လံာ်စီၤမိၤရှ့အခီၣ်ထံးတဘ့ၣ်. ၄၇
၄၇
1ဒီးစီၤယိၤသးဟဲစံးဘၣ်တဲဘၣ်ဖၤရိၤ, ဒီးစံးဝဲဒၣ်, ယ ပၢ်ဒီးယဒီပုၢ်ဝဲၢ်, ဒီးအသိဒီးအမဲာ်တဲးလဲးတဖၣ်, ဒီး အဂီၤဘုၣ်ဂီၤဖံးတဖၣ်, ဒီးကယဲၢ်တၢ်လၢအအိၣ်ဒီးအီၤ ခဲလၢာ်န့ၣ်, ဟဲထီၣ်လၢကီၢ်ကနၤဧၣ်အပူၤ, ဒီးကွၢ် ကွၢ်, အိၣ်ဝဲလၢကီၢ်ကိရှ့ၣ်အပူၤလီၤ.
2ဒီးဟံးန့ၢ်အဒီပုၢ်ဝဲၢ်တနီၤ, ပှၤယဲၢ်ဂၤ, ဒီးပာ်အီၤလၢ ဖၤရိၤအမဲာ်ညါလီၤ. 3ဒီးဖၤရိၤစံးဘၣ်အဒီပုၢ်ဝဲၢ်, သု မၤတၢ်မနုၤလဲၣ်. ဒီးအဝဲသ့ၣ်စံးဘၣ်ဖၤရိၤ, နကုၢ်နပှၤ မ့ၢ်ပှၤကွၢ်သိဒီးမဲာ်တဲးလဲး, ပဝဲဒၣ်ဒီးပပၢ်တဖၣ်စ့ၢ်ကီး လီၤ. 4ဒီးစံးဘၣ်ဖၤရိၤ, ဒ်သိးပကအိၣ်တမှံၤလၢကီၢ် ပူၤအံၤဒီး, ပဟဲလီၤ. အဂ့ၢ်ဒ်အံၤ, နကုၢ်နပှၤအသိဒီး မဲာ်တဲးလဲးတဖၣ်အဆၣ်တအိၣ်ဘၣ်, မ့ၢ်တၢ်သၣ်ဝံၤ လီၤဒိအိၣ်ဝဲလၢကီၢ်ကနၤဧၣ်အပူၤနးမးအဂ့ၢ်လီၤ. ဒီးခဲ ကနံၣ်အံၤ ဒုးအိၣ်ဒုးဆိးလၢ်နကုၢ်နပှၤလၢ ကီၢ်ကိရှ့ၣ် အပူၤန့ၣ်တက့ၢ်.
5ဒီးဖၤရိၤစံးဘၣ်စီၤယိၤသး, ဒီးစံးဝဲဒၣ်, နပၢ်ဒီးနဒီ ပုၢ်ဝဲၢ်ဟဲဆူနအိၣ်လီၤ. 6ကီၢ်အဲၤကူပတူးအိၣ်ဝဲလၢန မဲာ်ညါလီၤ. ဒုးအိၣ်ဒုးဆိးနပၢ်, ဒီးနဒီပုၢ်ဝဲၢ်လၢအလီၢ် ဂ့ၤကတၢၢ်လၢကီၢ်ပူၤ,ဒုးအိၣ်အီၤလၢကီၢ်ကိရှ့ၣ်တက့ၢ်. ဒီးနမ့ၢ်သ့ၣ်ညါပှၤလၢ အမၤတၢ်သ့တဖၣ်လၢအကျါန့ၣ် ဒီး,ပာ်အီၤလၢယဆၣ်ဖိကီၢ်ဖိအဒၢအဒိၣ်တဖၣ်တက့ၢ်. 7ဒီးစီၤယိၤသးဆှၢထီၣ် အပၢ်စီၤယၤကိာ်, ဒီးပာ်အီၤလၢဖၤရိၤအမဲာ်ညါ, ဒီးစီၤယၤကိာ်ဆိၣ်ဂ့ၤဖၤရိၤလီၤ.-
8ဒီးဖၤရိၤစံးဘၣ်စီၤယၤကိာ်, နသးသမူအနံၣ်အမုၢ်နံၤတ ဖၣ်န့ၣ်, မ့ၢ်အဆံးအါလဲၣ်, 9ဒီးစီၤယၤကိာ်စံးဘၣ်ဖၤ ရိၤ,ယအိၣ်တမှံၤအနံၣ်အလါတဖၣ်အမုၢ်နံၤတဖၣ်န့ၣ်, မ့ၢ်အနံၣ်တကယၤသၢဆံလီၤ. ယသးသမူအနံၣ်ဧိၤလါ ဧိၤအမုၢ်နံၤတဖၣ်န့ၣ်မ့ၢ်စှၤနံၤစှၤသီ, ဒီးအၢဝဲနးဝဲလီၤ. ဒီးယပၢ်တဖၣ် အသးသမူအနံၣ်ဧိၤလါဧိၤ အမုၢ်နံၤတ ဖၣ်လၢအအိၣ်တမှံၤအမုၢ်နံၤန့ၣ်, ယတချုးန့ၢ်ဒံးဘၣ်,-
10ဒီးစီၤယၤကိာ်ဆိၣ်ဂ့ၤဖၤရိၤ, ဒီးဟးထီၣ်လၢဖၤရိၤအမဲာ် ညါလီၤ.
11ဒီးစီၤယိၤသးဒုးအိၣ်ဒုးဆိးအပၢ်, ဒီးအဒီပုၢ်ဝဲၢ်, ဒီး ဟ့ၣ်အီၤလၢအတၢ်ဟံးဃာ်လၢ ကီၢ်အဲၤကူပတူးအပူၤ, လၢအလီၢ်အဂ့ၤကတၢၢ်လၢကီၢ်ပူၤ, လၢရၤမစ့အကီၢ် ပူၤ, ဒ်ဖၤရိၤမၤလိာ်ဝဲအသိးန့ၣ်လီၤ. 12ဒီးစီၤယိၤသးလုၢ် အီၣ်လုၢ်အီအပၢ်, ဒီးအဒီပုၢ်ဝဲၢ်, ဒီးအပၢ်အပှၤဟံၣ်ဖိ ခဲလၢာ်လၢတၢ်အီၣ်,ဒ်ဖိဒံဖိသၣ်အါစှၤဝဲအသိးန့ၣ်လီၤ.
13ဒီးတၢ်အီၣ်တအိၣ်ဘၣ်လၢ ထံဧိၤကီၢ်ဧိၤဒီဘ့ၣ်ညါ နီတပူၤဘၣ်. အဂ့ၢ်ဒ်အံၤ, တၢ်သၣ်ဝံၤလီၤဒိန့ၣ်အိၣ်နး မးလီၤ. ဒီးပှၤအဲၤကူပတူးဖိ, ဒီးပှၤကီၢ်ကနၤဧၣ်ဖိအ သးလီၤဘှါလၢတၢ်သၣ်ဝံၤလီၤဒိအဃိလီၤ.
14ဒီးစီၤယိၤသးထၢထီၣ် ကယဲၢ်စ့လၢတၢ်ထံၣ်န့ၢ်လၢ ကီၢ်အဲၤကူပတူးအပူၤ, ဒီးလၢကီၢ်ကနၤဧၣ်အပူၤ, လၢ ဘုဧိၤဟုဧိၤလၢပှၤပှ့ၤဝဲအဂီၢ်, ဒီးစီၤယိၤသးဟဲစိာ်စ့န့ၢ် ဆူဖၤရိၤအဟံၣ်ပူၤလီၤ. 15ဒီးစ့လၢာ်ဝဲလၢကီၢ်အဲၤကူပ တူးအပူၤ, ဒီးလၢကီၢ်ကနၤဧၣ်အပူၤ, ဒီးကယဲၢ်ပှၤအဲၤ ကူပတူးဖိဟဲဝဲဆူစီၤယိၤသးအအိၣ်, ဒီးစံးဝဲဒၣ်, ဟ့ၣ် ပှၤလၢတၢ်အီၣ်တက့ၢ်. ဘၣ်မနုၤ ပကသံလၢနဂီၤထံး လဲၣ်. အဂ့ၢ်ဒ်အံၤ, စ့လၢာ်လံအဂ့ၢ်လီၤ.
16ဒီးစီၤယိၤသးစံးဝဲဒၣ်, စ့မ့ၢ်လၢာ်ဝဲဒီး, ဟ့ၣ်ယၤလၢ ဆၣ်ဖိကီၢ်ဖိအဒၢတက့ၢ်. ဒီးယကဟ့ၣ်သုတၢ်လၢသု ဆၣ်ဖိကီၢ်ဖိအဒၢအဃိလီၤ.
17ဒီးအဝဲသ့ၣ်ဟဲစိာ်အဆၣ်ဖိကီၢ်ဖိအဒၢဆူ စီၤယိၤသး အအိၣ်, ဒီးစီၤယိၤသးဟ့ၣ်အီၤလၢတၢ်အီၣ်လၢကသ့ၣ် အဃိ, ဒီးလၢသိဒီးမဲာ်တဲးလဲးအဃိ, ဒီးလၢဂီၤဘုၣ်ဂီၤ ဖံးအဃိ, ဒီးလၢကသ့ၣ်ယီၤအဃိလီၤ. ဒီးတၢ်လၢနံၣ် တနံၣ်န့ၣ် ဆှၢအီၤလၢတၢ်အီၣ်လၢအဆၣ်ဖိကီၢ်ဖိအဒၢ ခဲလၢာ်အဃိလီၤ.
18ဒီးတၢ်လၢနံၣ်တနံၣ်န့ၣ်ပူၤကွံာ်ဝဲ, ဒီးခံနံၣ်တနံၣ်န့ၣ် အဝဲသ့ၣ်တဖၣ်န့ၣ် ဟဲဆူအအိၣ်ဒီးစံးဘၣ်အီၤ, ပတ ပာ်ခူသူၣ်ဘၣ်ဒီးယကစၢ်လၢ ပစ့လၢာ်လံ. ဒီးယက စၢ်အိၣ်ဒီး ပဆၣ်ဖိကီၢ်ဖိအဒၢအဖုတဖၣ်လံလီၤ. တၢ် အိၣ်လီၤတဲာ်လၢယကစၢ်အမဲာ်ညါထဲပနီၢ်, ဒီးပဟီၣ် ခိၣ်ဧိၤလီၤ. 19ပကသံလၢနဂီၤထံးပဝဲဒၣ်ဒီးပဟီၣ်ခိၣ်န့ၣ် မ့ၢ်အဘၣ်မနုၤလဲၣ်. ပှ့ၤပှၤဒီးပဟီၣ်ခိၣ်လၢတၢ်အီၣ်အ ဂီၢ်တက့ၢ်. ဒီးပဝဲဒၣ်ဒီးပဟီၣ်ခိၣ်န့ၣ်, ကကဲထီၣ်ဖၤရိၤ အကုၢ်လီၤ. ဒီးဟ့ၣ်တၢ်ချံတၢ်သၣ်ဒ်သိးပကမူဒံး, ဒီး ပသုတသံ,ဒီးဟီၣ်ခိၣ်သုတအိၣ်သယုၢ်တဂ့ၤန့ၣ်တက့ၢ်.
20ဒီးစီၤယိၤသးပှ့ၤဟီၣ်ခိၣ်လၢ ကီၢ်အဲၤကူပတူးဒီဘ့ၣ် ညါလၢဖၤရိၤအဂီၢ်လီၤ. အဂ့ၢ်ဒ်အံၤ, ပှၤအဲၤကူပတူးဖိ ဆါကွံာ်အစံာ်အပှဲၤ, တဂၤအစံာ် တဂၤအစံာ်စုာ်စုာ် လီၤ. မ့ၢ်တၢ်သၣ်ဝံၤလီၤဒိဘၣ်အီၤစွၣ်မးအဃိလီၤ. ဒီး ဟီၣ်ခိၣ်ကဲထီၣ်ဖၤရိၤအတၢ်လီၤ. 21ဒီးလၢကီၢ်အဲၤကူပတူးအဃၢၤကတၢၢ် တုၤလၢအကတၢၢ်ဒၣ်န့ၣ်, ဒုးခီဂာ်ပှၤဂီၢ်မုၢ်ဆူဝ့ၢ်တဖၣ်အပူၤလီၤ.-
22ထဲပှၤလုၢ်တၢ်အဒိၣ်တဖၣ်အဟီၣ်ခိၣ်တပှ့ၤဘၣ်. အဂ့ၢ် ဒ်အံၤ,ပှၤလုၢ်တၢ်အဒိၣ်အိၣ်ဝဲဒီးအဂီၢ်လၢဖၤရိၤဟ့ၣ်အီၤ လီၤ. ဒီးအီၣ်တၢ်အဂီၢ်န့ၣ်လၢဖၤရိၤဟ့ၣ်အီၤလီၤ. အ ကူၢ်မ့ၢ်ဒ်န့ၣ်ဒီးတဆါကွံာ်ဘၣ်အဟီၣ်ခိၣ်ဘၣ်.
23ဒီးစီၤယိၤသးစံးဘၣ်ပှၤဂီၢ်မုၢ်, ကွၢ်ကွၢ်, တၢ်လၢမုၢ် မဆါတနံၤအံၤယပှ့ၤလံသုဒီးသုဟီၣ်ခိၣ်လၢ ဖၤရိၤအ ဂီၢ်လံ. ကွၢ်ကွၢ်တၢ်ချံတၢ်သၣ်အိၣ်လၢသုဂီၢ်, ဒီးသုက ဖှံတၢ်လၢဟီၣ်ခိၣ်လီၤ. 24ဒီးကမၤအသးလၢတၢ်အါထီၣ် န့ၣ်သုဘၣ်ဟ့ၣ်ဖၤရိၤလၢယဲၢ်ပူတပူ, ဒီးလွံၢ်ပူကကဲထီၣ် သုတၢ်ဒၣ်သုဝဲ, လၢစံာ်ဧိၤပှဲၤဧိၤအချံအသၣ်အဂီၢ်, ဒီး လၢသုတၢ်အီၣ်တၢ်အီအဂီၢ်, ဒီးပှၤလၢသုဟံၣ်ဖိအ ဂီၢ်, ဒီးလၢသုဖိဒံဖိသၣ်အတၢ်အီၣ်တၢ်အီအဂီၢ်လီၤ.
25ဒီးစံးဝဲဒၣ်, နဒုးပူၤဖျဲးပသးသမူလံ, မ်ပဘၣ်ဘျုး ဘၣ်ဖှိၣ်လၢယကစၢ်အမဲာ်တက့ၢ်. ဒီးပကကဲထီၣ်ဖၤ ရိၤအကုၢ်အပှၤလီၤ.
26ဒီးစီၤယိၤသးဒုးအိၣ်ထီၣ် တၢ်အလုၢ်အလၢ်လၢကီၢ် အဲၤကူပတူးဒီဘ့ၣ်ညါအပူၤ, တုၤမုၢ်မဆါတနံၤအံၤ,လၢ ယဲၢ်ပူတပူကကဲထီၣ်ဖၤရိၤအတၢ်လီၤ. ထဲပှၤလုၢ်တၢ်အ ဒိၣ်တဖၣ်အဟီၣ်ခိၣ်န့ၣ်,တကဲထီၣ်ဘၣ်ဖၤရိၤအတၢ်ဘၣ်.
27ဒီးအံၣ်စရ့လးအိၣ်ဝဲဆိးဝဲလၢ ကီၢ်အဲၤကူပတူးလၢ ကီၢ်ကိရှ့ၣ်အပူၤ, ဒီးအိၣ်ဝဲဒီးတၢ်ဟံးဃာ်တဖၣ်လၢအ ပူၤ, ဒီးသၣ်ထီၣ်, ဒီးအါထီၣ်အါအါကလဲာ်လီၤ.
28ဒီးစီၤယၤကိာ်အိၣ်ဝဲလၢ ကီၢ်အဲၤကူပတူးတဆံနွံနံၣ် ဒီးစီၤယၤကိာ်အမုၢ်နံၤတဖၣ်န့ၣ် မ့ၢ်တကယၤလွံၢ်ဆံနွံ နံၣ်လီၤ.
29ဒီးမုၢ်နံၤလၢစီၤအံၣ်စရ့လးကသံန့ၣ် သုးဘူးတ့ၢ်အ သး, ဒီးကိးန့ၢ်အဖိခွါစီၤယိၤသး, ဒီးစံးဘၣ်အီၤ, ယ မ့ၢ်ဘၣ်ဘျုးဘၣ်ဖှိၣ်လၢနမဲာ်ဒီး, ပာ်လၢ်နစုလၢယကံၣ် ဒုၣ်အဖီလာ်, ဒီးမၤယၤလၢတၢ်ဘျုးတၢ်ဖှိၣ်ဒီးလၢတၢ် မ့ၢ်တၢ်တီတက့ၢ်. ခူၣ်လီၤကွံာ်လၢ်ယၤလၢအဲၤကူပတူး အပူၤတဂ့ၤ. 30မ့မ့ၢ်ယကမံဒီးယပၢ်တဖၣ်, ဒီးနဘၣ်စိာ် ထီၣ်ကွံာ်ယၤလၢအဲၤကူပတူးအပူၤ, ဒီးခူၣ်လီၤကွံာ်ယၤ လၢအဝဲသ့ၣ်တဖၣ်အသွၣ်ခိၣ်ပူၤလီၤ. ဒီးစံးဝဲဒၣ်, ယ ကမၤဒ်နတၢ်ကတိၤအသိးန့ၣ်လီၤ.
31ဒီးစံးဝဲဒၣ်, ဆိၣ်တၢ်ဒီးယၤတက့ၢ်. ဒီးအဝဲဒၣ်ဆိၣ် တၢ်ဒီးအီၤလီၤ. ဒီးစီၤအံၣ်စရ့လးဆုးလီၤအခိၣ်လၢအ လီၢ်မံခိၣ်လီၤ.
Currently Selected:
လံာ်စီၤမိၤရှ့အခီၣ်ထံးတဘ့ၣ်. ၄၇: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.