လံာ်တၢ်သးဝံၣ်တဖၣ်အတၢ်သးဝံၣ် 3
3
1ယမံလၢယလီၢ်မံပူၤတနၤဘၣ်တနၤ,
ဒီးမံမီၢ်ဘၣ်ပှၤလၢယအဲၣ်တဂၤန့ၣ်လီၤ.
ယကွၢ်ဃုအီၤ, ဘၣ်ဆၣ်ယတထံၣ်န့ၢ်အီၤဘၣ်.
2ယဟးတရံးဝ့ၤဝီၤလၢဝ့ၢ်ပူၤ,
ဆူကျဲဘိတဖၣ်ဒီးကျဲကဆူးတဖၣ်,
ဒီးဃုပှၤလၢယအဲၣ်တဂၤန့ၣ်လီၤ.
ယကွၢ်ဃုပှၤလၢယအဲၣ်အီၤတဂၤ, ဘၣ်ဆၣ်ယတထံၣ်န့ၢ်အီၤဘၣ်.
3ပှၤပၢၤတၢ်ဖိလၢအဟးတရံးလၢဝ့ၢ်ပူၤတဖၣ်ထံၣ်ဘၣ်ယၤန့ၣ်လီၤ.
ယသံကွၢ်အဝဲသ့ၣ်, “သုထံၣ်န့ၢ်ပှၤလၢယအဲၣ်အီၤတဂၤစ့ၢ်ကီး ဧါ.”
4တုၤယလဲၤပူၤကွံာ်အဝဲသ့ၣ်တဘျီဃီန့ၣ်, ယထံၣ်န့ၢ်က့ၤပှၤလၢ ယအဲၣ်အီၤတဂၤလီၤ.
ယဟံးဃာ်အီၤကျၢၤကျၢၤ,
တုၤလီၤလၢယက့ၤကိးအီၤဆူယမိၢ်အဟံၣ်ပူၤ,
ဒီးဒၢးလၢယအိၣ်ဖျဲၣ်ထီၣ်အပူၤန့ၣ်, ယတပျၢ်အီၤလၢၤဘၣ်.
5ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ,
ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ,
လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.
တၢ်သးဝံၣ်သၢယုၢ်တယုၢ်
ပိာ်မုၣ်
6တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး,
နၢမူဝဲဒီးမူရၣ်ဒီးလီၢ်ဘၣ်,
တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.
7ကွၢ်ကွၢ်, မ့ၢ်ဝဲစီၤပၤၡလိၤမိၤဟဲဝဲ, ဘၣ်တၢ်စိာ်အီၤလၢစီၤ ပၤအလီၢ်ဆ့ၣ်နီၤလိၤ,
ဒီးကီၢ်အံၣ်စရ့လးအသုးဖိလၢအဂ့ၤကတၢၢ်အဂၤဃုဆံပၢၤဃာ်အသး သမူလီၤ.
8အဝဲသ့ၣ်ကိးဂၤဒဲး, သ့ဒုးတၢ်ဒီးနး,
အဝဲသ့ၣ်မ့ၢ်တ့ၢ်သုးဖိလီၢ်လံၤလၢအဒုးတ့ၢ်တၢ်အါမးန့ၣ်လီၤ.
အဝဲသ့ၣ်တဂၤစုာ်စုာ်ကံာ်တူာ်ဃးအနးဒၣ်ဝဲ,
ဒ်သိးကတြီဆၢဒုၣ်ဒါလၢမုၢ်နၤခီအကတီၢ်လီၤ.
9စီၤပၤၡလိၤမိၤဘၣ်တၢ်စိာ်အီၤလၢအစီၤပၤအလီၢ်ဆ့ၣ်နီၤအလိၤ,
လီၢ်ဆ့ၣ်နီၤလၢအဘၣ်တၢ်မၤအီၤလၢသ့ၣ်အဂ့ၤကတၢၢ်ဟဲလၢလဘၤနိၣ် န့ၣ်လီၤ.
10လီၢ်ဆ့ၣ်နီၤတဖၣ်ဘၣ်တၢ်ကးဘၢအီၤလၢစ့,
အချၢသန့ၤအလီၢ်ဒီးအခိၣ်ဒုးဘၣ်တၢ်မၤအီၤလၢတၢ်ကံးယာ်လၢတၢ် ဆးဒဲးကံၣ်ဒဲးဝ့ၤအီၤလၢထူလီၤ.
အလီၢ်ဆ့ၣ်နီၤကပုာ်တဖၣ်ဘၣ်တၢ်ဒါဘၢအီၤလၢတၢ်ကံးယာ်လုးတ ကုာ်,
လၢအဘၣ်တၢ်ထါအီၤဃံဃံလၤလၤလၢဝ့ၢ်ယရူၤၡလ့ၣ်အဖိမုၣ်တဖၣ် န့ၣ်လီၤ.
11ဝ့ၢ်စံယိၣ်အဖိမုၣ်သ့ၣ်ဧၢ, ဟဲဒီးကွၢ်စီၤပၤၡလိၤမိၤတက့ၢ်.
အဝဲအိၣ်ဒီးခိၣ်သလုးလၢအမိၢ်ဒုးကုာ်ထီၣ်အီၤလၢအခိၣ်လိၤ,
ဖဲအဒိးတ့ဒိးဖျီအသးအနံၤ,
အမုၢ်နံၤလၢအပှဲၤဒီးတၢ်သူၣ်ခုသးခုဒီးတၢ်သူၣ်ဖှံသးညီ န့ၣ်လီၤ.
Currently Selected:
လံာ်တၢ်သးဝံၣ်တဖၣ်အတၢ်သးဝံၣ် 3: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
