လံာ်ပှၤစံၣ်တဲၤတဲလီၤတၢ် 10
10
1သၣ်ဘုလါအသံတဖၣ်န့ၣ်, မၤနၢအုၣ်သိနၢမူဒီပလီသ့လီၤ. ဒီးတၢ်သူၣ်တထံသးတဆးတစဲးတြူာ်ကွံာ်တၢ်ကူၣ်သ့အဒိၣ် ကတၢၢ်သ့လီၤ.
2ပှၤကူၣ်တၢ်သ့တဂၤမၤတၢ်လၢအဘၣ်ဒီးပှၤဟးဂီၤဖိတဂၤမၤတၢ်လၢ အကမၣ်န့ၣ်မ့ၢ်တၢ်လၢအညီနူၢ်မၤအသးလီၤ. 3အတၢ်သူၣ်တထံသးတဆးန့ၣ်ကမ့ၢ်တၢ်အိၣ်ဖျါတြၢၤကလာ်ဒၣ်လဲာ်လၢပှၤ သမှံၤတဖၣ်လၢအဘၣ်သဂၢၢ်လိာ်အသးဒီးအီၤလၢကျဲဒီဘိညါအမဲာ် ညါန့ၣ်လီၤ. အဝဲပျဲပှၤကိးဂၤသ့ၣ်ညါအီၤလၢအဝဲမ့ၢ်ပှၤအမၢးဖိတဂၤန့ၣ် လီၤ.
4ပှၤပၢနၤတဂၤမ့ၢ်သးဒိၣ်ဘၣ်နၤဒီး, ဟးထီၣ်လၢနလီၢ်တဂ့ၤ. နမ့ၢ်ပာ်နသးခုၣ်ခုၣ်မုာ်မုာ်ဒီးတၢ်ကမၣ်လၢအဒိၣ်အမုၢ်တဖၣ်ဘၣ် တၢ်ပျၢ်ဖျဲးအီၤကသ့န့ၣ်လီၤ.
5လၢဟီၣ်ခိၣ်အံၤအပူၤ, ယထံၣ်တ့ၢ်တၢ်စံၣ်ညီၣ်တတီတမံၤ, တၢ်စံၣ်ညီၣ်တတီလၢအဘၣ်တၢ်မၤအီၤလၢပှၤပၢတၢ်တဖၣ်လီၤ. 6ပှၤအသူၣ်တထံသးတဆးတဖၣ်ဘၣ်တၢ်ဟ့ၣ်လီၤအီၤလၢတၢ်စိကမီၤ အလီၢ်အလၤတဖၣ်, ဖဲပှၤထူးပှၤတီၤတဖၣ်ဘၣ်တၢ်ကွၢ်ကပာ်ကွံာ်အီၤ န့ၣ်လီၤ. 7ယထံၣ်ဘၣ်ကုၢ်တဖၣ်လၢကသ့ၣ်လိၤ, ဖဲပှၤတူၢ်ဒိၣ်ကီၤဒိၣ်တဖၣ်လဲၤ တၢ်လၢအခီၣ်ဒ်ကုၢ်အသိးအခါန့ၣ်လီၤ.
8နမ့ၢ်ခူၣ်လီၤတၢ်ပူၤတပူၤဒီး, နလီၤတဲာ်နုာ်လၢအပူၤလီၤ. နမ့ၢ်ဘၢၣ်ဖျိတၢ်အဒူၣ်ဒီး, ဂုၢ်သ့ၣ်တဘိကအ့ၣ်နၤလီၤ. 9နမ့ၢ်မၤတၢ်လၢတၢ်ခူၣ်လၢၢ်အလီၢ်ဒီး, လၢၢ်တဖၣ်ကမၤဘၣ်ဒိဘၣ်ထံး နၤလီၤ. နမ့ၢ်ဖျးသ့ၣ်ဖးဒိၣ်ဒီး, နကဘၣ်ဒိ ဘၣ်ထံးဖဲနမၤအီၤအခါလီၤ. 10နကွါအကနၣ်မ့ၢ်လူၤဒီးနမ့ၢ်တကျ့အီၤဘၣ်ဒီး, နကဘၣ်မၤတၢ်ဆူၣ်ဒိၣ်တက့ၢ်ဖဲနသူအီၤလီၤ. တၢ်ကတဲာ်ကတီၤဆိမ့ၢ်တၢ်သးဆးဒိၣ်တက့ၢ်လီၤ. 11နမ့ၢ်ပျဲဂုၢ်သ့ၣ်အ့ၣ်ဆိနၤဒီး, တၢ်သ့ၣ်ညါရဲၢ်န့ၢ်ဂုၢ်သ့ၣ်တဘိ န့ၣ်အဘျုးတအိၣ်လၢနဂီၢ်နီတမံၤဘၣ်. 12တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ. 13အဝဲစးထီၣ်ဒီးပှၤအမၢးအကျိာ်ဒီးလဲၤကတၢၢ်ဝဲလၢတၢ်ပျုၢ် အကျိာ်န့ၣ်လီၤ. 14ပှၤဟးဂီၤဖိကတိၤတၢ်တဆိတ့ၢ်ဝဲဘၣ်. တၢ်မနုၤကမၤအသးဆူညါ လဲၣ်န့ၣ်, ပှၤတသ့ၣ်ညါနီတဂၤဘၣ်. ဒီးပသံဝံၤတၢ်မနုၤကမၤအသးလဲၣ်န့ၣ်, ပှၤတဲပှၤတသ့နီတဂၤဘၣ်.
15ထဲပှၤအမၢးတဂၤဂၤဧိၤကမၤလီၤဘှံးလီၤတီၤအသးလၢတၢ်မၤတုၤ ဒၣ်လဲာ်တဃုထံၣ်ကျဲလၢကက့ၤကဒါက့ၤဆူအဟံၣ်ဘၣ်န့ၣ်လီၤ.
16ထံကီၢ်တဘ့ၣ်အိၣ်လၢတၢ်ကိၢ်တၢ်ဂီၤအပူၤဖဲစီၤပၤမ့ၢ်ပှၤသးစၢ် တဂၤဒီးအခိၣ်အနၢ်တဖၣ်အီၣ်တၢ်အီတၢ်တဲာ်နၤန့ၣ်လီၤ. 17ဘၣ်ဆၣ်ဒီးထံကီၢ်တဘ့ၣ်အဘူၣ်အတီၢ်ဂ့ၤဝဲဖဲအအိၣ်ဒီးအစီၤပၤ တဂၤလၢအမၤတၢ်စံၣ်ညီၣ်နီၤဖးဒၣ်ဝဲ, ဒီးခိၣ်နၢ်တဖၣ်လၢအအီၣ်တၢ်ဘၣ်ဆၢဘၣ်ကတီၢ်ဒီးပၢၤအသးဒီးတအီ မူၤအသးဘၣ်န့ၣ်လီၤ.
18ဖဲပှၤကညီတဂၤကၢၣ်ကဲၣ်ဆိးတုၤဒၣ်လဲာ်ကဘှီဂ့ၤက့ၤအဟံၣ်ခိၣ် ဒုးန့ၣ်, တၢ်ကလီၤစီၤဒီးဟံၣ်ကလီၤပှီၢ်ဝဲလီၤ.
19အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.
20ဒုၣ်ဒွဲၣ်စီၤပၤကသွံဒံဒၣ်လဲာ်တဂ့ၤ. ဒီးလၢနလီၢ်မံဒၢးတၢ် လီၢ်တဒၢဒၣ်လဲာ်, ကတိၤဒုၣ်ဒွဲၣ်ပှၤထူးပှၤတီၤတဂ့ၤ. ထိၣ်တဘ့ၣ်ကစိာ်ဘၣ်ဖုးတၢ်ကစီၣ်ဒီးတဲဘၣ်အဝဲသ့ၣ်တၢ်လၢနစံး ကတိၤအီၤန့ၣ်လီၤ.
Currently Selected:
လံာ်ပှၤစံၣ်တဲၤတဲလီၤတၢ် 10: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
