လံာ်စီၤမိၤရှ့ခံဘ့ၣ်တဘ့ၣ်. ၁၀
၁၀
1ဒီးယွၤစံးဘၣ်စီၤမိၤရှ့, လဲၤနုာ်ဆူဖၤရိၤ အအိၣ်တ က့ၢ်. အဂ့ၢ်ဒ်အံၤ, ယမၤကိၤအသးဒီးအခ့အပှၤတဖၣ် အသးဒ်သိးယကဒုးနဲၣ် ယတၢ်အပနီၣ်လီၤလးတဖၣ် အံၤလၢအကျါ, 2ဒီးဒ်သိးနကစံၣ်တဲၤတဲလီၤတၢ်လၢ နဖိခွါအနၢ်ပူၤ, ဒီးနဖိခွါအဖိခွါ, လၢတၢ်လၢယမၤလၢ အဲၤကူပတူးအပူၤ, ဒီးတၢ်ပနီၣ်လီၤလးတဖၣ်လၢယမၤ လၢအကျါ, ဒီးသုကသ့ၣ်ညါလၢယမ့ၢ်ယွၤလီၤ.
3ဒီးစီၤမိၤရှ့, ဒီးစီၤအၤဟရိၣ်လဲၤနုာ်ဆူဖၤရိၤအအိၣ်ဒီး စံးဘၣ်အီၤ, ယွၤပှၤဧ့ၤဘြံၤဖိအကစၢ်စံးဒ်အံၤ, ဒ်သိး နသုတဆီၣ်လီၤနသးလၢယမဲာ်ညါတဂ့ၤဒီး, နကဂ့ၢ် လိာ်ဆံးယံာ်လဲၣ်. ပျၢ်ယပှၤဂီၢ်မုၢ်ဒ်သိးအကမၤယတၢ် တက့ၢ်. 4ပျၢ်ယပှၤဂီၢ်မုၢ်နမ့ၢ်ဂ့ၢ်လိာ်ဒီး, ကွၢ်ကွၢ်, ခဲ ဂီၤကိာ် ယကဒုးဟဲထီၣ်ဒွဲၣ်ဧိၤသကံၤဧိၤလၢနကီၢ်ပူၤ,- 5ဒီးကမၤဘံးမၤဘၢဟီၣ်ခိၣ် တုၤပှၤထံၣ်ဘၣ်ဟီၣ်ခိၣ်တသ့ဘၣ်. ဒီးကအီၣ်တၢ်အိၣ်လီၤတဲာ်လၢအပူၤဖျဲး, တၢ်အိၣ်လီၤတဲာ်လၢသုဂီၢ်လၢသူၣ်န့ၣ်, ဒီးကအီၣ်ကယဲၢ်သ့ၣ်လၢအမဲထီၣ်လၢသုဂီၢ်လၢပှၢ်လၢ်ကျါကိးထံးဒဲး,-
6ဒီးကမၤပှဲၤနဟံၣ်, ဒီးနခ့နပှၤအဟံၣ်ခဲလၢာ်, ဒီးကယဲၢ် ပှၤအဲၤကူပတူးဖိအဟံၣ်ခဲလၢာ်လီၤ. တၢ်န့ၣ်နပၢ်သ့ၣ်, ဒီးနပၢ်အပၢ်သ့ၣ်တဖၣ် တထံၣ်ဘၣ်လၢမုၢ်နံၤလၢအ အိၣ်ထီၣ်လၢဟီၣ်ခိၣ်ချၢတုၤမုၢ်မဆါတနံၤအံၤလီၤ. ဒီး ဃၣ်ကဒါက့ၤအသး,ဒီးဟးထီၣ်လၢဖၤရိၤအအိၣ်လီၤ.
7ဒီးဖၤရိၤအခ့အပှၤစံးဘၣ်အီၤ, ပှၤတဂၤအံၤ, ကကဲ ပျံၤသကွီၤလၢပဂီၢ်ဆံးယံာ်လဲၣ်. ပျၢ်လၢ်ပှၤပိာ်ခွါတဖၣ် ဒ်သိးအကမၤယွၤအကစၢ်အတၢ်န့ၣ်တက့ၢ်. အဲၤကူပ တူးဟးဂီၤလံန့ၣ်နတသ့ၣ်ညါဒံးဘၣ်ဧါ.
8ဒီးပှၤဒုးဟဲက့ၤစီၤမိၤရှ့, ဒီးစီၤအၤဟရိၣ်ဆူဖၤရိၤအ အိၣ်, ဒီးအဝဲဒၣ်စံးဘၣ်အီၤ, လဲၤမၤယွၤသုကစၢ်အတၢ် တက့ၢ်. မ့ၢ်မတၤကလဲၤတဖၣ်လဲၣ်.
9ဒီးစီၤမိၤရှ့စံးဝဲဒၣ်, ပကလဲၤဒီးပဖိဒံဖိသၣ်, ဒီးပသူၣ် က့သးပှၢ်, ဒီးပဖိခွါ, ဒီးပဖိမုၣ်, ဒီးလၢပသိဒီးမဲာ်တဲး လဲး, ဒီးပဂီၤဘုၣ်ဂီၤဖံးတဖၣ်န့ၣ်ပကလဲၤလီၤ. အဂ့ၢ် ဒ်အံၤ, တၢ်မၤဘူၣ်ယွၤအိၣ်ဒီးပှၤလီၤ.
10ဒီးစံးဘၣ်အီၤမ်ယွၤအိၣ်ဒီးသုဒ် ယပျၢ်သုဒီးသုဖိဆံး အသိးန့ၣ်တက့ၢ်. ကွၢ်တက့ၢ်, အဂ့ၢ်ဒ်အံၤ, တၢ်အၢ အိၣ်ဝဲလၢသုမဲာ်ညါလီၤ. 11ဒ်န့ၣ်တမ့ၢ်ဘၣ်, သုဝဲ, ပိာ်ခွါလဲၤတ့ၢ်, ဒီးမၤယွၤအတၢ်တက့ၢ်. အဂ့ၢ်ဒ်အံၤ, သုဃုတ့ၢ်တၢ်န့ၣ်တမံၤလီၤ. ဒီးပှၤဟီထီၣ်ကွံာ်အီၤလၢ ဖၤရိၤအမဲာ်ညါလီၤ.
12ဒီးယွၤစံးဘၣ်စီၤမိၤရှ့, ယူာ်ထီၣ်နစုလၢကီၢ်အဲၤကူပ တူးအဖီခိၣ်လၢ ဒွဲၣ်ဧိၤသကံၤဧိၤအဂီၢ်, ဒ်သိးအကဟဲ ထီၣ်လၢကီၢ်အဲၤကူပတူးအပူၤ, ဒီးအီၣ်ကယဲၢ်နီၣ်ဧိၤမံၤ ဧိၤ, ဘုဧိၤဟုဧိၤလၢကီၢ်ပူၤန့ၣ်, ဒီးကယဲၢ်တၢ်လၢသူၣ် ပာ်လီၤတဲာ်န့ၣ်တက့ၢ်.
13ဒီးစီၤမိၤရှ့ယူာ်ထီၣ်အနီၣ်ထိးဘိလၢ ကီၢ်အဲၤကူပတူး အဖီခိၣ်, ဒီးယွၤဒုးဟဲကလံၤလၢမုၢ်ထီၣ်တခီ လၢကီၢ် န့ၣ်အဖီခိၣ်သ့တနံၤကျၢၤ, ဒီးသီတနၤကျၢၤလီၤ. မုၢ် ဆ့ၣ်ထီၣ်န့ၣ်ကလံၤလၢမုၢ်ထီၣ်တခီဟဲဒီး ဒွဲၣ်ဧိၤသကံၤ ဧိၤလီၤ.
14ဒီးဒွဲၣ်ဧိၤသကံၤဧိၤဟဲထီၣ်ဝဲလၢ ကီၢ်အဲၤကူပတူးဒီ ဘ့ၣ်ညါအဖီခိၣ်, ဒီးစီၢ်လီၤဝဲလၢကီၢ်အဲၤကူပတူးကိး အလီၢ်ပူၤဒဲးလီၤ. အိၣ်ဝဲနးမးလီၤ. လၢပျၢၤလၢအမဲာ် ညါဒွဲၣ်ဧိၤသကံၤဧိၤ ဒ်အဝဲသ့ၣ်တဖၣ်အသိးန့ၣ်တအိၣ် ဘၣ်, ဒီးလၢအလီၢ်ခံန့ၣ်တအိၣ်ဘၣ်ဒ်န့ၣ်အသိးဘၣ်.
15ဒီးမၤဘံးမၤဘၢကီၢ်န့ၣ်ဒီဘ့ၣ်ညါ, ဒီးကီၢ်ခံးလီၤဝဲဒီး အီၣ်ဝဲကယဲၢ်နီၣ်ဧိၤမံၤဧိၤဘုဧိၤဟုဧိၤလၢကီၢ်ပူၤ, ဒီးသ့ၣ် အသၣ်ခဲလၢာ်လၢသူၣ်ပာ်လီၤတဲာ်န့ၣ်လီၤ. ဒီးတၢ်အ ဟ့အလါသ့ၣ်ဧိၤဝၣ်ဧိၤမ့ၢ်ဂ့ၤ, တၢ်မုၢ်တၢ်ဘိမ့ၢ်ဂ့ၤ, တ အိၣ်လီၤတဲာ်ဘၣ်နီတမံၤ, လၢကီၢ်အဲၤကူပတူးဒီဘ့ၣ် ညါအပူၤဘၣ်.
16ဒီးဖၤရိၤမၤဝဲချ့ချ့, ဒီးကိးက့ၤစီၤမိၤရှ့, ဒီးစီၤအၤဟရိၣ်, ဒီးစံးဝဲဒၣ်, ယမၤကမၣ်ဘၣ်ယွၤသုကစၢ်လံ, ဒီးယမၤ ကမၣ်ဘၣ်သုလံ. 17ဒီးခဲကနံၣ်အံၤပျၢ်လၢ်ယတၢ်ကမၣ် ထဲအအံၤတစုဧိၤ, ဒီးဃ့ကညးယွၤသုကစၢ်, ဒ်သိးအ ကဒုးဟးထီၣ်ကွံာ်ထဲတၢ်သံတမံၤအံၤလၢယၤတက့ၢ်. 18ဒီးဟးထီၣ်ဝဲလၢဖၤရိၤအအိၣ်,ဒီးဃ့ကညးယွၤလီၤ.
19ဒီးယွၤဃၣ်ကဒါက့ၤ ကလံၤမုၢ်ဆူၣ်ဟဲလၢမုၢ်နုာ်တခီ, ဒီးစိာ်ထီၣ်ကွံာ် ဒွဲၣ်ဧိၤသကံၤဧိၤ, ဒီးကွံာ်တ့ၢ်ကွံာ်အီၤ လၢပီၣ်လဲၣ်ဂီၤအပူၤလီၤ. တအိၣ်လီၤတဲာ်ဘၣ်လၢအဲၤ ကူပတူးနီတပူၤနီတဘ့ၣ်ဘၣ်.
20ဒီးယွၤဒုးဆူၣ်ထီၣ်ဖၤရိၤအသး, ဒီးတပျၢ်ဘၣ်ပှၤအံၣ် စရ့လးဖိဘၣ်.
21ဒီးယွၤစံးဘၣ်စီၤမိၤရှ့, ယူာ်ထီၣ်နစုဆူမူခိၣ်, ဒီးတၢ် ကခံးန့ၢ် ကီၢ်အဲၤကူပတူး, တုၤဒၣ်လဲာ်ပှၤကကလၢၢ် ဘၣ်တၢ်ခံးန့ၣ်လီၤ.
22ဒီးစီၤမိၤရှ့ယူာ်ထီၣ်အစုဆူမူခိၣ်, ဒီးတၢ်ခံးလီၤသူလၢ ကီၢ်အဲၤကူပတူးဒီဘ့ၣ်ညါအပူၤ, သၢနံၤညါလီၤ. 23ဒီး ပှၤတထံၣ်လိာ်ဘၣ်အသးဘၣ်, ဒီးပှၤတဂဲၤဆၢထၢၣ် ဘၣ်လၢအလီၢ်နီတဂၤဘၣ်သၢနံၤညါလီၤ. မ့မ့ၢ်ပှၤအံၣ် စရ့လးဖိခဲလၢာ် အိၣ်ဒီးတၢ်ကပီၤ လၢအအိၣ်ဝဲဆိးဝဲ အလီၢ်ပူၤလီၤ.
24ဒီးဖၤရိၤကိးန့ၢ်စီၤမိၤရှ့, ဒီးစံးဝဲဒၣ်, လဲၤမၤယွၤအ တၢ်တက့ၢ်. ဒုးအိၣ်လီၤတဲာ်ထဲသုသိဒီးသုမဲာ်တဲးလဲး တဖၣ်, ဒီးသုဂီၤဘုၣ်ဂီၤဖံးတဖၣ်ဧိၤတက့ၢ်. သုဖိဆံး ကလဲၤဒၣ်ဝဲဒီးသုတက့ၢ်.
25ဒီးစီၤမိၤရှ့စံးဝဲဒၣ်, နဘၣ်ဟ့ၣ်စ့ၢ်ကီးပှၤလၢတၢ်လုၢ်, ဒီးတၢ်လုၢ်မ့ၣ်အူလၢပစုပူၤ, ဒ်သိးပကလုၢ်တၢ်လၢယွၤ ပကစၢ်လီၤ. 26ဒီးပဆၣ်ဖိကီၢ်ဖိအဒၢဘၣ်လဲၤဒီးပှၤလီၤ. ဆၣ်ဖိကီၢ်ဖိအခီၣ်မ့ၣ် တဘၣ်အိၣ်လီၤတဲာ်ဘၣ် နီတ ဘ့ၣ်ဘၣ်. အဂ့ၢ်ဒ်အံၤ, ပဘၣ်ဟံးန့ၢ်လၢတၢ်တဖၣ်န့ၣ် အကျါဒ်သိးပကမၤယွၤပကစၢ်အတၢ်, ဒီးပဘၣ်မၤယွၤ အတၢ်လၢမနုၤမနုၤန့ၣ်, ပတချုးလဲၤတုၤဒံးဘၣ်ဖဲန့ၣ် ဒီး, ပတသ့ၣ်ညါဘၣ်.
27ဘၣ်ဆၣ်ဒီး ယွၤဒုးဆူၣ်ထီၣ်ဖၤရိၤအသး, ဒီးအဝဲ ဒၣ်အသးတအိၣ်ပျၢ်အီၤဘၣ်.
28ဒီးဖၤရိၤစံးဘၣ်အီၤ, ဟးထီၣ်ကွံာ်လၢယအိၣ်တက့ၢ်. ပလီၢ်နသးတက့ၢ်. ထံၣ်လၢၤယမဲာ်တဂ့ၤ, အဂ့ၢ်ဒ်အံၤ, မုၢ်တနံၤလၢနထံၣ်ဘၣ်ယမဲာ်န့ၣ်နကသံလီၤ.
29ဒီးစီၤမိၤရှ့စံးဝဲဒၣ်, နကတိၤတၢ်ဘၣ်လံ. ယတထံၣ် ကဒီးလၢၤနမဲာ်ဘၣ်လီၤ.
Currently Selected:
လံာ်စီၤမိၤရှ့ခံဘ့ၣ်တဘ့ၣ်. ၁၀: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.