လံာ်စီၤယိၤဘး ၂၆
၂၆
1-2ဒီးစီၤယိၤဘး စံးဆၢတၢ် ဒီးစံးဝဲဒၣ်,-နမၤစၢၤ ပှၤလၢအစိအကမီၤတအိၣ်ဘၣ်ဒ်လဲၣ်. နအုၣ်က့ၤခီၣ် က့ၤပှၤလၢအစုအဂံၢ်အဘါ တအိၣ်ဘၣ်တဂၤဒ်လဲၣ်,-
3ပှၤလၢတၢ်ကူၣ်သ့တအိၣ်ဘၣ်န့ၣ် နဒုးကူၣ်ဘၣ်အီၤဒ် လဲၣ်.နဒုးသ့ၣ်ညါတၢ်မ့ၢ်တၢ်တီအါအါကလဲာ်ဒ်လဲၣ်.
4နကတိၤတၢ်ဒီး မတၤတဂၤလဲၣ်. ဒီးမ့ၢ်မတၤအသး ဟဲလၢနအိၣ်တဂၤလဲၣ်.
5ပှၤပျူၤဖိကနိးကစုာ်လၢထံတဖၣ် ဒီးပှၤအိၣ်ဝဲဆိးဝဲ လၢအပူၤအဖီလာ်န့ၣ်လီၤ.
6ပျူၤပူၤအိၣ်လၢအမဲာ်ညါ, လရာ်န့ၣ်အတၢ်ကျၢၢ်ဘၢတအိၣ်ဘၣ်.
7ထုးထီၣ်ကလံၤစိးတခီလၢ တၢ်အိၣ်ကလီအလီၢ်အဖီ ခိၣ်, ဒီးစဲၤလီၤဟီၣ်ခိၣ်လၢတၢ်တမ့ၢ်ဘၣ်တၢ်ဘၣ်အ လိၤလီၤ.
8ဘိၣ်ထီၣ်ထံလၢအတၢ်အၢၣ်တီၣ်အပူၤ, ဒီးတၢ်အၢၣ် န့ၣ်တယာ်ဘၣ်လၢအဖီလာ်ဘၣ်.
9ကးဘၢအလီၢ်ပစိာ်အမဲာ်, ဒီးသလၣ်ထီၣ် အတၢ် အၢၣ်လၢအဖီခိၣ်လီၤ.
10တိၤကဝီၤတၢ်လၢ ထံဖံးခိၣ်ဖဲတၢ်ကပီၤကတၢၢ်လၢတၢ်ခံးန့ၣ်လီၤ.
11မူခိၣ်အထူၣ်တဖၣ် ဟူးဝးဝဲ, ဒီးကမၢကမၣ်လၢအသိၣ်ဃီၣ်တၢ်အဃိန့ၣ်လီၤ.
12ထိၣ်ဂဲၤပီၣ်လဲၣ်လၢအစိအကမီၤ, ဒီးကျီဖျိပှၤပာ်ထီၣ်ထီအသးလၢအတၢ်ကူၣ်တၢ်ဆးန့ၣ်လီၤ.
13မၤဃံမၤလၤမူခိၣ်လၢအသး, အစုတ့ဆၣ်ဂုၢ်ဃ့ၢ်တၢ်လီၤ.
14ကွၢ်ကွၢ်, အဝဲန့ၣ်မ့ၢ်အကျဲတနီၤ, ဒီးထဲအတၢ်ကတိၤကသွံဒံလၢပှၤနၢ်ဟူဝဲလီၤ. မ့မ့ၢ်အစိအကမီၤအလီသီၣ်န့ၣ် မ့ၢ်မတၤနၢ်ပၢၢ်သ့တဂၤလဲၣ်.
Currently Selected:
လံာ်စီၤယိၤဘး ၂၆: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.