စံးထီၣ်ပတြၢၤ. ၆၆
၆၆
ထါ, တၢ်သးဝံၣ်လၢတၢ်အခိၣ်အဂီၢ်.
1ကိးထီၣ်ယွၤလၢ သုတၢ်သူၣ်ခုသးခုတက့ၢ်, ဟီၣ် ခိၣ်ဖိခဲလၢာ်သ့ၣ်ဧၢ. 2သးဝံၣ်ထီၣ်အမံၤအလၤအက ပီၤ, ပာ်အလၤကပီၤအတၢ်စံးထီၣ်ပတြၢၤန့ၣ်တက့ၢ်.
3စံးလၢယွၤ, နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံး ဒိၣ်လဲၣ်. လၢနစိဒိၣ်ကမီၤထီအဃိန့ၣ် နဒုၣ်နဒါတ ဖၣ်ကပာ်ဆီၣ်လီၤအသးလၢနၤလီၤ. 4ပှၤဟီၣ်ခိၣ်ဖိက ဘူၣ်ထီၣ်ကဘါထီၣ်နၤကိးဂၤဒဲး, ဒီးကသးဝံၣ်ထီၣ် နမံၤလီၤ. စ့လၤ.
5ဟဲ, ကွၢ်ယွၤအမၤတၢ်တဖၣ်န့ၣ်တက့ၢ်. အမၤတၢ် အိၣ်ဝဲဒီးတၢ်ပျံၤတၢ်ဖုးအလီၢ်လၢ ပှၤကညီဖိအဂီၢ် လီၤ. 6မၢပီၣ်လဲၣ်ကဲထီၣ်ခိ, ပှၤခီဂာ်ထံကျိလၢအ ခီၣ်လီၤ. 7ဖဲန့ၣ်ပသူၣ်ခုသးခုလၢအပူၤလီၤ. ပၢတၢ် အစိၤစိၤအဃၣ်ဃၣ်လၢ အစိအကမီၤလီၤ. အမဲာ် ကွၢ်ထံပှၤကလုာ်တဖၣ်လီၤ. မ်ပှၤပူထီၣ်တၢ်ဖိအသု တပာ်ထီၣ်ထီအသးတဂ့ၤ. စ့လၤ.
8ပှၤဂီၢ်မုၢ်သ့ၣ်ဧၢ, စံးထီၣ်ပတြၢၤပကစၢ်, ဒီးဒုးနၢ်ဟူ အတၢ်စံးထီၣ်ပတြၢၤအသီၣ်တက့ၢ်. 9ဟံးဃာ်ပသး လၢတၢ်မူအပူၤ, ဒီးတဟ့ၣ်ပခီၣ်ဟူးဝးဘၣ်. 10အဂ့ၢ် ဒ်အံၤ, နမၤကွၢ်လံပှၤလံ, ယွၤဧၢ, နမၤပှံၢ်လံပှၤဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ. 11နဒုးလဲၤနုာ်ပှၤလၢ ပှာ်ဧိၤစၤဧိၤအပူၤ, နပာ်တၢ်နးတၢ်ဖှီၣ်လၢပယီၢ်ဒ့အ လိၤ, 12နဒုးဒိးပှၤလၢပခိၣ်အဖီခိၣ်လီၤ. ပလဲၤဖျိမ့ၣ် အူဒီးထံလီၤ. ဘၣ်ဆၣ်ဒီး နဒုးဟဲထီၣ်ပှၤဆူတၢ်အါ အလီၢ်န့ၣ်လီၤ.
13ယကဟဲဆူနဟံၣ်ပူၤဒီး တၢ်လုၢ်မ့ၣ်အူ, ဒီးယက မၤဘူၣ်နၤလၢ တၢ်ဘၣ်ဃးဒီးယဆိၣ်တၢ်, 14လၢအ ထီၣ်ဖျဲးလၢယပျုၤပူၤ, ဒီးယထးခိၣ်ကတိၤတၢ်ဖဲယ ဘၣ်တၢ်ကိၢ်တၢ်ဂီၤလီၤ. 15ယကလုၢ်နၤလၢတၢ်လုၢ် မ့ၣ်အူလၢတၢ်ဘီၣ်တၢ်ညီအကျါ, ဒီးတၢ်ဆိၣ်ကဲၤနၢမူ ဘၣ်ဃးဒီးသိဖါတဖၣ်, ယကလုၢ်ဂီၤဖံး, ဒီးမဲာ်တဲး လဲးလီၤ. စ့လၤ.
16ဟဲကနၣ်တက့ၢ်, ပှၤလၢအပျံၤယွၤခဲလၢာ်သ့ၣ်ဧၢ, ဒီးယကစံၣ်တဲၤတဲလီၤတၢ်လၢအမၤဝဲလၢယသးအဂီၢ် လီၤ. 17ယကိးထီၣ်ဆူအအိၣ်လၢယထးခိၣ်, ဒီးယ ကစံးထီၣ်ပတြၢၤအီၤလၢယပျ့ၤလီၤ.
18ယမ့ၢ်ပးကဲတၢ်အၢလၢယသးကံၢ်ပူၤဒီး, ယွၤတက နၣ်ဘၣ်ယၤဘၣ်. 19မ့မ့ၢ်ယွၤကနၣ်လံဝဲလံ, ဒိကနၣ် လံယတၢ်ထုကဖၣ်အကလုၢ်လံ.
20ယွၤလၢအတဃၣ်ဒူၣ်ချၢအသးလၢယတၢ်ထုကဖၣ်, လၢအတဟံးက့ၤအဘျုးအဖှိၣ်လၢယၤဘၣ်တဂၤန့ၣ်မ် အဘၣ်တၢ်စံးထီၣ်ပတြၢၤတက့ၢ်.
Currently Selected:
စံးထီၣ်ပတြၢၤ. ၆၆: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.