လံာ်တၢ်ကူၣ်သ့အတၢ်ကတိၤ 5
5
တၢ်ဟ့ၣ်ပလီၢ်ထီဒါတၢ်အဲၣ်ဘၢမါအဲၣ်ဘၢဝၤ
1ယဖိခွါဧၢ, ပာ်သူၣ်ပာ်သးသပှၢ်ပှၢ်ဒီးဒိကနၣ်ယတၢ်ကူၣ်သ့ဒီး တၢ်ထံၣ်တၢ်လၢသးအမဲာ်အကလုၢ်န့ၣ်တက့ၢ်. 2အန့ၣ်ဒီး, နကသ့ၣ်ညါနကဘၣ်အိၣ်မူဂ့ၤဂ့ၤဘၣ်ဘၣ်ဒ်လဲၣ်ဒ်လဲၣ်, ဒီးနတၢ်ကတိၤတဖၣ်ကဒုးနဲၣ်ဝဲလၢနအိၣ်ဒီးတၢ်သ့ၣ်ညါန့ၣ်လီၤ. 3အဂ့ၢ်ဒ်အံၤ, ပှၤအဂၤတဂၤအမါအနိးဖံးတဖၣ်န့ၣ်ကဆၢဝဲဒ်ကနဲစီ အသိးဒီးအတၢ်ကတိၤတဖၣ်န့ၣ်ကဘျ့ဝဲဒ်သ့ၣ်စၤယံးအသိအသိးလီၤ. 4ဘၣ်ဆၣ်ဒီး, အကတၢၢ်န့ၣ်အဝဲတပာ်တီၢ်န့ၢ်နၤတၢ်နီတမံၤဘၣ်. မ့မ့ၢ်ထဲတၢ်အခၣ်ဒီးတၢ်ဆူးတၢ်ဆါန့ၣ်လီၤ. 5အဝဲကစိာ်လီၤနၤဆူတၢ်သံအကီၢ်ဒီးကျဲလၢအပိာ်ဝဲန့ၣ်မ့ၢ်ကျဲ ဆူတၢ်သံန့ၣ်လီၤ. 6အဝဲတအိၣ်လၢတၢ်မူအကျဲအဖီခိၣ်ဘၣ်. မ့မ့ၢ်ဟးဝ့ၤဝီၤယံၤထီၣ်ဝဲဒီးတသ့ၣ်ညါတၢ်မနုၤမၤအသးလဲၣ် န့ၣ်ဘၣ်.
7ယဖိခွါသ့ၣ်ဧၢ, ခဲကနံၣ်အံၤဒိကနၣ်ယၤဒီးသးပ့ၤနီၣ်တၢ်လၢ ယစံးဘၣ်သုနီတစုတဂ့ၤ. 8ဟးဆှဲးပိာ်မုၣ်ဒ်န့ၣ်အသိးတဂၤတက့ၢ်. လဲၤဘူးဒီးအတြဲၤ ကပၤဒၣ်လဲာ်တဂ့ၤ. 9သုမ့ၢ်မၤဒီး, ပှၤဂၤတဖၣ်ကမၤန့ၢ်တၢ်လၤကပီၤလၢတဘျီမ့ၢ်တ့ၢ် သုတၢ်, ဒီးသုကသံဝဲလၢသုသးစၢ်အဆၢကတီၢ်လၢပှၤလၢအတၢ်သးကညီၤ တအိၣ်တဖၣ်အစုပူၤန့ၣ်လီၤ. 10မ့ၢ်လီၤ, ပှၤလၢသုတသ့ၣ်ညါအီၤတဖၣ်ကဟံးန့ၢ်သုတၢ်ထူးတၢ်တီၤ ခဲလၢာ်ဒီးတၢ်လၢသုမၤန့ၢ်တ့ၢ်ဝဲန့ၣ်, ကကဲထီၣ်ပှၤအဂၤတဂၤအတၢ်န့ၣ်လီၤ. 11သုကမံလီၤကအုကစွါလၢသုတၢ်သံအလီၢ်မံခိၣ်ဒီးသုညၣ်ဒီးသု ညၣ်ထူၣ်တဖၣ်ကဘၣ်တၢ်အီၣ်ကွံာ်အီၤခဲလၢာ်န့ၣ်လီၤ. 12ဒီးသုကစံး, “ဘၣ်မနုၤအဃိပတမၤလိန့ၢ်တၢ်နီတဘျီဒီး ပတပျဲပှၤဘှီဘၣ်က့ၤပှၤနီတဂၤန့ၣ်လဲၣ်. 13ပတဒိကနၣ်တ့ၢ်ပသရၣ်တဖၣ်ဘၣ်. ဒီးပတကနၣ်ဃုာ်အဝဲသ့ၣ်တဖၣ်နီ တစဲးဘၣ်. 14ဒီးပထံၣ်လီၤပသးလၢပကဲထီၣ်တၢ်မဲာ်တြီၢ်မဲာ်ဆှးသတူၢ်ကလာ်လၢ ကမျၢၢ်အမဲာ်ညါန့ၣ်လီၤ.”
15တီဒီးနမါဒၣ်နဲဒီးဟ့ၣ်နတၢ်အဲၣ်ထဲဆူအဝဲတဂၤဧိၤတက့ၢ်.
16ဖိသၣ်တဖၣ်လၢနမၤန့ၢ်လၢပိာ်မုၣ်အဂၤတဖၣ်န့ၣ်တမၤဂ့ၤနၤ နီတမံၤဘၣ်. 17နဖိဒၣ်နဲတဖၣ်ကြၢးဒိၣ်ထီၣ်ဒီးမၤစၢၤဒၣ်နၤဒီးတကြၢးမ့ၢ် လၢပှၤလၢနတသ့ၣ်ညါအီၤတဖၣ်အဂီၢ်န့ၣ်ဘၣ်. 18လၢတၢ်န့ၣ်အဃိ, သူၣ်ဖှံသးညီဒီးနမါဒၣ်နဲ, ဒီးထံၣ်န့ၢ်တၢ်သးခုလၢပှၤမုၣ်ကနီၤလၢနဖျီနသးဒီးအီၤ, 19လၢအဃံအလၤဒီးလီၤအဲၣ်ဒ်တၤဟိမိၢ်တဒုအသိးအအိၣ်န့ၣ်တက့ၢ်. မ်အတၢ်လီၤအဲၣ်လီၤကွံမၤမုာ်နသး, ဒီးမ်အတၢ်အဲၣ်ထိၣ်ဂဲၤမၤမူၤနသးထီဘိတက့ၢ်. 20ယဖိခွါဧၢ, ဘၣ်မနုၤအဃိနကဟ့ၣ်နတၢ်အဲၣ်လၢပိာ်မုၣ်အဂၤတဂၤန့ၣ် လဲၣ်. ဘၣ်မနုၤအဃိနဘၣ်တၢ်ထိၣ်ဂဲၤမၤမူၤနသးလၢပှၤအဂၤတဂၤအမါ အတၢ်လီၤအဲၣ်လီၤကွံန့ၣ်လဲၣ်. 21ယွၤထံၣ်တၢ်လၢနမၤအီၤကိးမံၤဒဲးလီၤ. အဝဲခိးကွၢ်နကျဲတဖၣ်လီၤ. 22ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ. 23အဝဲသံဝဲမ့ၢ်လၢအတအိၣ်ဒီးတၢ်ပၢၤသူၣ်ကီၤသးဘၣ်အဃိလီၤ. အဝဲအတၢ်သူၣ်တထံသးတဆးကဆှၢအီၤဆူအသွၣ်ခိၣ်န့ၣ်လီၤ.
Currently Selected:
လံာ်တၢ်ကူၣ်သ့အတၢ်ကတိၤ 5: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
