လံာ်စီၤပီလူးကွဲးန့ၢ်ပှၤရိမ့ၤဖိ. ၁၆
၁၆
1ယပာ်ပဒီပုၢ်ဝဲၢ်မုၣ်, လၢအမ့ၢ်တၢ်အိၣ်ဖှိၣ်လၢက့ၣ်ဃ ရ့းအခ့အပှၤ,နီၢ်ဖံဘ့ၤတဂၤ,လၢသုမဲာ်ညါ, 2ဒ်သိးသုက တူၢ်လိာ်အီၤလၢကစၢ်အပူၤ, ဒ်တၢ်အဂ့ၤအဘၣ်လၢပှၤ စီဆှံအသိး, ဒီးဖဲဒၣ်တၢ်မၤစၢၤအီၤအလီၢ်အိၣ်န့ၣ်,ဒ်သိး သုကမၤစၢၤအီၤလီၤ. အဂ့ၢ်ဒ်အံၤ,အဝဲတဂၤအကစၢ်ဒၣ် ဝဲန့ၣ်,မၤစၢၤတ့ၢ်ပှၤအါဂၤ, ဒီးယၤ,ယကစၢ်ဒၣ်ယဲစ့ၢ်ကီး လီၤ.
3ကတိၤဒိၣ်ပှၤမၤဃုာ်တၢ်ဒီးယၤ လၢယ့ၣ်ရှူးခရံာ်အ ပူၤ,နီၢ်ပြံစကံးလၤ, ဒီးစီၤအကူလၤတက့ၢ်. 4အဝဲသ့ၣ်ပာ် လီၤအကိာ်ဒၣ်ဝဲလၢယသးသမူအဂီၢ်လီၤ. ပှၤစံးထီၣ်ပ တြၢၤအဘျုးအဖှိၣ်, ထဲယၤတဂၤဧိၤတမ့ၢ်ဘၣ်,မ့ၢ်ပှၤက လုာ်တဖၣ်အတၢ်အိၣ်ဖှိၣ်ခဲလၢာ်စ့ၢ်ကီးလီၤ. 5ကတိၤ ဒိၣ်တၢ်အိၣ်ဖှိၣ်လၢ အဝဲသ့ၣ်အဟံၣ်ပူၤစ့ၢ်ကီးတက့ၢ်. ကတိၤဒိၣ်ပှၤလၢယအဲၣ်အီၤ, အၤစံအတၤသၣ်ဆိလၢခ ရံာ်အပူၤ,စီၤအ့ပဲန့းတူးတက့ၢ်.
6ကတိၤဒိၣ်ပှၤလၢအမၤတၢ်လၢပဂီၢ်အါမး, နီၢ်မၤရံတ က့ၢ်.
7ကတိၤဒိၣ် ပှၤဘၣ်ဃုာ်ဃိာ်ပူၤ ဒီးယၤလၢအဒီဘူးဒီ တံၢ်ဒီးယၤ, စီၤအၤဒြနံကူးဒီးယူၤနံတက့ၢ်.အဝဲသ့ၣ်အိၣ် ဒီးအလၤကပီၤလၢ ပှၤတၢ်မၢဖိတဖၣ်အမဲာ်ညါဒီးအိၣ် ဆိန့ၢ်ယၤလၢခရံာ်အပူၤလီၤ.
8ကတိၤဒိၣ်ပှၤလၢယအဲၣ်အီၤလၢကစၢ်အပူၤ, စီၤအၣ် ပျံတက့ၢ်.
9ကတိၤဒိၣ် ပှၤလၢအမၤဃုာ်တၢ်ဒီးပှၤလၢခရံာ်အပူၤ, စီၤအူၢ်ဘါနူးဒီးပှၤလၢယအဲၣ်အီၤ, စီၤစတါဃူၣ်တက့ၢ်.
10ကတိၤဒိၣ် ပှၤလၢတၢ်မၤကွၢ်တ့ၢ်အီၤလၢခရံာ်အပူၤ, စီၤအၤပ့းလ့ၣ်တက့ၢ်. ကတိၤဒိၣ်ပှၤလၢအဘၣ်ဃးဒီးစီၤ အရံးစတီးဘူလူးတဖၣ်တက့ၢ်.
11ကတိၤ ဒိၣ်စီၤဟ့ၤရဒံ, လၢအဒီဘူးဒီတံၢ်ဒီးယၤတ က့ၢ်.ကတိၤဒိၣ် ပှၤအိၣ်လၢကစၢ်အပူၤ, လၢအဘၣ်ဃးဒီး စီၤနၢ်ကံစူးတဖၣ်တက့ၢ်.
12ကတိၤဒိၣ် ပှၤလၢအမၤတၢ်လၢကစၢ်အပူၤ,နီၢ်တြူဖဲၤ နၤဒီးနီၢ်တြူဖိၤစၤတက့ၢ်.ကတိၤဒိၣ် ပှၤလၢတၢ်အဲၣ်အီၤလၢ အမၤတၢ်အါလၢ ကစၢ်အပူၤ,နီၢ်ပ့ၢ်စံတက့ၢ်.
13ကတိၤဒိၣ် ပှၤဘၣ်တၢ်ဃုထၢအီၤလၢကစၢ်အပူၤ,စီၤ ရူဖူးဒီးအမိၢ်ဒီးယမိၢ်စ့ၢ်ကီးတက့ၢ်.
14ကတိၤဒိၣ် စီၤအစူၣ်ကြံတူး, စီၤဖျ့ကီၣ်, စီၤဟ့ၣ်မၤ, စီၤပၤတြီးဘၤ, စီၤဟ့ၣ်မ့ၣ်,ဒီးဒီပုၢ်ဝဲၢ်အိၣ်ဒီးအီၤသ့ၣ်တ ဖၣ်တက့ၢ်.
15ကတိၤဒိၣ် စီၤဖံၤလလီးကူး,ယူၤလံ,နၤရ့း,ဒီးအဝဲဒၣ် အဒီပုၢ်ဝဲၢ်မုၣ်တဂၤဒီးစီၤအီးလူၣ်ပၤ, ဒီးပှၤစီဆှံခဲလၢာ် လၢအအိၣ်ဒီးအီၤတက့ၢ်.
16ကတိၤဒိၣ်လိာ်သုသးလၢတၢ်နၢမူစီဆှံတက့ၢ်. ခရံာ် အတၢ်အိၣ်ဖှိၣ်ခဲလၢာ်ကတိၤဒိၣ်သုလီၤ.
17ဒီပုၢ်ဝဲၢ်သ့ၣ်ဧၢ, ယဃ့ကညးသုဒ်သိးသုကတိၢ်နီၣ်ပှၤ လၢအမၤတၢ်လီၤမုၢ်လီၤဖး, ဒီးပာ်တၢ်လီၤကမၣ်အလီၢ် ထီဒါတၢ်သိၣ်တၢ်သီလၢသုမၤလိအီၤန့ၣ်, ဒီးဟးဆှဲးအီၤ တက့ၢ်. 18အဂ့ၢ်ဒ်အံၤ, ပှၤဒ်န့ၣ်သိးတဖၣ်မၤပကစၢ်ယ့ၣ် ရှူးခရံာ်အတၢ်တမ့ၢ်ဘၣ်, မ့ၢ်အဟၢဖၢဒၣ်ဝဲအတၢ်လီၤ. ဒီးလီန့ၢ်ပှၤလၢအသးဂ့ၤတဖၣ်, လၢတၢ်ကတိၤဂ့ၤဒီးတၢ် စံးထီၣ်ပတြၢၤလီၤ. 19အဂ့ၢ်ဒ်အံၤ,သုစူၢ်တၢ်န့ၣ်ဟူထီသါလီၤလၢပှၤခဲလၢာ်အကျါလီၤ. မၤသးဒ်န့ၣ်ဒီး,ယသူၣ်ခု ယသးခုလၢသုဃိလီၤ. ဘၣ်ဆၣ်ဒီးယသးအိၣ်လၢသု ကူၣ်တၢ်ကသ့လၢတၢ်ဂ့ၤအဂီၢ်, ဒီးသုသးတဖးဘၣ်လၢ တၢ်အၢအဂီၢ်လီၤ. 20ဒီးတၢ်ဃူတၢ်ဖိးအကစၢ်န့ၣ်,ကမၤ သဘှံးမုၣ်ကီၤလံၢ်လၢသုခီၣ်အဖီလာ်ချ့သဒံးလီၤ. ပက စၢ်ယ့ၣ်ရှူးခရံာ်အဘျုးအဖှိၣ်မ်အအိၣ်ဒီးသုတက့ၢ်.
21ပှၤမၤဃုာ်တၢ်ဒီးယၤစီၤတံၤမသ့း, ဒီးပှၤဒီဘူးဒီတံၢ်ဒီး ယၤ,စီၤလူကံၤ,ဒီးစီၤယါစီၣ်, ဒီးစီၤစီးပၤတြူးသ့ၣ်တဖၣ် ကတိၤဒိၣ်သုလီၤ.
22ပှၤလၢအကွဲးလံာ်အံၤ, ယၤ,စီၤတ့ၢ်တံၤ,ကတိၤဒိၣ်သု လၢကစၢ်အပူၤလီၤ.
23ပှၤလၢအတူၢ်လိာ် လုၢ်အီၣ်ယၤဒီး တူၢ်လိာ်တၢ်အိၣ် ဖှိၣ်ဒီဖုညါ,စီၤကါယူးတဂၤကတိၤဒိၣ်သုလီၤ.ပှၤကွၢ်ဝ့ၢ်အစ့, စီၤအ့ရၤစတူး,ဒီးဒီပုၢ်ဝဲၢ်စီၤကူအၢ်တူး ကတိၤဒိၣ်သုလီၤ.
24ပကစၢ်ယ့ၣ်ရှူးခရံာ်အဘျုးအဖှိၣ်န့ၣ်, မ်အအိၣ်ဒီးသု ခဲလၢာ်တက့ၢ်.အၤမ့ၣ်. 25ဒီးပှၤလၢအမၤဂၢၢ်မၤကျၢၤသု သ့, ဒ်ယတၢ်သးခုအကစီၣ်ဒီးယ့ၣ်ရှူးခရံာ်အတၢ်စံၣ် တဲၤတဲလီၤအသိးန့ၣ်, ဒ်တၢ်လီၣ်ဖျါတၢ်ခူသူၣ်လၢအ အိၣ်ဘံၣ်ဝဲအစိၤအဃၣ်လၢပျၢၤ, 26ဘၣ်ဆၣ်ဒီး,အိၣ်ဖျါ ထီၣ်ခဲကနံၣ်အံၤ, ဒီးလၢဝံတဖၣ်အတၢ်ကွဲးအဃိ,ဒီးဒ် ယွၤအထူအယိာ်အတၢ်မၤလိာ်အသိး, ဘၣ်တၢ်ဒုးသ့ၣ် ညါအီၤလၢပှၤကိးကလုာ်ဒဲး, လၢတၢ်ဒိကနၣ်ဘၣ်ဃး ဒီးတၢ်နာ်အဂီၢ်အသိး, 27ယွၤတဂၤဃီလၢအကူၣ်တၢ်သ့ န့ၣ်,မ်အဘၣ်တၢ်လၤကပီၤလၢယ့ၣ်ရှူးခရံာ်အဃိ,အစိၤ စိၤအဃၣ်ဃၣ်တက့ၢ်.အၤမ့ၣ်.
Currently Selected:
လံာ်စီၤပီလူးကွဲးန့ၢ်ပှၤရိမ့ၤဖိ. ၁၆: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.