လံာ်စီၤပီလူးကွဲးန့ၢ်ပှၤကလၤတံဖိ. ၁
၁
1ပှၤတၢ်မၢဖိ, ပှၤကညီဒုးကဲထီၣ်ဝဲတမ့ၢ်ဘၣ်, ဒီးကဲ ထီၣ်လၢပှၤကညီအစုပူၤတမ့ၢ်ဘၣ်, မ့ၢ်လၢယ့ၣ်ရှူးခရံာ်, ဒီးပၢ်ယွၤလၢ အမၤဂဲၤဆၢထၢၣ်က့ၤအီၤလၢတၢ်သံအစု ပူၤ,ယၤစီၤပီလူး, 2ဒီးဒီပုၢ်ဝဲၢ်အိၣ်ဒီးယၤခဲလၢာ်,ပစံးဘၣ် တၢ်အိၣ်ဖှိၣ်တဖၣ်အိၣ်လၢကီၢ်ကလၤတံန့ၣ်, 3မ်တၢ် ဘျုးတၢ်ဖှိၣ်ဒီးတၢ်ဃူတၢ်ဖိးလၢပပၢ်ယွၤ, ဒီးပကစၢ် ယ့ၣ်ရှူးခရံာ်, 4လၢအဟ့ၣ်လီၤအသးဒၣ်ဝဲလၢပတၢ်ဒဲး ဘးအဃိ, ဒ်သိးအကထုးထီၣ်န့ၢ်ပှၤလၢအအံၤတဃၣ် လၢအအၢအပူၤ, ဖဲဒၣ်ပပၢ်ယွၤအသးန့ၣ်, ဘၣ်သုတ က့ၢ်. 5အဝဲဒၣ်န့ၣ်, မ်တၢ်လၤတၢ်ကပီၤအိၣ်ဒီးအီၤအစိၤ စိၤအဃၣ်ဃၣ်တက့ၢ်.#အၤမ့ၣ်.
6ယကမၢကမၣ်လၢသုလီၤဖးဒီးပှၤလၢ အကိးက့ၤသု လၢခရံာ်အဘျုးအဖှိၣ်အပူၤ, ဒီးအိၣ်က့ၤလၢတၢ်သးခု အကစီၣ်အဂၤအပူၤချ့ထဲအံၤအဃိလီၤ. 7ဒီးတမ့ၢ်ဘၣ် အဂၤဘၣ်. မ့မ့ၢ်ပှၤအိၣ်ဝဲတနီၤနီၤလၢအမၤတံာ်တာ်သု, ဒီးအသးအိၣ်လၢ အကမၤကဒံကဒါခရံာ်အတၢ်သးခု အကစီၣ်လီၤ. 8ဘၣ်ဆၣ်ဒီးတၢ်သးခုအကစီၣ်လၢယ စံၣ်တဲၤတဲလီၤသုအမဲာ်ညါ, ပဝဲဒၣ်အံၤမ့ၢ်ဂ့ၤ,ကလူးလၢ မူခိၣ်မ့ၢ်ဂ့ၤ, မ့ၢ်စံၣ်တဲၤတဲလီၤသုလၢတၢ်သးခုအကစီၣ် အဂုၤအဂၤဒီး, မ်အဘၣ်တၢ်ဆိၣ်အၢတက့ၢ်. 9ဒ်ပစံးလံ အသိးန့ၣ်, ခဲကနံၣ်အံၤယစံးကဒီးယဲ, တၢ်သးခုအက စီၣ်လၢသုဒိးန့ၢ်အီၤအမဲာ်ညါ, ပှၤမ့ၢ်စံၣ်တဲၤတဲလီၤသု လၢတၢ်သးခုအကစီၣ်အဂုၤအဂၤတဂၤဂၤဒီး, မ်အဘၣ် တၢ်ဆိၣ်အၢတက့ၢ်. 10အဂ့ၢ်ဒ်အံၤ,ခဲကနံၣ်အံၤ, မ့ၢ်ယဃု ဘၣ်ဘျုးလၢပှၤကညီအမဲာ်ညါ, မ့ၢ်ယဃုဘၣ်ဘျုးလၢ ယွၤအမဲာ်ညါလဲၣ်. မ့ၢ်ယဃုမၤတၢ်ဘၣ်ပှၤကညီအသး ဧါ. အဂ့ၢ်ဒ်အံၤ, ယမ့ၢ်ဃုမၤတၢ်ဘၣ်ဒံးပှၤကညီအသး ဒီး,ယတမ့ၢ်ဘၣ်ခရံာ်အခ့အပှၤဘၣ်.
11ဒီးပုၢ်သ့ၣ်ဝဲၢ်သ့ၣ်ဧၢ, ယဘိးဘၣ်သ့ၣ်ညါသုလၢတၢ် သးခုအကစီၣ်လၢယစံၣ်တဲၤတဲလီၤန့ၣ်, တမ့ၢ်ဘၣ်ပှၤ ကညီအတၢ်ဘၣ်. 12အဂ့ၢ်ဒ်အံၤ,ယတဒိးန့ၢ်ဘၣ်အီၤလၢ ပှၤကညီဘၣ်. ဒီးပှၤတသိၣ်လိဘၣ်ယၤဘၣ်.မ့မ့ၢ်ယ့ၣ်ရှူး ခရံာ်လီၣ်ဖျါထီၣ်အီၤလၢယၤလီၤ. 13အဂ့ၢ်ဒ်အံၤ, ယမၤ ညီနုၢ်တၢ်ဖဲယအိၣ်ဒံးလၢ ပှၤယူဒၤဖိအလုၢ်အလၢ်အပူၤ န့ၣ်, သုနၢ်ဟူလၢယမၤအၢမၤသီယွၤအတၢ်အိၣ်ဖှိၣ်နး မး,ဒီးယမၤဟးဂူာ်မၤဟးဂီၤအီၤလီၤ. 14ဒီးယဂဲၤလိာ်လၢ ယပၢ်သ့ၣ်အတၢ်စံၣ်စိၤတဲစိၤဒိၣ်မး, ဒီးယသ့ထီၣ်လၢပှၤ ယူဒၤဖိအလုၢ်အလၢ်အါန့ၢ် ပှၤသကျဲဒီးယၤလၢ ပှၤက လုာ်ဒၣ်ယၤအကျါအါဂၤတက့ၢ်လီၤ. 15ဘၣ်ဆၣ်ဒီးတုၤတၢ်ဘၣ်ယွၤအသး, လၢအဃုထၢယၤလၢယမိၢ်အဟၢဖၢပူၤဒီးကိးက့ၤယၤလၢအဘျုးအဖှိၣ်,-
16ဒ်သိးအကလီၣ်ဖျါထီၣ် အဖိခွါလၢယပူၤ, ဒ်သိးယက စံၣ်တဲၤတဲလီၤအီၤလၢပှၤကလုာ်တဖၣ်အကျါဒီး, တ ကီၢ်ခါန့ၣ်ယတကူၣ်ထီၣ်ဖးလီၤဒီး တၢ်ဖံးတၢ်ညၣ်ဒီး သွံၣ်ဒီးထံန့ၣ်ဘၣ်. 17ဒီးယတလဲၤထီၣ်ဘၣ်ဆူ ယရူၤၡ လ့ၣ်ဆူပှၤကဲဆိပှၤတၢ်မၢဖိလၢယမဲာ်ညါန့ၣ်ဘၣ်. မ့မ့ၢ် ယလဲၤဆူကီၢ်ဧ့ရ့း,ဒီးယဟဲက့ၤကဒီးဆူဒၤမ့ၤစ့းလီၤ.
18တုၤနုၤတစုလၢသၢနံၣ်ပူၤကွံာ်ဒီး, ယက့ၤထီၣ်ဆူယ ရူၤၡလ့ၣ်, ဒ်သိးယကအိၣ်သကိးစီၤပ့းတရူး,ဒီးယအိၣ် ဒီးအီၤတဆံယဲၢ်သီလီၤ. 19ဘၣ်ဆၣ်ဒီးတၢ်မၢဖိအဂုၤအ ဂၤတဖၣ်ယတထံၣ်ဘၣ်နီတဂၤဘၣ်. ယထံၣ်ထဲပကစၢ် အဒီပုၢ်ဝဲၢ်စီၤယၤကိာ်တဂၤဧိၤလီၤ. 20ဒီးတၢ်လၢယကွဲး န့ၢ်သု,ကွၢ်ကွၢ်, လၢယွၤအမဲာ်ညါ,ယတကတိၤကဘျံး ကဘျၣ်ဘၣ်. 21လၢခံက့ၤဒီး, ယလဲၤဆူကီၢ်စူၤရံ,ဒီးကီၢ်ကံၤလံၤကံ,
22ဒီးတၢ်အိၣ်ဖှိၣ်တဖၣ်လၢခရံာ်အပူၤ, ဘၣ်ဃးဒီးကီၢ်ယူ ဒၤန့ၣ်တသ့ၣ်ညါဘၣ်ယမဲာ်ဘၣ်. 23ထဲအနၢ်ဟူလၢပှၤ လၢအမၤအၢမၤသီပှၤပဝဲဒၣ်အံၤလၢအခီၣ်ထံးတဂၤ, ခဲ ကနံၣ်အံၤစံၣ်တဲၤတဲလီၤတၢ်နာ် လၢအမၤဟးဂူာ်မၤဟး ဂီၤတ့ၢ်ဝဲ, 24ဒီးစံးထီၣ်ပတြၢၤယွၤလၢယဃိလီၤ.
Currently Selected:
လံာ်စီၤပီလူးကွဲးန့ၢ်ပှၤကလၤတံဖိ. ၁: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.