SALAMO 111
111
Ko Vikiga o te Aliki
1Ke viki atu koutou ki te Aliki!
Au e fakafetai ki te Aliki mo toku loto katoatoa,
i taimi e tapuaki ei ona tino.
2Ko foki i te 'gali a mea e fai ne te Aliki!
A latou kola e fia'fia ki mea kona, e ma'nako ke malamalama latou i ei.
3E tafasili i te 'lei mo te 'malu ana mea katoa e fai;
A tena amiotonu foki e tumau ki te se gata mai.
4A te Aliki e kaimalie kae alofa;
E fai foki ne ia ke se puli i a tatou ana mea fakaofoofogina ne fai.
5E se puli lele i a ia tena feagaiga;
E aumai ne ia a meakai ki a latou kola e ma'taku ki a ia.
6Ko oti ne fakaasi tena mana ki ona tino,
i te tukuatuga o fenua o tino fakaatea ke fai mō latou.
7E fakamaoni kae fai mea tonu a ia i ana mea katoa e fai;
Ko ana tulafono katoa e fakalagolago tatou ki ei.
8Ana Tulafono e tumau i taimi katoa,
Me e tuku mai ne ia i te tonu mo te amiotonu.
9Ne aumai ne ia te fakaolataga ki tena fenua,
Kae ne fai foki ne ia se feagaiga mo latou e se gata mai.
E tapu kae malosi a ia!
10 #
Iopu 28.28; Faata 1.7; 9.10 A te auala ... te Aliki; #111.10 Te auala e maua ei aofaga lei, ko te mataku ki te Aliki; io me Te toe vaega taua o te poto, ko te fakaaloalo ki te Aliki.
E fai ne ia a fakamasinoga tonu ki tino katoa kola e faka'logo ki ana fakatonuga.
E 'tau o vikia a ia ki te se gata mai!
Currently Selected:
SALAMO 111: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
