လံာ်စကၤရယၤ 7
7
ယွၤစံၣ်ညီၣ်ဃၣ်တၢ်ဒုၣ်တၢ်အီၣ်တၢ်အီ လၢတမ့ၢ်တၢ်နီၢ်နီၢ်
1လၢစီၤပၤဖးဒိၣ်ဒၤရယါဝ့ၣ်ပၢတၢ်လွံၢ်နံၣ်တနံၣ်, လါခွံလါတလါ, လါကံစလ့ၤထီၣ်လွံၢ်နံၤတနံၤန့ၣ်, ကစၢ်ယွၤဟ့ၣ်လီၤယၤတၢ်ကစီၣ်တမံၤလီၤ.
2ပှၤဂီၢ်မုၢ်လၢဝ့ၢ်ဘ့ၤသ့လးမၢလီၤစီၤၡၤရ့စၢ်, ဒီးစီၤရ့က့ၣ်လ့မ့းဒီးအပှၤကညီတဖၣ်ဆူသ့တၢ်လၢာ်ယွၤအတၢ် လုၢ်ဟံၣ်, ဒ်သိးအကဃ့ဘါထုကဖၣ်ယွၤလၢယွၤအတၢ်ဆိၣ်ဂ့ၤအဂီၢ်, 3ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”
4အအံၤမ့ၢ်ယွၤအတၢ်ကစီၣ်လၢအဟ့ၣ်လီၤယၤလီၤ.
5အဝဲစံးဝဲ, “တဲဘၣ်ပှၤဂီၢ်မုၢ်လၢထံဧိၤကီၢ်ဧိၤအပူၤ, ဒီးပှၤလုၢ်တၢ်အခိၣ်တဖၣ်လၢဖဲအဝဲသ့ၣ်ဒုၣ်တၢ်အီၣ်တၢ် အီဒီးဟီၣ်တၢ်ယၢၤတၢ်လၢလါယဲၢ်လါတလါ, ဒီးလၢလါနွံလါတလါအပူၤ, လၢအနံၣ်နွံဆံအတီၢ်ပူၤန့ၣ်တမ့ၢ်ဘၣ်လၢတၢ်မၤလၤမၤကပီၤယၤ အဂီၢ်န့ၣ်ဘၣ်. 6ဒီးဖဲအဝဲသ့ၣ်အီၣ်တၢ်ဒီးအီတၢ်န့ၣ်မ့ၢ်ဒၣ်လၢ အဝဲသ့ၣ်အတၢ်သူၣ်မံသးမုာ်ဒၣ်ဝဲအဂီၢ်လီၤ.”
7အအံၤမ့ၢ်တၢ်လၢယွၤစံးဝဲခီဖျိဝံလၢညါတဖၣ် ဖဲဝ့ၢ်ယရူၤၡလ့ၣ်ဘီၣ်ထီၣ်ညီထီၣ်ဒီးပှဲၤတ့ၢ်ဝဲဒီးပှၤဂီၢ်မုၢ်, ဒီးဖဲပှၤဂီၢ်မုၢ်အိၣ်ဆိးဝဲအါဂၤ, တမ့ၢ်ထဲလၢဝ့ၢ်တဖၣ်လၢအအိၣ်ဝးတရံးဝ့ၢ်ယရူၤၡလ့ၣ်အပူၤဧိၤ ဘၣ်, မ့မ့ၢ်အိၣ်ဆိးစ့ၢ်ကီးလၢကလံၤထံးလီၢ်ကဝီၤဒီးလၢမုၢ်နုာ် တၢ်လူၢ်ခီၣ်ထံးတဖၣ်အခါလီၤ.
တၢ်တစူၢ်တၢ်, တၢ်အဂ့ၢ်အခၢး လၢအဒုးအိၣ်ထီၣ်တၢ်စိာ်မၢကဲကုၢ်
8ယွၤဟ့ၣ်လီၤတ့ၢ်တၢ်ကစီၣ်အံၤဆူစီၤစကၤရယၤလီၤ.
9“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ. 10မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ
11ဘၣ်ဆၣ်ယပှၤဂီၢ်မုၢ်ဂ့ၢ်လိာ်ဒိကနၣ်တၢ်အံၤလၢတၢ်ခိၣ်ကိၤအပူၤလီၤ. အဝဲသ့ၣ်ကးတံာ်အသးတဖၣ်, 12ဒီးမၤကိၤအသးတဖၣ်, ကိၤဝဲဒ်လၢၢ်အသိးန့ၣ်လီၤ. မ့ၢ်လၢအဝဲသ့ၣ်တဒိကနၣ်တၢ်သိၣ်လိလၢယဟ့ၣ် လီၤခီဖျိဝံလၢပျၢၤတဖၣ်အဃိဒီးယသးထီၣ်ဒိၣ်မးလီၤ. 13မ့ၢ်လၢအဝဲသ့ၣ်တဒိကနၣ်တၢ်ဖဲယကတိၤတၢ်အခါဘၣ်အဃိ, ဖဲအဝဲသ့ၣ်ဘါထုကဖၣ်န့ၣ်, ယတစံးဆၢဘၣ်အဝဲသ့ၣ်အတၢ်ထု ကဖၣ်ဘၣ်. 14ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”
Currently Selected:
လံာ်စကၤရယၤ 7: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
