လံာ်စီၤမိၤရှ့ခံဘ့ၣ်တဘ့ၣ်. ၁၄
၁၄
1-2ဒီးယွၤကတိၤတၢ်ဒီးစီၤမိၤရှ့, ဒီးစံးဝဲဒၣ်,- စံးဘၣ်ပှၤ အံၣ်စရ့လးဖိဒ်သိးအကဃၣ်အသးဒီး သူၣ်အဒဲလၢပံၤ ဟဃံရိးအမဲာ်ညါ, လၢမံးကဒိးလးဒီးပီၣ်လဲၣ်အဘၢၣ် စၢၤ, လၢဘဧၤလးစဖိၣ်အမဲာ်ညါန့ၣ်တက့ၢ်, သုဘၣ် သူၣ်ဒဲသဃီၤဒီးအီၤလၢပီၣ်လဲၣ်နံၤန့ၣ်လီၤ.
3အဂ့ၢ်ဒ်အံၤ,ဖၤရိၤကစံးလၢပှၤအံၣ်စရ့လးဖိအဂ့ၢ်န့ၣ်, အဝဲသ့ၣ်တဖၣ်အိၣ်သဘံၣ်ဘုၣ်လၢကီၢ်ပူၤလံ.ပှၢ်မုၢ်က နၢန့ၣ်ကးတံာ်ဃာ်အခံလီၤ. 4ဒီးယကဒုးဆူၣ်ထီၣ်ဖၤ ရိၤအသး, ဒီးကလူၤအီၤ, ဒီးယကဘၣ်တၢ်လၤကပီၤလၢ ဖၤရိၤအဃိ, ဒီးလၢအသုးမုၢ်ခဲလၢာ်အဃိ, ဒီးပှၤအဲၤကူ ပတူးဖိကသ့ၣ်ညါလၢယမ့ၢ်ယွၤလီၤ. ဒီးမၤဝဲဒ်န့ၣ်လီၤ.
5ဒီးပှၤဒုးနဲၣ်ဖၤရိၤလၢပှၤဂီၢ်မုၢ်ဃ့ၢ်လံ, ဒီးဖၤရိၤအသး ဒီးအခ့အပှၤအသးထီဒါပှၤဂီၢ်မုၢ်, ဒီးစံးဝဲဒၣ်, ဘၣ်မ နုၤလၢပမၤတၢ်အံၤ, လၢပပျၢ်ပှၤအံၣ်စရ့လးဖိလၢအမၤ ပတၢ်န့ၣ်လဲၣ်.
6ဒီးအဝဲဒၣ်ကတီၤအလ့ၣ်ကဟၣ်, ဒီးဟံးန့ၢ်အပှၤဂီၢ် မုၢ်ဒီးအီၤလီၤ. 7ဒီးဟံးန့ၢ်လ့ၣ်ကဟၣ်လၢအဘၣ်ဃုထၢ အီၤဃုကယၤ, ဒီးကယဲၢ်အဲၤကူပတူးအလ့ၣ်ကဟၣ်, ဒီးပှၤအခိၣ်လၢကိးဆိဒဲးအဖီခိၣ်လီၤ.
8ဒီးယွၤဒုးဆူၣ်ထီၣ် အဲၤကူပတူးအစီၤပၤဖၤရိၤအသး, ဒီးအဝဲဒၣ်လူၤပှၤအံၣ်စရ့လးဖိလီၤ. ဒီးပှၤအံၣ်စရ့လးဖိ ဟးထီၣ်ဒီးအစုယူာ်ထီၣ်ထီလီၤ.
9ဒီးပှၤအဲၤကူပတူးဖိလူၤအီၤ, ကယဲၢ်ဖၤရိၤအကသ့ၣ်, အလ့ၣ်ကဟၣ်, ဒီးအပှၤဒိးကသ့ၣ်, ဒီးအသုးမုၢ်ခဲ လၢာ်ဒီးချုးန့ၢ်အီၤအိၣ်သူၣ်အဒဲလၢပီၣ်လဲၣ်နံၤ, လၢပံၤ ဟဃံရိးအဃၢၤလၢဘဧၤလးစဖိၣ်အမဲာ်ညါလီၤ. 10ဒီးတုၤဖၤရိၤဟဲဘူးဒီး, ပှၤအံၣ်စရ့းလးဖိ ကျ့ထီၣ်အမဲာ်ဒီး, ကွၢ်ကွၢ်, ပှၤအဲၤကူပတူးဖိဟဲပိာ်အခံလီၤ. ဒီးပျံၤတၢ်ဒိၣ်မးလီၤ.ဒီးပှၤအံၣ်စရ့လးဖိကိးထီၣ်ယွၤလီၤ.- 11ဒီးစံးဘၣ်စီၤမိၤရှ့, လၢသွၣ်ခိၣ်တဖၣ်တအိၣ်ဘၣ်လၢအဲၤကူပတူးအပူၤဒီးနဟဲစိာ်ကွံာ်ပှၤ ဒ်သိးပကသံလၢပှၢ်မုၢ်ကနၢစ့ၢ်ကီးဧါ. ဘၣ်မနုၤလၢနမၤပှၤလၢတၢ်အံၤ,လၢနဒုးဟးထီၣ်ပှၤလၢ အဲၤကူပတူးအပူၤ န့ၣ်လဲၣ်.-
12တၢ်ကတိၤလၢပစံးဘၣ်နၤလၢ အဲၤကူပတူးန့ၣ် မ့ၢ်အ အံၤ, ပစံး, ဒုးအိၣ်ဒၣ်ပှၤတက့ၢ်. ဒီးပကမၤပှၤအဲၤကူ ပတူးဖိအတၢ်န့ၣ်, တမ့ၢ်ဘၣ်ဧါ. အဂ့ၢ်ဒ်အံၤ, ပမၤပှၤ အဲၤကူပတူးဖိအတၢ်န့ၣ်, ဂ့ၤန့ၢ်ပသံလၢပှၢ်မုၢ်ကနၢအံၤ တက့ၢ်လီၤ.
13ဒီးစီၤမိၤရှ့စံးဘၣ်ပှၤဂီၢ်မုၢ်န့ၣ်, ပျံၤတဂ့ၤ, အိၣ်ဂၢၢ်ဆိး ကျၢၤ, ဒီးထံၣ်ဘၣ်ယွၤအတၢ်အုၣ်က့ၤခီၣ်က့ၤလၢအက မၤန့ၢ်သုလၢမုၢ်မဆါတနံၤအံၤတက့ၢ်. အဂ့ၢ်ဒ်အံၤ, ပှၤ အဲၤကူပတူးဖိတဖၣ်လၢသုထံၣ်ဘၣ်လၢ မုၢ်မဆါတနံၤ အံၤ, စိၤရီၤသုတထံၣ်ကဒီးလၢၤဘၣ်အီၤဘၣ်. 14ယွၤ ကဒုးတၢ်လၢသုဂီၢ်,ဒီးသုကဘၣ်အိၣ်ဘှီၣ်ကလာ်လီၤ.
15ဒီးယွၤစံးဘၣ်စီၤမိၤရှ့, နကိးထီၣ်ယၤဘၣ်မနုၤလဲၣ်. စံးဘၣ်ပှၤအံၣ်စရ့လးဖိ ဒ်သိးအကလဲၤတၢ်ဆူညါတ က့ၢ်. 16ဒီးနဲဒၣ်အံၤယူာ်ထီၣ်နနီၣ်ထိးဘိ, ဒီးယူာ်ဃီၤနစု လၢပီၣ်လဲၣ်အဖီခိၣ်, ဒီးမၤသ့ၣ်ဖးအီၤတက့ၢ်. ဒီးပှၤအံၣ် စရ့လးဖိကလဲၤလၢခိလၢပီၣ်လဲၣ်အသးကံၢ်ပူၤန့ၣ်လီၤ.
17ဒီးယဲဒၣ်အံၤ, ကွၢ်ကွၢ်, ယကဒုးဆူၣ်ထီၣ်ပှၤအဲၤကူ ပတူးဖိအသး, ဒီးကပိာ်ထီၣ်အခံလီၤ. ဒီးယကဒိးန့ၢ် တၢ်လၤကပီၤလၢဖၤရိၤအဃိ, ဒီးလၢအသုးမုၢ်ခဲလၢာ် အဃိ, ဒီးလၢအလ့ၣ်ကဟၣ်တဖၣ်အဃိ, ဒီးလၢအပှၤ ဒိးကသ့ၣ်တဖၣ်အဃိလီၤ. 18ဒီးတုၤယဒိးတၢ်လၤကပီၤ လၢဖၤရိၤအဃိ, လၢအလ့ၣ်ကဟၣ်အဃိ, ဒီးလၢအ ပှၤဒိးကသ့ၣ်အဃိဒီး, ပှၤအဲၤကူပတူးဖိကသ့ၣ်ညါလၢ ယမ့ၢ်ယွၤလီၤ.
19ဒီးယွၤအကလူးလၢ အလဲၤလၢအံၣ်စရ့လးသူၣ်ဒဲအ လီၢ်အမဲာ်ညါန့ၣ်ဟဲလၢအလီၢ်ခံ, ဒီးတၢ်အၢၣ်အထူၣ် သုးအလီၢ်လၢအမဲာ်ညါ, ဒီးဆၢထၢၣ်လၢအလီၢ်ခံလီၤ.
20ဒီးဟဲဝဲလၢပှၤအဲၤကူပတူးဖိသူၣ်ဒဲအလီၢ်ဒီး အံၣ်စရ့ လးသူၣ်ဒဲအလီၢ်အဘၢၣ်စၢၤ, ဒီးမ့ၢ်တၢ်အၢၣ်ဒီးတၢ်ခံး ဘၣ်ဆၣ်ဒီး, ကပီၤထီၣ်လၢမုၢ်နၤလီၤ. ဒီးတဖုတဟဲ ဘူးဒီးအဝဲတဖုသီတနၤကျၢၤဘၣ်လီၤ.
21ဒီးစီၤမိၤရှ့ယူာ်ဃီၤအစုလၢပီၣ်လဲၣ်အဖီခိၣ်, ဒီးယွၤ ဒုးလဲၤကွံာ်ပီၣ်လဲၣ်လၢကလံၤဆူၣ် လၢမုၢ်ထီၣ်တခီသီ တနၤကျၢၤ, ဒီးဒုးကဲထီၣ်ပီၣ်လဲၣ်လၢခိ, ဒီးထံန့ၣ်လီၤ ဖးဝဲလီၤ. 22ဒီးပှၤအံၣ်စရ့လးဖိလဲၤလီၤဆူပီၣ်လဲၣ်အသး ကံၢ်ပူၤလၢခိ, ဒီးထံန့ၣ်ကဲထီၣ်အဒူၣ်လၢအစုထွဲဒီးလၢ အစုစ့ၣ်လၢအဂီၢ်လီၤ.
23ဒီးပှၤအဲၤကူပတူးဖိတဖၣ်လူၤအီၤ, ဒီးလဲၤနုာ်ထွဲအခံ ဆူပီၣ်လဲၣ်အသးကံၢ်ပူၤ, ကယဲၢ်ဖၤရိၤအကသ့ၣ်, ဒီး အလ့ၣ်ကဟၣ်, ဒီးအပှၤဒိးကသ့ၣ်ခဲလၢာ်လီၤ.
24ဒီးတၢ်မၤအသးလၢ ပှၤခိးတၢ်အကတီၢ် လၢမုၢ်ဂီၤ တတီၤန့ၣ်ယွၤကွၢ် ပှၤအဲၤကူပတူးဖိအသုးမုၢ်လၢမ့ၣ်အူ ဒီးတၢ်အၢၣ်အထူၣ်န့ၣ် ဒီးမၤတံာ်တာ်ပှၤအဲၤကူပတူး ဖိအသုးမုၢ်, 25ဒီးမၤဖျုကွံာ်အလ့ၣ်ကဟၣ်အပၣ်, ဒီးဒုး လဲၤအီၤဘုးတာ်, ဘုးတာ်ဒီးပှၤအဲၤကူပတူးဖိစံးဝဲဒၣ်, ဃ့ၢ်ကွံာ်သကိးလၢအံၣ်စရ့လးအမဲာ်ညါတက့ၢ်. အဂ့ၢ် ဒ်အံၤ, ယွၤဒုးတၢ်လၢအဂီၢ်ထီဒါပှၤအဲၤကူပတူးဖိလီၤ.
26ဒီးယွၤစံးဘၣ်စီၤမိၤရှ့, ယူာ်ဃီၤနစုလၢပီၣ်လဲၣ်အဖီ ခိၣ်, ဒ်သိးထံကဟဲက့ၤကဒါက့ၤလၢပှၤအဲၤကူပတူးဖိ အဖီခိၣ်, လၢအလ့ၣ်ကဟၣ်အဖီခိၣ်, ဒီးလၢအပှၤဒိး ကသ့ၣ်အဖီခိၣ်န့ၣ်တက့ၢ်.
27ဒီးစီၤမိၤရှ့ယူာ်ဃီၤအစုလၢပီၣ်လဲၣ်အဖီခိၣ်, ဒီးတုၤ မုၢ်ဆ့ၣ်ထီၣ်န့ၣ်ဒီး, ပီၣ်လဲၣ်ဟဲက့ၤကဒါက့ၤလၢအဂံၢ် အဘါ, ဒီးပှၤအဲၤကူပတူးဖိဃ့ၢ်ဝဲလၢအမဲာ်ညါ, ဒီး ယွၤတြုၤကွံာ်ပှၤအဲၤကူပတူးဖိလၢ ပီၣ်လဲၣ်အသးကံၢ် ပူၤန့ၣ်လီၤ.
28ဒီးထံန့ၣ်ဟဲက့ၤကဒါက့ၤ ဒီးမၤဘံးမၤဘၢ လ့ၣ်က ဟၣ်, ဒီးပှၤဒိးကသ့ၣ်, ကယဲၢ်ဖၤရိၤအသုးမုၢ်ခဲလၢာ် လၢအဟဲပိာ်အခံဆူ ပီၣ်လဲၣ်ပူၤန့ၣ်လီၤ. တအိၣ်လီၤ တဲာ်ဘၣ်နီတဂၤဘၣ်. 29မ့မ့ၢ်ပှၤအံၣ်စရ့လးဖိလဲၤတၢ် လၢခိလၢပီၣ်လဲၣ်အသးကံၢ်ပူၤ, ဒီးထံန့ၣ်ကဲထီၣ်တၢ် အဒူၣ်လၢအစုထွဲဒီးလၢအစုစ့ၣ်လၢအဂီၢ်လီၤ.
30ဒီးလၢမုၢ်တနံၤန့ၣ် ယွၤအုၣ်က့ၤခီၣ်က့ၤအံၣ်စရ့လး လၢပှၤအဲၤကူပတူးဖိအစုပူၤလီၤ. ဒီးအံၣ်စရ့လးထံၣ် ဘၣ်ပှၤအဲၤကူပတူးဖိသံလၢပီၣ်လဲၣ်နံၤန့ၣ်လီၤ.
31ဒီးအံၣ်စရ့လးထံၣ်ဘၣ် တၢ်မၤဖးဒိၣ်လၢယွၤမၤပှၤ အဲၤကူပတူးဖိ, ဒီးပှၤဂီၢ်မုၢ်ပျံၤယွၤ, ဒီးစူၢ်က့ၤနာ်က့ၤ ယွၤ, ဒီးအခ့အပှၤစီၤမိၤရှ့လီၤ.
Currently Selected:
လံာ်စီၤမိၤရှ့ခံဘ့ၣ်တဘ့ၣ်. ၁၄: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.