လံာ်ယၡါယၤ တၢ်ကတိၤဆှၢနုာ်
တၢ်ကတိၤဆှၢနုာ်
လံာ်ယၡါယၤအံၤဘၣ်တၢ်ယုၢ်ထွဲအမံၤဒ်ဝံဖးဒိၣ်တဂၤလၢအ အိၣ်ဆိးလၢဝ့ၢ်ယရူၤၡလ့ၣ်လၢချ.ခ.န. ဃိးကယၤအကတၢၢ်တ ဝာ်အဆၢကတီၢ်န့ၣ်လီၤ. လံာ်အံၤတၢ်နီၤဖးအီၤဆူတၢ်ဂ့ၢ်မိၢ်ပှၢ် သၢခါသ့န့ၣ်လီၤ.
၁. အဆၢဒိၣ်၁-၃၉ န့ၣ်မ့ၢ်တၢ်ဂ့ၢ်မၤအသးဖဲကလံၤထံးအ ဘီအမုၢ်ကီၢ်ယူဒၤဘၣ်တၢ်မၤပျံၤမၤဖုးအီၤလၢကီၢ်အၤၡူၢ်လၢ အဂံၢ်ဆူၣ်ဘါဆူၣ်ဒီးအိၣ်လၢအဃၢၤတကီၢ်အကတီၢ်န့ၣ်လီၤ. ဝံယၡါယၤထံၣ်ဝဲလၢတၢ်မၤပျံၤမၤဖုးကီၢ်ယူဒၤအတၢ်အိၣ်မူ နီၢ်နီၢ်န့ၣ်တမ့ၢ်ထဲကီၢ်အၤၡူၢ်အတၢ်ဂံၢ်ဆူၣ်ဘါဆူၣ်အဃိဧိၤ ဘၣ်. မ့မ့ၢ်တခီ, မ့ၢ်စ့ၢ်ကီးကီၢ်ယူဒၤအတၢ်ဒဲးဘးဒၣ်ဝဲ, ဒီးအတၢ်တဒိကနၣ်ယွၤ, ဒီးတၢ်တနာ်ယွၤအဃိန့ၣ်လီၤ. လၢတၢ်ကတိၤဒီးတၢ်မၤဖျိဖျိဖျါဖျါအပူၤ, ဝံကိးထီၣ်ပှၤဂီၢ်မုၢ်ဒီးအခိၣ်အနၢ်တဖၣ်ဒ်သိးကအိၣ်မူလၢတၢ် တီတၢ်လိၤဒီးတၢ်စံၣ်ညီၣ်တီအပူၤန့ၣ်လီၤ. ဒီးဟ့ၣ်ပလီၢ်အဝဲသ့ၣ်လၢမ့ၢ်လီၤတူာ်လီၤကာ်လၢတၢ်တဒိကနၣ်ယွၤ န့ၣ်ဒီး, တၢ်စံၣ်ညီၣ်ဃါမနၤဒီးတၢ်ဟးဂီၤကလီၤဘၣ်အဝဲသ့ၣ်န့ၣ်လီၤ. ဝံယၡါယၤကတိၤဆိစ့ၢ်ကီးဝဲလၢဟီၣ်ခိၣ်ဒီဘ့ၣ်အတၢ်ဃူတၢ်ဖိး အကတီၢ်တဘျီအဂ့ၢ်ဒီးစီၤဒၤဝံးအစၢၤအသွဲၣ်လၢအကမ့ၢ်စီၤပၤ အိၣ်ဒီးတၢ်အိၣ်မူဂ့ၤဝဲဘၣ်ဝဲလၢလၢပှဲၤပှဲၤတဂၤအတၢ်ဟဲ အဂ့ၢ်န့ၣ်လီၤ.
၂. အဆၢဒိၣ် ၄၀-၅၅ န့ၣ်မ့ၢ်တၢ်ဂ့ၢ်မၤအသးဖဲပှၤယူဒၤဖိဂီၢ်မုၢ် ဂီၢ်ပၤအိၣ်လၢတၢ်စိာ်မၢကဲကုၢ်လၢကီၢ်ဘၤဘူၤလိၣ်, ဘၣ်တၢ်ဆီၣ်တံၢ်ဆီၣ်သနံးအီၤဒီးတၢ်မုၢ်လၢ်တအိၣ်ဘၣ်အက တီၢ်န့ၣ်လီၤ. ဝံတဲဖျါထီၣ်ဝဲလၢကစၢ်ယွၤကမၤထူၣ်ဖျဲးအဝဲ သ့ၣ်ဒီးကဆှၢကဒါက့ၤအဝဲသ့ၣ်ဆူအဟံၣ်လၢဝ့ၢ်ယရူၤၡလ့ၣ်လၢက စးထီၣ်က့ၤအတၢ်အိၣ်မူအသီအဂီၢ်လီၤ. လံာ်အဆၢဒိၣ်တဖၣ်အံၤအတၢ် ဂ့ၢ်မိၢ်ပှၢ်လၢတၢ်ကြၢးပာ်သူၣ်ပာ်သးမ့ၢ်ဝဲကစၢ်ယွၤမ့ၢ်တၢ်စံၣ် စိၤတဲစိၤအကစၢ်, ဒီးအတၢ်တိာ်ကျဲၤလၢအပှၤဂီၢ်မုၢ်အဂီၢ်, တိာ်ဃုာ်ဝဲဒီးအဝဲ သ့ၣ်အတၢ်မၤဆူပှၤကိးကလုာ်ဒဲးလၢက ဒိးန့ၢ်တၢ်ဘၣ်ဆိၣ်ဂ့ၤခီဖျိအံၣ်စရ့လးန့ၣ်လီၤ. တၢ်ကွဲးအတီၤတဖၣ်လၢအဘၣ်ထွဲဒီး “ယွၤအခ့အပှၤ” အဂ့ၢ်န့ၣ်မ့ၢ်တၢ်လၢဘၣ်တၢ်သ့ၣ်ညါအီၤအဂ့ၤကတၢၢ်တဖၣ်အကျါလၢ လံာ်စီဆှံအလီၢ်လံၤတကတြူၢ်အပူၤန့ၣ်လီၤ.
၃. အဆၢဒိၣ် ၅၆-၆၆-တဖၣ်အံၤအါတက့ၢ်ဘၣ်တၢ်ကတိၤလီၤအီၤဆူပှၤ တဖၣ်လၢအက့ၤတုၤဆူယရူၤၡလ့ၣ်ဒီးလိၣ်ဘၣ်တၢ်မၤဆူၣ်ထီၣ်အတၢ်နာ်နီၢ် ကီၢ်လၢကစၢ်ယွၤကမၤလၢပှဲၤအတၢ်အၢၣ်လီၤအီလီၤဒီးအပှၤကလုာ် အအိၣ်န့ၣ်လီၤ. တၢ်သူၣ်အိၣ်သးအိၣ်န့ၣ်ဘၣ်တၢ်ပာ်ဖျါထီၣ်အီၤလၢတၢ်တီတၢ်လိၤ ဒီးတၢ်စံၣ်ညီၣ်တီအဂီၢ်, ဃုာ်ဒီးတၢ်ပာ်စီဆှံမုၢ်အိၣ်ဘှံးနံၤ, တၢ်လုၢ်ထီၣ်ပာ်ထီၣ်, ဒီးတၢ်ထုကဖၣ်တဖၣ်စ့ၢ်ကီးန့ၣ်လီၤ. လံာ်တတီၤလၢတၢ်ကြၢးပာ်သူၣ်ပာ်သးအီၤမ့ၢ်ဝဲအဆၢဒိၣ် ၆၁:၁-၂ လၢအမ့ၢ်တၢ်ကတိၤတဖၣ်လၢယ့ၣ်ၡူးသူတ့ၢ်အီၤလၢအတၢ်စးထီၣ်သီ အတၢ်မၤအဆၢကတီၢ်လၢအကပာ်ဖျါအဝဲဘၣ်တၢ်ကိးထီၣ်အီၤအဂ့ၢ်န့ၣ်လီၤ.
လံာ်အတကွီၣ်
တၢ်ဟ့ၣ်ပလီၢ်ဒီးတၢ်အၢၣ်လီၤတဖၣ် ၁:၁-၁၂:၆
တၢ်စံၣ်ညီၣ်ပှၤကလုာ်တဖၣ် ၁၃:၁-၂၃:၁၈
ကစၢ်ယွၤအတၢ်စံၣ်ညီၣ်ဟီၣ်ခိၣ် ၂၄:၁-၂၇:၁၃
တၢ်ဟ့ၣ်ပလီၢ်ဒီးတၢ်အၢၣ်လီၤဆူညါ ၂၈:၁-၃၅:၁၀
ကီၢ်ယူဒၤအစီၤပၤဃံးစကံယၤဒီးပှၤအၤၡူၢ်ဖိတဖၣ် ၃၆:၁-၃၉:၈
တၢ်ကစီၣ်တဖၣ်ဘၣ်ဃးဒီးတၢ်အၢၣ်လီၤဒီးတၢ်မုၢ်လၢ် ၄၀:၁-၅၅:၁၃
တၢ်ဟ့ၣ်ပလီၢ်ဒီးတၢ်အၢၣ်လီၤတဖၣ် ၅၆:၁-၆၆:၂၄
Currently Selected:
လံာ်ယၡါယၤ တၢ်ကတိၤဆှၢနုာ်: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.