SAKALIA 10
10
Ko Tauto te Aliki me ka Fakasao tena fenua
1Fakatagi atu ki te Aliki ki ne vaiua, i te tau muakiga. Ko te Aliki e aumai ne ia a kaumana vaiua mo vaiua, e fakalauusiusi ei a fatoaga mō tino katoa. 2#Mata 9.36; Male 6.34 A tino e olo ki tupua mo tino poto i te fakamatalaga o mea ka tupu, ka ko tali e maua ne latou, ne tali loi kae se aoga. A nisi tino e fakamatala miti, kae e faka'se fua ne latou a koutou; a pati fakamafanafana a latou e se aoga. Tela la, a tino ko takase'se fua e pela me ne mamoe ko galo. Ko se iloa ne latou o fai se mea, me ko seai se olotou takitaki.
3Muna a te Aliki, “Au ko kaitaua ki tino fakaatea kola e pule ne latou oku tino, kae ka fakasala ne au a latou. A tino o Iuta e oku, kae ko au, te Aliki Tafasili i te Malosi, e tausi ne au a latou. Ka fai latou mo aku solofanua tau ma'losi. 4Mai i loto i a latou, ka sae mai a tino pule, takitaki, mo pule o taua, ko latou e fakatonutonu ne latou toku fenua.#10.4 Mai i loto … tino; io me Tino ne fakasaua katoa — pule, takitaki, mo takitaki o te kautau — ka tiakina fakatasi ne latou a Iuta. 5A tino o Iuta ka manumalo, e pela me ne sotia e lakalaka ne latou olotou fili i lalo i pela o auala. Ka toka latou o taua, me i te Aliki e fakatasi mo latou, kae ka faka-takavale eiloa ne latou a olotou fili kola i luga o solofanua.
6“Ka fai ne au a Tino o Iuta ke mafi;
Ka fakasao ne au a tino Isalaelu.
Ka alofa au ki a latou
Kae toe fakafoki mai latou ki te lotou fenua.
Ka nofo latou e pela eiloa me seki ita au ki a latou.
Au ko te Aliki te lotou Atua; kae ka tali atu au ki olotou talo.
7A tino o Isalaelu ka mafi pela me ne sotia,
Kae fiafia e pela me ne tino ne inu i uaina.
Ka masaua ne olotou fanau te manumalo tenei
Kae ka fiafia ki mea ne fai ne te Aliki.
8“Au ka kalaga ki oku tino
Kae fakamaopoopo fakatasi ne au a latou.
Ka fakasao ne au a latou
Kae fakatokouke e pela eiloa mo aso taumua.
9E ui eiloa ne fakasalalau ne au a latou ki malo kesekese
Kae i koga mao eiloa e masaua eiloa ne latou a au.
A latou mo olotou tama ka sao,
Kae toe foki tasi eiloa ki olotou fenua.
10Ka aumai ne au a latou mai Aikupito mo Asulia
O faka'nofo i te lotou fenua eiloa.
Ka faka'nofo ne au a latou i Kileata pela foki i Lepanona;
A te fenua katoa ka fonu eiloa i tino.
11I te taimi ne ulu ei latou i loto i te tai fakamataku,
Ko au, te Aliki, ka kini ne au a galu, ko te Naila eiloa ka masapakupaku.
A Asulia fakamatamata ka fakamasiasi,
Ka ko Aikupito malosi ka seai sena malosi.
12Ka fai ne au oku tino ke mafi;
Ka tapuaki kae faka'logo latou ki a au.”
Kona pati a te Aliki.
Currently Selected:
SAKALIA 10: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
