ၥ မိ 48
48
48
စယၫကူၭဆိၪဂ့ၩစအံဖြံၫ့ ဒဲစမနၭစ့ၫ.
1တၭဆၧလဖၪနီၪ အလးခဲၫ့ဆၧမၩအၥၭ လၧၦစံၭ စယိၥၭ, ယိခွါ, နဖါဘၪစူၭဘၪဆၫဝ့ၫလီၫ. တၭအဝ့ၫ 2ဒၪမၩန့အဖိၪခွၫနံၫဂၩ,စမနၭစ့ၫ,ဒဲစအံဖံၫ့လီၫ.- ၦလီၩ ဘၪစယၫကူၭတၭ, စံၭဝ့ၫဒၪ,ယိခွါ, နဖိၪခွၫစယိၥၭဂဲၫ လၧနအီၪလီၫ. တၭစအံၫစရ့လၭ မၩဆီၪ့ထၪ့အၥၭ တၭ,ဂဲထုၪ့ဆၧၫ့နၩ့ဝ့ၫ လၧအလးမံၫ အဖၫ့ခိၪလီၫ. 3တၭစယၫကူၭစံၭစယိၥၭ, ယွၩလၧအၥ့ၪဆၧလူၬနဲၪဖျီၪ ထၪ့အၥၭ လၧယမ့ၬယၫ ထီးလုဇၭအီၪလၧခးကၫန 4အၫ့အဖၧၩ့နီၪတၭ ဆိၪဂ့ၩယၧၩ,- တၭစံၭယၧၩ, ယိ ခွါ,ယမိဒုၭၥၪထၪ့နၧၩ ဒဲမၩအၪထၪ့နၧၩတၭ, ယမိဒုၭ ကဲၪထၪ့နၧၩ လၧၦဆၨၩလဒီၪ့တၭ, ယမိဖ့ၪလၫ့ခးလ ဘံၪ့ယီၩ, လၧနချံၫနၥၪလၧနလးခဲၫ့နီၪ လၧဆၧဖီၪ့ထၬ 5အဂးအဆိၩအကၠၪလီၫ.- တၭဘိၩ့နဲၪ့ယီၩ, နဖိၪခွၫနံၫ ဂၩ,စအံဖံၫဒဲစမနၭစ့ၫ, လၧဆၧအီၪဖျဲၪန့လၧနဂးလၧ ခးအံဇံၭအဖၧၩ့, လၧယလချႃၭဂဲၫဒံၭဘၪ လၧနအီၪ လၧအံဇံၭအဖၧၩ့နီၪ, မွဲယဆၧလီၫ. ဘဲၫစရုဘံၫ့ဒဲစစံ မအၧၫ့အၥိၭနီၪ, အဝ့ၫၥံၪ မိကဲၪထၪ့ လၧယဂးလီၫ. 6နဖိၪနလံၩ လၧနထၪ့ဖိၪ လၧခဲၫ့လဖၪနီၪ, မိကဲၪထၪ့န ဆၧဒၪနဝ့ၫတၭ, လၧအန့ၥၫဆၧနီၪဆၧမိကိၭဝ့ၫလၧအ 7ထၧၫ့ဖုဝဲအမံၩ့လီၫ.- တၭဆၧလၧယၧၩယီၩ, လၧယဂဲၫ ထဲၩ့လၧပၫဒၫ့နီၪ, နးရၫခ့လၭၥံၫဝ့ၫလၧယနဲၩ့ထံၭလၧ ခးကၫနအၫ့ထီးဖၧၩ့ၥၭယဲၩ့လၧအ့ဖၭဖိၭဖၫ့ထၩ့လ့ၩ တၭ,ယခုၪ့လၩ့ဘၧၩ့ခွံၬဝ့ၫ လၧအ့ဖၭအဖၧၩ့ၥၭနီၪ လီၫ.အဝ့ၫနီၪ မွဲဘ့ၭၥလံဟံၫ့လီၫ.
8စအံၫစရ့လၭဒၪဘၪစယိၥၭအဖိၪခွၫၥံၪတၭ, စံၭဝ့ၫ 9ဒၪ,ၦလဖၪယီၩ, မွဲပလၫလဖၪလဲၪ.- တၭစယိၥၭစံၭ အဖါ, မွဲယဖိၪခွၫလၧယွၩဖ့ၪလၫ့ယၧၩ ထီးယီၩလီၫ. အဝ့ၫနီၪစံၭ ဂဲၫဆိၬလါအဝ့ၫၥံၪလၧယအီၪဆံၭ. တၭ 10ယမိဆိၪဂ့ၩအဝ့ၫၥံၪလီၫ.- တၭစအံၫစရ့လၭအမ့ၬခံၭ ယူၭလၧအၥၭၡါယူၭအကၠီၩ့တၭ, ဒၪဆၧၥ့ၪအ့ၬ, ဆၧ ၥုၭဘူၭအဝ့ၫၥံၪလၧအအီၪတၭ, အဝ့ၫဒၪအဲၪဂါဝ့ၫဒဲဖိၭ 11ဝ့ၫလီၫ.- တၭစအံၫစရ့လၭစံၭစယိၥၭ, ယဆီၫ့မီၪ့လၧ ယမိဒၪဘၪနမ့ၬအ့ၬး တၭယိခွါ, ယွၩဒုၭဒၪဘၪယၧၩ 12လၧနချံၫနၥၪဆ့လီၫ.- စယိၥၭမၩန့ခွံၬ အဝ့ၫၥံၪလၧအ 13ကံၪထါဆူၭတၭ, ထွံၩလၩ့ဝ့ၫလီၫ.- တၭစယိၥၭမၩန့ အဝ့ၫၥံၪနံၫဂၩလူၬ, စအံဖံၫ့လၧအစူၪထွ့ၪလခီၫ လၧ စအံၫစရ့လၭအစူၪစ့ၪတၭ, စမနၭစ့ၫလၧအစူၪစ့ၪလ ခီၫလၧစအံၫစရ့လၭ အစူၪထွ့ၪတၭ, ၥုၭဘူၭအဝ့ၫၥံၪ လၧအအီၪလီၫ.
14စအံၫစရ့လၭယူၬထၪ့အစူၪထွ့ၪတၭ, အီၪက့ၪဝ့ၫလၧ စအံဖံၫ့အခိၪ လၧအမွဲၦအဆံၭ, ဒဲအစူၪစ့ၪလၧစမနၭ စ့ၫအခိၪလီၫ. ဒုၭကိၪ့ဘၪကိၪ့ၥ့ၪအစူၪလီၫ. အဂဲးဘဲၫ 15ယီၩစမနၭစ့ၫမွဲအဝဲၡါလီၫ.- အဝ့ၫဆိၪဂ့ၩစယိၥၭတၭ, စံၭဝ့ၫဒၪ, ယွၩလၧယဖါလဖၪ စအၫဘြဟၫ့, ဒဲစအံ စၭလ့ၩဆၧလၧအမ့ၬယၫ, ယွၩလၧအယိထဲၩ့ခွါထဲၩ့ 16ယၧၩ,လၧယကဲၪထၪ့လံၩလံၩ ထီးမုလနံၩယီၩ,- ဆၧ အၥီၫ့လၧအဎွ့ၩထဲၩ့ယၧၩ, လၧကယဲဆၧၡၪ့ဆၧနၭ အဖၧၩ့နီၪ, မွဲအဆိၪဂ့ၩဖိၪၥၪလဖၪယီၩဆံၭ. တၭမွဲ ဆၧကိၭထဲၩ့ယမံၩ့ လၧအဝ့ၫၥံၪ, ဒဲယဖါလဖၪစအၫ ဘြဟၫ့, ဒဲစအံစၭအမံၩ့တၭး မွဲအအၪထၪ့ဂီထၪ့အၪ 17အၪလ့ၬလၧဂၪ့ခိၪချိၫ့ဆံၭ.- စယိၥၭဒၪဘၪဝ့ၫလၧအဖါ အီၪက့ၪအစူၪထွ့ၪလၧစအံဖြံၫ့အဖၫ့ခိၪတၭဒၪဘၪအ မ့ၬအ့ၬ.တၭဖီၪ့အဖါအစူၪ ဘဲၫၥိၭအမိၥုၭခွံၬဝ့ၫလၧ 18စအံဖံၫ့အခိၪထီၩ့လၧစမနၭစ့ၫအခိၪလီၫ.- တၭစယိၥၭ စံၭအဖါ, မွဲဘဲၫနီၪအ့ၬ, ယဖါဧ့, အဂဲးဘဲၫယီၩအဝ့ၫ လဂၩယီၩ, မွဲအဝဲၡါလီၫ. အီၪက့ၪလၩ့နစူၪထွ့ၪလၧ 19အလီၩ့ဆံၭ.- အဖါမၩအ့ၬတၭ, စံၭဝ့ၫဒၪ, ယၥ့ၪယၫ ယဖိၪခွၫဧ့, ယၥ့ၪယၫလီၫ. အဝ့ၫဒၪ, မိကဲၪထၪ့ၦလ ဆၨၩဆ့တၭ, အဝ့ၫဒၪမိဒိၪထၪ့ဆ့လီၫ. မွဲလါနၫ့အဖု မိဒိၪထၪ့ဒိၪနဲၪ့ဒံၭအဝ့ၫဒၪဒံၭတၭ, အချံၫအၥၪမိကဲၪ 20ထၪ့ၦအဆၨၩလဖၪအလၧၫ့အဎွ့ၩလီၫ.- ဆၧလၧမုလ နံၩနီၪ အဝ့ၫဒၪဆိၪဂ့ၩအဝ့ၫၥံၪတၭ, စံၭဝ့ၫဒၪ, ၦအံၫ စရ့လၭဖိၪမိဆိၪဂ့ၩနၧၩတၭ, မိစံၭဝ့ၫ, မွဲယွၩအီၪက့ၪ နၧၩဘဲၫစအံဖံၫ့ ဒဲဘဲၫစမနၭစ့ၫအၥိၭနီၪဆံၭ. တၭမွဲ အအီၪက့ၪစအံဖၫ့လၧစမနၭစ့ၫ အမ့ၬယၫလီၫ.
21စအံၫစရ့လၭစံၭစယိၥၭ, ယိခွါ, ယၥံၫယဝ့ၫလီၫ. မွဲလါနၫ့တၭ, ယွၩမိအီၪလၧနၥိၭတၭ, မိဒုၭထဲၩ့ထဲၩ့ 22နၧၩလၧနဖါလဖၪအခးဖၧၩ့လီၫ.- တၭယဝ့ၫဒၪယီၩ, ယဖ့ၪယူၭနၧၩ ဆၧလၧနဂးလမံၩ့လၧနထၧၫ့ဖုဝဲၥံၪအ ဖၫ့ခိၪ,လၧယမၩန့ထၪ့ လၧၦအၫမိၫဖိၪအစူၪဖၧၩ့လၧ ယနၭဒဲယချံၪနီၪလီၫ.
Currently Selected:
ၥ မိ 48: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
