စံးထီၣ်ပတြၢၤ. ၆၇
၆၇
ထါ, တၢ်သးဝံၣ်လၢတၢ်အခိၣ်အဂီၢ်လၢနီၣ်ဒ့တၢ်.
1ဒ်သိးပှၤဟီၣ်ခိၣ်ဖိ ကသ့ၣ်ညါနကျဲနကပူၤ, ဒ်သိး ပှၤကညီကိးအကလုာ်ဒဲးကသ့ၣ်ညါ နတၢ်အုၣ်က့ၤ ခီၣ်က့ၤဒီး, မ်ယွၤသးကညီၤပှၤဒီး ဆိၣ်ဂ့ၤပှၤတက့ၢ်,
2မ်အဒုးကပီၤထီၣ်ဘၣ်ပှၤလၢအမဲာ်တက့ၢ်.
3ယွၤဧၢ, မ်ပှၤဂီၢ်မုၢ်စံးထီၣ်ပတြၢၤနၤတက့ၢ်. မ်ပှၤခဲ လၢာ်စံးထီၣ်ပတြၢၤနၤတက့ၢ်.
4မ်ပှၤဂီၢ်မုၢ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံ သးညီတက့ၢ်. အဂ့ၢ်ဒ်အံၤ, နဲဒၣ်အံၤ နကစံၣ်ညီၣ် တီပှၤဂီၢ်မုၢ်, ဒီးနသးကအိၣ်ပှၤဂီၢ်မုၢ်လၢဟီၣ်ခိၣ်ချၢ လီၤ. စ့လၤ.
5ယွၤဧၢ, မ်ပှၤဂီၢ်မုၢ်စံးထီၣ်ပတြၢၤနၤတက့ၢ်. မ်ပှၤခဲ လၢာ်စံးထီၣ်ပတြၢၤနၤတက့ၢ်.
6ဟီၣ်ခိၣ်ဟ့ၣ်ထီၣ်လံအတၢ်အါထီၣ်, ဒီးယွၤပကစၢ် ကဆိၣ်ဂ့ၤပှၤလီၤ. 7ယွၤကဆိၣ်ဂ့ၤပှၤ, ဒီးပှၤဟီၣ်ခိၣ် ဖိကပျံၤယွၤပၢၢ်လၢ ဟီၣ်ခိၣ်အကတၢၢ်တဖၣ်န့ၣ်လီၤ.
Currently Selected:
စံးထီၣ်ပတြၢၤ. ၆၇: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.