SAKALIA 3
3
Ko te Fakaasiga e uiga ki te Faitaulaga Sili
1 #
Esela 5.2;
Faka 12.10
I te sua fakaasiga, ne fakaasi mai ne te Aliki ki a au a te Faitaulaga Sili tela ko Iosua, e tu i mua o te agelu a te Aliki. I tafa o Iosua e tu ei a Satani,#3.1 Satani: Se tino e fakamataku kae malosi tena foitino, tela a tena igoa e fakaasi mai i ei me i a ia se fili o tino ola. tela ko toka o 'moli a ia. 2#Iuta 9 Muna a te agelu a te Aliki#3.2 Tasi o lomiga taumua Te agelu a te Aliki; faka-Epelu Te Aliki. ki a Satani, “Satani, ke fakamalaia koe ne te Aliki! A te Aliki tela e alofa ki Ielusalema, ke fakamalaia ne ia a koe. A te tagata tenei e pela me se potu lakau ko tapale keatea mai i loto i te afi.”
3A Iosua e tu eiloa i mua o te agelu a te Aliki mo ona gatu lailai. 4Muna a te agelu ki nisi agelu kola e tu i ona tafa, “Ave keatea a gatu lailai konei e pei ei te tagata tenei.”Fai atu ei a ia ki a Iosua penei, “Ko oti ne ave keatea ne au au agasala, kae ka tuku atu ne au ki a koe ne gatu fou mo ou pei.”
5Ne fakatonu foki ne te agelu a te Aliki a nisi agelu ke tuku se pulou laugatu 'ma ki te ulu o Iosua. Ne tau'tali eiloa latou i te fakatonuga, oti aka, fakapei atu ei ne latou ana gatu fou, ka ko te agelu a te Aliki e tu mai eiloa i kona.
6Tela ne fai mai ei te agelu a te Aliki ki a Iosua, i te Aliki Tafasili i te Malosi ko oti ne fai ana pati penei: 7“Kafai e fakalogo koe ki aku tulafono kae fai a galuega kola ne tuku atu ne au ke fai, ka tumau eiloa tau pule i toku Faletapu mo ana koga tapuaki, kae ka talia ne au au talosaga, e pela eiloa mo te talia ne au a talosaga a aku agelu i oku tafa. 8#Iele 23.5; 33.15; Saka 6.12 Iosua, tela ko te Faitaulaga Pule, fakalogo mai, pena foki koutou ana faitaulaga kola ko fakailoga o te 'lei o aso fakamuli: Ka fakaasi atu ne au taku tavini, tela e fakaigoa ki Te Kaula! 9Ka tuku ne au i mua o Iosua se fatu e tasi kae fitu ona feitu. Ka lomi ne au se fakailoga i ei, kae i te aso e tasi ka ave keatea ne au a agasala a te fenua tenei. 10#Mika 4.4 Kafai e oko mai te aso tena, ka kami ne koutou otou taugasoa ke o'mai o nofo i te filemu, te fiafia mo te saogalemu, kae fakatamilo ne togā‐mati mo toga‐vine.
Currently Selected:
SAKALIA 3: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
