လံာ်စီၤမိၤရှ့ခံဘ့ၣ်တဘ့ၣ်. ၃၁
၃၁
1-2ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,- ကွၢ်တ က့ၢ်. ယကိးတ့ၢ်ပှၤယူဒၤဖိ, စီၤဃူၢ်အဖိခွါ, စီၤအူရံၤ အဖိခွါ, စီၤဘစၤလအ့လးလၢအမံၤလီၤ. 3ဒီးယမၤပှဲၤ အီၤဒီးယွၤအသး, ဒီးတၢ်ကူၣ်ဘၣ်ကူၣ်သ့, ဒီးအသး ဆး, ဒီးတၢ်သ့ၣ်ညါ, ဒီးကယဲၢ်တၢ်မၤတမံၤလၢ်လၢ်,-
4ဒ်သိးအကကူၣ်တၢ်ဘၣ်, ဒ်သိးအကမၤတၢ်လၢထူ,ဒီး စ့, ဒီးတိၢ်, 5ဒီးဂူာ်ကျ့လၢၢ်လၢအကမၤပှဲၤတၢ်အဂီၢ်, ဒီးစိးပျၤသ့ၣ်, ဒ်သိးအကမၤကယဲၢ်တၢ်မၤတမံၤလၢ်လၢ် လီၤ.
6ဒီးယဲဒၣ်အံၤကွၢ်ကွၢ်, ယဟ့ၣ်လီၤဒီးအီၤလၢပှၤဒၣ်ဖိ, စီၤအဃံစမးအဖိခွါစီၤအၤဟလံအာ်, ဒီးကယဲၢ်ပှၤလၢ အသူၣ်ဆးအသးဆးခဲလၢာ်န့ၣ်, ယဟ့ၣ်လီၤတၢ်ကူၣ် သ့ဒ်သိးအကမၤကယဲၢ်တၢ်လၢယမၤလိာ်နၤလီၤ.
7ဒီးတၢ်အိၣ်ဖှိၣ်အဒဲ, ဒီးတၢ်အၢၣ်လီၤအီလီၤ အတ လါ, ဒီးတၢ်မၤပူၤဖျဲးအလီၢ်လၢအဖီခိၣ်, ဒီးဒဲန့ၣ်အ တၢ်ဖိတၢ်လံၤခဲလၢာ်, 8ဒီးစီၢ်နီၤခိၣ်, ဒီးအတၢ်ဖိတၢ် လံၤ, ဒီးမ့ၣ်အူဒၢလၢအစီ, ဒီးအတၢ်ဖိတၢ်လံၤခဲလၢာ်, ဒီးတၢ်ဆိၣ်ကဲၤနၢမူအတၢ်လုၢ်လီၢ်, 9ဒီးတၢ်လုၢ်မ့ၣ်အူ အတၢ်လုၢ်လီၢ်, ဒီးအတၢ်ဖိတၢ်လံၤခဲလၢာ်, ဒီးသရာ် ဒီးအခီၣ်, 10တၢ်အကူအသိးဘၣ်ဃးဒီးတၢ်မၤတၢ်အခ့ အပှၤအတၢ်, ပှၤလုၢ်တၢ်အဒိၣ် စီၤအၤဟရိၣ်အကူအ သိးစီဆှံ, ဒီးအဖိခွါတဖၣ်အကူအသိး, ဒ်သိးအကမၤ ပှၤလုၢ်တၢ်အဒိၣ်အတၢ်, 11ဒီးတၢ်ဖှူအသိ, ဒီးတၢ်ဆိၣ် ကဲၤနၢမူလၢတၢ်အလီၢ်စီဆှံအဂီၢ်, ဒ်ကယဲၢ်တၢ်လၢယ မၤလိာ်နၤခဲလၢာ်န့ၣ်ဘၣ်မၤဝဲတကူၢ်သ့ၣ်လီၤ.ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်, 12-13ဒီးနဲဒၣ် အံၤကတိၤတၢ်ဒီးပှၤအံၣ်စရ့လးဖိ, ဒီးစံး, မ့ၢ်မးသုဘၣ် တိၢ်န့ၢ်ယအိၣ်ဘှံးနံၤတဖၣ်လီၤ. အဂ့ၢ်ဒ်အံၤ, မ့ၢ်တၢ် ပနီၣ်လၢယၤဒီးသုအဘၢၣ်စၢၤ လီၤလၢသုစၢၤသုသွဲၣ် အစိၤစိၤအဃၣ်ဃၣ်ဒ်သိးသုကသ့ၣ်ညါလၢ ယမ့ၢ်ယွၤ လၢအမၤစီဆှံသုလီၤ.
14ဒီးသုဘၣ်တိၢ်န့ၢ်ယအိၣ်ဘှံးနံၤလီၤ. အဂ့ၢ်ဒ်အံၤ, စီ ဆှံဝဲလၢသုဂီၢ်လီၤ. ပှၤလၢအမၤဘၣ်အၢအီၤန့ၣ်ကဘၣ် တၢ်မၤသံအီၤသပှၢ်တၢၢ်လီၤ. အဂ့ၢ်ဒ်အံၤ, ကယဲၢ်ပှၤ လၢအမၤတၢ်မၤလၢအပူၤတဂၤလၢ်လၢ်န့ၣ်, အသးက ဘၣ်တၢ်ဒီၣ်တဲာ်ကွံာ်အီၤဒီးအပှၤတကလုာ်ဒၣ်ဝဲလီၤ.
15ပှၤဘၣ်မၤအတၢ်မၤလၢဃုနံၤအပူၤလီၤ. မ့မ့ၢ်နွံနံၤတ နံၤန့ၣ်မ့ၢ်တၢ်အိၣ်ဘှံးစီဆှံလၢယွၤအဂီၢ်လီၤ. ပှၤလၢအ မၤတၢ်မၤလၢ အိၣ်ဘှံးနံၤတဂၤလၢ်လၢ်န့ၣ်ကဘၣ်တၢ် မၤသံအီၤသပှၢ်တၢၢ်လီၤ. 16ဒီးပှၤအံၣ်စရ့လးဖိဘၣ်တိၢ်န့ၢ် တၢ်အိၣ်ဘှံးနံၤဒ်သိးအကအိၣ်ဘှံးလီၤ လၢအစၢၤအသွဲၣ်အစိၤစိၤအဃၣ်ဃၣ်လီၤ. မ့ၢ်တၢ်အၢၣ်လီၤအီလီၤအထူအယိာ်လီၤ.-
17မ့ၢ်တၢ်ပနီၣ်လၢယၤဒီး ပှၤအံၣ်စရ့လးဖိအဘၢၣ်စၢၤလီၤ စိၤလီၤထီလီၤ. အဂ့ၢ်ဒ်အံၤ, ယွၤတ့မူခိၣ်ဒီးဟီၣ်ခိၣ်လၢ ဃုနံၤ, ဒီးနွံနံၤတနံၤန့ၣ်အိၣ်ဘှံးဝဲ, ဒီးသါထီၣ်ဝဲလီၤ.
18ဒီးကတိၤတၢ်ဒီးစီၤမိၤရှ့လၢ ကစၢၢ်စံၤနါအလိၤလၢာ် ဝံၤဒီးဟ့ၣ်လီၤအီၤလၢ အတၢ်အၢၣ်လီၤအီလီၤ အဘ့ၣ် ဘၣ်ခံဘ့ၣ်, လၢၢ်ဘ့ၣ်ဘၣ်တဖၣ်ကွဲးအသးလၢယွၤအ စုလီၤ.
Currently Selected:
လံာ်စီၤမိၤရှ့ခံဘ့ၣ်တဘ့ၣ်. ၃၁: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.