လံာ်တၢ်သးခုကစီၣ်လၢခရံာ်အဂ့ၢ်. ၆
၆
1ပလီၢ်သုသးဒ်သိးသုသုတမၤ သုတၢ်တီတၢ်လိၤလၢ ပှၤကညီအမဲာ်ညါလၢ အကထံၣ်ဘၣ်အီၤအဂ့ၢ်တဂ့ၤ. မ့တမ့ၢ်ဘၣ်ဒီး, သုဘျုးတအိၣ်ဘၣ်ဒီး သုပၢ်အိၣ်လၢ မူခိၣ်ဘၣ်. 2မၤသးဒ်န့ၣ်ဒီးတုၤနဟ့ၣ်သးကညီၤ တၢ် ဒီး, သုတအူကွဲၤလၢနမဲာ်ညါ, ဒ်ပှၤလီတၢ်မၤဝဲလၢ ဘူၣ်ဘျီၣ်ပူၤ, ဒီးလၢကျဲပူၤ, ဒ်သိးပှၤကစံးထီၣ်ပတြၢၤ အီၤအသိးန့ၣ်တဂ့ၤ. ယစံးဘၣ် တဲဘၣ်သုတီတိီအံၤ, အဝဲသ့ၣ်တဖၣ်န့ၣ်န့ၢ်ဘၣ်အဘျုးလီၤ.
3မ့မ့ၢ်နဲဒၣ်အံၤ တုၤနဟ့ၣ်သးကညီၤတၢ်ဒီး, တၢ်လၢ နစုထွဲမၤန့ၣ်, ဒုးသ့ၣ်ညါနစုုစ့ၣ်တဂ့ၤ. 4ဒ်သိးနဟ့ၣ်သး ကညီၤတၢ်ကအိၣ်ခူသူၣ်လီၤ. ဒီးနပၢ်လၢအထံၣ်တၢ် လၢတၢ်ခူသူၣ်န့ၣ် ကဟ့ၣ်လီၤတၢ်လၢနၤလီၤ.
5ဒီးတုၤသုဘါထုကဖၣ်တၢ်ဒီး, သုတအိၣ်ဒ်ပှၤလီတၢ် အသိးန့ၣ်တဂ့ၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်အဲၣ် ဒိးဆၢထၢၣ်ဘါထုကဖၣ်တၢ်လၢဘူၣ်ဘျီၣ်ပူၤ, ဒီးလၢ ကျဲမုၢ်ဖးဒ့အခီၣ်ထံး, ဒ်သိးအကအိၣ်ဖျါ လၢပှၤကညီ အမဲာ်ညါလီၤ.ယစံးဘၣ်တဲဘၣ်သုတီတီအံၤ, အဝဲသ့ၣ် တဖၣ်န့ၣ် န့ၢ်ဘၣ်အဘျုးလီၤ.
6မ့မ့ၢ်နဲဒၣ်အံၤတုၤနဘါထုကဖၣ်တၢ်ဒီး, လဲၤနုာ်လၢ နဒၢးပူၤ, ဒီးကးတံာ်ဃာ်နတြဲၤ, ဒီးဘါထုကဖၣ်တၢ် လၢနပၢ်လၢအအိၣ်လၢ တၢ်ခူသူၣ်န့ၣ်တက့ၢ်. ဒီးန ပၢ်လၢအထံၣ်တၢ်လၢတၢ်ခူသူၣ်န့ၣ် ကဟ့ၣ်လီၤတၢ် လၢနၤလီၤ.
7ဒိီးတုၤသုဘါထုကဖၣ်တၢ်န့ၣ် သုတစံးဝံၤစံးက့ၤစံး ဝံၤစံးက့ၤကလီကလီတၢ်, ဒ်ပှၤကလုာ်တဖၣ် အသိး န့ၣ်တဂ့ၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်ဆိကမိၣ် ဝဲလၢအကတိၤတၢ်အါအဃိ, တၢ်ကဒိကနၣ်အီၤလီၤ.
8မၤသးဒ်န့ၣ်ဒီးလီၤဂာ်ဒီးအီၤတဂ့ၤ. အဂ့ၢ်ဒ်အံၤ, သု တချုးဃ့ဒံးဘၣ်ဒီး, တၢ်လၢသုန့ၢ်ဘၣ်အီၤအလီၢ်အိၣ် တဖၣ်န့ၣ် သုပၢ်သ့ၣ်ညါဝဲလီၤ.
9မၤသးဒ်န့ၣ်ဒီးဘါထုကဖၣ်တၢ်ဒ်အံၤ, အိၣ်လၢမူခိၣ် ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်. နဘီ နမုၢ်န့ၣ်မ်အဟဲတက့ၢ်. 10ဒ်လၢမူခိၣ်အသိးန့ၣ် မ်တၢ်မၤ အသးလၢဟီၣ်ခိၣ်ချၢစ့ၢ်ကီး ဖဲဒၣ်နသးတက့ၢ်. 11ကိၣ် လၢတနံၤအဂီၢ်တနံၤအဂီၢ်န့ၣ် ဟ့ၣ်လီၤလၢ်ပှၤလၢမုၢ် မဆါတနံၤအံၤတက့ၢ်. 12ပျၢ်လၢ်ပကမၢ်ဒ်ပပျၢ်ကွံာ်ပှၤ ဂၤအကမၢ်အိၣ်ဒီးပှၤအသိးန့ၣ်တက့ၢ်. 13သုတဒုးလဲၤ နုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ကွံာ်ပှၤ လၢတၢ်အၢတၢ်သီအပူၤတက့ၢ်.#အဂ့ၢ်ဒ်အံၤ, ဘီဧိၤ မုၢ်ဧိၤ, ဒီးတၢ်စိတၢ်ကမီၤ, ဒီးတၢ်လၤတၢ်ကပီၤန့ၣ် မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်.
14အဂ့ၢ်ဒ်အံၤ, သုမ့ၢ်ပျၢ်ကွံာ်ပှၤကညီအလီၤ ကမၣ် တၢ်ဒီး, သုပၢ်အိၣ်လၢမူခိၣ်န့ၣ် ကပျၢ်ကွံာ်စ့ၢ်ကီး သုလီၤကမၣ်တၢ်လီၤ. 15ဒီးသုမ့ၢ်တပျၢ်ကွံာ်ဘၣ် ပှၤက ညီအလီၤကမၣ်တၢ်ဒိီး, သုပၢ်တပျၢ်ကွံာ်စ့ၢ်ကီးသုလီၤ ကမၣ်တၢ်ဘၣ်.
16ဒီးတုၤသုဒုၣ်တၢ်အီၣ်တၢ်အီဒီး, သုတမၤသုမဲာ်အုၣ် သပှီၤဒ်ပှၤလီတၢ်အသိးန့ၣ်တဂ့ၤ. အဂ့ၢ်ဒ်အံၤ, အဝဲ သ့ၣ်တဖၣ်န့ၣ်ဒ်သိးအဒုၣ်တၢ်အီၣ်တၢ်အီန့ၣ် ကအိၣ် ဖျါလၢပှၤကညီအမဲာ်ညါဒီး, မၤအုၣ်သပှီၤအမဲာ်လီၤ. ယစံးဘၣ်တဲဘၣ်သုတီတီအံၤ, အဝဲသ့ၣ်တဖၣ်န့ၣ် န့ၢ်ဘၣ်အဘျုးလီၤ.
17မ့မ့ၢ်နဲဒၣ်အံၤတုၤနဒုၣ်တၢ်အီၣ်တၢ်အီဒီိး, ဒ်သိးနဒုၣ် တၢ်အီၣ်တၢ်အီန့ၣ် သုတအိၣ်ဖျါလၢပှၤကညီအမဲာ်ညါ တဂ့ၤ, ဒီးဒ်သိးအကအိၣ်ဖျါလၢ နပၢ်အိၣ်လၢတၢ်ခူ သူၣ်အမဲာ်ညါဒီး, သုၣ်နခိၣ်, ဒီးပျၢ်နမဲာ် တက့ၢ်. 18ဒီးနပၢ်လၢအထံၣ်တၢ်လၢ တၢ်ခူသူၣ်န့ၣ် ကဟ့ၣ်နတၢ်လီၤ.
19သုတပာ်ဖှိၣ်သုတၢ်လုၢ်ဒိၣ်ပှ့ၤဒိၣ်လၢ ဟီၣ်ခိၣ်ချၢဖဲ အလီၢ်လၢတၢ်အဃၢ်, ဒီးတၢ်ထီၣ်အ့ၣ်မၤဟးဂီၤတၢ်, ဒီးဖဲတၢ်ဘျၣ်ဘၢၣ်ဖျိတၢ်, ဒီးဟုၣ်န့ၢ်တၢ်န့ၣ်တဂ့ၤ.-
20မ့မ့ၢ်ပာ်ဖှိၣ်သုတၢ်လုၢ်ဒိၣ်ပှ့ၤဒိၣ်လၢ မူခိၣ်ဖဲတၢ်အဃၢ် မ့ၢ်ဂ့ၤ, တၢ်ထီၣ်အ့ၣ်မ့ၢ်ဂ့ၤ, တမၤဟးဂီၤဘၣ်တၢ်ဘၣ်, ဒီးဖဲတၢ်ဘျၣ်တဘၢၣ်ဖျိဘၣ်, ဒီးတဟုၣ်န့ၢ်ဘၣ်တၢ် န့ၣ်တက့ၢ်. 21အဂ့ၢ်ဒ်အံၤ, ဖဲသုတၢ်လုၢ်ဒိၣ်ပှ့ၤဒိၣ်အိၣ်ဝဲ အလီၢ်န့ၣ် သုသးကအိၣ်ဖဲန့ၣ်စ့ၢ်ကီးလီၤ.
22ပနီၢ်ခိအမ့ၣ်အူဒၢမံၤမ့ၢ်ပမဲာ်လီၤ. မၤသးဒ်န့ၣ်ဒီး နမဲာ်မ့ၢ်ဆးဒီး, နနီၢ်ခိကအိၣ်ဒီးတၢ်ကပီၤဒီဂၤညါလီၤ.-
23မ့မ့ၢ်နမဲာ်မ့ၢ်ယုာ်ဒီး, နနီၢ်ခိကအိၣ်ဒီးတၢ်ခံးဒီဂၤညါလီၤ. မၤသးဒ်န့ၣ်ဒီးတၢ်ကပီၤအိၣ်လၢနပူၤမ့တမ့ၢ်တၢ်ခံးဒီး, တၢ်လၢတၢ်ခံးန့ၣ်ဆံးဒိၣ်လဲၣ်.
24ကစၢ်ခံဂၤအတၢ်မၤန့ၣ်ပှၤမၤတသ့ဘၣ်နီတဂၤဘၣ်. အဂ့ၢ်ဒ်အံၤ, ကသးဟ့အဝဲတဂၤဒီး ကအဲၣ်အဝဲတဂၤ လီၤ. မ့တမ့ၢ်ဘၣ်ဒီးကဘျုးအသးလၢအဝဲတဂၤ, ဒီး ကမၤတရီတပါအဝဲတဂၤလီၤ. ယွၤအတၢ်မၤ, ဒီးမၤ မိၣ်အတၢ်မၤန့ၣ် သုမၤတသ့ဘၣ်.
25မၤသးဒ်န့ၣ်ဒီးယစံးဘၣ်သု, မ့ၢ်သုကအီၣ်ဘၣ်ဒ်လဲၣ်, မ့ၢ်သုကအီဘၣ်ဒ်လဲၣ်န့ၣ်, သုတဘၣ်ယိၣ်လၢသုသး သမူအဂီိၢ်တဂ့ၤ.မ့ၢ်သုကကူဘၣ်သိးဘၣ်ဒ်လဲၣ်ဒ်လဲၣ် န့ၣ်သုတဘၣ်ယိာ်လၢ သုနီၢ်ခိအဂီၢ်တဂ့ၤ, ပသးသမူ အံၤဂ့ၤန့ၢ်တၢ်အီၣ်တၢ်အီ, ဒီးပနီၢ်ခိအံၤဂ့ၤန့ၢ် တၢ်ကူ တၢ်သိး, တမ့ၢ်ဘၣ်ဧါ.
26ကွၢ်ထိၣ်ဖိလံၣ်ဖိလၢတၢ်ဖးဖီန့ၣ်တက့ၢ်.အဂ့ၢ်ဒ်အံၤ, တဖှံတၢ်ဘၣ်, တကူဘၣ်တၢ်ဘၣ်, တဂၢ်ဖှိၣ်တၢ်လၢ သိၣ်ပူၤဖီပူၤဘၣ်. ဒီးသုပၢ်အိၣ်လၢမူခိၣ်န့ၣ် လုၢ်အီၣ် လုၢ်အီအီၤလီၤ.သုဝဲဒၣ်အံၤသုဂ့ၤန့ၢ် အီၤဒိၣ်ဒၣ်တၢ်တ က့ၢ်, တမ့ၢ်ဘၣ်ဧါ.
27မ့ၢ်မတၤလၢသုကျါလၢအဘၣ်ယိၣ်တၢ်အဃိဒီး, ထုး ထီထီၣ်အယုာ်တပျၢ်ဧိၤသ့တဂၤလဲၣ်. 28ဒီးဘၣ်မနုၤလၢ သုဘၣ်ယိၣ်တၢ်လၢ သုကူသုသိးန့ၣ်အဂ့ၢ်လဲၣ်. တၢ် လၢဖီဒ့ၣ်ညါအိၣ်လၢတၢ်ပျီပူၤအံၤ မ့ၢ်အဒိၣ်ထီိၣ်ဒ်လဲၣ် ဒ်လဲၣ်န့ၣ်ဆိကမိၣ်တက့ၢ်. တမၤဘၣ်တၢ်ဘၣ်, တလ့ၢ် ဘၣ်တၢ်ဘၣ်. 29ဘၣ်ဆၣ်ဒီး, ယစံးဘၣ်သု, လၢစီၤရှလိၤမိၤအိၣ်ဒီးအက ဟုအကညီၢ်ခဲလၢာ်န့ၣ် တကူတသိးဘၣ်ဂ့ၤထဲသိးဒီး ဖီဒ့ၣ်ညါအံၤနီတဖိးဘၣ်.
30သုနာ်တၢ်စှၤသ့ၣ်ဧၢ, ယွၤမ့ၢ်ဒုးကူဒုးသိးနီၣ်ဧိၤမံၤဧိၤ လၢတၢ်ပျီပူၤထဲထဲန့ၣ်လၢ မုၢ်မဆါတနံၤအံၤအိၣ်ဝဲ, မ့မ့ၢ်ခဲဂီၤတမံၤ ဘၣ်တၢ်ဘျုးလီၤကွံာ်လၢဖၣ်ကပူၤဒီး, ကဒုးကူဒုးသိးသုအါန့ၢ်အန့ၣ်တက့ၢ်. တမ့ၢ်ဘၣ်ဧါ.
31မၤသးဒ်န့ၣ်ဒီးမ့ၢ်ပကအီၣ်ဘၣ်, မ့ၢ်ပကအီဘၣ်, မ့ၢ်ပ ကကူဘၣ်သိးဘၣ် ဒ်လဲၣ်ဒ်လဲၣ်န့ၣ်, သုတစံးဒီးဘၣ် ယိၣ်တၢ်တ ဂ့ၤ. 32အဂ့ၢ်ဒ်အံၤ, တၢ်န့ၣ်တဖၣ်ခဲလၢာ်ပှၤကလုာ် တဖၣ်ဃုဝဲလီၤ. အဂ့ၢ်ဒ်အံၤ, သုန့ၢ်ဘၣ်တၢ်ခဲလၢာ် အလီၢ်အိၣ်ဝဲန့ၣ် သုပၢ်အိၣ်လၢမူခိၣ်သ့ၣ်ညါဝဲလီၤ.
33မ့မ့ၢ်ဃုဆိယွၤအဘီအမုၢ်, ဒိီးအတၢ်တီတၢ်လိၤတ က့ၢ်.ဒီးတၢ်ကပာ်ဖှိၣ်တၢ်န့ၣ်တဖၣ်ခဲလၢာ်လၢသုလီၤ.
34မၤသးဒ်န့ၣ်ဒီး ဘၣ်ယိာ်တၢ်လၢခဲဂီၤအဂီၢ်တဂ့ၤ. အဂ့ၢ်ဒ်အံၤ, ခဲဂီၤန့ၣ်ကဘၣ်ယိၣ်တၢ်လၢအဂီၢ်ဒၣ်ဝဲလီၤ. မုၢ်တနံၤအတၢ်အၢတၢ်နးန့ၣ် အါလံလၢအဂီၢ်လံ.
Currently Selected:
လံာ်တၢ်သးခုကစီၣ်လၢခရံာ်အဂ့ၢ်. ၆: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.