လံာ်စီၤမိၤရှ့အခီၣ်ထံးတဘ့ၣ်. ၂၆
၂၆
1ဒီးတၢ်သၣ်ဝံၤလီၤဒိအခီၣ်ထံး လၢအအိၣ်လၢစီၤအၤ ဘြၤဟၣ်အမုၢ်နံၤတဖၣ်အမဲာ်ညါန့ၣ် တၢ်သၣ်ဝံၤလီၤဒိ အိၣ်ဝဲလၢကီၢ်ပူၤလီၤ. ဒီးစီၤအံၤစဲးလဲၤဝဲဆူ ပှၤဖလ့ၡ သးဖိအစီၤပၤစီၤအဘံၤမ့လ့းအအိၣ်လၢကရၢ်ပူၤလီၤ.
2ဒီးယွၤလီၣ်ဖျါထီၣ်အသးလၢအမဲာ်ညါ, ဒီးစံးဝဲဒၣ်, လဲၤလီၤဆူကီၢ်အဲၤကူပတူးတဂ့ၤ. အိၣ်လၢကီၢ်လၢယ ကစံးဘၣ်နၤအပူၤတက့ၢ်. 3အိၣ်လၢကီၢ်တဘ့ၣ်အံၤတ က့ၢ်. ဒီးယကအိၣ်ဒီးနၤ, ဒီးယကဆိၣ်ဂ့ၤနၤလီၤ. အ ဂ့ၢ်ဒ်အံၤ, တၢ်လၢကီၢ်တဖၣ်အံၤခဲလၢာ်ယကဟ့ၣ်လီၤ နၤဒီးနချံနသၣ်, ဒီးယကမၤဂၢၢ်မၤကျၢၤတၢ်လၢယ ဆိၣ်တၢ်ဒီးနပၢ်စီၤအၤဘြၤဟၣ်, 4ဒီးယကမၤအါထီၣ် နချံနသၣ်ဒ်ဆၣ်ဧိၤဖီဧိၤလၢမူခိၣ်အသိး, ဒီးယကဟ့ၣ် လီၤကီၢ်တဖၣ်အံၤခဲလၢာ်လၢနချံနသၣ်လီၤ. ဒီးကယဲၢ် ပှၤကညီလၢဟီၣ်ခိၣ်ချၢတကလုာ်လၢ်လၢ်န့ၣ်, ကဘၣ် ဆိၣ်ဂ့ၤလၢနချံနသၣ်အပူၤလီၤ. 5မ့ၢ်လၢ စီၤအၤဘြၤ ဟၣ်ဒိကနၣ်ယကလုၢ်, ဒီးတိၢ်န့ၢ်ယလုၢ်ယလၢ်, ယ တၢ်မၤလိာ်, ယတၢ်စံၣ်ညီၣ်, ဒီးယတၢ်သိၣ်တၢ်သီ အဃိန့ၣ်လီၤ.ဒီးစီၤအံၤစဲးအိၣ်ဝဲဆိးဝဲလၢကရၢ်န့ၣ်လီၤ. 6-7ဒီးပှၤက ညီဖဲန့ၣ်သံကွၢ်ဝဲလၢအမါအဂ့ၢ်အကျိၤ, ဒီးစံးဝဲဒၣ်,မ့ၢ် ယဒီပုၢ်ဝဲၢ်မုၣ်လီၤ. အဂ့ၢ်ဒ်အံၤ, ဒ်သိးအကစံးမ့ၢ်ယ မါဒီး, ပျံၤတၢ်, ဒီးစံးဝဲဒၣ်, ပှၤဖဲအလီၢ်အံၤကမၤသံ ဘၣ်ဖုးယၤလၢနီၢ်ရံးဘကၤအဃိလီၤ. အဂ့ၢ်ဒ်အံၤ, အ က့ၢ်အဂီၤဂ့ၤဝဲလီၤ.
8ဒီးတုၤအအိၣ်တ့ၢ်ဖဲန့ၣ်ယံာ်ယံာ်ဒီး, တၢ်မၤအသး လၢပှၤဖလ့ၡသးဖိအစီၤပၤ, စီၤအဘံၤမ့လ့းကွၢ်တၢ်လၢ တၢ်ထူၣ်ဖျိပူၤ, ဒီးထံၣ်ဘၣ်တၢ်, ဒီးကွၢ်ကွၢ်, စီၤအံၤ စဲးလိာ်ကွဲဝဲဒီးအမါ, နီၢ်ရံးဘကၤလီၤ.
9ဒီးစီၤအဘံၤမ့လ့းကိးန့ၢ်စီၤအံၤစဲး, ဒီးစံးဝဲဒၣ်, ကွၢ် ကွၢ်, အဝဲဒၣ်န့ၣ်မ့ၢ်မးနမါလီၤ. ဒီးနစံးလၢအမ့ၢ်ယဒီ ပုၢ်ဝဲၢ်မုၣ်ဒ်လဲၣ်. ဒီးစီၤအံၤစဲးစံးဘၣ်အီၤ, အဂ့ၢ်ဒ်အံၤ, ယစံးယကသံဘၣ်ဖုးလၢအဃိလီၤ.
10ဒီးစီၤအဘံၤမ့လ့းစံးဝဲဒၣ်, နမၤပှၤဒ်လဲၣ်. ပှၤတဂၤ ဘူးဒီးအကမံဃုာ်ဒီးနမါလီၤ. ဒီးနကဒုးဘၣ်ပှၤလၢ တၢ်ဒဲးဘးလီၤ.
11ဒီးစီၤအဘံၤမ့လ့းမၤလိာ်ပှၤဂီၢ်မုၢ်ခဲလၢာ်, ဒီးစံးဝဲဒၣ်, ပှၤကညီတဂၤအံၤမ့ၢ်ဂ့ၤ, အမါမ့ၢ်ဂ့ၤ, ပှၤလၢအထိး အီၤန့ၣ်သံဒီးကသံလီၤ.
12ဒီးစီၤအံၤစဲးဖှံတၢ်လၢကီၢ်တဘ့ၣ်အပူၤန့ၣ်, ဒီးတၢ် လၢနံၣ်တနံၣ်န့ၣ်ဒိးန့ၢ်တၢ်အါန့ၢ်အလီၢ်အစးတကယၤ, ဒီးယွၤဆိၣ်ဂ့ၤအီၤလီၤ. 13ဒီးပှၤတဂၤအံၤဒိၣ်ထီၣ်, ဒီးဒံး ယံာ်ဒံးဒိၣ်ထီၣ်တုၤအဒိၣ်ထီၣ်ဒိၣ်မးလီၤ. 14အဂ့ၢ်ဒ်အံၤ, အိၣ်ဒီးသိအဖုတဖၣ်, ဒီးဂီၤဘုၣ်ဂီၤဖံးအဖုတဖၣ်, ဒီး အကုၢ်အပှၤအါဒံအါဂၤလီၤ. ဒီးပှၤဖလ့ၡသးဖိသးက့ၣ် အီၤလီၤ. 15အဂ့ၢ်ဒ်အံၤ, ကယဲၢ်ထံပူၤလၢအပၢ်အကုၢ် အပှၤခူၣ်လီၤဝဲလၢ အပၢ်စီၤအၤဘြၤဟၣ်အမုၢ်နံၤတဖၣ် ခဲလၢာ်န့ၣ်, ပှၤဖလ့ၡသးဖိမၤတံာ်ဘၢအီၤ, ဒီးမၤပှဲၤ အီၤဒီးဟီၣ်ခိၣ်လီၤ.
16ဒီးစီၤအဘံၤမ့လ့းစံးဘၣ် စီၤအံၤစဲး, ဟးထီၣ်ကွံာ် လၢပအိၣ်တက့ၢ်. အဂ့ၢ်ဒ်အံၤ, နဆူၣ်န့ၢ်ပှၤတက့ၢ်ဒိၣ် မးလီၤ.
17ဒီးစီၤအံၤစဲးဟးထီၣ်ဖဲန့ၣ်, ဒီးသူၣ်အဒဲလၢကရၢ်အ တၢ်တြိအပူၤ, ဒီးအိၣ်ဝဲဆိးဝဲဖဲန့ၣ်လီၤ. 18ဒီးစီၤအံၤစဲး ခူၣ်လီၤကဒီးထံပူၤလၢပှၤခူၣ်လီၤလၢ အပၢ်စီၤအၤဘြၤ ဟၣ်အမုၢ်နံၤတဖၣ်န့ၣ်လီၤ. အဂ့ၢ်ဒ်အံၤ, လၢစီၤအၤ ဘြၤဟၣ်သံအလီၢ်ခံန့ၣ် ပှၤဖလ့ၡသးဖိမၤတံာ်ဘၢအီၤ လီၤ. ဒီးယုၢ်ဝဲအမံၤ ဒ်အမံၤလၢအပၢ်ယုၢ်ဝဲအသိးန့ၣ် လီၤ.
19ဒီးစီၤအံၤစဲးအကုၢ်အပှၤခူၣ်လီၤလၢတြိပူၤ, ဒီးထံၣ်န့ၢ် ထံမူတပူၤလီၤ. 20ဒီးကရၢ်အပှၤကွၢ်တၢ်ဖိအ့ၣ်လိာ်ဆိး က့လိာ်အသးဒီးစီၤအံၤစဲးအပှၤကွၢ်တၢ်ဖိ, ဒီးစံးဝဲဒၣ်, ထံအံၤမ့ၢ်ပတၢ်လီၤ. ဒီးမ့ၢ်အအ့ၣ်လိာ်ဆိးက့လိာ်အသး ဒီးအီၤဒီး, ကိးထံပူၤအမံၤလၢဧ့စ့းလီၤ. 21ဒီးခူၣ်လီၤထံ ပူၤတဂၤတပူၤ, ဒီးအ့ၣ်လိာ်ဆိးက့လိာ်အသးလၢအဝဲ န့ၣ်အဂ့ၢ်စ့ၢ်ကီးလီၤ. ဒီးယုၢ်ဝဲအမံၤလၢစံးတနၤလီၤ.
22ဒီးဟးထီၣ်ကွံာ်ဖဲန့ၣ်, ဒီးခူၣ်လီၤထံပူၤအဂၤတပူၤ, ဒီးတအ့ၣ်လိာ်ဘၣ်အသး လၢအဝဲန့ၣ်အဂ့ၢ်ဘၣ်. ဒီး ကိးဝဲအမံၤလၢရဃိဘိး, ဒီးစံးဝဲဒၣ်, အဂ့ၢ်ဒ်အံၤ, ခဲ ကနံၣ်အံၤယွၤမၤလံအလီၢ်လၢပဂီၢ်လံ ဒီးပကသၣ်ထီၣ် လၢကီၢ်ပူၤလီၤ.ဒီးလဲၤထီၣ်ဖဲန့ၣ်ဆူဘ့ၢ်ၡဘၤလီၤ. 23-24ဒီးလၢမုၢ်နၤ တနၤန့ၣ်ယွၤလီၣ်ဖျါထီၣ်အသးလၢအီၤ, ဒီးစံးဝဲဒၣ်, ယဲဒၣ်အံၤယမ့ၢ်နပၢ်စီၤအၤဘြၤဟၣ်အကစၢ်လီၤ. ပျံၤ တၢ်တဂ့ၤ. အဂ့ၢ်ဒ်အံၤ, ယအိၣ်ဒီးနၤ, ဒီးယကဆိၣ် ဂ့ၤနၤ, ဒီးမၤအါထီၣ်နချံနသၣ်လၢ ယခ့ယပှၤစီၤအၤ ဘြၤဟၣ်အခိၣ်အဃိလီၤ.
25ဒီးမၤထီၣ်တၢ်လုၢ်အလီၢ်ဖဲန့ၣ်, ဒီးကိးထီၣ်ယွၤအမံၤ, ဒီးသူၣ်အဒဲဖဲန့ၣ်, ဒီးစီၤအံၤစဲးအကုၢ်အပှၤခူၣ်လီၤထံ ပူၤတပူၤဖဲန့ၣ်လီၤ.
26ဒီးစီၤအဘံၤမ့လ့းဟဲဆူအအိၣ်လၢကရၢ်, ဒီးအတံၤ အသကိးစီၤအဃူးစး, ဒီးအပှၤသုးမုၢ်အခိၣ်စီၤဖံကိးလး လီၤ. 27ဒီးစီၤအံၤစဲးစံးဘၣ်အီၤ, ဘၣ်မနုၤလၢသုဟဲဆူ ယအိၣ်လဲၣ်. ဒီးသုသးဟ့ယၤ, ဒီးသုမၢယဟးထီၣ် ကွံာ်လၢသုအိၣ်မးလဲၣ်.
28ဒီးစံးဝဲဒၣ်, ပထံၣ်လၢယွၤအိၣ်ဒီးနၤသပှၢ်တၢၢ်, ဒီး ပှၤစံး, မ်တၢ်ဆိၣ်လီၤပသးအိၣ်လၢပဘၢၣ်စၢၤ, လၢပှၤ ဒီးနၤအဘၢၣ်စၢၤတက့ၢ်. ဒီးမၤသကိးတၢ်အၢၣ်လီၤအီ လီၤဒီးနၤ, 29လၢနတမၤအၢဘၣ်ပှၤဘၣ်, ဒ်ပတထိး ဘၣ်နၤဘၣ်အသိး, ဒ်ပမၤနၤထဲတၢ်ဂ့ၤ, ဒီးမၢနလဲၤ တၢ်မုာ်မုာ်အသိးန့ၣ်တက့ၢ်. ခဲကနံၣ်အံၤနမ့ၢ်ပှၤဘၣ် တၢ်ဆိၣ်ဂ့ၤလၢယွၤလီၤ.
30ဒီးမၤတၢ်အီၣ်တၢ်အီလၢအဂီၢ်, ဒီးအဝဲသ့ၣ်အီၣ်တၢ်, ဒီးအီတၢ်လီၤ. 31ဒီးမုၢ်ဆ့ၣ်ထီၣ်န့ၣ်ဂဲၤဆၢထၢၣ်ဂီၤဂီၤ, ဒီးဆိၣ်လီၤလိာ်အသး သကိးသကိး, ဒီးစီၤအံၤစဲးပျၢ် အီၤ, ဒီးက့ၤထီၣ်ဝဲလၢအအိၣ်မုာ်မုာ်လီၤ.
32ဒီးတၢ်မၤအသးလၢမုၢ်တနံၤန့ၣ် စီၤအံၤစဲးအကုၢ်အ ပှၤဟဲစံးဘၣ်အီၤလၢ ထံပူၤတပူၤလၢအခူၣ်လီၤတ့ၢ်အ ဂ့ၢ်အကျိၤ, ဒီးစံးဘၣ်အီၤ, ပထံၣ်န့ၢ်လံထံလံ. 33ဒီး ယုၢ်ဝဲအမံၤလၢၡဘၤလီၤ. မၤသးဒ်န့ၣ်ဒီး, ဝ့ၢ်အမံၤမ့ၢ် ဘ့ၢ်ၡဘၤတုၤမုၢ်မဆါတနံၤအံၤလီၤ.
34ဒီးစီၤဧ့ၡီၤအသးပှၢ်တ့ၢ်အနံၣ်လွံၢ်ဆံ, ဒီးန့ၢ်မါလၢပှၤ ဃ့ၤသးဖိစီၤဘအ့ရံၤအဖိမုၣ်နီၢ်ယဟူဒံး, ဒီးပှၤဃ့ၤသး ဖိစီၤအ့လိၣ်အဖိမုၣ် နီၢ်ဘၤစမးလီၤ. 35ဒီးအဝဲသ့ၣ်မၤ ဆါစီၤအံၤစဲးဒီးနီၢ်ရံးဘကၤအသးလီၤ.
Currently Selected:
လံာ်စီၤမိၤရှ့အခီၣ်ထံးတဘ့ၣ်. ၂၆: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.