တၢ်သးခုအကစီၣ်ဒ်စီၤလူၤကၣ်ကွဲးဝဲအသိးန့ၣ်. ၁၆
၁၆
1ဒီးစံးဘၣ်စ့ၢ်ကီးအပျဲၢ်အဘီၣ်, မတၤတဂၤအထူးအ တီၤအိၣ်ဒီးပှၤကွၢ်အတၢ်ဖိတၢ်လံၤတဂၤ, ဒီးပှၤဆှိးအီၤ လၢအမၤဂီၤအစုလီၢ်အခီၣ်ခိၣ်အဂ့ၢ်လီၤ. 2ဒီးကိးက့ၤဒီး စံးဘၣ်အီၤ, ယနၢ်ဟူလၢနဂ့ၢ်နပီၢ်အံၤ, မ့ၢ်မနုၤတမံၤ လဲၣ်. ဟ့ၣ်လီၤနတၢ်ကွၢ်တၢ်ဖိတၢ်လံၤအလံာ်တက့ၢ်. အ ဂ့ၢ်ဒ်အံၤ, နကဲပှၤကွၢ်တၢ်ဖိတၢ်လံၤတသ့လၢၤဘၣ်. 3ဒီး ပှၤကွၢ်တၢ်ဖိတၢ်လံၤန့ၣ်စံးလီၤအသး,မ့ၢ်ယကမၤဒ်လဲၣ်. အဂ့ၢ်ဒ်အံၤ, ယကစၢ်န့ၣ်သါကမၤလီၤတဲာ်ကွံာ် ယမံၤ လၢပှၤကွၢ်တၢ်ဖိတၢ်လံၤလီၤ. ယခူၣ်တၢ်တကဲဘၣ်. ယ ဃ့တၢ်ဧီၢ်, ယမဲာ်ဆှးလီၤ. 4တုၤတၢ်ဟီထီၣ်ကွံာ်ယၤလၢ ပှၤကွၢ်တၢ်ဖိတၢ်လံၤအလီၢ်န့ၣ်, ဒ်သိးပှၤကတူၢ်လိာ်ယၤ လၢအဟံၣ်ပူၤဒီး, ယကမၤဒ်လဲၣ်ဒ်လဲၣ်န့ၣ်, ယသ့ၣ်ညါ လီၤ. 5ဒီးကိးပှၤလၢအကမၢ်အိၣ်ဒီးအကစၢ်တဂၤဘၣ် တဂၤ, တဂၤဘၣ်တဂၤ, ဒီးစံးဘၣ်အခီၣ်ထံးတဂၤ, နက မၢ်လၢနဘၣ်လိးက့ၤယကစၢ်န့ၣ်မ့ၢ်အဆံးဒိၣ်လဲၣ်. 6ဒီး စံးဝဲဒၣ်, သိအဘၤသၤတကယၤလီၤ. ဒီးစံးဝဲဒၣ်, ဟံး န့ၢ်နလံာ်ဒီးဆ့ၣ်နီၤကွဲးယဲၢ်ဆံချ့ချ့တက့ၢ်. 7တုၤနုၤတစု, စံးဘၣ်ကဒီးလၢအဂၤတဂၤ, နကမၢ်ဆံးဒိၣ်လဲၣ်. ဒီးစံး ဝဲဒၣ်, ဘုအကိၢ်တကယၤလီၤ. ဒီးစံးဘၣ်အီၤ, ဟံးန့ၢ်န လံာ်ဒီးကွဲးဃိးဆံတက့ၢ်. 8ဒီးအကစၢ်စံးထီၣ်ပတြၢၤပှၤ ကွၢ်တၢ်ဖိတၢ်လံၤလၢအတတီတလိၤဘၣ်တဂၤလီၤ. အ ဂ့ၢ်ဒ်အံၤ, မ့ၢ်အမၤတၢ်လၢအတၢ်ကူၣ်တၢ်ဆးလီၤ. အ ဂ့ၢ်ဒ်အံၤ, အအံၤတဃၣ်အဖိခွါလၢအစိၤဒၣ်ဝဲန့ၣ်, ကူၣ် ဘၣ်ကူၣ်သ့ဒိၣ်န့ၢ်တၢ်ကပီၤအဖိခွါတက့ၢ်လီၤ. 9ဒီးယ စံးဘၣ်သု, စုလီၢ်တတီခီၣ်ခိၣ်တလိၤဘၣ်န့ၣ်, ဒုးကဲထီၣ် အီၤလၢသုတံၤသုသကိး, ဒ်သိးတုၤအလၢာ်ကွံာ်ဒီး, အဝဲ သ့ၣ်ကတူၢ်လိာ်သုဆူ ဟံၣ်လီၤထူလီၤယိာ်တဖၣ်အပူၤ တက့ၢ်. 10ပှၤလၢအမၤတီလၢတၢ်အစှၤကတၢၢ်န့ၣ်, က မၤတီစ့ၢ်ကီးဝဲလၢတၢ်အအါလီၤ. ဒီးပှၤလၢအမၤတတီ ဘၣ်လၢတၢ်အစှၤကတၢၢ်န့ၣ်, ကမၤဝဲတတီဘၣ်စ့ၢ်ကီး လၢတၢ်အအါလီၤ. 11မၤသးဒ်န့ၣ်ဒီး, လၢတၢ်စုလီၢ်တတီ ဘၣ်န့ၣ်, သုမၤမ့ၢ်တတီဘၣ်ဒီး, မ့ၢ်မတၤကအးလီၤသု လၢတၢ်စုလီၢ်လၢအနီၢ်နီၢ်တဂၤလဲၣ်. 12ပှၤဂၤအတၢ်န့ၣ် သုမၤမ့ၢ်တတီဘၣ်ဒီး, မ့ၢ်မတၤကဟ့ၣ်လီၤသုလၢသုတၢ် ဒၣ်သုဝဲတဂၤလဲၣ်. 13တၢ်လၢအခ့အပှၤအံၤ, ကစၢ်ခံဂၤ အတၢ်မၤန့ၣ်မၤတပှဲၤဘၣ်နီတဂၤဘၣ်. ကသးဟ့ဝဲတ ဂၤ, ဒီးကအဲၣ်ဝဲတဂၤလီၤ. မ့တမ့ၢ်ဘၣ်ဒီးကသန့ၤအ သးတဂၤ, ဒီးတယူးတယီၣ်ဘၣ်တဂၤလီၤ. ယွၤအတၢ် မၤဒီးမၤမိၣ်အတၢ်မၤန့ၣ်သုမၤတသ့ဘၣ်.
14ဒီးပှၤဖၤရံၤၡဲလၢအအဲၣ်စ့တဖၣ်န့ၣ်, နၢ်ဟူစ့ၢ်ကီးတၢ် န့ၣ်တဖၣ်ခဲလၢာ်ဒီး, ဒုၣ်ဒွဲၣ်အီၤလီၤ. 15ဒီးအဝဲဒၣ်စံးဘၣ် အီၤ, သုဝဲသ့ၣ်အံၤ, သုမ့ၢ်ပှၤလၢအပာ်တီပာ်လိၤအသး လၢပှၤကညီအမဲာ်ညါလီၤ. ဘၣ်ဆၣ်ဒီးယွၤသ့ၣ်ညါသု သးလီၤ. အဂ့ၢ်ဒ်အံၤ, တၢ်လၢပှၤကညီပာ်လၢတၢ်သး ကွံန့ၣ်, မ့ၢ်တၢ်သးဘၣ်အၢလၢယွၤအမဲာ်ညါလီၤ.
16တၢ်သိၣ်တၢ်သီဒီး ဝံသ့ၣ်တဖၣ်အိၣ်ဝဲတုၤလီၤလၢစီၤ ယိၤဟၣ်လီၤ. လၢန့ၣ်အလီၢ်ခံဒီး, တၢ်စံၣ်တဲၤတဲလီၤယွၤ အဘီအမုၢ်အတၢ်သးခုအကစီၣ်, ဒီးပှၤနုာ်ဆူၣ်ဝဲလၢအ ပူၤကိးဂၤဒဲးလီၤ. 17ဒီးဟီၣ်ခိၣ်ဒီးမူခိၣ်ဒံမုၢ်ဒံဖျိးကွံာ်ညီန့ၢ် လံာ်တၢ်သိၣ်တၢ်သီအဖျၢၣ်တနၢၣ်ဖိ ဟးဂီၤဝဲန့ၣ်တက့ၢ် လီၤ.
18ဖဲဒၣ်ပှၤလၢအပာ်မၢ်ကွံာ်အမါ, ဒီးအိၣ်ဃုာ်ဒီးအဂၤ တဂၤလၢ်လၢ်န့ၣ်, မ့ၢ်အအဲၣ်ဘၢမါလီၤ. ဒီးဖဲဒၣ်ပှၤလၢ အအိၣ်ဃုာ်ဒီး ပှၤလၢအဝၤပာ်မၢ်အီၤတဂၤလၢ်လၢ်န့ၣ်, မ့ၢ်အမၤကမၣ်ပှၤအမါလီၤ.
19ဒီးမတၤတဂၤအထူးအတီၤ, ကူသိးဝဲလၢတၢ်လုးတ ကုာ်ဒီးဖှီဝါကဆှၣ်, ဒီးမုာ်လၤတၢ်ကိးမုၢ်နံၤမုၢ်နၤဒဲးဒိၣ် မးလီၤ. 20ဒီးပှၤဖှီၣ်ဖိယာ်ဖိအိၣ်ဒီးအပူၤလီၢ်ဒီဂၤညါ, အ မံၤစီၤလါစရူးတဂၤန့ၣ်, ပှၤပာ်လီၤဝဲလၢအကျဲစၢၤအခီၣ် ထံးလီၤ. 21ဒီးတၢ်မိၣ်အီၣ်အသးလၢ တၢ်လီၣ်သြုလီၤပ လ့ၤလၢပှၤအထူးအတီၤအစီၢ်နီၤခိၣ်န့ၣ်လီၤ. ဒီးမ့မ့ၢ်ထွံၣ် တဖၣ်ဟဲလ့ၣ်အတၢ်ဆါပူၤလီၢ်လီၤ. 22ဒီးတၢ်မၤအသး လၢ ပှၤဖှီၣ်ဖိယာ်ဖိတဂၤန့ၣ်သံဝဲ, ဒီးကလူးတဖၣ်စိာ် ထီၣ်အီၤဆူစီၤအၤဘြၤဟၣ်အသးနါပှၢ်အပူၤလီၤ. ဒီးပှၤ အထူးအတီၤန့ၣ်သံစ့ၢ်ကီးဝဲ, ဒီးတၢ်ခူၣ်လီၤအီၤလီၤ. 23ဒီး ဘၣ်တၢ်ဆိးကဲးဆိးလီ, ဒီးကျ့ထီၣ်အမဲာ်လၢပျုၤပူၤ, ဒီး ထံၣ်ထီၣ်သကွ့ၤစီၤအၤဘြၤဟၣ်, ဒီးစီၤလါစရူးအိၣ်လၢ အသးနါပှၢ်အပူၤလီၤ. 24ဒီးကိးထီၣ်ဒီးစံးဝဲဒၣ်, ပၢ်အၤ ဘြၤဟၣ်ဧၢ, သူၣ်ကညီၤသးကညီၤစာ်ယၤတက့ၢ်. ဒီးမၢ စီၤလါစရူးဘျၢလီၤအစုမုၢ်စိးနါလၢထံကျါ, ဒီးဟဲမၤခုၣ် လီၤယပျ့ၤတက့ၢ်. အဂ့ၢ်ဒ်အံၤ, ယဘၣ်တၢ်နးတၢ်ဖှီၣ်လၢ မ့ၣ်လၣ်မ့ၣ်ကဲၤအပူၤအံၤလီၤ. 25ဒီးစီၤအၤဘြၤဟၣ်စံးဝဲ ဒၣ်, ဖိဧၢ, လၢနမူဒံးဒီး, နဒိးနတၢ်ဂ့ၤတဖၣ်, ဒီးဒ်န့ၣ်အ သိးစီၤလါစရူးဒိးအတၢ်အၢတဖၣ်န့ၣ်, သ့ၣ်နီၣ်ထီၣ်တ က့ၢ်. မ့မ့ၢ်ခဲကနံၣ်အံၤ, အဝဲဒၣ်အိၣ်မုာ်ဖဲအံၤ, ဒီးနဲဒၣ်, နဘၣ်တၢ်နးတၢ်ဖှီၣ်လီၤ. 26ဒီးလၢတၢ်အံၤခဲလၢာ်အမဲာ် ညါဒီး, လၢပဘၢၣ်စၢၤဒီးသုဘၢၣ်စၢၤန့ၣ်, တၢ်အဆၢ လီၤတဲာ်တူာ်ဖးလဲၢ်အိၣ်ဝဲလီၤ. မၤသးဒ်န့ၣ်ဒီးပှၤဖဲအံၤမ့ၢ် မိၣ်လဲၤဃီၤအသးဆူသုအိၣ်ဒီး လဲၤဃီၤဝဲတသ့ဘၣ်. ဒီး ပှၤလၢသုအိၣ်ဘးခီန့ၣ် မ့ၢ်မိၣ်ဟဲဃီၤအသးဆူပအိၣ်အံၤ ဒီး, ဟဲဃီၤဝဲတသ့ဘၣ်. 27ဒီးစံးဝဲဒၣ်, ပၢ်ဧၢ, မ့မ့ၢ်ဒ်န့ၣ် ဒီး, ယဃ့ကညးနၤလၢ နကမၢအလဲၤဆူယပၢ်အဟံၣ် လီၤ. 28အဂ့ၢ်ဒ်အံၤ, ယဒီပုၢ်ဝဲၢ်အိၣ်ယဲၢ်ဂၤ, ဒ်သိးအက အုၣ်အသးသပှၢ်ပှၢ်လၢအီၤ, ဒ်သိးအသုတဟဲဆူတၢ်ဆိး ကဲးအလီၢ် ဖဲအံၤစ့ၢ်ကီးတဂ့ၤလီၤ. 29စီၤအၤဘြၤဟၣ်စံး ဘၣ်အီၤ, ပှၤတဖၣ်န့ၣ်အိၣ်ဒီးစီၤမိၤရှ့ဒီးဝံသ့ၣ်တဖၣ်လီၤ. မ်အဒိကနၣ်တၢ်လၢအီၤတက့ၢ်. 30ဒီးစံးဝဲဒၣ်, တမ့ၢ်ဘၣ်, ပၢ်အၤဘြၤဟၣ်ဧၢ, မ့မ့ၢ်ပှၤလၢအသံတဂၤ မ့ၢ်ဂဲၤဆၢ ထၢၣ်, ဒီးလဲၤဆူအအိၣ်ဒီး, ကပီၢ်ယၢ်လီၤက့ၤအသး လီၤ. 31ဒီးစံးဘၣ်အီၤ, မ့ၢ်တဒိကနၣ်ဘၣ်တၢ်လၢစီၤမိၤ ရှ့ဒီးဝံသ့ၣ်တဖၣ်ဘၣ်ဒီး, ပှၤလၢအသံတဂၤ မ့ၢ်ဂဲၤဆၢ ထၢၣ်နာ်သက့ဒီး, တနာ်ဘၣ်ဝဲဘၣ်.
Currently Selected:
တၢ်သးခုအကစီၣ်ဒ်စီၤလူၤကၣ်ကွဲးဝဲအသိးန့ၣ်. ၁၆: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.