လံာ်စီၤမိၤရှ့သၢဘ့ၣ်တဘ့ၣ်. ၂၅
၂၅
1ဒီးယွၤကတိၤတၢ်ဒီးစီၤမိၤရှ့ လၢကစၢၢ်စံၤနါအလိၤ, ဒီးစံးဝဲဒၣ်, 2ကတိၤတၢ်ဒီးပှၤအံၣ်စရ့လးဖိ, ဒီးစံးဘၣ် အီၤ, တုၤသုဟဲနုာ်လၢကီၢ်လၢယဟ့ၣ်လီၤသုဒီး, ဟီၣ် ခိၣ်ဘၣ်အိၣ်ဘှံးအတၢ်အိၣ်ဘှံးလၢယွၤအဂီၢ်လီၤ. 3ဃု နံၣ်န့ၣ်နကဖှံတၢ်လၢနစံာ်ပူၤ, ဒီးဃုနံၣ်န့ၣ်နကပဲာ်ဃိ ကဆှီထီၣ်ဘၣ်နစပံးအလီၢ်, ဒီးထၢဖှိၣ်အသၣ်လီၤ.-
4မ့မ့ၢ်နွံနံၣ်တနံၣ်န့ၣ်ကကဲထီၣ် တၢ်အိၣ်ဘှံးစီဆှံအတၢ် အိၣ်ဘှံးလၢဟီၣ်ခိၣ်အဂီၢ်, တၢ်အိၣ်ဘှံးလၢယွၤအဂီၢ် လီၤ. ဖှံတၢ်လၢနစံာ်ပူၤတဂ့ၤ. ဒီးပဲာ်ဃိကဆှီထီၣ်နစ ပံးအလီၢ်တဂ့ၤ.
5တၢ်လၢအမဲထီၣ်ဒၣ်တၢ်လၢနကူးဘုအလီၢ်န့ၣ် နတ ဘၣ်ကူးဘၣ်. ဒီးနစပံးမုၢ်လၢနတကတဲာ်ကတီၤဘၣ် န့ၣ်နတဘၣ်ဒဲးဖှိၣ်ဘၣ်အသၣ်ဘၣ်. မ့ၢ်တၢ်အိၣ်ဘှံးအ နံၣ်လၢဟီၣ်ခိၣ်အဂီၢ်လီၤ.
6ဒီးဟီၣ်ခိၣ်အတၢ်အိၣ်ဘှံးန့ၣ် ကကဲထီၣ်တၢ်အီၣ်လၢ သုဂီၢ်, လၢနဂီၢ်, ဒီးလၢနကုၢ်ပိာ်ခွါအဂီၢ်, ဒီးလၢန ကုၢ်ပိာ်မုၣ်အဂီၢ်, ဒီးလၢနပှၤလၢအဒိးလဲအသးအဂီၢ်, ဒီးလၢပှၤတခီဘီမုၢ်ဖိလၢအအိၣ်ဒီးနၤအဂီၢ်, 7ဒီးလၢ နဆၣ်ဖိကီၢ်ဖိအဒၢအဂီၢ်, ဒီးဆၣ်ဖိကီၢ်ဖိအမံၤလၢန ကီၢ်ပူၤအဂီၢ်န့ၣ်တၢ်မဲထီၣ်ကကဲထီၣ်အတၢ်အီၣ်လီၤ.
8ဒီးနဘၣ်ဂံၢ်လၢနဂီၢ်နွံအိၣ်ဘှံးနံၣ်, နွံနံၣ်နွံဘျီလီၤ. ဒီးနွံအိၣ်ဘှံးတၢ်အမုၢ်နံၤတဖၣ် ကကဲထီၣ်လၢနဂီၢ်လွံၢ် ဆံခွံနံၣ်လီၤ.
9ဒီးလၢလါနွံလါတလါထီၣ် ဆံဆဲၣ်နံၤတနံၤန့ၣ်နဘၣ် ဒုးခီဂာ်ကွဲၤအသီၣ်ဖးဒိၣ်လီၤ. လၢတၢ်ပူၤဖျဲးအမုၢ်တနံၤ န့ၣ်သုဘၣ်ဒုးခီဂာ်ကွဲၤအသီၣ်လၢသုကီၢ်ဒီကီၢ်ညါလီၤ.
10ယဲၢ်ဆံနံၣ်တနံၣ်န့ၣ် သုဘၣ်ပာ်စီဆှံအီၤဒီးကိးထီၣ် တၢ်ထူၣ်ဖျဲးလၢပှၤကီၢ်ဖိခဲလၢာ်အဂီၢ် လၢကီၢ်ပူၤဒီကီၢ် ညါလီၤ. ကကဲထီၣ်တၢ်သူၣ်ခုသးခုလၢသုဂီၢ်, ဒီးသု ကက့ၤက့ၤ တဂၤဆူအတၢ်ဟံးဃာ်စုာ်စုာ်, ဒီးသုက က့ၤက့ၤတဂၤဆူအပှၤဒူၣ်ဖိအအိၣ်စုာ်စုာ်လီၤ.
11တၢ်လၢယဲၢ်ဆံအနံၣ်တနံၣ်န့ၣ် ကကဲထီၣ်တၢ်သူၣ်ခု သးခုလၢသုဂီၢ်လီၤ. သုတဘၣ်ဖှံတၢ်ဘၣ်. ဒီးသုတ ဘၣ်ကူးတၢ်လၢအမဲထီၣ်ဒၣ်တၢ်ဘၣ်. ဒီးတဘၣ်ဒဲးဖှိၣ် နစပံးမုၢ်အသၣ်လၢနတကတဲာ်ကတီၤအီၤန့ၣ်ဘၣ်.
12အဂ့ၢ်ဒ်အံၤ, မ့ၢ်တၢ်သူၣ်ခုသးခုအကတီၢ်လီၤ. က ဘၣ်ကဲထီၣ်တၢ်စီဆှံလၢသုဂီၢ်လီၤ. သုဘၣ်အီၣ်အတၢ် မဲထီၣ်လၢပျီပူၤလီၤ. 13လၢတၢ်သူၣ်ခုသးခုအနံၣ်န့ၣ်သု ကက့ၤက့ၤတဂၤဆူအတၢ်ဟံးဃာ်, တဂၤဆူအတၢ်ဟံး ဃာ်ဒၣ်ဝဲစုာ်စုာ်လီၤ.
14ဒီးနမ့ၢ်ဆါကွံာ်တၢ်တမံၤမံၤဒီး ပှၤလၢနဃၢၤမ့ၢ်ဂ့ၤ, နမ့ၢ်ပှ့ၤတၢ်လၢပှၤလၢနဃၢၤအစုပူၤမ့ၢ်ဂ့ၤ, သုတဘၣ် မၤအၢလိာ်သုသးတဂၤဒီးတဂၤဘၣ်.
15ဒ်နံၣ်ပူၤကွံာ်တၢ်သူၣ်ခုသးခုအကတီၢ် အတၢ်ဂံၢ်အ သိးန့ၣ် နဘၣ်ပှ့ၤတၢ်လၢပှၤလၢနဃၢၤလီၤ. ဒ်နံၣ်လၢ အသၣ်အိၣ်အတၢ်ဂံၢ်အသိးန့ၣ်ဘၣ်ဆါတၢ်ဒီးနၤလီၤ.
16ဖဲဒၣ်အနံၣ်အါအဝဲအသိးန့ၣ် နဘၣ်မၤအါထီၣ်အပှ့ၤ လီၤ. ဒီးဖဲဒၣ်အနံၣ်စှၤဝဲအသိးန့ၣ်နဘၣ်မၤစှၤလီၤအပှ့ၤ လီၤ. အဂ့ၢ်ဒ်အံၤ, ဖဲဒၣ်တၢ်ဂံၢ်တၤသူၣ်တၤသၣ်အသိး န့ၣ်ဆါဝဲဒီးနၤလီၤ.
17ဒီးသုတဘၣ်မၤအၢလိာ်သုသး တဂၤဒီးတဂၤဘၣ်. ဒီးနဘၣ်ပျံၤနကစၢ်လီၤ. အဂ့ၢ်ဒ်အံၤ, ယဲဒၣ်အံၤယမ့ၢ် ယွၤသုကစၢ်လီၤ.
18ဒီးသုဘၣ်မၤယလုၢ်ယလၢ်,ဒီးတိၢ်န့ၢ်ယတၢ်စံၣ်ညီၣ်, ဒီးမၤအီၤလီၤ. ဒီးသုကအိၣ်ကဆိးလၢကီၢ်ပူၤန့ၣ်ကျၢၤ ကျၢၤလီၤ. 19ဒီးဟီၣ်ခိၣ်ကဟ့ၣ်အတၤသၣ်, ဒီးသုက အီၣ်ကုးအီပှဲၤ, ဒီးသုကအိၣ်လၢအပူၤကျၢၤကျၢၤလီၤ.
20ဒီးသုမ့ၢ်စံး, နွံနံၣ်တနံၣ်န့ၣ်ပကအီၣ်တၢ်မနုၤလဲၣ်န့ၣ်, ကွၢ်ကွၢ်ပတဘၣ်ဖှံတၢ်ဘၣ်. ဒီးပတဘၣ်ထၢဖှိၣ်အတၤ သၣ်ဘၣ်န့ၣ်ဒီး, 21ယကမၤလိာ်ယတၢ်ဆိၣ်ဂ့ၤဘၣ်လၢ သုလိၤဃုနံၣ်တနံၣ်အတီၢ်ပူၤ, ဒီးကသၣ်ထီၣ်လၢသၢ နံၣ်အဂီၢ်လီၤ. 22ဒီးဃိးနံၣ်တနံၣ်န့ၣ်သုဘၣ်ဖှံတၢ်, ဒီးအီၣ် တၤသၣ်လီၢ်လံၤတုၤလီၤလၢ ခွံနံၣ်တနံၣ်ဖဲအတၤသၣ် တချုးဟဲထီၣ်ဘၣ်ဒီး သုကအီၣ်တၢ်လီၢ်လံၤလီၤ.
23ဟီၣ်ခိၣ်တဘၣ်တၢ်ဆါကွံာ်ဘၣ်အီၤ အထူအယိာ် ဘၣ်. အဂ့ၢ်ဒ်အံၤ, ဟီၣ်ခိၣ်န့ၣ်မ့ၢ်ယတၢ်လီၤ. ဒီးသု မ့ၢ်ပှၤတခီဘီမုၢ်ဖိ, ဒီးပှၤတမှံၤလၢယမဲာ်ညါလီၤ.
24ဒီးလၢဟီၣ်ခိၣ်လၢ သုန့ၢ်ဘၣ်ဒီဘ့ၣ်ညါအပူၤ, သု ဘၣ်ဟ့ၣ်ပှၤပှ့ၤက့ၤအဟီၣ်ခိၣ်လီၤ.
25နဒီပုၢ်ဝဲၢ်တဂၤမ့ၢ်ဖှီၣ်လီၤ, ဒီးဆါကွံာ်အတၢ်ဟံးဃာ် ဒီး, ပှၤလၢအဘူးကတၢၢ်ဒီးအီၤဘၣ်ဟဲဒီး ပှ့ၤက့ၤတၢ် လၢအဒီပုၢ်ဝဲၢ်ဆါကွံာ်ဝဲန့ၣ်လီၤ. 26ဒီးပှၤတဂၤန့ၣ်အပှၤ ပှ့ၤက့ၤတၢ်မ့ၢ်တအိၣ်ဘၣ်, ဒီးအစုဒၣ်ဝဲန့ၣ်မ့ၢ်ချုးန့ၢ်တၢ် အကြၢးအဘၣ်လၢအပှ့ၤက့ၤအီၤဒီး, 27လၢအဆါကွံာ် တၢ်လံၤလံၤန့ၣ် မ်အဂံၢ်အနံၣ်အလါ, ဒီးလၢအတၢ်အါ ထီၣ်န့ၣ်မ်အဟ့ၣ်က့ၤပှၤလၢ အဝဲဆါကွံာ်တ့ၢ်အတၢ် လၢအီၤတက့ၢ်,ဒီးကက့ၤက့ၤဆူအတၢ်ဟံးဃာ်န့ၣ်လီၤ.
28ဒီးအစုမ့ၢ်တချုးန့ၢ်ဘၣ်တၢ်အကြၢးအဘၣ် လၢအက ဟ့ၣ်က့ၤအီၤဒီး တၢ်လၢအဘၣ်တၢ်ဆါကွံာ်အီၤန့ၣ်က အိၣ်ဒံးလၢပှၤလၢအပှ့ၤအီၤအစုပူၤ တုၤတၢ်သူၣ်ခုသးခု အနံၣ်လီၤ. ဒီးလၢတၢ်သူၣ်ခုသးခုအနံၣ်န့ၣ်ကဟးထီၣ် ကွံာ်, ဒီးအဝဲဒၣ်ကက့ၤဆူအတၢ်ဟံးဃာ်လီၤ.
29ဒီးပှၤမ့ၢ်ဆါကွံာ် တၢ်အိၣ်တၢ်ဆိးအဟံၣ်တဖျၢၣ်လၢ ဝ့ၢ်အိၣ်ဒီးအခိၣ်ဒူဒီး, လၢအဆါကွံာ်အလီၢ်ခံတနံၣ်ညါ န့ၣ်ပှ့ၤက့ၤအီၤသ့လီၤ. တနံၣ်ညါအတီၢ်ပူၤန့ၣ်တၢ်ဟ့ၣ် အပှ့ၤက့ၤအီၤလီၤ.
30ဒီးမ့ၢ်တပှ့ၤက့ၤဘၣ်လၢတနံၣ်ညါအပူၤဒီး, ဟံၣ်လၢ အအိၣ်လၢဝ့ၢ်အိၣ်ဒီးအခိၣ်ဒူတဖျၢၣ်န့ၣ် ကအိၣ်စံာ်အိၣ် ကျၢၤဒီးပှၤလၢအပှ့ၤအီၤ လီၤလၢအစၢၤအသွဲၣ်ခဲလၢာ် လီၤ.တဘၣ်ဟးထီၣ်လၢတၢ်သူၣ်ခုသးခုအကတီၢ်ဘၣ်.
31မ့မ့ၢ်ဟံၣ်ဧိၤဃီဧိၤအိၣ်ဝဲလၢ သဝီလၢအခိၣ်ဒူဝးတရံး အီၤတအိၣ်ဘၣ်တဖၣ်န့ၣ်, တၢ်ဘၣ်ပာ်အီၤဒ်စံာ်ဧိၤပှဲၤ ဧိၤလၢခိအသိးန့ၣ်လီၤ. တၢ်ဟ့ၣ်ပှၤပှ့ၤက့ၤအီၤ, ဒီးက ဟးထီၣ်ကွံာ်လၢတၢ်သူၣ်ခုသးခုအကတီၢ်လီၤ.
32ဘၣ်ဆၣ်ဒီးပှၤလ့ၤဝံဖိအဝ့ၢ်တဖၣ်န့ၣ် ဒီးအဟံၣ်အ ဃီလၢအဝ့ၢ်လၢအကဲထီၣ် အတၢ်ဟံးဃာ်န့ၣ်တၢ်ဟ့ၣ် ပှၤလ့ၤဝံဖိပှ့ၤက့ၤအီၤတဘျီလၢ်လၢ်လီၤ.
33ဒီးပှၤလ့ၤဝံဖိမ့ၢ်ပှ့ၤက့ၤတၢ်ဒီး, အဟံၣ်လၢတၢ်ဆါ ကွံာ်အီၤ, ဒီးအဝ့ၢ်လၢအကဲထီၣ်အတၢ်ဟံးဃာ်ဘၣ် ဟးထီၣ်ကွံာ်လၢတၢ်သူၣ်ခုသးခုအကတီၢ်လီၤ. အဂ့ၢ် ဒ်အံၤ, ဟံၣ်ဧိၤဃီဧိၤလၢပှၤလ့ၤဝံဖိအဝ့ၢ်ပူၤန့ၣ် မ့ၢ်အ တၢ်ဟံးဃာ်လၢပှၤအံၣ်စရ့လးဖိအကျါလီၤ.
34ဒီးအစံာ်အပှဲၤလၢအဝ့ၢ်ဃၢၤတဖၣ်န့ၣ် တဘၣ်ဘၣ် တၢ်ဆါကွံာ်အီၤဘၣ်. အဂ့ၢ်ဒ်အံၤ, မ့ၢ်အတၢ်ဟံးဃာ် အထူအယိာ်လီၤ.
35ဒီးနဒီပုၢ်ဝဲၢ်မ့ၢ်ဖှီၣ်လီၤ, ဒီးအစုလီၤစၢ်ဒီးနၤဒီး, န ဘၣ်ဒုးဆူၣ်ထီၣ် အဂံၢ်အဘါ, ပှၤတခီဘီမုၢ်ဖိမ့ၢ်ဂ့ၤ, ပှၤတမှံၤမ့ၢ်ဂ့ၤ, ဒ်သိးအကမူဒီးနၤလီၤ.
36စ့အအ့ၣ်မ့ၢ်ဂ့ၤ, တၢ်အါထီၣ်မ့ၢ်ဂ့ၤ, ဟံးန့ၢ်လၢအီၤ တဂ့ၤ. ဒီးပျံၤနကစၢ်, ဒီးဒုးမူနဒီပုၢ်ဝဲၢ်ဒီးနၤတက့ၢ်.
37နတဘၣ်ဟ့ၣ်အီၤလၢနစ့လၢ တၢ်အ့ၣ်ထီၣ်အဂီၢ် ဘၣ်. ဒီးနတဘၣ်ဟ့ၣ်အီၤလၢ နတၢ်အီၣ်လၢတၢ်အါ ထီၣ်အဂီၢ်ဘၣ်.
38ယဲဒၣ်အံၤ ယမ့ၢ်ယွၤသုကစၢ်လၢအဒုးဟးထီၣ်ကွံာ် သုလၢကီၢ်အဲၤကူပတူးအပူၤ, ဒ်သိးယကဟ့ၣ်လီၤသု လၢကီၢ်ကနၤဧၣ်, ဒီးကဲထီၣ်သုကစၢ်လီၤ. 39ဒီးနဒီပုၢ်ဝဲၢ်လၢနဃၢၤမ့ၢ်ဖှီၣ်လီၤ, ဒီးဘၣ်တၢ်ဆါကွံာ်အီၤလၢနၤဒီး, နတဘၣ်မၢအမၤနကုၢ်နပှၤအတၢ်ဘၣ်,-
40ဒ်ပှၤဒိးလဲအသးအသိး, ဒ်ပှၤတမှံၤအသိးန့ၣ် ကဘၣ် အိၣ်ဒီးနၤလီၤ. ကမၤနတၢ်တုၤလၢတၢ်သူၣ်ခုသးခုအ နံၣ်လီၤ. 41တုၤနုၤတဘျီကဟးထီၣ်ဝဲလၢနအိၣ်, အ ဝဲဒၣ်ဒီးအဖိအလံၤအိၣ်ဒီးအီၤ, ဒီးကက့ၤက့ၤဆူအဒူၣ် ဒၣ်ဝဲအအိၣ်, ဒီးဖဲအပၢ်တဖၣ်အတၢ်ဟံးဃာ်အအိၣ် န့ၣ်ကက့ၤက့ၤဝဲလီၤ.
42အဂ့ၢ်ဒ်အံၤ, အဝဲသ့ၣ်တဖၣ်မ့ၢ်ယခ့ယပှၤလၢယဒုး ဟးထီၣ်ကွံာ်လၢကီၢ်အဲၤကူပတူးအပူၤန့ၣ်လီၤ. တဘၣ် ဘၣ်တၢ်ဆါကွံာ်အီၤဒ်ပှၤအကုၢ်အပှၤအသိးဘၣ်. 43န တဘၣ်ပၢအီၤဒီး နစုဆူၣ်နခီၣ်သကးဘၣ်. မ့မ့ၢ်န ဘၣ်ပျံၤနကစၢ်လီၤ.
44နကုၢ်ပိာ်ခွါတဖၣ်, ဒီးနကုၢ်ပိာ်မုၣ်တဖၣ်, လၢအ အိၣ်ဒီးနၤန့ၣ် ကမ့ၢ်ပှၤကလုာ်တဖၣ်အဖိလၢအအိၣ်ဝး တရံးသုလီၤ. သုကန့ၢ်ဘၣ်ကုၢ်ပိာ်ခွါ, ဒီးကုၢ်ပိာ်မုၣ် လၢအီၤလီၤ.
45ဒီးသုကန့ၢ်ဘၣ်စ့ၢ်ကီးလၢ အပှၤကလုာ်တဖၣ်အဖိ လၢအအိၣ်ဝဲဆိးဝဲလၢသုကျါ, ဒီးလၢပှၤအဒူၣ်ဖိလၢအ အိၣ်ဒီးသု, လၢအထီၣ်ဖိလၢသုကီၢ်ပူၤ, ဒီးကကဲလၢ သုတၢ်ဟံးဃာ်လီၤ.
46ဒီးသုကန့ၢ်ဘၣ်သါအီၤ လၢသုဖိသုလံၤအဂီၢ်လၢသု လီၢ်ခံန့ၣ်ဒ်သိးအကန့ၢ်ဘၣ်သါဝဲလၢ အတၢ်ဟံးဃာ် လီၤစိၤလီၤထီလီၤ. မ့မ့ၢ်သုဒီပုၢ်ဝဲၢ်ပှၤအံၣ်စရ့လးဖိအံၤ, သုတဘၣ်ပၢလိာ်သုသးသကိးသကိးဒီး သုစုဆူၣ်ခီၣ် သကးဘၣ်. 47ဒီးပှၤတခီဘီမုၢ်ဖိမ့ၢ်ဂ့ၤ, ပှၤတမှံၤမ့ၢ်ဂ့ၤ, မ့ၢ်ထူးထီၣ်တီၤထီၣ်ဒီးနၤ, ဒီးနဒီပုၢ်ဝဲၢ်အိၣ်လၢအဃၢၤမ့ၢ်ဖှီၣ်လီၤ,ဒီးဆါလီၤကွံာ်အသးလၢပှၤတခီဘီမုၢ်ဖိဂ့ၤ, ပှၤတမှံၤဂ့ၤ, လၢပှၤတခီဘီမုၢ်ဖိအဒူၣ်ဖိဂ့ၤအိၣ်လၢနဃၢၤဒီး,-
48ဆါလီၤကွံာ်အသးအလီၢ်ခံန့ၣ် တၢ်ဟ့ၣ်ပှၤကပှ့ၤက့ၤ အီၤလီၤ. အဒီပုၢ်ဝဲၢ်တဂၤဂၤကပှ့ၤက့ၤအီၤလီၤ. 49အဖါ တံၢ်မ့ၢ်ဂ့ၤ, အဖါတံၢ်အဖိမ့ၢ်ဂ့ၤ, ကပှ့ၤက့ၤအီၤလီၤ. အဘူးအတံၢ်လၢအဒူၣ်ဒၣ်ဝဲတဂၤဂၤကပှ့ၤက့ၤအီၤလီၤ. ဒီးအစုမ့ၢ်ချုးန့ၢ်တၢ်ဒီး, ကပှ့ၤက့ၤလီၤအသးလီၤ.
50ဒီးဘၣ်ဂံၢ်တၢ်ဒီးပှၤလၢအပှ့ၤအီၤလၢ နံၣ်လၢအဆါ လီၤကွံာ်အသးတုၤလီၤလၢ တၢ်သူၣ်ခုသးခုအနံၣ်, ဒီး အပှ့ၤန့ၣ်ကဒ်အနံၣ်အလါအသိးလီၤ. ကမၤအသးဒီး အီၤဒ်ပှၤဒိးလဲဖိအမုၢ်နံၤတဖၣ်အသိးန့ၣ်လီၤ. 51ဒီးမ့ၢ် အိၣ်ဒံးအါနံၣ်ဒီး, ဒ်အဝဲသ့ၣ်အသိးန့ၣ်ဘၣ်ဟ့ၣ်က့ၤ အပှ့ၤလၢစ့လၢတၢ်ပှ့ၤအီၤအပူၤလီၤ.
52ဒီးမ့ၢ်အိၣ်ဒံးစှၤနံၣ်တုၤလၢ တၢ်သူၣ်ခုသးခုအနံၣ်ဒီး, ဘၣ်ဂံၢ်တၢ်ဒီးအီၤ, ဒီးဒ်အနံၣ်အိၣ်ဝဲအသိးန့ၣ်ဘၣ်ဟ့ၣ် က့ၤအတၢ်ပှ့ၤက့ၤန့ၣ်လီၤ. 53ဒ်ပှၤဒိးလဲအသးတနံၣ်တ နံၣ်အသိးန့ၣ်ကအိၣ်ဒီးအီၤလီၤ. တဘၣ်ပၢအီၤဒီးအစု ဆူၣ်အခီၣ်သကးလၢနမဲာ်ညါဘၣ်.
54ဒီးမ့ၢ်တပှ့ၤက့ၤဘၣ်အီၤလၢ တၢ်အံၤတဖၣ်ဘၣ်ဒီး, ကဟးထီၣ်ကွံာ်လၢတၢ်သူၣ်ခုသးခုအနံၣ်, အဝဲဒၣ်ဒီး အဖိအလံၤအိၣ်ဒီးအီၤလီၤ.
55အဂ့ၢ်ဒ်အံၤ, ပှၤအံၣ်စရ့လးဖိမ့ၢ်တၢ်အခ့အပှၤလၢယ ဂီၢ်လီၤ. အဝဲသ့ၣ်တဖၣ်န့ၣ်မ့ၢ်ယခ့ယပှၤလၢယဒုးဟး ထီၣ်ကွံာ်လၢ ကီၢ်အဲၤကူပတူးအပူၤလီၤ. ယဲဒၣ်အံၤ, ယမ့ၢ်ယွၤသုကစၢ်လီၤ.
Currently Selected:
လံာ်စီၤမိၤရှ့သၢဘ့ၣ်တဘ့ၣ်. ၂၅: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.