လံာ်စီၤမိၤရှ့အခီၣ်ထံးတဘ့ၣ်. ၄၉
၄၉
1ဒီးစီၤယၤကိာ်ကိးန့ၢ်အဖိခွါတဖၣ်ဒီးစံးဝဲဒၣ်, အိၣ် ဖှိၣ်ရိဖှိၣ်တက့ၢ်. ဒီးတၢ်လၢအကဘၣ်သုလၢမုၢ်နံၤလၢ ခံတဖၣ်န့ၣ်, ယကဒုးနဲၣ်သုလီၤ.
2စူးရိအိၣ်ဖှိၣ်, ဒီးကနၣ်တၢ်, ယၤကိာ်အဖိခွါသ့ၣ်ဧၢ, ကနၣ်သုပၢ်အံၣ်စရ့လးအကလုၢ်တက့ၢ်.
3ရူၤဘ့ၣ်ဧၢ, နမ့ၢ်နဲယဖိဝဲၢ်ကိ,ယဂံၢ်ယဘါ, ဒီးယဆူၣ်ထီၣ်တၢ်အခီၣ်ထံး,တၢ်ထီၣ်ထီအထီတုာ်,တၢ်အစိအကမီၤအဒိၣ်တုာ်,
4ပိလိၣ်ဒ်ထံအသိး, နတဂ့ၤန့ၢ်ထီၣ်တၢ်တက့ၢ်ဘၣ်,မ့ၢ်နထီၣ်ဘးနပၢ်အလီၢ်မံအဃိ,ဒီးနမၤဘၣ်အၢတၢ်, မ့ၢ်အထီၣ်ဘးယလီၢ်မံဒါလီၤ.
5စူၤမ့းအိၣ်, ဒီးလ့ၤဝံမ့ၢ်ဒီပုၢ်ဝဲၢ်,အတၢ်အၢၣ်လီၤမ့ၢ်တၢ်မၤအၢအစုကဝဲၤ,
6လၢအပှၤတကရၢသဒၢအပူၤ, ယသးဧၢ, နုာ်တဂ့ၤ, လၢအတၢ်အိၣ်ဖှိၣ်အပူၤ, ယလၤယကပီၤဧၢ, အိၣ်ဖှိၣ် တဂ့ၤ, မ့ၢ်လၢအသးထီၣ်န့ၣ်မၤသံပှၤကညီ,ဒီးလၢအလူၤအသးဒၣ်ဝဲန့ၣ်, ပဲာ်တဲာ်ဂီၤဖံးအခီၣ်ထူၣ် န့ၣ်အဂ့ၢ်လီၤ.
7အသးထီၣ်န့ၣ် မ်အဘၣ်တၢ်ဆိၣ်အၢလၢအဆူၣ်ဝဲအ ဃိ, ဒီးအသးဒိၣ်ထီၣ်ဆူၣ်, လၢအဒူဝဲအဃိ,ယကမၤလီၤမုၢ်လီၤဖးအီၤလၢယၤကိာ်အပူၤ,ဒီးယကမၤလီၤပြံလီၤပြါအီၤလၢအံၣ်စရ့လးအပူၤလီၤ.
8ယူဒၤဧၢ, နဲဒၣ်အံၤနဒီပုၢ်ဝဲၢ်ကစံးထီၣ်ပတြၢၤနၤ,နစု ကအိၣ်လၢနဒုၣ်နဒါအကိာ်လိၤ,နပၢ်အဖိခွါတဖၣ်ကသကူးလီၤအသးလၢနမဲာ်ညါလီၤ.
9ယူဒၤမ့ၢ်ခ့ယုၢ်ဆံးတဒု,လၢတၢ်ယာ်သံကွံာ်အအိၣ်နလဲၤထီၣ်လံ, ယဖိခွါဧၢ, သကူးလီၤအသး, ကိာ်လီၤဝဲဒ်ခ့ယုၢ်အသိး,ဒီးဒ်ခ့ယုၢ်မိၢ်အသိးလီၤ. မ့ၢ်မတၤကထိၣ်ဂဲၤအီၤလဲၣ်.
10စီၤပၤအနီၣ်ထိးတဟးထီၣ်လၢယူဒၤအအိၣ်,ပှၤဟ့ၣ်တၢ်သိၣ်တၢ်သီ တဟးထီၣ်ကွံာ်လၢအခီၣ်က ဆူး,တုၤတၢ်မၤဃူမၤဖိးတၢ်ဟဲ,ဒီးပှၤဂီၢ်မုၢ်ကဒိကနၣ်အကလုၢ်လီၤ.
11စၢဃာ်ကသ့ၣ်ယီၤဖိလၢစပံးအမုၢ်,ဒီးကသ့ၣ်ယီၤဆံးလၢစပံးမုၢ်စီၤရ့း,ဆှုၣ်ဝဲအဆ့လၢစပံးထံအပူၤ,ဒီးအယၣ်လၢစပံးကူၤအသွံၣ်ပူၤ,
12အမဲာ်ဂီၤဝဲလၢစပံးထံ,ဒီးအမဲဝါဝဲလၢတၢ်နုၢ်ထံလီၤ.
13စဘူလိၣ်ကအိၣ်လၢပီၣ်လဲၣ်နံၤ,ဒီးကကဲထီၣ်ကဘီသန့,ဒီးအသရ့ၤကအိၣ်သဃီၤဒီးစံဒိၣ်လီၤ.
14ယံးစၣ်ကၢ်မ့ၢ်ကသ့ၣ်ယီၤလၢ အဂံၢ်ဆူၣ်အဘါဆူၣ် တဒု,ကိာ်လီၤဝဲလၢသိကရၢတဖၣ်အဘၢၣ်စၢၤ,
15ဒီးထံၣ်ဘၣ်ဝဲလၢတၢ်အိၣ်ဘှံးမ့ၢ်အဂ့ၤ,ဒီးဟီၣ်ခိၣ်မ့ၢ်အမုာ်,ဒီးသကူးအဖံဘၣ်ခိၣ်ဒ်သိးအကယိးတၢ်,ဒီးကဲကုၢ်ကဲပှၤလၢအဟ့ၣ်သွဲလီၤ.
16ဒၣ်ကစံၣ်ညီၣ်အပှၤဂီၢ်မုၢ်အကွီၢ်,ဒ်အံၣ်စရ့လးအပှၤတဒူၣ်အသိးလီၤ.
17ဒၣ်မ့ၢ်ဂုၢ်သီလၢကျဲမုၢ်အဃၢၤတဘိ,ဂုၢ်ပွ့ၤလၢကျဲအဃၢၤတဘိ,ဖျးဝဲလၢကသ့ၣ်အခီၣ်နၢၣ်ခံဒီးပှၤဒိးဝဲလီၤတဲာ်လၢအချၢဃံလီၤ.
18ယကွၢ်လၢ်နအုၣ်က့ၤခီၣ်က့ၤတၢ်အကျဲ, ယွၤဧၢ.
19ကး, ပှၤတဖုကဆီၣ်တနံးအီၤ,မ့မ့ၢ်အဝဲဒၣ်ကဆီၣ်တနံးတၢ်အခီၣ်နၢၣ်ခံလီၤ.
20လၢအၤရှ့ၢ်အပူၤအကိၣ်ကဝံၣ်ဝဲ,ဒီးကဟ့ၣ်စီၤပၤအတၢ်ဝံၣ်သိဝံၣ်ဘဲးလီၤ.
21နးသၤလံမ့ၢ်တၤဟိထူၣ်ဖျဲးအသးတဒု,ဟ့ၣ်လီၤတၢ်ကတိၤအမုာ်အဘၣ်လီၤ.
22ယိၤသးမ့ၢ်တၢ်သၣ်ထီၣ်အဖိ,တၢ်သၣ်ထီၣ်အဖိလၢထံထီၣ်ပၢၢ်အဃၢၤ,အဒ့ကထီၣ်လၢတၢ်အခိၣ်ဒူလိၤလီၤ.
23ပှၤခးပျၢ်ဧိၤစၤဧိၤမၤဆါအီၤ,ဒီးခးတၢ်, ဒီးခိးခူသူၣ်အီၤ,
24ဘၣ်ဆၣ်အချံၣ်အိၣ်ဆူၣ်ဒၣ်တၢ်,ဒီးအစုဒုၣ်အိၣ်ဒီးအဂံၢ်အဘါ,လၢယၤကိာ်တၢ်ဆူၣ်တၢ်ချ့တဂၤအစု,လၢပှၤအံးထီၣ်ကွၢ်လီၤတၢ်, အံၣ်စရ့လးအလၢၢ်,
25လၢနပၢ်အကစၢ်လၢအကမၤစၢၤနၤ,ဒီးလၢတၢ်သ့တၢ်လၢာ်လၢအကဆိၣ်ဂ့ၤနၤဒီးမူခိၣ်လၢ ထးခီအတၢ်ဆိၣ်ဂ့ၤ,တၢ်အယိာ်ပူၤလၢအကိာ်လီၤလၢလာ်ခီအတၢ်ဆိၣ်ဂ့ၤ,နုၢ်ခိၣ်ဒီးဒၢလီၢ်အတၢ်ဆိၣ်ဂ့ၤလီၤ.
26နပၢ်အတၢ်ဆိၣ်ဂ့ၤဒိၣ်န့ၢ် ကစၢၢ်အထူအယိာ်အတၢ် ဆိၣ်ဂ့ၤ,တၢ်စိခိၣ်လီၤစိၤလီၤဃၣ်အတၢ်ဂ့ၤတၢ်ဝါ,ဒီးကအိၣ်လၢယိၤသးအခိၣ်,ပှၤလၢအလီၤဖးဒီးဒီပုၢ်ဝဲၢ်အခိၣ်ဒီခိၣ်လီၤ.
27ဘံၣ်ယၤမံၣ်, ထွံၣ်မံၤတဒု, ကဖှီသံတၢ်,လၢမုၢ်ဂီၤန့ၣ်ကအီၣ်တၢ်ဂုာ်ပျီန့ၢ်,ဒီးလၢမုၢ်ဟါန့ၣ်ကနီၤဖးတၢ်ဂုာ်ဆူၣ်န့ၢ်လီၤ.
28အဝဲသ့ၣ်ခဲလၢာ်န့ၣ်မ့ၢ်အံၣ်စရ့လးအဒူၣ်တဆံခံဒူၣ်, ဒီးအန့ၣ်မ့ၢ်တၢ်လၢအပၢ်ကတိၤတၢ်ဒီးအီၤ,ဒီးဆိၣ်ဂ့ၤအီၤတဂၤ ဒ်အတၢ်ဆိၣ်ဂ့ၤအသိး, တဂၤဒ် အတၢ်ဆိၣ်ဂ့ၤအသိးန့ၣ်, ဆိၣ်ဂ့ၤအီၤလီၤ.
29ဒီးမၤလိာ်အီၤ, ဒီးစံးဘၣ်အီၤ, တၢ်ပာ်ဖှိၣ်ယၤဒီးယ ပှၤဂီၢ်မုၢ်လီၤ. ခူၣ်လီၤကွံာ်ယၤဒီးယပၢ်တဖၣ်, လၢတၢ် အိပူၤအိၣ်ဝဲလၢ ပှၤဃ့ၤသးဖိစီၤဧ့ၤဖရိၣ်အဟီၣ်ခိၣ်တက ဝီၤပူၤ, 30လၢတၢ်အိပူၤလၢအအိၣ်ဝဲလၢဟီၣ်ခိၣ်တက ဝီၤမးကပ့လၤအပူၤ, လၢအအိၣ်ဝဲလၢမးမရ့အမဲာ်ညါ လၢကီၢ်ကနၤဧၣ်အပူၤ, လၢစီၤအၤဘြၤဟၣ်ပှ့ၤဝဲအိၣ်ဒီး ဟီၣ်ခိၣ်တကဝီၤန့ၣ်လၢပှၤဃ့ၤသးဖိ စီၤဧ့ၤဖရိၣ်လၢတၢ် သွၣ်ခိၣ်အတၢ်ဟံးဃာ်တက့ၢ်. 31ပှၤခူၣ်လီၤကွံာ်စီၤအၤ ဘြၤဟၣ်ဖဲန့ၣ်, ဒီးအမါနီၢ်စၤရါလီၤ. ပှၤခူၣ်လီၤကွံာ် စီၤအံၤစဲးဖဲန့ၣ်ဒီးအမါနီၢ်ရံးဘကၤ, ဒီးဖဲန့ၣ်ယခူၣ်လီၤ ကွံာ်နီၢ်လ့ၤအၤလီၤ. 32ဟီၣ်ခိၣ်တကဝီၤဒီးတၢ်အိပူၤအိၣ် လၢအပူၤလၢတၢ်ပှ့ၤအီၤလၢ စီၤဃ့ၤသးအဖိခွါတဖၣ်အ
33စုပူၤလီၤ. ဒီးစီၤယၤကိာ်မၤလိာ် အဖိခွါခဲလၢာ်ဝံၤဒီး, ထုးထီၣ်အခီၣ်လၢအလီၢ်မံပူၤ, ဒီးသံဝဲ, ဒီးတၢ်ပာ်ဖှိၣ် အီၤဒီးအပၢ်တဖၣ်လီၤ.
Currently Selected:
လံာ်စီၤမိၤရှ့အခီၣ်ထံးတဘ့ၣ်. ၄၉: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.