လံာ်ဟိၤၡ့ 10
10
1ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ. 2ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.
3တယံာ်ဘၣ်ဒီးပှၤဂီၢ်မုၢ်တဖၣ်အံၤကစံးဝဲ, ပတအိၣ်လၢၤဒီးစီၤပၤနီတဂၤဘၣ်. မ့ၢ်လၢပတအိၣ်ဒီးတၢ်ပျံၤယွၤအဃိန့ၣ်လီၤ. ဘၣ်ဆၣ်စီၤပၤတဂၤမၤတၢ်မနုၤလၢပဂီၢ်ကသ့တမံၤလဲၣ်. 4အဝဲသ့ၣ်တဖၣ်ကတိၤတၢ်ကတိၤကလီကလီသ့ၣ်တဖၣ်, မၤတၢ်အၢၣ်လီၤတတီတလိၤတဖၣ်ဒီးလံာ်ဃံၤဃာ်တဖၣ်လၢ အဘျုးတအိၣ်န့ၣ်လီၤ. တၢ်စံၣ်ညီၣ်တီကဲထီၣ်တၢ်စံၣ်ညီၣ်တတီဘၣ်, ဒိၣ်ထီၣ်ဝဲဒ်နီၣ်လၢအအိၣ်ဒီးအစုၣ်တဖၣ်အသိးလၢစံာ်ပျီလၢပှၤ ထဲၣ်တ့ၢ်အီၤအပူၤန့ၣ်လီၤ.
5ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ. 6တၢ်ဂီၤတၢ်ဖီၣ်န့ၣ်ကဘၣ်တၢ်စိာ်ကွံာ်ဆူကီၢ် အၤၡူၢ်အစီၤပၤဖးဒိၣ်အအိၣ်ဒ်တၢ်ဟ့ၣ်တၢ်ခိတၢ်သွဲအသိးန့ၣ် လီၤ. ကီၢ်အံၣ်စရ့လးကဘၣ်တၢ်မၤမဲာ်ဆှးအီၤဒီးကဘၣ်ဒိးတၢ်မဲာ်ဆှး လၢတၢ်ဟ့ၣ်ကူၣ်လၢအဝဲပိာ်ထွဲဘၣ်ဝဲအဃိန့ၣ်လီၤ. 7တၢ်ကစိာ်ကွံာ်အစီၤပၤဒ်သ့ၣ်အက့တက့လၢထံဖီခိၣ် အသိးန့ၣ်လီၤ. 8ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.
ယွၤကတိၤဖျါထီၣ်တၢ်စံၣ်ညီၣ် လၢကီၢ်အံၣ်စရ့လးအဖီခိၣ်
9ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ. 10ယကဒုးတၢ်ဒီးပှၤဂီၢ်မုၢ်လၢအမၤတၢ်ဒဲးဘးအံၤဒီးစံၣ်ညီၣ်အဝဲ သ့ၣ်လီၤ. ပှၤကလုာ်တဖၣ်ကပာ်ဖှိၣ်ထီၣ်သကိးအသးထီဒါအဝဲသ့ၣ်, ဒီးအဝဲသ့ၣ်ကဘၣ်တၢ်စံၣ်ညီၣ်အီၤလၢအတၢ်ဒဲးဘးအဃိန့ၣ်လီၤ.
11တဘျီန့ၣ်ကီၢ်အံၣ်စရ့လးလီၤဂာ်ဒီးဂီၤဖံးမိၢ်သးစၢ်တဒု လၢတၢ်သိၣ်လိတ့ၢ်အီၤဂ့ၤဂ့ၤ, အိၣ်ကတဲာ်ကတီၤအသးဒီးသးဆူၣ်လၢအကယီၢ်ဘုအဂီၢ်န့ၣ်လီၤ. ဘၣ်ဆၣ်ယပာ်လီၤတ့ၢ်လံယသးလၢယကပာ်ထီၣ်နီၣ်ယိးဘိ တဘိလၢအကိာ်လၢအဃံအလၤအလိၤဒ်သိးယကမၤဆါ အီၤလၢတၢ်မၤအကီအခဲတဖၣ်န့ၣ်လီၤ. ယမၢကီၢ်ယူဒၤလၢကထုးထဲၣ် ဘိအဂီၢ်ဒီးကီၢ်အံၣ်စရ့လးလၢကထုးကြၢ်အဂီၢ်န့ၣ်လီၤ. 12ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ. 13ဘၣ်ဆၣ်လၢတၢ်န့ၣ်အလီၢ်, နသူၣ်လီၤတၢ်အၢတၢ်သီဒီးနကူးက့ၤ အတၤသၣ်န့ၣ်လီၤ. နအီၣ်တၤသၣ်လၢနတၢ်လီတၢ်ဝ့ၤတဖၣ်ဟ့ၣ်ထီၣ်ဝဲန့ၣ်လီၤ. မ့ၢ်လၢ, နနာ်န့ၢ်တ့ၢ်နလ့ၣ်ကဟၣ်ဒုးတၢ်တဖၣ်ဒီးနသုးဖိသံၣ်ဖိတဖၣ်လၢ အအိၣ်ဝဲအါအါဂီၢ်ဂီၢ်အဃိ. 14တၢ်ဒုးတၢ်ယၤကဟဲဆူနပှၤဂီၢ်မုၢ်အအိၣ်. ဒီးနတိာ်ဧိၤတာ်ဧိၤအလီၢ်ခဲလၢာ်ကဘၣ်တၢ်မၤဟးဂီၤကွံာ်အီၤ န့ၣ်လီၤ. တၢ်န့ၣ်ကလီၤဂာ်ဒ်မုၢ်တနံၤဖဲစီၤပၤၡၤလမၣ်မၤဟးဂီၤကွံာ် ဝ့ၢ်ဘ့ၤသအၢ်ဘလးလၢတၢ်ဒုးအပူၤ, ဒီးမိၢ်တဖၣ်ဒီးအဖိတဖၣ်ဘၣ် တၢ်ယီၢ်တံၢ်သံကွံာ်အီၤအသိးန့ၣ်လီၤ. 15ဝ့ၢ်ဘ့ၤသ့လးအပှၤဂီၢ်မုၢ်ဧၢ, တၢ်န့ၣ်မ့ၢ်တၢ်လၢအကဟဲဘၣ်နၤမ့ၢ်လၢတၢ်အၢတၢ်သီလီၤပျံၤလီၤ ဖုးလၢနမၤတ့ၢ်အီၤအဃိန့ၣ်လီၤ. တုၤမ့ၢ်တၢ်ဒုးစးထီၣ်တဘျီဃီန့ၣ်ကီၢ်အံၣ်စရ့လးအစီၤပၤကသံ ဝဲန့ၣ်လီၤ.
Currently Selected:
လံာ်ဟိၤၡ့ 10: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
