လံာ်စီၤယိၤဘး 28
28
လၢတၢ်စံးထီၣ်ပတြၢၤတၢ်ကူၣ်သ့အပူၤ
1စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.
2ပှၤကညီခူၣ်ထုးထီၣ်ထးလၢဟီၣ်ခိၣ်အကျါဒီးဃ့ၣ်န့ၢ်တိၢ်ဂီၤ လၢလၢၢ်အကျါန့ၣ်လီၤ.
3ပှၤကညီဃုကွၢ်တၢ်လၢတၢ်ခံးယိာ်အလီၢ်န့ၣ်လီၤ. အဝဲသ့ၣ်ဃုထံၣ်တၢ်လၢဟီၣ်ခိၣ်အတၢ်ယိာ်အလီၢ်တဖၣ်ဒီးခူၣ်န့ၢ် လၢၢ်လၢတၢ်ခံးသူကတၢၢ်အလီၢ်န့ၣ်လီၤ.
4ဖဲပှၤကညီတအိၣ်တဆိးဘၣ်အလီၢ်ဒီးပှၤတလဲၤထီၣ်လဲၤလီၤဘၣ် အလီၢ်န့ၣ်ပှၤကညီဘၢၣ်ဖျိတၢ်ဒီးခူၣ်တၢ်ပူၤတဖၣ်န့ၣ်လီၤ. အဝဲသ့ၣ်ဘျးလီၤစဲၤအသးလၢပျံၤအလိၤလၢတၢ်ပူၤတဖၣ် ဒီးမၤတၢ်လၢတၢ်သယုၢ်အပူၤန့ၣ်လီၤ. 5တၢ်အီၣ်တၢ်အီမဲထီၣ်လၢဟီၣ်ခိၣ်, မ့မ့ၢ်လၢဟီၣ်ခိၣ်အံၤအဖီလာ် န့ၣ်တၢ်ခဲလၢာ်ဘၣ်တၢ်မၤတချဲထီၣ်အီၤဒီးမၤသဘှံးကွံာ်အီၤ န့ၣ်လီၤ. 6ဟီၣ်ခိၣ်အလၢၢ်အိၣ်ဝဲဒီးတၢ်မျၢ်နံၤလါ, ဒီးဟီၣ်ခိၣ်အိၣ်ဝဲ ဒီးထူဧိၤလွဲဧိၤအကမူၣ်န့ၣ်လီၤ.
7အကျဲတဘိန့ၣ်ထိၣ်ဧိၤလံာ်ဧိၤတသ့ၣ်ညါဒီးလံာ်ဧိၤတြၤဧိၤ တထံၣ်န့ၢ်ဝဲဒၣ်ဘၣ်.
8ခ့ယုၢ်မ့ၢ်ဂ့ၤတၢ်မံၤလာ်အအၢအသီမ့ၢ်ဂ့ၤတလဲၤကျဲအဝဲန့ၣ် ဘၣ်.
9ပှၤကညီခူၣ်န့ၢ်လၢၢ်ဧိၤလ့ဧိၤလၢအကိၤကတၢၢ်ဒီးခူၣ်ကွံာ် ကစၢၢ်လၢအဂံၢ်ထံးန့ၣ်လီၤ.
10ဖဲအဘၢၣ်ဖျိခီဂာ်လၢၢ်ဧိၤလ့ဧိၤသ့ၣ်တဖၣ်န့ၣ်ဒီးထံၣ်န့ၢ်လၢၢ် လၢအလုၢ်ဒိၣ်ပှ့ၤဒိၣ်တဖၣ်န့ၣ်လီၤ.
11အဝဲသ့ၣ်ဃုထံၣ်န့ၢ်ထံကျိအဂံၢ်ထံးဒီးဟဲစိာ်ထီၣ်တၢ်အိၣ်လီၤ ဘၢတဖၣ်ဆူတၢ်ကပီၤအပူၤန့ၣ်လီၤ.
12ဘၣ်ဆၣ်ဒီးမ့ၢ်ပကထံၣ်န့ၢ်တၢ်ကူၣ်သ့ဖဲလဲၣ်. ဒီးတၢ်သ့ၣ်ညါနၢ်ပၢၢ်န့ၣ်အိၣ်ဖဲလဲၣ်.
13တၢ်ကူၣ်သ့န့ၣ်တဘၣ်တၢ်ထံၣ်န့ၢ်အီၤလၢပှၤကညီအကျါဘၣ်. အလုၢ်အပှ့ၤနီၢ်နီၢ်န့ၣ်ပှၤတသ့ၣ်ညါနီတဂၤဘၣ်.
14တၢ်ယိာ်ပူၤစံးဝဲဒၣ်, တအိၣ်ဘၣ်လၢယပူၤဘၣ်. ဒီးပီၣ်လဲၣ်စံးဝဲဒၣ်, တအိၣ်ဘၣ်ဒီးယၤဘၣ်.
15တၢ်ပှ့ၤအီၤလၢထူဧိၤ, စ့ဧိၤတန့ၢ်ဘၣ်.
16ထူဧိၤလွဲဧိၤအဂ့ၤကတၢၢ်ဒီးတၢ်လုၢ်ဒိၣ်ပှ့ၤဒိၣ်တဖၣ်, ထိၣ်အလုၢ်အပှ့ၤထဲသိးဒီးအီၤတသ့ဘၣ်.
17အလုၢ်အပှ့ၤဒိၣ်န့ၢ်ထူဧိၤလွဲဧိၤ, ဖီကိထူမ့ၢ်ဂ့ၤလီခီ အဂ့ၤကတၢၢ်မ့ၢ်ဂ့ၤန့ၣ်လီၤ.
18တၢ်ကူၣ်သ့န့ၣ်အလုၢ်အပှ့ၤဒိၣ်န့ၢ်ဒံးလၢၢ်ဖီမ့ၢ်ဂ့ၤ, လၢၢ်ဖျါကလၤမ့ၢ်ဂ့ၤ, တၢ်မျၢ်ဂီၤမ့ၢ်ဂ့ၤန့ၣ်လီၤ.
19တၢ်မျၢ်ဘီအဂ့ၤကတၢၢ်ဒီးထူစီန့ၣ်ဘၣ်တၢ်ထိၣ်သတြီၤ အီၤလၢတၢ်ကူၣ်သ့အလုၢ်အပှ့ၤတန့ၢ်ဝဲဒၣ်ဘၣ်.
20အန့ၣ်ဒီး, တၢ်ကူၣ်သ့အဂံၢ်ထံးန့ၣ်မ့ၢ်အအိၣ်ဖဲလဲၣ်. ဒီးတၢ်သ့ၣ်ညါနၢ်ပၢၢ်အိၣ်ဖဲလဲၣ်.
21တၢ်လၢအမူဝဲခဲလၢာ်ထံၣ်အီၤတသ့နီတမံၤဘၣ်. ထိၣ်လၢအယူၤတဘ့ၣ်ဒၣ်လဲာ်ထံၣ်အီၤတသ့ဘၣ်.
22တၢ်သံဒီးတၢ်ဟးဂူာ်ဟးဂီၤဒၣ်လဲာ်အၢၣ်လီၤဝဲဒၣ်လၢအနၢ် ဟူတ့ၢ်ထဲတၢ်ကစီၣ်ပစိၣ်ပစ့ဧိၤန့ၣ်လီၤ.
23ထဲကစၢ်ယွၤတဂၤဧိၤသ့ၣ်ညါကျဲဒီးသ့ၣ်ညါတၢ်ထံၣ်န့ၢ် တၢ်ကူၣ်သ့အလီၢ်န့ၣ်လီၤ.
24အဂ့ၢ်ဒ်အံၤ, အဝဲထံၣ်ဝဲဟီၣ်ခိၣ်အကတၢၢ်ဒီးထံၣ်ဘၣ်ကယဲၢ် တၢ်အိၣ်လၢမူခိၣ်အဖီလာ်ခဲလၢာ်န့ၣ်လီၤ.
25တုၤအစီၤကလံၤ, ဒီးဃီၣ်ထံဧိၤနိဧိၤလၢနီၣ်ဃီၣ်န့ၣ်ဒီး,
26တုၤအပာ်တၢ်မၤလိာ်လၢတၢ်ဟဲစူၤအဂီၢ်, ဒီးကျဲလၢလီဝၢ် ဒံးအဂီၢ်ဒီး,
27အဝဲထံၣ်ဝဲဒီးတဲဖျါထီၣ်ဝဲ, မၤကဲထီၣ်ဝဲဒီးဃုထံၣ်န့ၢ်ဝဲ အဂ့ၢ်အကျိၤလီၤ.
28ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.
Currently Selected:
လံာ်စီၤယိၤဘး 28: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
