လံာ်စီၤမိၤရှ့သၢဘ့ၣ်တဘ့ၣ်. ၂၂
၂၂
1-2ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,-စံးဘၣ်စီၤ အၤဟရိၣ်ဒီးအဖိခွါတဖၣ်, လၢအဘၣ်မၤလီၤဖးလီၤ အသးဒီးပှၤအံၣ်စရ့လးဖိအတၢ်စီဆှံတဖၣ်, ဒ်သိးအသု တမၤဘၣ်အၢယမံၤစီဆှံလၢ တၢ်လၢအဝဲသ့ၣ်ပာ်စီဆှံ လၢယဂီၢ်န့ၣ်အဃိတဂ့ၤလီၤ. ယဲဒၣ်အံၤယမ့ၢ်ယွၤလီၤ.
3စံးဘၣ်အီၤ, ဖဲဒၣ်ပှၤလၢသုချံသုသၣ်လၢသုစၢၤသု သွဲၣ်အကျါ, လၢအအိၣ်ဒီးအတၢ်တကဆှီဘၣ်လၢအ လိၤ, ဒီးလဲၤဆူတၢ်စီဆှံတဖၣ်အအိၣ်လၢပှၤအံၣ်စရ့လး ဖိပာ်စီဆှံလၢယွၤအဂီၢ်တဂၤဂၤန့ၣ် ကဘၣ်တၢ်ဒီၣ်တဲာ် ကွံာ်အီၤလၢယမဲာ်ညါလီၤ. ယဲဒၣ်အံၤယမ့ၢ်ယွၤလီၤ. 4ဖဲဒၣ်ပှၤလၢ စီၤအၤဟရိၣ်အချံအသၣ်အကျါတဂၤဂၤန့ၣ်မ့မ့ၢ်ပှၤဘၣ်တၢ်ဆါအၢမ့ၢ်ဂ့ၤ, မ့ၢ်အိၣ်ဒီးတၢ်ယွၤလီၤမ့ၢ်ဂ့ၤ, တချုးအကဆှီထီၣ်ဒံးဘၣ်ဒီး,- တဘၣ်အီၣ်တၢ် စီဆှံတဖၣ်ဘၣ်. ဒီးဖဲဒၣ်ပှၤလၢအထိးဘၣ်တၢ်တက ဆှီဘၣ်, တၢ်သံဂ့ၤ, ပှၤလၢအချံဟဲထီၣ်လၢအပူၤဂ့ၤ,-
5ဒီးပှၤလၢအထိးဘၣ်တၢ်လၢအစွါတမံၤမံၤ လၢအမၤတ ကဆှီဘၣ်အီၤဂ့ၤ, ပှၤလၢအဘၣ်တၢ်တကဆှီဘၣ်လၢ အီၤဖဲဒၣ်တၢ်တကဆှီဘၣ် အိၣ်ဒီးအီၤဂ့ၤ, 6ပှၤလၢအ ထိးဘၣ်တၢ်ဒ်န့ၣ်အသိးတဂၤန့ၣ် ကကဲထီၣ်တၢ်တက ဆှီဘၣ်တုၤမုၢ်ဟါ, ဒီးမ့ၢ်တသ့စီဘၣ်အညၣ်လၢထံ ဘၣ်ဒီး, တဘၣ်အီၣ်တၢ်စီဆှံတဖၣ်ဘၣ်.
7ဒီးတုၤမုၢ်လီၤနုာ်ဒီး, ကကဆှီထီၣ်, ဒီးကအီၣ်တၢ် စီဆှံတဖၣ်လၢခံန့ၣ်လီၤ.အဂ့ၢ်ဒ်အံၤ,မ့ၢ်အတၢ်အီၣ်လီၤ.
8တၢ်လၢအသံဒၣ်တၢ်, ဒီးတၢ်လၢတၢ်အ့ၣ်ဖှီသံန့ၣ်ဒ် သိးအကမၤတကဆှီဘၣ်အသးန့ၣ်ဒီး, မ်အသုတအီၣ် အီၤတဂ့ၤ. ယဲဒၣ်အံၤယမ့ၢ်ယွၤလီၤ.
9ဒီးဘၣ်တိၢ်န့ၢ်ယတၢ်သိၣ်တၢ်သီ, ဒ်သိးအသုတဘၣ် တၢ်ဒဲးဘးလၢအဃိ,ဒ်သိးအသုတသံလၢအမၤဘၣ်အၢ အီၤအဃိတဂ့ၤ.တၢ်လၢယၤယွၤအံၤယမၤစီဆှံအီၤလီၤ.
10ပှၤတခီဘီမုၢ်ဖိ တဘၣ်အီၣ်တၢ်စီဆှံန့ၣ်နီတဂၤဘၣ်. ပှၤလၢအအိၣ်ဝဲဆိးဝဲဒီးပှၤလုၢ်တၢ်အဒိၣ်မ့ၢ်ဂ့ၤ, ပှၤဒိးလဲ အသးဖိမ့ၢ်ဂ့ၤ, တဘၣ်အီၣ်တၢ်စီဆှံန့ၣ်ဘၣ်.
11မ့မ့ၢ်ပှၤလုၢ်တၢ်အဒိၣ်မ့ၢ်ပှ့ၤပှၤတဂၤလၢအစ့ဒီး, က အီၣ်ဝဲလီၤ. ဒီးပှၤလၢအအိၣ်ဖျဲၣ်လၢအဟံၣ်ပူၤတဖၣ်န့ၣ် ကအီၣ်အတၢ်အီၣ်လီၤ.
12ဒီးပှၤလုၢ်တၢ်အဒိၣ်အဖိမုၣ်မ့ၢ်န့ၢ်ဝၤ လၢပှၤတခီဘီ မုၢ်ဖိဒီး, တဘၣ်အီၣ်တၢ်မၤဘူၣ်စီဆှံဘၣ်လီၤ. 13မ့မ့ၢ် ပှၤလုၢ်တၢ်အဒိၣ်အဖိမုၣ်မ့ၢ်မုၣ်ကမဲမ့ၢ်ဂ့ၤ, မ့ၢ်လီၤဖှၣ်ဒီး အဝၤမ့ၢ်ဂ့ၤ, ဒီးအချံအသၣ်တအိၣ်ဘၣ်. ဒီးက့ၤက့ၤဆူ အပၢ်အဟံၣ်ပူၤဒ်လၢအသးစၢ်အသိးန့ၣ်, ကအီၣ်အပၢ် အတၢ်အီၣ်လီၤ. မ့မ့ၢ်ပှၤတခီဘီမုၢ်ဖိ တဘၣ်အီၣ်အီၤ ဘၣ်လီၤ.
14ဒီးပှၤမ့ၢ်အီၣ်ကမၣ်တၢ်စီဆှံဒီး, ဘၣ်ပာ်လၢတၢ်န့ၣ် အဖီခိၣ်ယဲၢ်ပူတပူ, ဒီးဟ့ၣ်အီၤဒီးတၢ်စီဆှံလၢပှၤလုၢ် တၢ်အဒိၣ်လီၤ.
15ဒီးတဘၣ်မၤဘၣ်အၢဘၣ် ပှၤအံၣ်စရ့လးဖိအတၢ်စီ ဆှံတဖၣ်လၢအမၤဘူၣ်ယွၤဘၣ်, 16ဒီးတဘၣ်ဒုးဘၣ် အီၤလၢအတၢ်ဒဲးဘးဘၣ်ဃးဒီး အတၢ်ကမၣ်လၢအ အီၣ်အတၢ်စီဆှံတဖၣ်အဃိဘၣ်. အဂ့ၢ်ဒ်အံၤ,တၢ်လၢ ယၤယွၤအံၤယမၤစီဆှံအီၤလီၤ.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 17-18ကတိၤ တၢ်ဒီးစီၤအၤဟရိၣ်ဒီးအဖိခွါတဖၣ်, ဒီးကယဲၢ်ပှၤအံၣ် စရ့လးဖိ, ဒီးစံးဘၣ်အီၤ, ဖဲဒၣ်ပှၤလၢအံၣ်စရ့လးအ ဟံၣ်ဖိအကျါမ့ၢ်ဂ့ၤ, လၢပှၤတခီဘီမုၢ်ဖိလၢပှၤအံၣ်စရ့ လးဖိအကျါမ့ၢ်ဂ့ၤ, လၢအကမၤဘူၣ်တၢ်မၤဘူၣ်ဘၣ် ဃးဒီးဆိၣ်တၢ်တမံၤမံၤ, တၢ်မၤဘူၣ်ဒၣ်တၢ်တမံၤမံၤ လၢအကမၤဘူၣ်ယွၤလၢတၢ်လုၢ်မ့ၣ်အူအဂီၢ်န့ၣ်, 19ဒ် သိးအကဘၣ်တၢ်အသးဒီး, ဘၣ်မၤဘူၣ်ဂီၤဖံးဂ့ၤ, သိ ဂ့ၤ, မဲာ်တဲးလဲးဂ့ၤ, တၢ်အဖါအလၢအပှဲၤတဒုလီၤ.
20မ့မ့ၢ်တၢ်အိၣ်ဒီးအမဲၣ်န့ၣ် သုတမၤဘူၣ်အီၤနီတဒုတ ဂ့ၤ. အဂ့ၢ်ဒ်အံၤ, တဘၣ်ဘၣ်တၢ်အသးလၢသုဂီၢ်ဘၣ်.
21ဒီးဖဲဒၣ်ပှၤလၢအမၤဘူၣ်ယွၤ လၢတၢ်မၤဃူမၤဖိးအ တၢ်လုၢ်, ဒ်သိးအကမၤတီအကလုၢ်လၢအဆိၣ်လီၤအ သးမ့ၢ်ဂ့ၤ, လၢအသါကဟ့ၣ်ဒၣ်တၢ်မ့ၢ်ဂ့ၤ,လၢဂီၤဖံးဂ့ၤ, လၢသိလၢမဲာ်တဲးလဲးဂ့ၤ, အဝဲန့ၣ်ဘၣ်လၢဘၣ်ပှဲၤဒ်သိး အကဘၣ်တၢ်အသးလီၤ. အမဲၣ်တဘၣ်အိၣ်လၢအလိၤ ဘၣ်.
22တၢ်လၢအမဲာ်ဘျီၣ်ဂ့ၤ, လၢအကၢ်အသးဂ့ၤ, လၢအ ညၣ်သၣ်ထီၣ်ဂ့ၤ, လၢတၢ်လိၤသးအီၤဂ့ၤ, လၢအဖံး လီၤသဘျံးဂ့ၤ, သုတဘၣ်မၤဘူၣ်ယွၤလၢအီၤဘၣ်.သု တဘၣ်လုၢ်ဘၣ်အီၤလၢမ့ၣ်အူ လၢတၢ်လုၢ်လီၢ်အဖီခိၣ် လၢယွၤအဂီၢ်ဘၣ်.
23ဂီၤဖံးဂ့ၤ, သိဖိမဲာ်တဲးလဲးဖိဂ့ၤ, လၢအတၢ်တမံၤမံၤ ထီကဲၣ်ဆိးမ့ၢ်ဂ့ၤ, လၢအတၢ်တမံၤမံၤဖုၣ်ကဲာ်ဆိးမ့ၢ်ဂ့ၤ, နကမၤဘူၣ်အီၤလၢနတၢ်မၤဘူၣ်ဒၣ်တၢ်အဂီၢ်လီၤ. မ့မ့ၢ် လၢတၢ်မၤဘူၣ်ဘၣ်ဃးဒီး ဆိၣ်တၢ်အဂီၢ်န့ၣ်တဘၣ် တၢ်အသးဘၣ်.
24တၢ်လၢအဘၣ်တံၢ်ဂ့ၤ, ဘၣ်တိၢ်ဂ့ၤ, ဘၣ်ကၢ်ဂ့ၤ, ဘၣ်ဂဲာ်ဂ့ၤ, သုတဘၣ်မၤဘူၣ်ယွၤလၢအီၤဘၣ်. ဒီးသု တဘၣ်မၤအီၤလၢသုကီၢ်ပူၤဘၣ်.
25ဒီးသုတဘၣ်မၤဘူၣ် သုကစၢ်အတၢ်အီၣ်လၢတၢ်န့ၣ် တမံၤမံၤလၢပှၤတခီဘီမုၢ်ဖိအစုဘၣ်, အဂ့ၢ်ဒ်အံၤ, အ တၢ်အၢအိၣ်လၢအစုပူၤ, အမဲၣ်အိၣ်လၢအလိၤလီၤ. တ ဘၣ်ဘၣ်တၢ်အသးလၢသုဂီၢ်ဘၣ်.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 26-27ဂီၤဖံး ဂ့ၤ, သိဂ့ၤ, မဲာ်တဲးလဲးဂ့ၤ, အိၣ်ဖျဲၣ်ဝဲဒီး, ကအိၣ်ဒီး အမိၢ်နွံနံၤလီၤ. ဒီးလၢဃိးနံၤတနံၤအလီၢ်ခံန့ၣ်ကဘၣ် တၢ်အသးလၢတၢ်လုၢ်မ့ၣ်အူလၢယွၤအဂီၢ်လီၤ.
28ဂီၤဖံးမိၢ်ဂ့ၤ, သုတမၤသံအီၤဒီးအဖိလၢမုၢ်တနံၤဃီ တဂ့ၤ.
29ဒီးတုၤသုလုၢ် တၢ်စံးထီၣ်ပတြၢၤအတၢ်လုၢ်လၢယွၤ အဂီၢ်ဒီး, လုၢ်အီၤလၢအကဘၣ်တၢ်အသးတက့ၢ်.
30သုဘၣ်အီၣ်အီၤလၢမုၢ်တနံၤဃီလီၤ. သုတဘၣ်ပာ် လီၤတဲာ်တၢ်တုၤမုၢ်ဆ့ၣ်ထီၣ်တနံၤနီတစဲးဘၣ်. ယဲဒၣ် အံၤယမ့ၢ်ယွၤလီၤ.
31ဒီးသုဘၣ်တိၢ်န့ၢ်ယတၢ်မၤလိာ်တဖၣ်, ဒီးမၤအီၤလီၤ. ယဲဒၣ်အံၤယမ့ၢ်ယွၤလီၤ.
32ဒီးသုတမၤဘၣ်အၢယမံၤစီဆှံတဂ့ၤ. ယကဒိးတၢ်ပာ် စီဆှံယၤလၢပှၤအံၣ်စရ့လးဖိအသးကံၢ်ပူၤလီၤ.
33ယဲဒၣ်အံၤယမ့ၢ်ယွၤလၢအမၤစီဆှံထီၣ်သု, လၢအဒုး ဟးထီၣ်ကွံာ်သုလၢကီၢ်အဲၤကူပတူး ဒ်သိးယကမ့ၢ်သု ကစၢ်လီၤ. ယဲဒၣ်အံၤယမ့ၢ်ယွၤလီၤ.
Currently Selected:
လံာ်စီၤမိၤရှ့သၢဘ့ၣ်တဘ့ၣ်. ၂၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.