၂ မိ 12
12
12
ဘိၪ့လ့ၩဖၬ.
1ယဟိဝၩချဲၩ့ဒုၪ့စမိစ့ၭ ဒဲစအၫရၧၫ့ လၧခးအံဇံၭအ 2ဖၧၩ့တၭ, စံၭဝ့ၫဒၪ,- လၩလဘံၪ့ယီၩ, မိကဲၪထၪ့လၩလ ဖၪအခိၪ, မွဲလၧနံၪ့အဖၧၩ့ လၩအခၪ့ထံၭ လၧနၥံၪအဂး လီၫ.
3ချဲၩ့ထၪ့နၥံၪ လၧၦအံၫစရ့လၭဖိၪ အဆၧအီၪကီၪ့ထီး အလူၬတၭ, စံၭ, လၩလဘံၪ့ယီၩ ထၪ့ဆံၫနံၩလနံၩနီၪ ၦဘၪအၪ့မၩန့ဝ့ၫ လၧၥိၪဒဲဘ့ၪအကျၩ အဖိၪလၧအဂး, လဂၩအဖိၪလဒုၩ, လဂၩအဖိၪလဒုၩ, ဘဲၫအဖါအဂံၪ့ 4အၥိၭ, အဖိၪလဒုၩလၧဂံၪ့လဖျိၪ့အဂးနီၪလီၫ.- တၭၦ ဂံၪ့ဖိၪအ့ၪၡၩ လၧဆၧဖိၪလဒုၩအဂးတၭ, မွဲအဝ့ၫဒၪ ဒဲၦလၧအအီၪဘူၭ လၧအဂံၪ့နီၪ မၩန့ဝ့ၫဘဲၫၦၡၩအၥၭ အဆၧဝံအီၪဝ့ၫ အၥိၭနီၪဆံၭး နၥံၪဘၪဝံထၪ့နၬထၪ့ၦ ၡၩ ဘဲၫအနိၭအၪ့ဆၧအၥိၭ လၧဆၧအဖိၪအဂး ကိၭ 5ဂၩဒ့ၭလီၫ.- နၥံၪအဆၧဖိၪလဒုၩ ဘၪလၧၫ့ထၪ့ဎွ့ၩထၪ့, အဖၫလနံၪ့အဖိၪလီၫ. လၧၥိၪလဖၪအကျၩမွဲဂ့ၩ, လၧ 6ဘ့ၪလဖၪအကျၩမွဲဂ့ၩ, နၥံၪဘၪမၩန့ဝ့ၫလီၫ.- တၭန ၥံၪဘၪအီၪက့ၪခိၭထၬဝ့ၫ ထီၩ့လၧလၩထၪ့ လဆံၫလံ နံၩလနံၩ လၧလၩလဘံၪ့ဎးနီၪလီၫ. တၭၦအံၫစရ့လၭ အဆၧအီၪကီၪ့ထီးအလူၬနီၪ မိဘၪမၩၥံၫဝ့ၫ လၧမုဂၪ လၩ့နံၫဆၫ့အဘိၩ့ဆၧၩ့နီၪလီၫ.
7တၭအဝ့ၫၥံၪမိဘၪမၩန့အၥွံၪနီၪတၭ, အီၪက့ၪဝ့ၫလၧ တရၫ့အထုၪ့လီၩ့နီၪနံၫခီၫ, ဒဲလၧတရၫ့အခိၪထိၭ အ 8လီၩ့,ထီးဂံၪ့လဖၪ လၧအမိအၪ့ဝ့ၫနီၪလီၫ.- တၭဆၧ လၧမုလနၩနီၪ အဝ့ၫၥံၪမိဘၪအၪ့အယၪအၪ့ ကၪလၧ မ့ၪး ဒဲကိၪလအီၪဘၪလၧမံၪတၭ, မိဘၪအၪ့ဝ့ၫ လၧ 9ဆၧအခၪလီၫ.- ထီးအၪ့ၥံၫ့လဂ့ၩ, အၪ့ဎွံလၧထံၫလ ဂ့ၩးအၪ့ကၪလၧမ့ၪ, အခိၪ, ဒဲအခၪ့လဖၪ, ဒဲဆၧအီၪ 10လၧအအီၩ့ဖၧၩ့နီၪဆံၭ.- တၭထီးဒုၭအီၪလၩ့ထးထီး ဆၧဖၩ့ထၪ့နးဆံၭလဂ့ၩး တၭဆၧလၧအအီၪလၩ့ထး 11ထီၩ့လၧမုဂီၩနီၪ, နၥံၪဘၪဆူၭထၪ့ခွံၬ လၧမ့ၪလီၫ.- တၭ နၥံၪဘၪအၪ့ဝ့ၫဘဲၫယီၩ, လၧနၥံၪအယးဒံၩ့ ခဲးထူၬအ ၥၭ,နၥံၪအခၪ့ဖံၭအီၪ လၧနၥံၪအခၪ့လီၩ့, ဒဲနၥံၪအနိၪ ထိၭဘီၩ့လၧနၥံၪအစူၪဖၧၩ့လီၫ. တၭနၥံၪဘၪအၪ့ဝ့ၫ ချဲၫ့ချဲၫ့လီၫ. မွဲယဟိဝၩအဆၧလ့ၩဖၬလီၫ.
12အဂဲးဘဲၫယီၩ ဆၧလနၩယီၩ, ယမိလ့ၩခၫ့ဂၬခးအံ ဇံၭတၭ, ယမိကျီၪ့ၥံၫခွံၬ ကယဲဆၧအဖိၪဝဲၡါ လၧခး အံဇံၭအဖၧၩ့ လၧၦၡၩထီၩ့လၩ့ လၧဆၧဖိၪဆၧဎါအ ဒိၩ့းဒဲအံဇံၭအယွၩၥံၪ ထီးအလူၬနီၪ, ယမိမၩဝ့ၫလၧ 13ဆၧစ့ၩရၫ့လီၫ. ယဝ့ၫဒၪယီၩယမွဲယဟိဝၩလီၫ.- တၭ ဆၧၥွံၪနီၪမိကဲၪထၪ့ဆၧမၩနဲၪ့ လၧနၥံၪအဂး, ထီးဂံၪ့ အလီၩ့လၧနၥံၪအီၪလၧအဖၧၩ့နီၪ, ယမိဒၪဘၪဆၧၥွံၪ နီၪတၭ,ယမိလ့ၩဖၬနၥံၪ, ထီးယကျီၪ့ခွံၬ ခးအံဇံၭနီၪ, ဆၧၥံၫချဲၫ့ဘၪနၥံၪ လၧဆၧမၩဂၭဂီၩ့နီၪဆ့အ့ၬ.
14တၭဆၧလၧမုလနံၩယီၩ, မိကဲၪထၪ့ဆၧနၪ့ထၪ့ထဲၩ့ လၧနၥံၪအဂး, ဒဲနၥံၪဘၪထီးန့ဝ့ၫ လၧဆၧမၩဘိၪ့ယ ဟိဝၩမိလၩ့လၧနၥံၪ အဆၨၩအဆၬလီၫ. နၥံၪဘၪမၩ ဝ့ၫလၧဆၧမၩဘိၪ့အဂး လၧဆၧအထူၫအရူၫ အဆိၩ ဆိၩအကၠၪကၠၪလီၫ.
ဘိၪ့ကိၪလၧအလအီၪဘၪလၧမံၪ.
15နွ့ၫနံၩနီၪနၥံၪဘၪအၪ့ကိၪလၧ အလအီၪဘၪလၧမံၪနီၪ လီၫ. မုခၪ့ထံၭလနံၩနီၪဒၪလ့ၬ နၥံၪဘၪအီၪက့ၪခွံၬမံၪလၧ နၥံၪအဂံၪ့ဖၧၩ့လီၫ. အဂဲးဘဲၫယီၩ ၦလၧအအၪ့ကိၪအီၪ လၧမံၪလၧမုခၪ့ထံၭထီၩ့ လၧမုနွ့ၫနံၩလနံၩလဂၩဂၩနီၪ, 16မိဘၪဆၧဒၪ့ထ့ၬခွံၬဝ့ၫလၧအံၫစရ့လၭလီၫ.- တၭလၧမု ခၪ့ထံၭနီၪဆၧကိၭကီၪ့ဆံၫ့ဎံၪ, ဒဲလၧမုနွ့ၫနံၩလနံၩနီၪ ဆၧကိၭကီၪ့ဆံၫ့ဎံၪ မိအီၪလၧနၥံၪအဂးလီၫ. ဆၧလဖၪ နီၪအထးဖၧၩ့နၥံၪမၩဘၪဆၧနးမံၩ့အ့ၬ. မၩကယဲဆၧ လၧၦဘၪအၪ့လမံၩ့လီၫ. အ့ၪမွဲဆၧနီၪလမံၩ့ မိဘၪမၩအ 17ၥၭလၧနၥံၪလီၫ.- တၭနၥံၪဘၪထီးန့ဆၧလၧကိၪလအီၪ ဘၪလၧမံၪနီၪလီၫ. အဂဲးဘဲၫယီၩ ဆၧလၧမုလနံၩယီၩ ယဒုၭစဲၪ့ထၪ့ခွံၬနၥံၪ အၥုၭမုလဖၪ လၧခးအံဇံၭအဖၧၩ့တၭ, နၥံၪဘၪထီးန့မုလနံၩယီၩ, လၧနၥံၪအဆၨၩအဆၬ 18လၧဆၧမၪလူၬ အဆိၩအကၠၪလီၫ.- ဆၧလၧအခၪ့ထံၭ နီၪ လၩထၪ့လဆံၫလံနံၩလနံၩ မုဂၪလၩ့နီၪ နၥံၪဘၪ အၪ့ကိၪလအီၪဘၪလၧမံၪ ထီၩ့လၧလၩထၪ့နံၫဆံၫလ 19နံၩလၧမုဂၪလၩ့နီၪလီၫ.- နွ့ၫနံၩအထးဖၧၩ့မံၪနီၪအီၪ ဘၪလၧနၥံၪအဂံၪ့ဖၧၩ့နးဆံၭအ့ၬ. အဂဲးဘဲၫယီၩက ယဲၦလၧအအၪ့ဆၧအီၪ လၧမံၪလဂၩလါလါနီၪ ၦလခီၫ ဘၩ့မုးဖိၪမွဲဂ့ၩ, ၦအီၪဖျဲၪလၧခးဖၧၩ့မွဲဂ့ၩ အဝ့ၫဒၪမိ ဘၪဆၧဒၪ့ထ့ၬခွံၬဝ့ၫ လၧၦအံၫစရ့လၭဖိၪ အဆၧအီၪ 20ကီၪ့နီၪလီၫ.- ဆၧအီၪလၧမံၪနီၪ နၥံၪအၪ့ဘၪနးမံၩ့အ့ၬ. နၥံၪဘၪအၪ့ကိၪလအီၪဘၪလၧမံၪ လၧနၥံၪအီၪအလး ကိၭစီၪ့ဒ့ၭလီၫ.
ဘိၪ့လ့ၩဖၬအဝံခိၪထုၬ.
21တၭစမိစ့ၭကိၭန့ ၦအံၫစရ့လၭဖိၪအၥုၪ့က့ၭ ၥၭၡါ ထီးအလူၬတၭ, စံၭဝ့ၫ, မီၩ့ထၪ့ဒဲအၪ့မၩန့ဆၧ အဖိၪ လၧၥိၪဒဲဘ့ၪအကျၩ ဘဲၫနၥံၪအဂံၪ့ဒီၪ့လဖၪ အၥိၭနီၪ 22တၭ,မၩၥံၫဆၧလ့ၩဖၬဆံၭ.- တၭနၥံၪဘၪမၩန့ဟံစိၭ လထူတၭ, စုၪလၩ့လၧဆၧၥွံၪအကျၩ လၧလိးဖၧၩ့တၭ, ဖူၬဘၪတရၫ့အခိၪ ဒဲအထုၪ့လီၩ့နံၫခီၫ လၧဆၧၥွံၪအီၪ လၧလိၫ့ဖၧၩ့နီၪလီၫ. တၭဆၧလချႃၭဖၩ့ထၪ့ဒံၭဘၪကဲ ဂီၩနီၪ ၦစဲၪ့ထၪ့ခွံၬဘၪ လၧအဂံၪ့ဖၧၩ့ လၧခီၫ့နီၪနးဂၩ 23အ့ၬ.- တၭယဟိဝၩမိလ့ၩဖၬခွံၬ ဆၧဘဲၫၥိၭအမိကျီၪ့ ခွံၬၦအံဇံၭဖိၪတၭ, ထီးအဒၪဆၧၥွံၪ လၧတရၫ့အခိၪ ထိၭလီၩ့ဒဲလၧတရၫ့အထုၪ့နံၫခီၫအလီၩ့နီၪ, ယဟိဝၩ မိလ့ၩဖၬခွံၬတရၫ့နီၪတၭ, ဖ့ၪလၫ့ဆၧမၩဂၭဂီၩ့လ့ၩနုၬ 24လၧနၥံၪအဂံၪ့ဖၧၩ့, ဘဲၫၥိၭအမိကျီၪ့ခွံၬဆၧအ့ၬ.- တၭ နၥံၪဘၪထီးန့ဆၧလမံၩ့နီၪ လၧဆၧအထူၫအရူၫလၧန 25ဂးဒဲလၧနဖိၪနလံၩအဂး အဆိၩအကၠၪလီၫ.- တၭဆၧမိ မၩအၥၭထီးနၥံၪထီၩ့ လၧခးလဘံၪ့ လၧယဟိဝၩဖ့ၪ လၫ့နၥံၪ, ဘဲၫအစံၭဝ့ၫအၥိၭနီၪတၭ, နၥံၪဘၪထီးန့ဆၧ 26လမံၩ့ယီၩလီၫ.- တၭဆၧမိမၩအၥၭထီးနၥံၪအဖိၪအ လံၩစံၭနၥံၪ, ဆၧမၩလမံၩ့ယီၩနၥံၪမၩနီၪ မွဲအဂဲးဘဲၫ 27ၥ့ၪလဲၪ,- တၭနၥံၪဘၪစံၭ, အယီၩ, မွဲယဟိဝၩလ့ၩဖၬ ဆၧအဆၧလုထၪ့လီၫ. ထီးအကျီၪ့ခွံၬ ၦအံဇံၭဖိၪနီၪ, လ့ၩဖၬၦအံၫစရ့လၭဖိၪအဂံၪ့လဖၪ, လၧအံဇံၭအဖၧၩ့ တၭ,မၩဖီၩ့မၩဖျ့ၭ ပဂံၪ့လဖၪလီၫ. တၭၦခမျၧး ၡီၫ့ လၩ့အခိၪတၭ, ဘိၪ့ထၪ့ဘၩထၪ့ဆၧလီၫ.
28ၦအံၫစရ့လၭဖိၪလ့ၩမၩဆၧ ဘဲၫယဟိဝၩ မၪလူၬ စမိစ့ၭဒဲစအၫရၧၫ့အၥိၭနီၪတၭ, မၩဝ့ၫဘဲၫနီၪၥိၭလီၫ.
ဖိၪဝဲၡါလဖၪ အဆၧၥံၫ.
29တၭဆၧ မၩအၥၭ လၧမုနၩဖိၭဖၫ့မုနီၪ ယဟိဝၩ ကျီၪ့ၥံၫခွံၬကယဲၦအဖိၪဝဲၡါ လၧခးအံဇံၭအဖၧၩ့, လၧ ဖၫရိၫလၧအဆၧၫ့နၩ့ လၧအလးဆီၩ့ဆီအဖၫ့ခိၪ အဖိၪ ဝဲၡါ, ထီၩ့လၩ့လၧၦဘၪဆၧဖီၪ့န့ဝ့ၫ, လၧအဘၪဆၧ ဒူၭထၬလၧထီၫ့ဖၧၩ့အဖိၪဝဲၡါ, ဒဲကယဲဆၧဖိၪဆၧဎါ 30အဒိၩ့ အဖိၪဝဲၡါ ထီးအလူၬလီၫ.- တၭဖၫရိၫဂဲထုၪ့ လၧမုနၩလခီၫ, အဝ့ၫဒၪဒဲအခ့ၫအၡၩထီးအလူၬ, ဒဲၦ အံဇံၭဖိၪထီးအလူၬတၭ, ဆၧဂၪ့ကိၭၡၭထၪ့ ဖၭဒိၪ အီၪဝ့ၫလၧခးအံဇံၭအဖၧၩ့လီၫ. အဂဲးဘဲၫယီၩ ဂံၪ့လၧ 31ၦလၥံၫဘၪလၧအဖၧၩ့နီၪ အီၪဝ့ၫနးဖျိၪ့အ့ၬ.- တၭအ ဆၧကိၭထဲၩ့စမိစ့ၭဒဲစအၫရၧၫ့ လၧမုနၩလခီၫတၭ, စံၭ ဝ့ၫဒၪ, ဂဲထုၪ့စဲၪ့ခွံၬလၧယၡၩခမျၧးအကျၩ, နၥံၪဝ့ၫမွဲ ဂ့ၩ, ၦအံၫစရ့လၭဖိၪမွဲဂ့ၩတၭ, လ့ၩမၩယဟိဝၩအ 32ဆၧဘဲၫနၥံၪစံၭယူၭနီၪဆံၭ.- တၭမၩန့နၥံၪအၥိၪ, ဒဲ ဘ့ၪဒဲနၥံၪအချီ ဘဲၫနၥံၪစံၭအၥိၭနီၪတၭ, စဲၪ့ထၪ့ခွံၬ တၭ,ဆိၪဂ့ၩယၧၩဆ့ဆံၭ.
33တၭၦအံဇံၭဖိၪမၩဆီၪ့ၦခမျၧး ဘဲၫၥိၭ အမိဒုၭစဲၪ့ ထၪ့ခွံၬချဲၫ့ချဲၫ့ လၧခးဖၧၩ့နီၪလီၫ. အဂဲးဘဲၫယီၩ အဝ့ၫ 34ၥံၪစံၭ, ပမွဲၦၥံၫထီးအလူၬလီၫ.- တၭၦခမျၧးအၪ့မၩန့ ကိၪအၥံၫ့, လၧအလချႃၭမၩဒံၭဘၪ လၧမံၪနီၪ, ဒဲအဆၧ အီၪလၩ့ထးအီၪဘီၪ့ထၬအၥၭ လၧအဖၬဘဲၩ့အဖၧၩ့ 35လၧအခိၬထံၭခိၪနီၪလီၫ.- ၦအံၫစရ့လၭဖိၪမၩဝ့ၫဘဲၫ စမိစ့ၭ အလူအထၫအၥိၭတၭ, အၪ့ကံၩ့ကယၧၩ့စ့ၩ, 36ကယၧၩ့ထီၫ့ ဒဲအကီၩ့အၥိၭ လၧၦအံဇံၭဖိၪလီၫ.- တၭ ယဟိဝၩဖ့ၪလၫ့ၦခမျၧး လၧဆၧအခိးအတၩ လၧၦ အံဇံၭဖိၪအမ့ၬယၫတၭ, အဝ့ၫၥံၪအၪ့ကံၩ့ဆၧလီၫ. တၭအဝ့ၫၥံၪမၩန့ ၦအံဇံၭဖိၪအဆၧလီၫ.
ၦအံၫစရ လၭဖိၪလဖၪစဲၪ့ထၪ့ခွံၬလၧခးအံဇံၭ.
37တၭၦအံၫစရ့လၭဖိၪ စဲၪ့ထၪ့ခွံၬ လၧဒိၩ့ရမံစံၭ,ထီၩ့ လၧစၧကီၭလီၫ. တၭလၧဖိၪဒံၩဖိၪၥၪ အမ့ၬယၫနီၪ, ၦၡၩန့ၫအခွၫ လၧအလ့ၩဆၧ လၧအခၪ့နီၪ အီၪဝ့ၫဎူၫ 38ကုၬယၫလီၫ.- တၭၦခမျၧးကျီၪမွံၩအၥၭ လ့ၩထၪ့ဆ့ လၧအဝ့ၫၥံၪအၥိၭ, ဒဲၥိၪဒဲဘ့ၪ, ဒဲချီလဖၪ, ဒဲဆၧဖိၪဆၧ 39ဎါအဒိၩ့အၪအၪလ့ၬလီၫ.- တၭအဝ့ၫၥံၪ ၥၪလၩ့ကိၪ အဘံၪ့ လၧအလအီၪဘၪ လၧမံၪကိၪအၥံၫ့ လၧအဂဲၫ ဆိၬဝ့ၫလၧခးအံဇံၭအဖၧၩ့လီၫ. မွဲအဘၪ ဆၧနၫ့ထၪ့ ခွံၬဝ့ၫ လၧအံဇံၭတၭ, အီၪဝ့ၫ လၥ့ၪဘၪနီၪ, တဲၩ့ဝဲၩ ဘၪဆၧအၪ့ လၧအဂးအ့ၬ.
40တၭၦအံၫစရ့လၭဖိၪ အီၪဝ့ၫအဆၧၫ့ အထီလၧအ အီၪ လၧအံဇံၭအဖၧၩ့နီၪ, မွဲအနံၪ့ လံယၩၥၧၫ့ဆံၫ 41လီၫ.- တၭလၧအနံၪ့လံယၩၥၧၫ့ဆံၫအထုၬနီၪ ဆၧမၩ အၥၭလၧမုလနံၩဎးနီၪ ယဟိဝၩ အၥုၭမု ထီးအလူၬ စဲၪ့ထၪ့ခွံၬဝ့ၫ လၧခးအံဇံၭလီၫ.
42မွဲမုနၩဘၪဆဲၫ့ လၧဆၧမိဘၪထီးနဲၪ့ လၧယဟိဝၩ အဂး လၧအဒုၭစဲၪ့ထၪ့ခွံၬ အဝ့ၫၥံၪ လၧခးအံဇံၭ အကၠီၩ့နီၪလီၫ. ဆၧလၧမုလနၩယီၩ, မိဘၪဆၧထီးနဲၪ့ ဝ့ၫလၧယဟိဝၩ အဂးလၧကယဲၦအံၫစရ့လၭ ဖိၪထီၩ့ လၩ့လၧအဆၨၩ အဆၬထီးအလူၬလီၫ.
ဆၧလ့ၩဖၬအထူၫအရူၫအဂဲး.
43တၭယဟိဝၩစံၭစမိစ့ၭဒဲစအၫရၧၫ့း အယီၩ, မွဲဆၧ လ့ၩဖၬအထူၫအရူၫလီၫ. ၦလခီၫဘၩ့မုးဖိၪ အၪ့ဘၪ 44ဝ့ၫအ့ၬ.- တၭကယဲၦအဎီးအၡၩ လၧအဘၪဆၧဎွ့ၩ ဝ့ၫလၧစ့ၩ လဂၩလါလါနီၪ, နကူၭတရံၭထီးအဂီၩ့ 45တၭ, မိအၪ့ဘၪဝ့ၫလီၫ.- အ့ၪမွဲၦမွံၩဒဲၦထိးအၪ့လံၩ့ 46အၥၭအၪ့ ဘၪဆၧနီၪအ့ၬ.- မိဘၪအၪ့ဝ့ၫ လၧဂံၪ့လ ဖျိၪ့ဎးလီၫ. နဘၪဒုၭဆိၬထၪ့ခွံၬ ဆၧယၪလၧဂံၪ့ဖၧၩ့ 47လၧခီၫ့အ့ၬ. ဒဲနၥံၪမၩခါဘၪအဎွံၪအ့ၬ.- ကယဲအံၫ 48စရ့လၭ အဆၧအီၪကီၪ့ဘၪထီးန့ဝ့ၫလီၫ.- တၭထီး ၦလခီၫ ဘၩ့မုးဖိၪ အီၪလၧနၥိၭတၭ, မိဘၪထီးန့ဆၧ လ့ၩဖၬလၧယဟိဝၩအဂးတၭ, အခွၫ လဖၪမွဲအဒိၭ ဆၧကူၭတရံၭကိၭဂၩဒ့ၭဆံၭ. ထီးနီၪလဖၧၫ့ မိဂဲၫဘူၭ ဒၪဝ့ၫဘဲၫၥိၭ အမိထီးန့ဝ့ၫဆံၭ. တၭမိကဲၪထၪ့ဝ့ၫဘဲၫ ၦလၧအအီၪဖျဲၪ လၧခးဖၧၩ့အၥိၭနီၪလီၫ. တၭၦလၧ အလဒိၭဘၪဆၧကူၭတရံၭနီၪ, အၪ့ ဘၪ ဝ့ၫ နး ဂၩ 49အ့ၬ.- ၦလၧအအီၪဖျဲၪဝ့ၫ လၧခးဖၧၩ့, ဒဲၦလခီၫဘၩ့ မုးဖိၪ လၧအအီၪလၧနၥံၪ အကျၩနီၪ မိအီၪ လၧဆၧ ၥနိၫလမံၩ့ဎးလီၫ.
50တၭၦအံၫစရ့လၭဖိၪထီးအလူၬ မၩဝ့ၫဘဲၫယဟိဝၩ မၪလူၬစမိစ့ၭ ဒဲစအၫရၧၫ့အၥိၭနီၪ, မၩဝ့ၫဘဲၫနီၪၥိၭ လီၫ.
51တၭဆၧမၩအၥၭ လၧမုလနံၩဎးနီၪ, ယဟိဝၩဒုၭ စဲၪ့ထၪ့ခွံၬအံၫစရ့လၭဖိၪ လၧအၥုၭမုလဖၪ လၧခးအံ ဇံၭအဖၧၩ့လီၫ.
Currently Selected:
၂ မိ 12: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
