လံာ်စီၤမိၤရှ့သၢဘ့ၣ်တဘ့ၣ်. ၂၇
၂၇
1-2ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,- ကတိၤ တၢ်ဒီးပှၤအံၣ်စရ့လးဖိဒီးစံးဘၣ်အီၤ, တုၤပှၤဆိၣ်လီၤ အသးလီၤဆီဒၣ်တၢ်ဒီး, ဖဲနပာ်အပှ့ၤန့ၣ် ပှၤတဂၤက အိၣ်လၢယွၤအဂီၢ်လီၤ.
3ဒီးနမ့ၢ်ပာ်ပှၤပိာ်ခွါလၢ အသးပှၢ်အနံၣ်ခံဆံတုၤလၢ အသးပှၢ်အနံၣ်ဃုဆံအပှ့ၤဒီး နဘၣ်ပာ်အပှ့ၤလၢစ့ၡ က့လးယဲၢ်ဆံ, ဒ်တၢ်အလီၢ်စီဆှံအၡက့လးအသိးန့ၣ် လီၤ.
4ဒီးမ့မ့ၢ်ပိာ်မုၣ်တဂၤဒီး, နဘၣ်ပာ်အပှ့ၤလၢစ့ၡက့လး သၢဆံလီၤ.
5ဒီးမ့မ့ၢ်လၢအသးပှၢ်ယဲၢ်နံၣ် တုၤလၢအသးပှၢ်အနံၣ် ခံဆံဒီး, နဘၣ်ပာ်ပိာ်ခွါအပှ့ၤလၢစ့ၡက့လးခံဆံ, ဒီး ပိာ်မုၣ်လၢစ့ၡက့လးတဆံလီၤ.
6ဒီးလၢအသးပှၢ်တလါတုၤလၢ အသးပှၢ်ယဲၢ်နံၣ်ဒီး, နဘၣ်ပာ်ပိာ်ခွါအပှ့ၤလၢစ့ယဲၢ်ၡက့လး, ဒီးနဘၣ်ပာ် ပိာ်မုၣ်အပှ့ၤလၢစ့သၢၡက့လးလီၤ.
7ဒီးမ့မ့ၢ်လၢအသးပှၢ်အနံၣ်ဃုဆံဒီးအဖီခိၣ်ဒီး, နဘၣ် ပာ်ပိာ်ခွါအပှ့ၤလၢစ့တဆံယဲၢ်ၡက့လး, ဒီးပိာ်မုၣ်လၢ စ့ဆံဆဲၣ်ၡက့လးလီၤ.
8ဒီးမ့ၢ်ဖှီၣ်န့ၢ်အပှ့ၤလၢနပာ်အီၤတက့ၢ်ဒီး, ဘၣ်ပာ်အ သးလၢပှၤလုၢ်တၢ်အဒိၣ်အမဲာ်ညါ, ဒီးပှၤလုၢ်တၢ်အဒိၣ် ဘၣ်ပာ်အပှ့ၤ, ဒ်ပှၤလၢအဆိၣ်လီၤအသး အစုချုးန့ၢ် တၢ်အသိးန့ၣ်, ပှၤလုၢ်တၢ်အဒိၣ်ဘၣ်ပာ်အပှ့ၤလီၤ.
9ဒီးမ့မ့ၢ်ဆၣ်ဖိကီၢ်ဖိလၢ ပှၤမၤဘူၣ်ယွၤလၢအီၤဒီး, ကယဲၢ်တၢ်လၢပှၤမၤဘူၣ်ယွၤလၢအီၤခဲလၢာ်န့ၣ် ကကဲ ထီၣ်တၢ်စီဆှံလီၤ.
10တပာ်ဘၣ်တၢ်အဂၤလၢအလီၢ်ဘၣ်, ဒီးအဂ့ၤတဒု လၢအအၢတဒုအဂီၢ်မ့ၢ်ဂ့ၤ, အအၢတဒုလၢအဂ့ၤတဒု အဂီၢ်မ့ၢ်ဂ့ၤ, တဘၣ်လဲလိာ်အီၤဘၣ်. ဒီးမ့ၢ်လဲလိာ်တ ဒုလၢတဒုအဂီၢ်သပှၢ်တၢၢ်ဒီး, အဝဲတဒုဒီးတၢ်လၢအ လဲလိာ်တဒုကကဲထီၣ်တၢ်စီဆှံလီၤ.
11ဒီးမ့မ့ၢ်ဆၣ်ဖိကီၢ်ဖိတကဆှီဘၣ် တဒုဒုလၢပှၤတမၤ ဘၣ်လၢတၢ်လုၢ်လၢယွၤအဂီၢ်ဒီး, ကဘၣ်ပာ်ဆၣ်ဖိကီၢ် ဖိတဒုလၢပှၤလုၢ်တၢ်အဒိၣ်အမဲာ်ညါလီၤ. 12ဒီးဂ့ၤမ့ၢ်ဂ့ၤ, အၢမ့ၢ်ဂ့ၤ, ပှၤလုၢ်တၢ်အဒိၣ်ဘၣ်ပာ်အပှ့ၤလီၤ. ဒ်ပှၤလုၢ် တၢ်အဒိၣ်နဲဒၣ်အံၤပာ်အပှ့ၤအသိးန့ၣ်ဘၣ်အိၣ်လီၤ.
13ဒီးပှၤမ့ၢ်ပှ့ၤက့ၤအီၤသပှၢ်တၢၢ်ဒီး, ဘၣ်ပာ်ဖှိၣ်အပှ့ၤ ယဲၢ်ပူတပူလၢတၢ်လၢနပာ်အပှ့ၤအဖီခိၣ်လီၤ.
14ဒီးတုၤပှၤပာ်စီဆှံအဟံၣ်တဖျၢၣ်လၢယွၤအဂီၢ်ဒီး, ဂ့ၤ မ့ၢ်ဂ့ၤ, အၢမ့ၢ်ဂ့ၤ, ပှၤလုၢ်တၢ်အဒိၣ်ဘၣ်ပာ်အပှ့ၤလီၤ. ဒ်ပှၤလုၢ်တၢ်အဒိၣ်ပာ်အပှ့ၤအသိးန့ၣ် ကအိၣ်ဂၢၢ်အိၣ် ကျၢၤလီၤ.
15ဒီးပှၤလၢအပာ်စီဆှံအီၤ, မ့ၢ်ပှ့ၤက့ၤအဟံၣ်ဒီး, တၢ် လၢနပာ်အပှ့ၤအစ့ယဲၢ်ပူတပူ ဘၣ်ပာ်ဖှိၣ်လၢအဖီခိၣ် လီၤ. အန့ၣ်ဒီးကကဲထီၣ်က့ၤအတၢ်လီၤ.
16ဒီးပှၤမ့ၢ်ပာ်စီဆှံအစံာ်လၢ အအိၣ်ဒီးအီၤတကူာ်လၢ ယွၤအဂီၢ်ဒီး, နဘၣ်ပာ်အပှ့ၤဒ်အတၢ်ချံအသိးန့ၣ်လီၤ. ဘုမုယီၤအချံတဃိမ့ၢ်အပှ့ၤမ့ၢ်စ့ၡက့လးယဲၢ်ဆံလီၤ.
17ဒီးမ့ၢ်ပာ်စီဆှံအစံာ်ဧိၤပှဲၤဧိၤ လၢတၢ်သူၣ်ခုသးခုအ နံၣ်လံၤလံၤဒီး,ဒ်နပာ်အပှ့ၤအသိးန့ၣ်ကအိၣ်ကျၢၤလီၤ.
18ဒီးမ့ၢ်ပာ်စီဆှံအစံာ်လၢ တၢ်သူၣ်ခုသးခုအနံၣ်အလီၢ် ခံန့ၣ်ဒီး, ပှၤလုၢ်တၢ်အဒိၣ်ဘၣ်ဂံၢ်စ့လၢအဂီၢ်, ဒ်နံၣ်တ ဖၣ်လၢအအိၣ်လီၤတဲာ်, တုၤလၢတၢ်သူၣ်ခုသးခုအနံၣ် အသိးလီၤ. ဒီးကဘၣ်တၢ်ထုးထီၣ်ကွံာ်အီၤလၢနပာ်အ ပှ့ၤအပူၤလီၤ.
19ဒီးပှၤလၢအပာ်စီဆှံစံာ်ဧိၤပှဲၤဧိၤန့ၣ် မ့ၢ်ပှ့ၤက့ၤအီၤသ ပှၢ်တၢၢ်ဒီး, ဘၣ်ပာ်ဖှိၣ်စ့လၢနပာ်အပှ့ၤယဲၢ်ပူတပူလၢ အဖီခိၣ်, ဒီးကအိၣ်စံာ်အိၣ်ကျၢၤဝဲလၢအဂီၢ်လီၤ. 20ဒီးပှၤမ့ၢ်တပှ့ၤက့ၤဘၣ်စံာ်မ့ၢ်ဂ့ၤ, မ့ၢ်ဆါကွံာ်တ့ၢ်အီၤလၢပှၤဂၤမ့ၢ်ဂ့ၤဒီး, တဘၣ်ပှ့ၤက့ၤလၢၤဘၣ်အီၤဘၣ်.-
21ဒီးတုၤစံာ်ဧိၤပှဲၤဧိၤဟးထီၣ်လၢ တၢ်သူၣ်ခုသးခုအနံၣ် ဒီး, ကကဲထီၣ်တၢ်စီဆှံလၢယွၤအဂီၢ်, ဒ်စံာ်လၢတၢ် ဟ့ၣ်လီၤကွံာ်အီၤအသိးန့ၣ်လီၤ. ပှၤလုၢ်တၢ်အဒိၣ်ကန့ၢ် ဘၣ်အီၤလီၤ.
22ဒီးပှၤမ့ၢ်ပာ်စီဆှံစံာ်တပူၤလၢ အပှ့ၤဝဲလၢယွၤအဂီၢ်, လၢအတမ့ၢ်ဘၣ်တၢ်လၢအန့ၢ်ဘၣ်သါဒီး, 23ပှၤလုၢ်တၢ် အဒိၣ်ဘၣ်ဂံၢ်န့ၢ်အီၤအပှ့ၤလၢ နပာ်တုၤလၢတၢ်သူၣ်ခု သးခုအနံၣ်, ဒီးဘၣ်ဟ့ၣ်အပှ့ၤလၢနပာ်လၢမုၢ်နံၤန့ၣ် လၢတၢ်စီဆှံလၢယွၤအဂီၢ်လီၤ.
24ဒီးလၢတၢ်သူၣ်ခုသးခုအနံၣ်န့ၣ် စံာ်ဧိၤပှဲၤဧိၤကက့ၤ က့ၤဆူပှၤလၢအဆါကွံာ်အီၤ, ပှၤလၢဟီၣ်ခိၣ်န့ၣ်မ့ၢ်အ တၢ်ဟံးဃာ်တဂၤန့ၣ်လီၤ.
25ဒီးနပာ်အပှ့ၤခဲလၢာ်န့ၣ် ဘၣ်ဒ်တၢ်အလီၢ်စီဆှံအၡ က့လးအသိးန့ၣ်လီၤ.က့ရၤခံဆံန့ၣ်မ့ၢ်တၡက့လးလီၤ.
26မ့မ့ၢ်ဆၣ်ဖိကီၢ်ဖိအဝဲၢ်ကိလၢ အမ့ၢ်ယွၤအတၢ်ဝဲၢ်ကိ န့ၣ်ပှၤတဘၣ်ပာ်စီဆှံအီၤနီတဂၤဘၣ်. ဂီၤဖံးမ့ၢ်ဂ့ၤ, သိ ဒီးမဲာ်တဲးလဲးမ့ၢ်ဂ့ၤ, မ့ၢ်ယွၤအတၢ်လီၤ.
27ဒီးမ့မ့ၢ်ဆၣ်ဖိကီၢ်ဖိတကဆှီဘၣ်ဒီး, ဘၣ်ပှ့ၤက့ၤအီၤ ဒ်နပာ်အပှ့ၤအသိးန့ၣ်, ဒီးဘၣ်ပာ်ယဲၢ်ပူတပူလၢအဖီ ခိၣ်လီၤ. ဒီးမ့ၢ်တပှ့ၤက့ၤအီၤဘၣ်ဒီး ဘၣ်ဆါကွံာ်အီၤ, ဒ်နပာ်အပှ့ၤအသိးန့ၣ်လီၤ.
28ဘၣ်ဆၣ်ဒီးတၢ်လၢပှၤပာ်အီၤဒီး တၢ်ဆိၣ်လၢပှၤဆိၣ် တၢ်ဒီးပာ်လၢယွၤအဂီၢ်လၢ ကယဲၢ်အတၢ်ဖိတၢ်လံၤအ ကျါ, ပှၤကညီဂ့ၤ, ဆၣ်ဖိကီၢ်ဖိဂ့ၤ, စံာ်ဧိၤပှဲၤဧိၤလၢ အမ့ၢ်အတၢ်ဟံးဃာ်ဂ့ၤ, တၢ်တဘၣ်ဆါကွံာ်ဒီးတၢ်တ ဘၣ်ပှ့ၤက့ၤအီၤနီတမံၤဘၣ်. ကယဲၢ်တၢ်လၢပှၤပာ်ဒီး တၢ်ဆိၣ်န့ၣ်မ့ၢ်တၢ်စီဆှံကတၢၢ်လၢယွၤအဂီၢ်လီၤ.
29တၢ်လၢအဘၣ်တၢ်ပာ်ဒီးတၢ်ဆိၣ်လၢ ပှၤကညီပာ် ဒီးတၢ်ဆိၣ်န့ၣ် ပှၤတဘၣ်ပှ့ၤက့ၤနီတဂၤဘၣ်. သံဒီး ကသံလီၤ.
30ဒီးဟီၣ်ခိၣ်အတၢ်ချံမ့ၢ်ဂ့ၤ, သ့ၣ်အသၣ်မ့ၢ်ဂ့ၤ, ကယဲၢ် တၢ်ဘၣ်ဃးဒီးဟီၣ်ခိၣ် ဆံဆဲၣ်ပူတပူန့ၣ်မ့ၢ်ယွၤအတၢ် လီၤ. မ့ၢ်တၢ်စီဆှံလၢယွၤအဂီၢ်လီၤ.
31ဒီးပှၤမ့ၢ်ပှ့ၤက့ၤအတၢ်ဆံဆဲၣ်ပူတပူဒီး, ဘၣ်ပာ်ဖှိၣ် လၢအဖီခိၣ်ယဲၢ်ပူတပူလီၤ.
32ဒီးကယဲၢ်ဂီၤဖံးဆံဆဲၣ်ဒုတဒုမ့ၢ်ဂ့ၤ, သိမဲာ်တဲးလဲး ဆံဆဲၣ်ဒုတဒုမ့ၢ်ဂ့ၤ, ဖဲဒၣ်တၢ်လၢအခီဂာ်တၢ်လၢနီၣ် ထိးဘိအဖီလာ်ခဲလၢာ်ဆံဆဲၣ်ဒုတဒု ကကဲထီၣ်တၢ်စီ ဆှံလၢယွၤအဂီၢ်လီၤ.
33ဒီးမ့ၢ်အဂ့ၤဧါမ့ၢ်အအၢဧါန့ၣ်တဘၣ်ဃု, ဒီးတဘၣ် လဲလိာ်အီၤဘၣ်. မ့ၢ်လဲလိာ်အီၤသပှၢ်တၢၢ်ဒီး, အဝဲ န့ၣ်ဒီးတၢ်လၢအလဲလိာ်လၢအီၤန့ၣ် ကကဲထီၣ်တၢ်စီ ဆှံလီၤ. တၢ်တဘၣ်ပှ့ၤက့ၤအီၤဘၣ်.
34တၢ်တဖၣ်န့ၣ်မ့ၢ်တၢ်မၤလိာ်လၢ ယွၤမၤလိာ်စီၤမိၤရှ့ လၢပှၤအံၣ်စရ့လးဖိအဂီၢ်လၢကစၢၢ်စံၤနါအလိၤန့ၣ်လီၤ.
Currently Selected:
လံာ်စီၤမိၤရှ့သၢဘ့ၣ်တဘ့ၣ်. ၂၇: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.