ၥ မိ 35

ယွၩဆိၪဂ့ၩစယၫကူၭထီးဘ့ၫၥလၭ.

1ယွၩစံၭစယၫကူၭ, ဂဲထုၪ့လ့ၩလၧဘ့ၫၥလၭတၭ, အီၪထီးနီၪ မၩထၪ့ဆၧလုအလးလၧယွၩ, လၧအမၩ ဖျီၪထၪ့အၥၭ လၧနမ့ၬယၫလၧနစဲၪ့ထၪ့ လၧနဝဲစအံစီၫ 2အမ့ၬယၫလဂၩအဂးနီၪဆံၭ.- တၭစယၫကူၭစံၭအဂံၪ့ ဖိၪလဖၪ ဒဲကယဲၦအီၪလၧအစူၪဖၧၩ့ ထီးအလူၬလဖၪ နီၪ, ၦလခီၫဘၩ့လခီၫမုးဖိၪ အယွၩလဖၪ လၧအအီၪ လၧနၥံၪအကျၩနီၪ, ခွံၬၡိၭခွံၬအဝ့ၫၥံၪဆံၭ. မၩဆံၫ့နၥံၪ 3အၥၭတၭ, လုထၪ့နၥံၪအၥၭဆံၭ.- ဂဲထုၪ့တၭလ့ၩထၪ့ ၡီၩ့လၧဘ့ၫၥလၭဆံၭ. တၭယမိမၩထၪ့ ဆၧလုအလး ထီးနီၪလၧယွၩ လၧအစံၭဆၧၫ့ယၧၩ ထီးမုလနံၩလၧ ယဘၪဆၧခိဆၧဝီၩ, ဒဲအအီၪ လၧယၥိၭလၧဖၧၩ့ၥၭ 4လၧယဖိၬဝ့ၫအဖၧၩ့နီၪ လဂၩအဂးလီၫ.- တၭအဝ့ၫၥံၪ ဖ့ၪလၫ့စယၫကူၭ လၧကယဲၦလခီၫ ဘၩ့လခီၫမုးဖိၪအ ယွၩလၧအအီၪ လၧအစူၪဖၧၩ့ထီးအလူၬ, ဒဲဆၧခွၩ့ လၩ့ဆဲၩလၧအနါလဖၪနီၪလီၫ. တၭစယၫကူၭအီၪ က့ၪၥူၪဝ့ၫ လၧၥံၪ့ထိၭဖၫလထံၭ လၧအအီၪလၧၡံခံၫ့အ 5နဲၩ့ထံၭအဖၫ့လၬလီၫ.- အဝ့ၫၥံၪစဲၪ့တၭ, ဆၧၥၭမဲၪ ယွၩအီၪဝ့ၫလၧၦဒိၩ့ဖိၪ လၧအအီၪဝၬဖီၩ့ အဝ့ၫၥံၪအ လီၩ့တၭ, လလီၩ့ဆီးဘၪ စယၫကူၭနီၪလီၫ.

6တၭစယၫကူၭဂဲၫထီၩ့ လၧလုဇၭလၧခးကၫနအၫ့အ ဖၧၩ့ (အဝ့ၫနီၪမွဲဘ့ၫၥလၭ) အဝ့ၫဒၪ ဒဲၦအီၪလၧအၥိၭ 7ထီးအလူၬလီၫ.- တၭမၩထၪ့ဆၧလုအလး ထီးနီၪ, ကိၭဆၧအလးနီၪ လၧအ့လၭဘ့ၫၥလၭလီၫ. အဂဲးဘဲၫ ယီၩလၧအစဲၪ့ထၪ့ခွံၬ လၧအဝဲအမ့ၬယၫနီၪ, ယွၩဒုၭ နဲၪအၥၭ လၧအမ့ၬယၫ ထီးနီၪလီၫ.

8နးဒ့ဘိၫရၫၦလၧအယိ နးရဘ့ၭကၫနီၪ, ၥံၫဝ့ၫတၭ, ဘၪဆၧခုၪ့လၩ့ဘၧၩ့ လၧဘ့ၫၥလၭလၧလၬ လၧၥံၪ့ထိၭ ဖၫလထံၭအဖၫ့လၬတၭ, ၦကိၭအမံၩ့ လၧအၭလိၫ့ဘၫ ကူၭလီၫ.

9ထီးစယၫကူၭ ဂဲၫထဲၩ့ထဲၩ့ဝ့ၫ လၧပၫဒၫ့အၫရၫ့နီၪ, ယွၩနဲၪဖျီၪထၪ့ဒီၭအၥၭလဖၧၫ့ လၧအမ့ၬယၫတၭ, ဆိၪ 10ဂ့ၩအဝ့ၫလီၫ.- တၭယွၩစံၭဝ့ၫ, နမံၩ့မွဲစယၫကူၭလီၫ. ဆၧလကိၭလၧၩ့ဘၪနမံၩ့ လၧစယၫကူၭနီၪ, အ့ၪမွဲ အံၫစရ့လၭမွဲနမံၩ့လီၫ. ဆၧကိၭဝ့ၫအမံၩ့ လၧအံၫစရ့ 11လၭလီၫ.- ယွၩစံၭအဝ့ၫ, ဆၧလၧယၧၩယီၩ, ယမွဲ ယွၩလၧအၥ့ၪဆၧလူၬလီၫ. ၥၪထၪ့အၪထၪ့ဆံၭ. ၦလ ဆၨၩဒဲၦအဆၨၩလဖၪ အီၪကီၪ့မိကဲၪထၪ့လၧနၧၩ, ဒဲစ 12ဎွၩလဖၪမိဂဲၫလၩ့ လၧနယးဒံၩ့အဖၧၩ့လီၫ.- တၭခး လၧယဖ့ၪလၫ့ စအၫဘြဟၫ့ ဒဲစအံစၭလဘံၪ့နီၪယမိ ဖ့ၪလၫ့နၧၩ, ဒဲယမိဖ့ၪလၫ့ခးနီၪ လၧနချံၫနၥၪလၧနလး 13ခဲၫ့လီၫ.- တၭယွၩစဲၪ့ထၪ့ခွံၬ လၧအအီၪထီးဆၧအလး 14လၧအချဲၩ့ဆၧလၧအဝ့ၫလီၫ.- တၭစယၫကူၭၥုၪ့လၩ့ ဆၧအထုၪ့လထုၪ့ ထီးအလးလၧအချဲၩ့ဒုၪ့ဝ့ၫ, လိးအ ထုၪ့လထုၪ့လီၫ. တၭမွဲအလူၫလၩ့ ဆၧလုအီၩလၧအ 15ဖၫ့ခိၪ,ဒဲလူၫလၩ့ ၥိၪလၧအဖၫ့ခိၪလီၫ.- တၭဆၧအလး လၧယွၩချဲၩ့ဒုၪ့ဝ့ၫလစီၪ့နီၪ, စယၫကူၭကိၭအမံၩ့လၧ ဘ့ၫၥလၭလီၫ.

နးရၫခ့လၭအဆၧၥံၫ.

16အဝ့ၫၥံၪစဲၪ့ထၪ့ခွံၬ လၧဘ့ၫၥလၭတၭ, လၩ့ဘူၭလၧ ဒိၩ့အ့ဖၭနီၪ, နးရၫခ့လၭအဂူၭဆၫထၪ့တၭ, အဂူၭဆၫ 17အဘိၩ့ဘၭနီၪ, ဘၪဆၧကၪဆၧဂဲၩလီၫ.- တၭဆၧမၩ အၥၭလၧအဂူၭဆၫ ဒဲဆၧကၪဆၧဂဲၩအဘိၩ့ဘၭနီၪ, ၦယိၦဂူၭလဂၩစံၭဝ့ၫ, ထီးအၪ့ယိၪဆၧလဂ့ၩး အဂဲး 18ဘဲၫယီၩအယီၩမွဲဖိၪခွၫလၧနဂးဆ့လီၫ.- တၭဆၧမၩ အၥၭလၧအၥၭစဲၪ့ထၪ့အဘိၩ့ဘၭနီၪ, (အဂဲးဘဲၫယီၩ ၥံၫဝ့ၫ) ကိၭဝ့ၫအမံၩ့လၧဘံၫ့အိနံၫလီၫ. အ့ၪမွဲအဖါလ ဂၩနီၪကိၭအမံၩ့ လၧစဘံၪ့ယမံၫ့လီၫ.

19တၭနးရၫခ့လၭၥံၫဝ့ၫနီၪ, ဘၪဆၧခုၪ့လၩ့ဘၧၩ့ခွံၬ ဝ့ၫလၧအ့ဖၭၥၭအဖၧၩ့ၥၭလီၫ. အဝ့ၫနီၪ မွဲဘ့ၫၥလံၫ 20ဟံၫ့လီၫ.- တၭစယၫကူၭၥုၪ့လၩ့ထုၪ့ လထုၪ့လၧအၥွၪ ခိၪဖၧၩ့လီၫ. အဝ့ၫနီၪ မွဲနးရၫခ့လၭအၥွၪခိၪ ထုၪ့လ ထုၪ့ထီးမုဆၫလနံၩယီၩလီၫ.

21စအံၫစရ့လၭစဲၪ့ထၪ့တၭ, မၩထၪ့အတဲၩလၧမံဂဒၪ 22အံၫဒၧၫလၧယၫလခီၫလီၫ.- ဆၧမၩအၥၭလၧစအံၫစ ရ့လၭအီၪဝ့ၫ လၧခးနီၪအဘိၩ့ဘၭတၭ, စရုဘံၫ့လ့ၩ မံၫဎုၬလၧအဖါ အၥံၪမၫနးဘံ လဟၫတၭ, စအံၫစရ့ လၭနါဂၧၫ့ဝ့ၫလီၫ.

စယၫကူၭအဖိၪခွၫလဖၪ

(ၥ ကွ့ၭ ၂းၥ-၂)

23တၭစယၫကူၭအဖိၪခွၫ အီၪလဆံၫနံၫဂၩလီၫ. နး လံအၫအဖိၪခွၫၥံၪ, စယၫကူၭအဖိၪဝဲၡါ, မွဲစရုဘံၫ့,ဒဲစ စံမအၧၫ့,ဒဲစလံဝဲၫ, ဒဲစယုဒၭ,ဒဲစအံစခၫ, ဒဲစဇ့ၭဘ 24လၧၫ့လီၫ.- တၭနးရၫခ့လၭအဖိၪခွၫၥံၪနီၪ, မွဲစယိၥၭ, 25ဒဲစဘံၪ့ယမံၫ့လီၫ.- တၭနးရၫခ့လၭအဎီးမုၪနးဘံလ 26ဟၫအဖိၪခွၫၥံၪနီၪ, မွဲစဒၫ့ဒဲစနၭၥလဲၫလီၫ.- တၭနးလံ အၫအဎီးမုၪနးဇံလဖၫ အဖိၪခွၫၥံၪနီၪ, မွဲစဂၭဒဲစအၭ ၡၧၫလီၫ. အဝ့ၫၥံၪ, မွဲစယၫကူၭအဖိၪခွၫလဖၪ လၧၦ ဆီၫ့အီၪန့ဝ့ၫလၧအဂး လၧပၫဒၫ့အၫရၫ့အဖၧၩ့နီၪလီၫ.

စအံစၭအဆၧၥံၫ.

27တၭစယၫကူၭဂဲၫလၧအဖါ စအံစၭအအီၪလၧမၫ မရံၫ လၧဒိၩ့ကၧၫယၭအၫဘၫ, အဝ့ၫနီၪ, (မွဲဟံဘြၧၫ့) ထီး 28စအၫဘြဟၫ့, ဒဲစအံစၭအီၪမွံၩအလးလီၫ.- တၭစအံ 29စၭအမုနံၩလဖၪနီၪ မွဲအနံၪ့လယၩဎိၭဆံၫလီၫ.- တၭ စအံစၭအၥၭလူၬတၭ, ၥံၫဝ့ၫနီၪး ဆၧအီၪက့ၪကီၪ့အ ဝ့ၫဒၪလၧအဆၨၩဒၪဝ့ၫလီၫ. အၥၭၡါဆ့ဒဲအနံၩအၥၫ့ ဎွ့ၩထၪ့ဝ့ၫတၭး အဖိၪခွၫစအံစီၫ ဒဲစယၫကူၭၥံၪ ခုၪ့ လၩ့ဘၧၩ့ခွံၬဝ့ၫလီၫ.

Currently Selected:

ၥ မိ 35: pwokyn2

Highlight

Copy