စံးထီၣ်ပတြၢၤ. ၅၉
၅၉
လၢစီၤစီလူးမၢလီၤပှၤကွၢ်အဟံၣ်ဒ်သိးအကမၤသံအီၤန့ၣ်, စီၤဒၤဝံးအတၢ်ကွဲးယိာ်လၢတၢ်အခိၣ်အဂီၢ်,လၢမၤဟးဂီၤတဂ့ၤန့ၣ်. 1မၤပူၤမၤဖျဲးယၤလၢ ယဒုၣ်ယဒါတက့ၢ်. ယကစၢ် ဧၢ. ပာ်ထီၣ်ထီယၤလၢပှၤလၢအဂဲၤဆၢထၢၣ်ထီဒါ ယၤအဖီခိၣ်န့ၣ်တက့ၢ်. 2မၤပူၤမၤဖျဲးယၤလၢ ပှၤမၤ တၢ်အၢ, ဒီးအုၣ်က့ၤခီၣ်က့ၤယၤလၢ တၢ်သွံၣ်အပှၤ ကညီတက့ၢ်. 3အဂ့ၢ်ဒ်အံၤ, ကွၢ်ကွၢ်, ခိးခူသူၣ်ဝဲ လၢယသးအဂီၢ်လီၤ. ပှၤအဂံၢ်ဆူၣ်အဘါဆူၣ်တဖၣ် အိၣ်ဖှိၣ်ထီဒါယၤလီၤ. တမ့ၢ်ဘၣ်လၢ ယတၢ်ကမၣ် အဃိဘၣ်, တမ့ၢ်ဘၣ်လၢ ယတၢ်ဒဲးဘးအဃိဘၣ်,-
4ယတၢ်အၢတအိၣ်ဘၣ်ဒီး, ဃ့ၢ်ဝဲဒီးကတဲာ်ကတီၤအ သးလီၤ. ဖုသံနီၣ်ထီၣ်, ဒီးဟဲသဂၢၢ်ယၤ, ဒီးကွၢ်တၢ် တက့ၢ်. 5ဒီးနဲဒၣ်ယွၤ, တၢ်သုးမုၢ်ဂီၢ်မုၢ်အကစၢ်, အံၣ်စရ့လးအကစၢ်ဧၢ, ဖုသံနီၣ်ဒီးအိၣ်သကိးပှၤက လုာ်ခဲလၢာ်တက့ၢ်. ဟ့ၣ်ဘျုးဟ့ၣ်ဖှိၣ်လၢတၢ်အၢအ ပှၤလီတၢ်ဖိနီတဂၤတဂ့ၤ. စ့လၤ.
6ဟဲက့ၤကဒါက့ၤဝဲလၢမုၢ်ဟါ, ဒီးမီၤတၢ်ဒ်ထွံၣ်အ သိး,ဒီးလဲၤတရံးဝ့ၢ်န့ၣ်လီၤ. 7ကွၢ်ကွၢ်, ကလံၤထီၣ် လၢအထးခိၣ်, နးဧိၤဘီဧိၤအိၣ်လၢအပျုၤပူၤလီၤ. အ ဂ့ၢ်ဒ်အံၤ, မ့ၢ်မတၤနၢ်ဟူတဂၤလဲၣ်.
8ဒီးနဲဒၣ်ယွၤဧၢ, နကနံၤဘၣ်အီၤလီၤ. ဒီးနကမၤတ ရီတပါပှၤကလုာ်ခဲလၢာ်လီၤ. 9ယဂံၢ်ယဘါဧၢ, ယ ကအိၣ်ခိးနၤလီၤ. အဂ့ၢ်ဒ်အံၤ, ယွၤမ့ၢ်ယတၢးထီၣ်ထီ လီၤ. 10တၢ်ဘျုးတၢ်ဖှိၣ်အကစၢ်ကလဲၤဘျီယၤလီၤ.ယွၤ ကဒုးထံၣ်ယၤလၢယတၢ်အဲၣ်ဒိးလၢ ယဒုၣ်ယဒါတ ဖၣ်အလိၤန့ၣ်လီၤ.
11မၤသံအီၤတဂ့ၤ, ယပှၤဂီၢ်မုၢ် ကသးပ့ၤနီၣ်ဘၣ်ဖုး လီၤ. ဒုးဟးဝ့ၤဝီၤအီၤလၢနစိနကမီၤ, ဒီးဆီၣ်လီၤအီၤ တက့ၢ်,ပကတီၤတဘ့ၣ်ကစၢ်ဧၢ. 12အထးခိၣ်အတၢ် ဒဲးဘးန့ၣ် မ့ၢ်အပျုၤအတၢ်ကတိၤလီၤ. မ်အဘၣ်တၢ် ဖီၣ်န့ၢ်အီၤလၢအပာ်အသးထီၣ်ထီအဃိ, ဒီးလၢအ ဆိၣ်တၢ်အဃိ, ဒီးလၢအကတိၤတၢ်ကဘျံးကဘျၣ် အဃိန့ၣ်တက့ၢ်. 13မၤလၢာ်အီၤလၢတၢ်သးထီၣ်, မၤ လၢာ်အီၤဒ်သိးအသုတအိၣ်လၢၤတဂ့ၤ, ဒီးဒ်သိးပှၤက သ့ၣ်ညါလၢယွၤပၢတၢ်လၢယၤကိာ်အပူၤ ပၢၢ်လၢဟီၣ် ခိၣ်အကတၢၢ်တဖၣ်န့ၣ်လီၤ. စ့လၤ.
14ဒီးလၢမုၢ်ဟါန့ၣ် ဟဲက့ၤကဒါက့ၤ, မီၤဝဲဒ်ထွံၣ်အ သိးဒီးလဲၤတရံးဝ့ၢ်န့ၣ်လီၤ. 15ကလဲၤဝ့ၤဝီၤဃုအီၣ်တၢ်. ဒီးမ့ၢ်တဘျဲးအီၣ်ဘၣ်ဒီး, ကအိၣ်သီတနၤကျၢၤလီၤ. 16မ့မ့ၢ်ယဲဒၣ်အံၤ ယကသးဝံၣ်ထီၣ်နစိနကမီၤ, ဒီးယကစံးထီၣ်ပတြၢၤနဘျုးနဖှိၣ် လၢမုၢ်ဆ့ၣ်ထီၣ်န့ၣ်လီၤ.အဂ့ၢ်ဒ်အံၤ, လၢမုၢ်တနံၤလၢယဘၣ်ကိၢ်ဘၣ်ဂီၤန့ၣ် နမ့ၢ်ယလ့တဖျၢၣ်န့ၣ်, ဒီးယတၢ်ပူၤဖျဲးအလီၢ်လီၤ.
17ယဂံၢ်ယဘါဧၢ.ယကသးဝံၣ်ထီၣ်နၤလီၤ. အဂ့ၢ်ဒ်အံၤ, ယွၤမ့ၢ်ယလ့တဖျၢၣ်, ယဘျုးယဖှိၣ်အကစၢ်လီၤ.
Currently Selected:
စံးထီၣ်ပတြၢၤ. ၅၉: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.