လံာ်စီၤမိၤရှ့ခံဘ့ၣ်တဘ့ၣ်. ၂၄
၂၄
1ဒီးစံးဘၣ်စီၤမိၤရှ့, ဟဲထီၣ်ဆူယွၤအအိၣ်, နဲဒၣ်ဒီး စီၤအၤဟရိၣ်, စီၤနၤဒး, ဒီးစီၤအဘံဟူၤ, ဒီးအံၣ်စရ့ လးအပှၤသူၣ်က့သးပှၢ်နွံဆံ, ဒီးဘါတၢ်အိၣ်လၢအယံၤ တက့ၢ်. 2ဒီးစီၤမိၤရှ့ကသုးဘူးအသးဆူယွၤအအိၣ်ထဲ တဂၤလီၤ. အဝဲသ့ၣ်တဖၣ်တဘၣ်သုးဘူးအသးဘၣ်. ဒီးပှၤဂီၢ်မုၢ်တဘၣ်လဲၤထီၣ်ဘၣ်ဒီးအီၤဘၣ်.
3ဒီးစီၤမိၤရှ့ဟဲဝဲ, ဒီးစံးဘၣ်တဲဘၣ်ပှၤဂီၢ်မုၢ်လၢကယဲၢ် ယွၤအကလုၢ်အကထါ, ဒီးကယဲၢ်အစံၣ်ညီၣ် တၢ်ခဲ လၢာ်, ဒီးပှၤဂီၢ်မုၢ်စံးဆၢတၢ်လၢအကလုၢ်တဘျီဃီခဲ လဲာ်, ဒီးစံးဝဲဒၣ်, ကယဲၢ်တၢ်ကတိၤလၢယွၤကတိၤ တၢ်န့ၣ်ပကတိၢ်န့ၢ်လီၤ.
4ဒီးစီၤမိၤရှ့ကွဲးလီၤ ကယဲၢ်ယွၤအကလုၢ်အကထါခဲ လၢာ်, ဒီးလၢမုၢ်ဂီၤန့ၣ်ဂဲၤဆၢထၢၣ်ဂီၤဂီၤ, ဒီးမၤယွၤအ တၢ်လုၢ်အလီၢ်လၢကစၢၢ်ခီၣ်ထံးန့ၣ်, ဒီးအထူၣ်တဆံခံ ထူၣ်, ပှဲၤသိးသိးဒီးပှၤအံၣ်စရ့လးဖိတဆံခံဒူၣ်န့ၣ်လီၤ.
5ဒီးမၢပှၤဖိၣ်သၣ်ခွါလၢပှၤအံၣ်စရ့လးဖိအကျါ, ဒီးအ ဝဲသ့ၣ်လုၢ်တၢ်လုၢ်မ့ၣ်အူ, ဒီးလုၢ်ယွၤလၢတၢ်လုၢ်မၤဃူ မၤဖိးတၢ်အဂီၤဖံးန့ၣ်လီၤ.
6ဒီးစီၤမိၤရှ့ဟံးန့ၢ်သွံၣ်ခံပူတပူ, ဒီးဒၢနုာ်ဝဲလၢသလၢ တဖၣ်အပူၤ, ဒီးဖှံဝဲလၢသွံၣ်ခံပူတပူလၢတၢ်လုၢ်အလီၢ် အဖီခိၣ်လီၤ. 7ဒီးဟံးန့ၢ်လံာ်တၢ်အၢၣ်လီၤအီလီၤ, ဒီး ဖးဝဲလၢပှၤဂီၢ်မုၢ်အနၢ်ပူၤ, ဒီးအဝဲသ့ၣ်စံးဝဲဒၣ်, ကယဲၢ် တၢ်လၢယွၤကတိၤတၢ်န့ၣ်ပကတိၢ်န့ၢ်, ဒီးဒိကနၣ်လီၤ.
8ဒီးစီၤမိၤရှ့ဟံးန့ၢ်သွံၣ်, ဒီးဖှံဝဲလၢပှၤဂီၢ်မုၢ်အလိၤဒီးစံး ဝဲဒၣ်, ကွၢ်ကွၢ်, တၢ်သွံၣ်ဘၣ်ဃးဒီးတၢ်အၢၣ်လီၤအီ လီၤလၢယွၤအၢၣ်လီၤအီလီၤဒီးသု လၢတၢ်ကတိၤအံၤ ခဲလၢာ်အဂ့ၢ်အကျိၤလီၤ.
9ဒီးစီၤမိၤရှ့ဒီးစီၤအၤဟရိၣ်, ဒီးစီၤနၤဒး, ဒီးစီၤအဘံ ဟူၤ, ဒီးအံၣ်စရ့လးအပှၤသူၣ်က့သးပှၢ်နွံဆံတဖၣ်လဲၤ ထီၣ်ဝဲလီၤ.
10ဒီးထံၣ်ဘၣ်အံၣ်စရ့လးအကစၢ်, ဒီးလၢအခီၣ်ဖီလာ် တၢ်အိၣ်ဝဲမၤအသးဒ် တၢ်မျၢ်နံၤလါဒါလီၤအသးအ သိး, ဒီးလၢအတၢ်ဆှံန့ၣ်မၤသးဒ် မူခိၣ်အကစၢ်ဒၣ်ဝဲ အသိးလီၤ.
11ဒီးတပာ်ဘၣ်အစုလၢ ပှၤအံၣ်စရ့လးဖိအခိၣ်တဖၣ် ဘၣ်. ဒီးအဝဲသ့ၣ်ထံၣ်ဘၣ်ယွၤ, ဒီးအီၣ်တၢ်ဒီးအီတၢ် လီၤ.
12ဒီးယွၤစံးဘၣ်စီၤမိၤရှ့, ဟဲထီၣ်ဆူယအိၣ်လၢကစၢၢ် လိၤန့ၣ်, ဒီးအိၣ်ဖဲန့ၣ်တက့ၢ်. ဒီးယကဟ့ၣ်လီၤနၤလၢ လၢၢ်ဘ့ၣ်ဘၣ်တဖၣ်, ဒီးတၢ်သိၣ်တၢ်သီ, ဒီးတၢ်မၤ လိာ်လၢယကွဲးတၢ်, ဒ်သိးနကသိၣ်လိအီၤလီၤ.
13ဒီးစီၤမိၤရှ့ဂဲၤဆၢထၢၣ်ဒီးအခ့အပှၤစီၤယိၤရှူ, ဒီးစီၤ မိၤရှ့လဲၤထီၣ်ဆူကစၢ်အကစၢၢ်န့ၣ်လီၤ.
14ဒီးစံးဘၣ်ပှၤသူၣ်က့သးပှၢ်, အိၣ်ခိးပှၤဖဲအံၤတုၤပဟဲ က့ၤကဒါက့ၤဆူသုအိၣ်တက့ၢ်. ဒီးကွၢ်ကွၢ်, စီၤအၤဟ ရိၣ်ဒီးစီၤဃူၢ်အိၣ်ဒီးသုလီၤ. ပှၤတဂၤဂၤအတၢ်ကတိၤ မ့ၢ်အိၣ်ဒီး, မ်အလဲၤဆူအအိၣ်တက့ၢ်.
15ဒီးစီၤမိၤရှ့ လဲၤထီၣ်ဆူကစၢၢ်လိၤန့ၣ်, ဒီးတၢ်အၢၣ် လုၣ်ဘၢကစၢၢ်န့ၣ်လီၤ.
16ဒီးယွၤအလၤအကပီၤ အိၣ်ဝဲဆိးဝဲလၢကစၢၢ်စံၤနါအ လိၤ, ဒီးတၢ်အၢၣ်လုၣ်ဘၢအီၤဃုနံၤ, ဒီးနွံနံၤတနံၤန့ၣ် ကိးထီၣ်ဝဲလၢစီၤမိၤရှ့လၢတၢ်အၢၣ်အသးကံၢ်ပူၤလီၤ.
17ဒီးပှၤကွၢ်ယွၤအလၤအကပီၤ မၤသးဒ်မ့ၣ်အူအီၣ်တၢ် လၢကစၢၢ်ဒီခိၣ်အသိးန့ၣ်လၢ ပှၤအံၣ်စရ့လးဖိအမဲာ် ညါလီၤ.
18ဒီးစီၤမိၤရှ့လဲၤနုာ်လၢတၢ်အၢၣ်အသးကံၢ်ပူၤ, ဒီးလဲၤ ထီၣ်ဆူကစၢၢ်လိၤန့ၣ်လီၤ. ဒီးစီၤမိၤရှ့အိၣ်ဝဲလၢကစၢၢ် လိၤအနံၤလွံၢ်ဆံဒီးအနၤလွံၢ်ဆံလီၤ.
Currently Selected:
လံာ်စီၤမိၤရှ့ခံဘ့ၣ်တဘ့ၣ်. ၂၄: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.