိၪၥံၪလံၪၥံၪ, ဆၧဖိၪဆၧဎါ, ဒဲကယဲဆၧအစွၩ လၧအစွၩ လၧဂၪ့ခိၪချိၫ့, ဘဲၫၥိၭ အမိဖၭထၪ့အၪအၪလ့ၬ လၧဂၪ့ခိၪချိၫ့တၭ, ၥၪထၪ့ 18ဒဲအၪထၪ့လၧဂၪ့ခိၪချိၫ့နီၪဆံၭ.- တၭစနိအၫစဲၪ့လၩ့ ခွံၬဝ့ၫ, ဒဲအဖိၪခွၫၥံၪ, ဒဲအမၫ, ဒဲအဖိၪခွၫလဖၪအမၫၥံၪ 19လၧအၥိၭလီၫ.- ကယဲဆၧဖိၪဆၧဎါ, ကယဲဆၧစွၩဆၧ ဂဲၩ, ဒဲကယဲထိၪၥံၪလံၪၥံၪ, ဒဲကယဲဆၧအစွၩလၧဂၪ့ ခိၪချိၫ့လမံၩ့လါလါ, ဘဲၫအဒီၪ့ဒၪဝ့ၫအၥိၭနီၪ, စဲၪ့လၩ့ ခွံၬဝ့ၫလၧတလၫဖၭဒိၪ အဖၧၩ့လီၫ.
စနိအၫလုထၪ့ဆၧလမံၩ့.
20တၭစနိအၫမၩဆၧလုအလး လၧယဟိဝၩအဂးတၭ, မၩန့ကယဲဆၧဖိၪဆၧဎါလၧအဆံၫ့, ဒဲကယဲထိၪၥံၪ လံၪၥံၪ လၧအဆံၫ့လဖၪအကျၩ လမံၩ့လါလါနီၪ, လု 21ထၪ့ဆၧလုမ့ၪလၧဆၧလုလး အဖၫ့ခိၪနီၪလီၫ.- ယဟိ ဝၩနၧၫ့ထၪ့ဆၧနၧၫ့မၧၫ့တၭ, ယဟိဝၩစံၭလၧအၥၭခံ ဖၧၩ့,ၦၡၩအၥၭကိၪ့ထၪ့ဆၧအၧၩ့ လၧအၥၭဘၪ့လံၩ လံၩလါနၫ့တၭ, ယလဆိၪအၧၩ့လၧၩ့ဘၪ ဂၪ့ခိၪလၧၦ ၡၩအကၠီၩ့တၭ, ယလကျီၪ့လၧၩ့ဘၪ ကယဲဆၧအၥၭ 22မၧၫ့ဘဲၫယမၩဝဲၩယူၭ အၥိၭနီၪလီၫ.- ဂၪ့ခိၪအမုနံၩ လၧအအီၪဒံၭအဘိၩ့ဘၭ ထီးအလူၬနီၪ, ဎွံၪဆၧအခၫ, ဒဲကူၭဆၧအခၫ, ဒဲဆၧဂီးအခၫ, ဒဲဆၧခိအခၫ, ဒဲဆၧ ယီၩအခၫ, ဒဲနံၩ ဒဲနၩ, လထုၬဘၪလီၫ.
Currently Selected:
ၥ မိ 8: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
