လံာ်ပှၤစံၣ်တဲၤတဲလီၤတၢ် 8

1ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

စူၢ်စီၤပၤတက့ၢ်

2မၤတၢ်လၢစီၤပၤစံးဘၣ်နၤတက့ၢ်. ဒီးမၤတၢ်အၢၣ်လီၤတဖၣ်ချ့ ဒံးချ့ဒူးဒီးကစၢ်ယွၤတဂ့ၤ. 3စီၤပၤမၤတၢ်လၢအဲၣ်ဒိးမၤဝဲတမံၤဂ့ၤတမံၤဂ့ၤန့ၣ်သ့သတး ဒီးဟးထီၣ်လၢအမဲာ်ညါတက့ၢ်. အိၣ်ဖဲတၢ်လီၢ်လၢအလီၤပျံၤဒိၣ်မးအံၤန့ၣ်တဂ့ၤ. 4စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်. 5အကတီၢ်လၢနစူၢ်ဒံးအတၢ်မၤလိာ်န့ၣ်, နကအိၣ်ဘံၣ်ဘၢပူၤဖျဲးလီၤ. ဒီးပှၤကူၣ်တၢ်သ့တဂၤန့ၣ်ကဘၣ်မၤတၢ်န့ၣ်ဒ်လဲၣ်ဒီးကဘၣ်မၤဝဲ အခါဖဲလဲၣ်န့ၣ်သ့ၣ်ညါဝဲလီၤ. 6အဂ့ၢ်ဒ်အံၤ, တၢ်ဆၢကတီၢ်လၢအဘၣ်ဒီးကျဲလၢအဘၣ်အိၣ်ဝဲလၢတၢ်မၤ တၢ်ခဲလၢာ်အဂီၢ်လီၤ. ဘၣ်ဆၣ်ပသ့ၣ်ညါတၢ်စှၤဒိၣ်မးလီၤ. 7တၢ်ကမၤအသးမနုၤမနုၤလဲၣ်န့ၣ်, ပတသ့ၣ်ညါနီတဂၤဘၣ်. အဂ့ၢ်ဒ်အံၤ, ပှၤလၢအကတဲဘၣ်ပှၤတအိၣ်နီတဂၤဘၣ်. 8ပှၤဟံးဃာ်ပၢၤဃာ်အသးလၢအသုတသံမ့ၢ်ဂ့ၤ, လၢကသုးယံာ်ကွံာ်အတၢ်သံအမုၢ်နံၤအဂီၢ်မ့ၢ်ဂ့ၤ, တသ့ဘၣ်နီတဂၤဘၣ်. တၢ်န့ၣ်မ့ၢ်တၢ်ဒုးတၢ်ယၤတမံၤလၢပဃ့ၢ်ပူၤဖျဲးကွံာ်မ့ၢ်ဂ့ၤ, ပလီကဒံလီကဒါတၢ်လၢပတၢ်ထူၣ်ဖျဲးအဂီၢ်မ့ၢ်ဂ့ၤတသ့ဘၣ်န့ၣ်လီၤ.

ပှၤတတီတလိၤဒီးပှၤတီပှၤလိၤ

9ဖဲယဆိကမိၣ်ထီၣ်တၢ်မၤအသးတဖၣ်လၢဟီၣ်ခိၣ်အံၤဒီး, ယထံၣ်ဘၣ်လၢဟီၣ်ခိၣ်အံၤပှၤတနီၤအိၣ်ဒီးအစိကမီၤဒီးပှၤအဂၤ တဖၣ်ဘၣ်တူၢ်တၢ်လၢအဝဲသ့ၣ်အစုတီၤအဖီလာ်လီၤ. 10ယထံၣ်ဘၣ်တ့ၢ်ပှၤတတီတလိၤတဖၣ်ဘၣ်တၢ်ခူၣ်လီၤအီၤလၢ အသွၣ်ခိၣ်ပူၤ, ဘၣ်ဆၣ်ဒီးဖဲယဟဲက့ၤကဒါက့ၤလၢတၢ်သွၣ်ခိၣ်န့ၣ်, ပှၤစံးပတြၢၤအဝဲသ့ၣ်လၢဝ့ၢ်ပူၤလၢအဝဲသ့ၣ်မၤတ့ၢ်တၢ်အၢတၢ် သီန့ၣ်လီၤ. တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

11ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ. 12ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.” 13မ့မ့ၢ်လၢပှၤတတီတလိၤအဂီၢ်န့ၣ်, တၢ်တလဲၤအသးဂ့ၤဂ့ၤဒ်န့ၣ်ဘၣ်. အဝဲသ့ၣ်အတၢ်အိၣ်မူလီၤဂာ်ဒ်တၢ်ကဒုအသိးဒီးအဝဲသ့ၣ်ကသံဖဲ အသးစၢ်ဒံးလီၤ. အဂ့ၢ်ဒ်အံၤ, အဝဲသ့ၣ်တစူၢ်ကစၢ်ယွၤဘၣ်အဃိလီၤ. 14ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. ကွၢ်တၢ်မၤအသးလၢဟီၣ်ခိၣ်အံၤတက့ၢ်. တဘျီဘျီပှၤတီပှၤလိၤတဖၣ်တူၢ်ဘၣ်တၢ်စံၣ်ညီၣ်လၢပှၤတတီ တလိၤတဖၣ်အလီၢ်, ဒီးပှၤတတီတလိၤတဖၣ်ဒိးန့ၢ်ဘၣ်ခိၣ်ဖးလၢပှၤ တီပှၤလိၤတဖၣ်အလီၢ်န့ၣ်လီၤ. ယစံး, တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

15လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

16ဖဲယကျဲးစၢးကဲထီၣ်ပှၤကူၣ်သ့ဒီးမၤလိတၢ်လၢအမၤသးလၢဟီၣ် ခိၣ်အံၤတဘျီလၢ်လၢ်န့ၣ်ယသ့ၣ်ညါလီၤတံၢ်လၢ, မုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤနကအိၣ်ဖုသံနီၣ်တထံၣ်ဃီ, 17ဒီးနၢ်ပၢၢ်တၢ်လၢကစၢ်ယွၤမၤဝဲန့ၣ်တသ့နီတဘျီဘၣ်. နမ့ၢ်ကျဲးစၢးဆူၣ်ဆူၣ်ထဲအံၤထဲနုၤနာ်က့, နဃုထံၣ်န့ၢ်အီၤတသ့ဘၣ်. ပှၤကူၣ်တၢ်သ့တဖၣ်စံးလီၤအသးလၢအသ့ၣ် ညါဝဲလီၤ. ဘၣ်ဆၣ်တသ့ၣ်ညါဝဲဘၣ်.

Currently Selected:

လံာ်ပှၤစံၣ်တဲၤတဲလီၤတၢ် 8: KSWC

Highlight

Copy