တၢ်သးခုအကစီၣ်ဒ်စီၤလူၤကၣ်ကွဲးဝဲအသိးန့ၣ်. ၂၀
၂၀
1ဒီးတၢ်မၤအသးလၢအန့ၣ်တနံၤအပူၤဒီး, သိၣ်က့ၤသီ က့ၤပှၤဂီၢ်မုၢ်, ဒီးစံၣ်တဲၤတဲလီၤ တၢ်သးခုအကစီၣ်လၢ တၢ်လုၢ်အဟံၣ်ပူၤအဖၢမုၢ်ဒီး, ပှၤလုၢ်တၢ်အခိၣ်တဖၣ်, ဒီးပှၤကွဲးလံာ် ဂဲၤဆၢထၢၣ်ဃုာ်ဒီး ပှၤသူၣ်က့သးပှၢ်တ ဖၣ်, ဒီးကတိၤတၢ်ဒီးအီၤ, ဒီးစံးဝဲဒၣ်, 2နမၤတၢ်တဖၣ် အံၤလၢမတၤအစိအကမီၤလဲၣ်. မ့ၢ်မတၤဟ့ၣ်နၤလၢတၢ် အစိအကမီၤအံၤတဂၤလဲၣ်. 3ဒီးအဝဲဒၣ်ကတိၤဆၢတၢ် ဒီးစံးဘၣ်အီၤ, ယကသံကွၢ်စ့ၢ်ကီးသုတၢ်တမံၤလီၤ. ဒီး စံးဘၣ်တဲဘၣ်ယၤတက့ၢ်. 4စီၤယိၤဟၣ်အတၢ်ဘျၢ*န့ၣ်, မ့ၢ်အကဲထီၣ်လၢမူခိၣ်, မ့ၢ်အကဲထီၣ်လၢပှၤကညီလဲၣ်.-
5ဒီးအဝဲသ့ၣ်ကတိၤလိာ်အသးဒီးစံးဝဲဒၣ်, ပမ့ၢ်စံးလၢမူ ခိၣ်ဒီး, ကစံးဘၣ်ပှၤ, မ့မ့ၢ်ဒ်န့ၣ်ဒီး, ဘၣ်မနုၤလၢသုတ နာ်ဘၣ်အီၤလဲၣ်. 6ဒီးပမ့ၢ်စံးလၢပှၤကညီဒီး, ပှၤဂီၢ်မုၢ် ခဲလၢာ်ကကွံာ်ပှၤလၢလၢၢ်လီၤ. အဂ့ၢ်ဒ်အံၤ, အဝဲသ့ၣ် တဖၣ်န့ၣ်ပာ်စီၤယိၤဟၣ်လၢဝံတဂၤလီၤ. 7ဒီးစံးဆၢဝဲ ဒၣ်, မ့ၢ်အကဲထီၣ်လၢလဲၣ်လၢလဲၣ်န့ၣ်, ပတသ့ၣ်ညါ ဘၣ်. 8ဒီးယ့ၣ်ရှူးစံးဘၣ်အီၤ, ဒ်န့ၣ်အသိး, ယဲဒၣ်အံၤ, ယမၤတၢ်တဖၣ်အံၤ လၢမတၤမတၤအစိအကမီၤလဲၣ် န့ၣ်, ယတစံးဘၣ်တဲဘၣ်စ့ၢ်ကီးသုဘၣ်.
9ဒီးစံးဘၣ်ပှၤဂီၢ်မုၢ်လၢတၢ်ကတိၤဒိအံၤ, မတၤတဂၤ သူၣ်လီၤစပံးလီၢ်တလီၢ်, ဒီးငါလီၤဝဲလၢပှၤမၤဟီၣ်ခိၣ်ဖိ တဖၣ်, ဒီးဟးဆူတခီထံတခီကီၢ်, ဒီးအိၣ်ဝဲဃဲးဃဲး လီၤ. 10ဒီးတုၤအမုၢ်အလါဘၣ်ဒီး, မၤအခ့အပှၤတဂၤ လဲၤဆူပှၤမၤဟီၣ်ခိၣ်ဖိတဖၣ်အအိၣ် ဒ်သိးအကဟ့ၣ်လီၤ အီၤလၢစပံးလီၢ်အသၣ်လီၤ. ဒီးပှၤမၤဟီၣ်ခိၣ်တဖၣ်န့ၣ် တီၢ်အီၤ, ဒီးမၢအက့ၤကဒါက့ၤအိၣ်ကလီလီၤ. 11မၤက ဒီးတစု, မၢအခ့အပှၤလၢအဂၤတဂၤလဲၤဝဲ, ဒီးအဝဲသ့ၣ် တီၢ်အီၤ, ဒီးမၤအီၤတရီတပါ, ဒီးမၢအက့ၤကဒါက့ၤစ့ၢ် ကီးအိၣ်ကလီလီၤ. 12မၤကဒီးတစု, မၢအခ့အပှၤပှဲၤထီၣ် သၢဂၤတဂၤဒီး, အဝဲသ့ၣ်မၤအီၤ တုၤအပူၤလီၢ်အိၣ်ဒီး, ဟီထီၣ်ကွံာ်အီၤလီၤ.
13ဒီးစပံးလီၢ်အကစၢ်စံးဝဲဒၣ်, ယကမၤဒ်လဲၣ်. ယကမၢ ယဖိခွါလၢယအဲၣ်အီၤတဂၤလဲၤဆူအအိၣ်လီၤ. တုၤအဝဲ သ့ၣ်ထံၣ်အီၤဒီး ကယူးယီၣ်အီၤသ့ၣ်သ့ၣ်လီၤ. 14ဒီးတုၤပှၤ မၤဟီၣ်ခိၣ်တဖၣ်ထံၣ်အီၤဒီး, ကတိၤလိာ်အသးဒီးစံးဝဲ ဒၣ်, အဝဲအံၤမ့ၢ်ပှၤလၢအန့ၢ်ဘၣ်သါတၢ်တဂၤလီၤ. ဒ် သိးအတၢ်န့ၢ်သါကကဲထီၣ်ပတၢ်ဒီး, ဟဲဃီၤမၤသံသကိး အီၤတက့ၢ်. 15ဒီးဟီထီၣ်ကွံာ်အီၤဆူစပံးလီၢ်အချၢ, ဒီး မၤသံကွံာ်အီၤလီၤ. မၤသးဒ်န့ၣ်ဒီး, စပံးလီၢ်အကစၢ်န့ၣ် ကမၤအီၤဒ်လဲၣ်. 16ကဟဲမၤသံကွံာ်ပှၤမၤဟီၣ်ခိၣ်တဖၣ်, ဒီးကဟ့ၣ်လီၤကွံာ်စပံးလီၢ်လၢပှၤဂၤလီၤ. ဒီးပှၤလၢအနၢ် ဟူတၢ်တဖၣ်စံးဝဲဒၣ်, မ်အသုတမၤအသးဒ်န့ၣ်တဂ့ၤ.-
17ဒီးကွၢ်ထံအီၤဒီးစံးဝဲဒၣ်, မ့မ့ၢ်ဒ်န့ၣ်ဒီး,လၢၢ်လၢပှၤသူၣ်ဟံၣ်ဖိတဖၣ်ညိကွံာ်အီၤတဖျၢၣ်န့ၣ်,ကဲထီၣ်လံလၢတၢ်အနၢၣ်အခိၣ်စိၣ်လံ.တၢ်ကွဲးအသးတထံၣ်န့ၣ်မ့ၢ်တၢ်ဒ်လဲၣ်.
18ကယဲၢ်ပှၤလၢအလီၤဃံၤဝဲလၢ လၢၢ်အံၤအလိၤတဂၤ လၢ်လၢ်န့ၣ်, ကကၢ်ဝဲ, မ့မ့ၢ်ဖဲဒၣ်ပှၤလၢလၢၢ်အံၤကလီၤ တဲာ်လၢအလိၤန့ၣ်, ကမၤလီၤကလဲအီၤလီၤ.
19ဒီးတစုဃီဖဲန့ၣ် ပှၤလုၢ်တၢ်အခိၣ်တဖၣ်ဒီးပှၤကွဲးလံာ် တဖၣ်န့ၣ်, ဃုပာ်အစုလၢအလိၤ, ဒီးပျံၤပှၤဂီၢ်မုၢ်လီၤ. အဂ့ၢ်ဒ်အံၤ, သ့ၣ်ညါလၢအစံးဘၣ်တၢ်ကတိၤဒိန့ၣ်ထီဒါ အဝဲသ့ၣ်လီၤ.
20ဒီးပှၤတဖၣ်န့ၣ်ကွၢ်ဟုၣ်တၢ်, ဒီးမၢလီၤ ပှၤကွၢ်ဟုၣ် တၢ်ဖိလၢအကပျိာ်အသးလၢပှၤအတီတဖၣ်, ဒ်သိးအက တုၢ်န့ၢ်အတၢ်ကတိၤ, လၢအကဟ့ၣ်လီၤအီၤဆူပဒိၣ်အ တၢ်စံၣ်ညီၣ်ဒီး အစိအကမီၤအပူၤအဂ့ၢ်လီၤ. 21ဒီးအဝဲ သ့ၣ်သံကွၢ်အီၤဒီးစံးဝဲဒၣ်, သရၣ်ဧၢ, ပသ့ၣ်ညါလၢနက တိၤတၢ်, ဒီးသိၣ်က့ၤသီက့ၤတၢ်တီတီ, ဒီးနတကွၢ်ဒိၣ် ဆံးအါစှၤဘၣ်လၢပှၤနီတဂၤဘၣ်. မ့ၢ်နသိၣ်လိတၢ်လၢ ယွၤအကျဲတီတီလီၤ. 22ပဟ့ၣ်သွဲလၢစီၤပၤကဲစၢ်န့ၣ်, မ့ၢ် အတီအဘၣ်, မ့ၢ်အတတီတဘၣ်ဘၣ်လဲၣ်. 23ဒီးသ့ၣ်ညါ ဝဲလၢအတၢ်လီတၢ်ဝ့ၤဒီးစံးဘၣ်အီၤ, သုလ့ပစီယၤမ့ၢ်အ ဘၣ်မနုၤလဲၣ်. 24ဒုးနဲၣ်ယၤလၢစ့ဒန့ၤရံတဘ့ၣ်တက့ၢ်. မ့ၢ်မတၤအက့ၢ်အဂီၤ ဒီးအတၢ်ကွဲးန့ၣ်, အိၣ်လၢအလိၤ လဲၣ်. ဒီးအဝဲသ့ၣ်ကတိၤဆၢတၢ်, ဒီးစံးဝဲဒၣ်, မ့ၢ်ကဲစၢ်အ တၢ်လီၤ. 25ဒီးအဝဲဒၣ်စံးဘၣ်အီၤ, မၤသးဒ်န့ၣ်ဒီးဟ့ၣ်ကဲ စၢ်န့ၣ်လၢကဲစၢ်အတၢ်, ဒီးယွၤလၢယွၤအတၢ်တက့ၢ်.-
26ဒီးတုၢ်န့ၢ်အတၢ်ကတိၤလၢပှၤဂီၢ်မုၢ်အမဲာ်ညါတသ့ဘၣ်, ဒီးကမၢကမၣ်ဝဲလၢအတၢ်စံးဆၢန့ၣ်, ဒီးအိၣ်ဝဲဘှီၣ်က လာ်လီၤ.
27ဒီးပှၤစးဒူၤကဲလၢအစံးဝဲလၢ တၢ်ဂဲၤဆၢထၢၣ်က့ၤတ အိၣ်ဘၣ်တနီၤနီၤလဲၤဆူအအိၣ်, ဒီးသံကွၢ်အီၤ, 28ဒီးစံးဝဲ ဒၣ်, သရၣ်ဧၢ, စီၤမိၤရှ့ကွဲးန့ၢ်ပှၤဒီးစံးဝဲဒၣ်, ပှၤတဂၤ အဒီပုၢ်ဝဲၢ်မ့ၢ်သံလၢအအိၣ်ဒီးအမါ, ဒီးဖဲအသံန့ၣ်အဖိ မ့ၢ်တအိၣ်ဘၣ်ဒီး, အဒီပုၢ်ဝဲၢ်ဘၣ်အိၣ်ဃုာ်ဒီးအမါဒီးမၤ အိၣ်ထီၣ်န့ၢ်အဒီပုၢ်ဝဲၢ်အချံသၣ်လီၤ.#၅မိၤ. ၂၅း၂၅. 29မၤ သးဒ်န့ၣ်ဒီး, ပှၤဒီပုၢ်ဝဲၢ်ခွါအိၣ်နွံဂၤလီၤ. ဒီးအခီၣ်ထံးတ ဂၤန့ၢ်အမါ, ဒီးအဖိတအိၣ်ဘၣ်ဒီးသံဝဲလီၤ. 30ဒီးခံဂၤ တဂၤန့ၣ်ဟံးန့ၢ်အမါဒီးအဖိတအိၣ်ဘၣ်ဒီးသံဝဲလီၤ. 31ဒီး သၢဂၤတဂၤန့ၣ်ဟံးန့ၢ်အီၤ, ဒီးတၢ်မၤအသးဒ်န့ၣ်စ့ၢ်ကီး နွံဂၤလၢာ်, ဒီးအဖိတအိၣ်လီၤတဲာ်ဘၣ် ဒီးသံဝဲတကူၢ် သ့ၣ်လီၤ. 32ဒီးလၢပှၤခဲလၢာ်န့ၣ်အလီၢ်ခံကတၢၢ်, ပိာ် မုၣ်န့ၣ်သံစ့ၢ်ကီးဝဲလီၤ. 33မၤသးဒ်န့ၣ်ဒီး လၢတၢ်ဂဲၤဆၢ ထၢၣ်အပူၤန့ၣ်, မ့ၢ်အကကဲလၢပှၤဖဲလဲၣ်တဂၤ အမါ လဲၣ်. အဂ့ၢ်ဒ်အံၤ, ပှၤနွံဂၤန့ၢ်မါလၢအီၤလီၤ.
34ဒီးယ့ၣ်ရှူးကတိၤဆၢတၢ် ဒီးစံးဘၣ်အီၤ, ပှၤအံၤတ ဃၣ်ဖိန့ၢ်မါန့ၢ်ဝၤလီၤ. 35မ့မ့ၢ်ပှၤလၢတၢ်ပာ်အီၤလၢပှၤဂ့ၤ န့ၢ်ဘၣ်ခဲကိာ်တဃၣ်, ဒီးတၢ်ဂဲၤဆၢထၢၣ်က့ၤလၢတၢ်သံ အပူၤတဖၣ်န့ၣ်, တန့ၢ်မါန့ၢ်ဝၤဘၣ်လီၤ. 36အဂ့ၢ်ဒ်အံၤ, သံတသ့လၢၤဘၣ်. အဂ့ၢ်ဒ်အံၤ, မ့ၢ်အဒ်သိးသိးဒီးကလူး တဖၣ်, ဒီးမ့ၢ်လၢတၢ်ဂဲၤဆၢထၢၣ်က့ၤအဖိသတးဒီး, မ့ၢ် ယွၤအဖိလီၤ.
37ဘၣ်ဆၣ်ဒီးလၢပှၤသံကဂဲၤဆၢထၢၣ်က့ၤန့ၣ်, စီၤမိၤရှ့ ဒုးနဲၣ်လၢသ့ၣ်တၤဆှုၣ်တခိၣ်အပူၤ, ဖဲတၢ်ကိးယွၤလၢစီၤ အၤဘြၤဟၣ်အကစၢ်, စီၤအံၤစဲးအကစၢ်, ဒီးစီၤယၤကိာ် အကစၢ်လီၤ. 38ဘၣ်ဆၣ်ဒီးယွၤတမ့ၢ်ဘၣ်ပှၤသံအကစၢ် ဘၣ်, မ့ၢ်ပှၤမူတဖၣ်အကစၢ်လီၤ. အဂ့ၢ်ဒ်အံၤ, ပှၤခဲလၢာ် မူဝဲလၢအီၤလီၤ.
39ဒီးပှၤကွဲးလံာ်တနီၤနီၤစံးဝဲဒၣ်, သရၣ်ဧၢ, နစံးတၢ်ဂ့ၤ မးလီၤ. 40ဒီးပှၤသံကွၢ်အတၢ်တဘူၣ်လၢၤဘၣ် နီတဂၤ ဘၣ်.
41ဒီးစံးဘၣ်အဝဲသ့ၣ်, ပှၤစံးလၢခရံာ်မ့ၢ်စီၤဒၤဝံးအဖိခွါ ဒ်လဲၣ်. 42စီၤဒၤဝံးအကစၢ်ဒၣ်လဲာ်, လၢလံာ်စံးထီၣ်ပ တြၢၤတၢ်အပူၤန့ၣ်စံးဝဲဒၣ်,ယွၤစံးဘၣ်ယကစၢ်,ဆ့ၣ်နီၤလၢယစုထွဲ,
43တုၤယပာ်လီၤနဒုၣ်နဒါလၢ နခီၣ်ယီၢ်လီၤအလီၢ်တ က့ၢ်.#စံး. ၁၁၀း၁.
44မၤသးဒ်န့ၣ်ဒီး စီၤဒၤဝံးကိးအီၤလၢအကစၢ်လီၤ. ဒီး ကမ့ၢ်အဖိခွါဒ်လဲၣ်. 45ဒီးဖဲပှၤဂီၢ်မုၢ်ခဲလၢာ်နၢ်ဟူဝဲဒီး, စံးဘၣ်အပျဲၢ်အဘီၣ်, 46ပှၤကွဲးလံာ်, လၢအအဲၣ်ဒိးဝဲလၢအလဲၤဟးသိးဆ့ထီထီ ကလဲာ်, ဒီးအဲၣ်ဒိးတၢ်ကတိၤဒိၣ်အီၤလၢဖၠါပူၤ, ဒီးလီၢ် ဆ့ၣ်နီၤလၢအလၤကပီၤဒိၣ်ကတၢၢ်လၢဘူၣ်ဘျီၣ်ပူၤ, ဒီး တၢ်အလီၢ်ဂ့ၤကတၢၢ်လၢ တၢ်အီၣ်တၢ်အီအပူၤတဖၣ်န့ၣ်, ပလီၢ်သုသးလၢအီၤတက့ၢ်.- 47အဝဲသ့ၣ်တဖၣ်န့ၣ်, အီၣ်ကွံာ် ပှၤမုၣ်ကမဲအဟံၣ်, ဒီးလၢတၢ်အိၣ်ဖျါအဂီၢ်, ဘါထုကဖၣ်တၢ် ထီထီကလဲာ်လီၤ. အဝဲသ့ၣ်ကဘၣ် တၢ်စံၣ်ညီၣ်ဒိၣ်ဒၣ်တၢ်တက့ၢ်လီၤ.
Currently Selected:
တၢ်သးခုအကစီၣ်ဒ်စီၤလူၤကၣ်ကွဲးဝဲအသိးန့ၣ်. ၂၀: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.