Popular Bible Verses from ၂ မိ 12

Share

အဂဲးဘဲၫယီၩ ဆၧလနၩယီၩ, ယမိလ့ၩခၫ့ဂၬခးအံ ဇံၭတၭ, ယမိကျီၪ့ၥံၫခွံၬ ကယဲဆၧအဖိၪဝဲၡါ လၧခး အံဇံၭအဖၧၩ့ လၧၦၡၩထီၩ့လၩ့ လၧဆၧဖိၪဆၧဎါအ ဒိၩ့းဒဲအံဇံၭအယွၩၥံၪ ထီးအလူၬနီၪ, ယမိမၩဝ့ၫလၧ ဆၧစ့ၩရၫ့လီၫ. ယဝ့ၫဒၪယီၩယမွဲယဟိဝၩလီၫ.- တၭ ဆၧၥွံၪနီၪမိကဲၪထၪ့ဆၧမၩနဲၪ့ လၧနၥံၪအဂး, ထီးဂံၪ့ အလီၩ့လၧနၥံၪအီၪလၧအဖၧၩ့နီၪ, ယမိဒၪဘၪဆၧၥွံၪ နီၪတၭ,ယမိလ့ၩဖၬနၥံၪ, ထီးယကျီၪ့ခွံၬ ခးအံဇံၭနီၪ, ဆၧၥံၫချဲၫ့ဘၪနၥံၪ လၧဆၧမၩဂၭဂီၩ့နီၪဆ့အ့ၬ.

တၭဆၧလၧမုလနံၩယီၩ, မိကဲၪထၪ့ဆၧနၪ့ထၪ့ထဲၩ့ လၧနၥံၪအဂး, ဒဲနၥံၪဘၪထီးန့ဝ့ၫ လၧဆၧမၩဘိၪ့ယ ဟိဝၩမိလၩ့လၧနၥံၪ အဆၨၩအဆၬလီၫ. နၥံၪဘၪမၩ ဝ့ၫလၧဆၧမၩဘိၪ့အဂး လၧဆၧအထူၫအရူၫ အဆိၩ ဆိၩအကၠၪကၠၪလီၫ.

လမံၩ့ယီၩလီၫ.- တၭဆၧမိမၩအၥၭထီးနၥံၪအဖိၪအ လံၩစံၭနၥံၪ, ဆၧမၩလမံၩ့ယီၩနၥံၪမၩနီၪ မွဲအဂဲးဘဲၫ ၥ့ၪလဲၪ,- တၭနၥံၪဘၪစံၭ, အယီၩ, မွဲယဟိဝၩလ့ၩဖၬ ဆၧအဆၧလုထၪ့လီၫ. ထီးအကျီၪ့ခွံၬ ၦအံဇံၭဖိၪနီၪ, လ့ၩဖၬၦအံၫစရ့လၭဖိၪအဂံၪ့လဖၪ, လၧအံဇံၭအဖၧၩ့ တၭ,မၩဖီၩ့မၩဖျ့ၭ ပဂံၪ့လဖၪလီၫ. တၭၦခမျၧး ၡီၫ့ လၩ့အခိၪတၭ, ဘိၪ့ထၪ့ဘၩထၪ့ဆၧလီၫ.