လံာ်စီၤယိၤဘး 26
26
1-2ဒီးစီၤယိၤဘးစံးဆၢဝဲဒၣ်, နမ့ၢ်တၢ်မၤစၢၤဖးဒိၣ်လၢယၤ, ပှၤဖှီၣ်ဖိယာ်ဖိ, ပှၤဂံၢ်စၢ်ဘါစၢ်ဖိတဂၤအဂီၢ်န့ၣ်လီၤ.
3နဟ့ၣ်ယၤတၢ်ဟ့ၣ်ကူၣ်လၢအဂ့ၤဒ်သိးအံၤဒီးနီၤလီၤနတၢ်သ့ၣ် ညါဆူပှၤဟးဂီၤဖိဒ်ယၤတဂၤအသိးန့ၣ်လီၤ.
4မ့ၢ်မတၤမၤစၢၤတ့ၢ်နၤဒ်သိးနကကတိၤတၢ်ကတိၤတဖၣ်အံၤန့ၣ်လဲၣ်. မ့ၢ်မတၤအသးထိၣ်ဟူးထိၣ်ဂဲၤနၤလၢနကကတိၤတၢ်ဒ်သိးအံၤန့ၣ် လဲၣ်.
5စီၤဘံးလဒၤစံးဝဲ, လၢပျူၤပူၤလၢထံအိၣ်လၢဟီၣ်ခိၣ်လာ်အပူၤန့ၣ်, ပှၤသံတဖၣ်အကလၤပျံၤတၢ်ဖုးတၢ်ဒီးကနိးကစုာ်ဝဲန့ၣ်လီၤ.
6တၢ်သံအကီၢ်အိၣ်အိးထီၣ်အသးလၢကစၢ်ယွၤအမဲာ်ညါဒီး တၢ်လၢကမၤဘၢအီၤလၢယွၤအမဲာ်ညါတအိၣ်နီတမံၤဘၣ်.
7ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.
8ကစၢ်ယွၤမ့ၢ်ပှၤလၢအမၤပှဲၤတၢ်အၢၣ်လၢထံဒီးပၢၤဃးဝဲဒ် သိးအသုတပိၢ်ဖးကွံာ်လၢအတယၢၢ်အဃိအဂီၢ်န့ၣ်လီၤ.
9အဝဲပာ်တဒၢအလီၢ်ပစိာ်လၢတၢ်အၢၣ်အလီၢ်ခံန့ၣ်လီၤ.
10အဝဲပာ်လီၤတၢ်ပနီၣ်လၢမူထံးအိၣ်ဝဲလၢပီၣ်လဲၣ်အထံဖံးခိၣ် ဒ်သိးအကနီၤဖးတၢ်ကပီၤဒီးတၢ်ခံးအဆၢန့ၣ်လီၤ.
11တုၤအမၤပျံၤမၤဖုးမူခိၣ်အထူၣ်တဖၣ်န့ၣ်ဒီး, အဝဲသ့ၣ်ဟူးဝးဝဲဒီးကနိးကစုာ်လၢတၢ်ပျံၤတၢ်ဖုးအပူၤန့ၣ်လီၤ.
12အဂံၢ်အဘါမ့ၢ်တၢ်လၢအမၤနၢၤပီၣ်လဲၣ်, ဒီးခီဖျိအတၢ်ကူၣ်တၢ် ဆးန့ၣ်အဝဲမၤဟးဂီၤကွံာ်ပီၣ်လဲၣ်ပယိၤရၤဃးန့ၣ်လီၤ.
13ကစၢ်ယွၤအတၢ်သါ, မၤကဆှီထီၣ်က့ၤမူခိၣ်ဒီးအစုမၤသံကွံာ် ပယိၤလၢအဂုာ်ဃ့ၢ်ပူၤဖျဲးန့ၣ်လီၤ.
14ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.
Currently Selected:
လံာ်စီၤယိၤဘး 26: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
