လံာ်စကၤရယၤ 3
3
ဝံအတၢ်ထံၣ်လၢညါခီဘၣ်ထွဲဒီး ပှၤလုၢ်တၢ်အခိၣ်အဒိၣ်ကတၢၢ်
1လၢတၢ်ထံၣ်လၢညါခီအဂၤတမံၤအပူၤန့ၣ်, ယွၤဒုးနဲၣ်ယၤလၢပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဆၢထၢၣ် လၢယွၤအကလူးအမဲာ်ညါလီၤ. ဖဲန့ၣ်မုၣ်ကီၤလံၢ်ဆၢထၢၣ်ဖဲ စီၤယိၤၡူအကပၤ, ဒီးအိၣ်ကတဲာ်ကတီၤအသးဒ်သိးကလိာ်ကွီၢ်ထီဒါအီၤန့ၣ်လီၤ. 2ယွၤအကလူးစံးဘၣ်မုၣ်ကီၤလံၢ်, “မုၣ်ကီၤလံၢ်ဧၢ, မ်ယွၤသိၣ်ဃီၣ်နၤတက့ၢ်. မ်ယွၤလၢအအဲၣ်ဝ့ၢ်ယရူၤၡလ့ၣ်သိၣ်ဃီၣ်နၤတက့ၢ်. ပှၤတဂၤအံၤမ့ၢ်သ့ၣ်မုၣ်ခံတဘိလၢအဘၣ်တၢ်ထုးထီၣ်ကွံာ်အီၤလၢ မ့ၣ်အူပူၤလီၤ.”
3စီၤယိၤၡူဆၢထၢၣ်ဖဲန့ၣ်, ကူသိးဝဲဒၣ်ဒီးတၢ်ကူတၢ်သိးဘၣ်အၢဘၣ်သီန့ၣ်လီၤ. 4ကလူးစံးဘၣ်အပှၤမၤစၢၤအီၤလၢမူခိၣ်တဖၣ်, “ဘ့ၣ်လီၤကွံာ်တၢ်ကူတၢ်သိးအဘၣ်အၢဘၣ်သီ လၢပှၤတဂၤအံၤကူသိးဝဲန့ၣ်တက့ၢ်.” ဒီးစံးဘၣ်စီၤယိၤၡူ, “ယဟံးထီၣ်ကွံာ်လံနတၢ်ဒဲးဘးဒီးယကဟ့ၣ်လီၤနၤတၢ်ကူတၢ်သိး လုၢ်ဒိၣ်ပှ့ၤဒိၣ်အသီတဖၣ်လၢနကကူကၤအီၤအဂီၢ်လီၤ.”
5အဝဲမၢပှၤမၤစၢၤအီၤတဖၣ် လၢကဒုးဖၢၣ်ထီၣ်စီၤယိၤၡူအခိၣ်လၢခိၣ်ဖၢၣ်အကဆှီတဘ့ၣ်လီၤ. အဝဲသ့ၣ်မၤဝဲဒ်န့ၣ်, ဒီးဒုးကူထီၣ်သိးထီၣ်အီၤလၢတၢ်ကူတၢ် သိးအသီတဖၣ်ဖဲယွၤအကလူးဆၢထၢၣ်ဝဲဒၣ်ဖဲန့ၣ်အခါလီၤ.
6အန့ၣ်ဝံၤဒီးယွၤအကလူးတဲဘၣ်စီၤယိၤၡူလၢ,
7သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ. 8ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ. 9ယပာ်လီၤလၢၢ်တဖျၢၣ်လၢအအိၣ်ဒီးအမဲာ်သၣ်နွံကပၤလၢစီၤယိၤၡူ အမဲာ်ညါလီၤ. ယကစိးပျၤတၢ်ကွဲးတမံၤလၢအလိၤ, ဒီးလၢတနံၤဃီအတီၢ်ပူၤန့ၣ်ယကစိာ် ကွံာ်ကီၢ်အံၤအတၢ်ဒဲးဘးန့ၣ်လီၤ. 10ဖဲမုၢ်နံၤအဝဲန့ၣ်တုၤဝဲဒီး, သုဝဲတဂၤဘၣ်တဂၤ, ကကွဲမုာ်ပှၤလၢသုဃၢၤလၢကဟဲဒီးမုာ်လၤသးခုလၢတၢ်ဃူတၢ် မုာ်ဒီးတၢ်ဘံၣ်တၢ်ဘၢအပူၤ, ဖဲတၢ်လီၢ်လၢစပံးမုၢ်တဖၣ်ဒီးချၢၣ်ဒၢမုၢ်တဖၣ်အိၣ်ဝးတရံး အီၤန့ၣ်လီၤ.”
Currently Selected:
လံာ်စကၤရယၤ 3: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
