SAKALIA 7
7
Ko Fakaseaoga ne te Aliki a Fakalikilikiga 'Loi
1I te fa o tausaga ne tupu ei Taliu, kae i te fa o aso o te iva o masina, te masina o Kisilevu, ne tuku mai ei ne te Aliki te fekau ki a au.
2Ko oti ne uga ne tino o Peteli a Salesa mo Leikimeleki mo olotou tino ki te Faletapu o te Aliki Tafasili i te Malosi, o talo mō se fakamanuiaga mai i a ia 3kae ke fesili atu foki ki faitaulaga mo pelofeta te fesili tenei: “E a, ka tumau faeloa tatou o tagi fanoanoa i te maofaga o te Faletapu, o fakaliki'liki i te lima o masina e pela eiloa mo te mea ne masani o fai ne tatou i tausaga e uke ko teka ke oko mai ki te taimi nei?”
4Tenei te fekau a te Aliki tela ne oko mai ki a au. 5Muna a ia, “Fai atu ki tino o te fenua mo faitaulaga me i taimi ne fakaliki'liki sale ei latou i te lima mo te fitu o masina, i tausaga e fitusefulu konei ko teka, ne seki fai ne latou mo te āva mai ki a au. 6Kae i taimi e kai kae inu ei latou, mō te lotou lei eiloa.”
7Konei a pati a te Aliki ne fai ki pelofeta taumua, i te taimi ne maumea malosi ei Ielusalema kae fonu i tino; i te taimi ne tokouke malosi ei a tino e nofo i fakai fo'liki, i tafa o te fa'kai lasi, e pela foki i te feitu ki saute o te fenua, ke oko eiloa ki tafito mauga i te togala.
Te Fakalogogata, ko te Pogai o te Ave Fakapagota
8Tenei te fekau ne tuku mai ne te Aliki ki a Sakalia: 9“I aso mua eiloa, ne tuku atu ne au a fakatonuga konei ki oku tino: ‘Masaua ke fai faeloa ne koutou te mea tonu; fakatau a'lofa kae fai faka'lei te tino ki sua tino. 10Sa fakapuapuagagina a fa'fine ko seai ne avaga, io me ko tamaliki ko seai ne matua, ke oko atu eiloa ki tino fakaatea kona e nofo tasi koutou, io me so se tino puapuaga. Sa fai foki ne fuafuaga ma'sei e malaia ei a nisi tino.’
11“Ka ko oku tino ne ita eiloa ma faka'logo. Ne pono olotou mafaufau 12kae fakama'keke olotou loto e pela me ne fatu. Au ne kaitaua malosi me ne seki fia faka'logo ki aku akoakoga kola ne fakaoko atu ne pelofeta kola ne ola i aso taumua eiloa. 13Ne seki tali au ki talosaga a latou me ne seki fakalogo latou ki taku faipatiga. 14E fue ne au a latou keatea e pela me se afā ke nofo i fenua fakaatea. A te fenua gali tenei ko lavaki, ko seai se tino e nofo i ei.”
Currently Selected:
SAKALIA 7: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
