လံာ်တၢ်လီၣ်ဖျါလၢစီၤယိၤဟၣ်. ၁၉
၁၉
1တၢ်တဖၣ်န့ၣ်အလီၢ်ခံဒီး, ယနၢ်ဟူပှၤအါဂၤအက လုၢ်သီၣ်ဖးဒိၣ်လၢမူခိၣ်, ဒီးစံးဝဲဒၣ်,စံးထီၣ်ပတြၢၤယွၤ တက့ၢ်. မ်တၢ်အုၣ်က့ၤခီၣ်က့ၤ,ဒီးတၢ်လၤတၢ်ကပီၤ,ဒီး တၢ်စိတၢ်ကမီၤတဖၣ်န့ၣ်,အိၣ်ဒီးပကစၢ်တက့ၢ်. 2အဂ့ၢ် ဒ်အံၤ,အတၢ်စံၣ်ညီၣ်တဖၣ်န့ၣ်, မ့ၢ်အမ့ၢ်အတီ,ဒီးအတီ အလိၤလီၤ. အဂ့ၢ်ဒ်အံၤ, စံၣ်ညီၣ်ဃဲသဲမုၣ်ဖးဒိၣ်လၢအ မၤဘၣ်အၢလီၤပှၤဟီၣ်ခိၣ်ဖိလၢ အတၢ်ကမၣ်မုၣ်ကမၣ် ခွါ, ဒီးမၤဆၢက့ၤအခ့အပှၤအသွံၣ်ဂၢ်လီၤအသးလၢအ စုပူၤလီၤ. 3ဒီးစံးကဒီးဝဲတကူၢ်သ့ၣ်,စံးထီၣ်ပတြၢၤယွၤ တက့ၢ်.ဒီးအခုၣ်ထီၣ်ဝဲအစိၤစိၤအဃၣ်ဃၣ်လီၤ.
4ဒီးပှၤသူၣ်က့သးပှၢ်ခံဆံလွံၢ်ဂၤ, ဒီးတၢ်အသးလွံၢ်ဒု တီၤလီၤကဒွံကျိာ်, ဒီးဘူၣ်ထီၣ်ဘါထီၣ်ယွၤလၢအဆ့ၣ် နီၤလၢလီၢ်ပစိာ်အဖီခိၣ်, ဒီးစံးဝဲဒၣ်, အၤမ့ၣ်,စံးထီၣ်ပ တြၢၤယွၤတက့ၢ်.
5ဒီးတၢ်ကလုၢ်သီၣ်ထီၣ်လၢလီၢ်ပစိာ်အပူၤန့ၣ်စံးဝဲဒၣ်, ယွၤအခ့အပှၤခဲလၢာ်, ဒီးပှၤလၢအပျံၤအီၤ,ဒီးဒိၣ်ဒီးဆံး သ့ၣ်ဧၢ,သးဝံၣ်သးဆၢအီၤတက့ၢ်.
6ဒီးယနၢ်ဟူတၢ်ကလုၢ်သီၣ်, ဒ်ပှၤဂီၢ်မုၢ်ဖးဒိၣ်အသီၣ် အသိး,ဒီးဒ်ထံအါသီၣ်အသိး, ဒီးဒ်လီသီၣ်ဆူၣ်အသိး, ဒီးစံးဝဲဒၣ်,စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ,ယွၤပ ကစၢ်လၢအသ့တၢ်လၢာ်,ပၢဘၣ်တၢ်လီၤ. 7သူၣ်ခုသးခု ဒီးသူၣ်ဖှံသးညီ,ဒီးဟ့ၣ်တၢ်လၤကပီၤလၢအီၤတက့ၢ်.အ ဂ့ၢ်ဒ်အံၤ,သိဖိအတလးမူးအမူးဘၣ်ဝဲ, ဒီးအမါကတဲာ် ကတီၤအသးလီၤ. 8ဒီးတၢ်ဒုးကူဒုးသိးအီၤဒီးတၢ်ဝါက ဆှီဒီးကတြ့ၣ်ကတြိၣ်လီၤ. အဂ့ၢ်ဒ်အံၤ, တၢ်ဝါန့ၣ်မ့ၢ် ပှၤစီဆှံအတၢ်တီတၢ်လိၤလီၤ.
9ဒီးစံးဘၣ်ယၤ,ကွဲး,ပှၤလၢတၢ်ကိးန့ၢ်အီၤဆူသိဖိအမူး ပူၤန့ၣ်, ဘၣ်ဆိၣ်ဂ့ၤဝဲလီၤ.ဒီးစံးဘၣ်ယၤ,တၢ်ကတိၤတ ဖၣ်အံၤ, မ့ၢ်ယွၤအကလုၢ်အမ့ၢ်အတီလီၤ. 10ဒီးဒ်သိးယ ကဘါထီၣ်အီၤဒီး, ယတီၤလီၤလၢအခီၣ်ထံးလီၤ. ဒီးစံး ဘၣ်ယၤ,ပလီၢ်နသးဒ်သိးနသုတမၤတဂ့ၤ.ယမ့ၢ်ကုၢ်သ ကိးကုၢ်ဒီးနၤ, ဒီးအိၣ်လၢနဒီပုၢ်ဝဲၢ်အကျါလၢအအိၣ်ဒီး ယ့ၣ်ရှူးအတၢ်အုၣ်အသးတဖၣ်လီၤ. ဘါထီၣ်ယွၤတ က့ၢ်.အဂ့ၢ်ဒ်အံၤ, ယ့ၣ်ရှူးအတၢ်အုၣ်အသးမ့ၢ်ကတိၤတၢ် လၢဝံအကျိာ်အသးလီၤ.
11ဒီးယထံၣ်မူခိၣ်အိးထီၣ်အသး, ဒီးကွၢ်ကွၢ်,ကသ့ၣ်ဝါ ဒီးပှၤဆ့ၣ်နီၤလၢအလိၤတဂၤ, ကိးဝဲအမံၤလၢပှၤအက လုၢ်တီ,ဒီးပှၤအမ့ၢ်အတီလီၤ. ဒီးစံၣ်ညီၣ်တၢ်,ဒီးဒုးတၢ် လၢတၢ်တီတၢ်လိၤအပူၤလီၤ. 12ဒီးအမဲာ်သၣ်ကိၣ်မၤအ သးဒ်မ့ၣ်အူလၣ်အသိး, ဒီးခိၣ်သလုးဖိအါဖျၢၣ်အိၣ်လၢ အခိၣ်, ဒီးအမံၤကွဲးအသးလၢပှၤတသ့ၣ်ညါဘၣ်နီတ ဂၤဘၣ်,သ့ၣ်ညါထဲအကစၢ်ဒၣ်ဝဲဧိၤလီၤ. 13ဒီးကူသိးဝဲဒီး အဆ့ဘျၢအသးလၢတၢ်သွံၣ်အပူၤ, ဒီးအမံၤဘၣ်ကိးဝဲ လၢယွၤအကလုၢ်အကထါလီၤ. 14ဒီးမူခိၣ်အသုးမုၢ်သံၣ် ဘိကူသိးဝဲဒီးတၢ်ဝါကဆှီန့ၣ်,ပိာ်ထီၣ်အခံ,လၢကသ့ၣ် ဝါတဖၣ်အလိၤလီၤ. 15ဒီးနးလၢအကနၣ်အ့ၣ်တၢ်တ ဘ့ၣ်,ဟဲထီၣ်လၢအကိာ်ပူၤ,ဒ်သိးအကကျီပှၤအကလုာ် ကလုာ်လၢအီၤ, ဒီးကကွၢ်ပှၤအကလုာ်ကလုာ်ဒီးနီၣ် ထိးဘိထး, ဒီးကယီၢ်ဝဲလၢယွၤလၢအသ့တၢ်လၢာ်အ သူၣ်ဒိၣ်သးထီၣ် အကျိးစပံးထံအလီၢ်လီၤ. 16ဒီးအမံၤ ကွဲးအသးလၢအကူအသိး,ဒီးအကံၣ်ဒုၣ်လိၤ, စီၤပၤတ ဖၣ်အစီၤပၤ,ဒီးကစၢ်တဖၣ်အကစၢ်လီၤ.
17ဒီးယထံၣ်ကလူးတဂၤဆၢထၢၣ်လၢမုၢ်အပူၤ, ဒီးကိး ပသူထီၣ်လၢအကလုၢ်ဖးဒိၣ်, ဒီးစံးဘၣ်ထိၣ်ဧိၤလံၣ်ဧိၤ လၢအယူၤဝဲလၢတၢ်ဖးဖီခဲလၢာ်, ဟဲက့ၤအိၣ်ဖှိၣ်ရိဖှိၣ် ဆူကစၢ်ဖးဒိၣ်အတၢ်အီၣ်အပူၤ, 18ဒ်သိးသုကအီၣ်စီၤပၤ အညၣ်, ဒီးပှၤသုးဖိတကထိအခိၣ်အညၣ်,ဒီးပှၤလၢအ ဂံၢ်ဆူၣ်ဘါဆူၣ်အညၣ်, ဒီးကသ့ၣ်အညၣ်,ဒီးပှၤဆ့ၣ်နီၤ လၢအလိၤအညၣ်, ဒီးကယဲၢ်ပှၤခဲလၢာ်အညၣ်,သဘျ့ဖိ ဒီးကုၢ်ဖိဒီးဒိၣ်ဒီးဆံးန့ၣ်တက့ၢ်.
19ဒီးယထံၣ်တၢ်ဒူတၢ်ဃိၤ, ဒီးဟီၣ်ခိၣ်အစီၤပၤတဖၣ်, ဒီးအသုးဖိသ့ၣ်တဖၣ်အိၣ်ဖှိၣ်ရိဖှိၣ်, ဒ်သိးအကဒုးတၢ် ဒီးပှၤလၢအဆ့ၣ်နီၤလၢ ကသ့ၣ်အလိၤဒီးအသုးဖိန့ၣ် လီၤ. 20ဒီးတၢ်ဖီၣ်ဃာ်တၢ်ဒူတၢ်ဃိၤ,ဒီးဝံအဘျၣ်အိၣ်ဒီး အီၤလၢအမၤတၢ်ပနီၣ်လီၤလးလၢအမဲာ်ညါ, ဒီးလီပှၤ အိၣ်ဒီးတၢ်ဒူတၢ်ဃိၤအတၢ်ပနီၣ်လၢအလိၤ, ဒီးဘါအ တၢ်ဂီၤတဖၣ်လီၤ. အဝဲခံဂၤဘၣ်တၢ်တ့ၢ်လီၤကွံာ်အီၤ မူဒံးဝဲ,ဆူနိၣ်မ့ၣ်အူဒီးကးအီၣ်ကွံာ်တၢ်အပူၤလီၤ. 21ဒီးပှၤ အိၣ်လီၤတဲာ်တဖၣ်ဘၣ်သံလၢနး,လၢအဟဲထီၣ်လၢပှၤ လၢအဆ့ၣ်နီၤလၢကသ့ၣ်အလိၤအထးခိၣ်, ဒီးထိၣ်ဧိၤ လံၣ်ဧိၤခဲလၢာ်,အီၣ်ဘျဲးအီၣ်အသးလၢအညၣ်လီၤ.
Currently Selected:
လံာ်တၢ်လီၣ်ဖျါလၢစီၤယိၤဟၣ်. ၁၉: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.