SALAMO 110
110
Ko te Aliki mo Tena Tupu Filifilia#Ulutala Epelu: Te salamo a Tavita.
1 #
Mata 22.44; Male 12.36; Luka 20.42,43; Galu 2.34,35; 1Koli 15.25; Efe 1.20-22; Kolo 3.1; Epe 1.13; 8.1; 10.12,13 Muna a te Aliki ki toku aliki, te tupu,
“Nofo i konei i toku feitu fakaatamai,
Ke oko ki te taimi e tuku atu ei ne au ou fili ke nofo mai lalo o ou vae.”
2A te Aliki ka fakalauefa ne ia tau pulega fakatupu mai Siona.
Ana muna, “Pule koe i ou fili.”
3A te aso e taua ei koe mo ou fili,
Ka 'kau fakatasi mai ou tino ki a koe.
Ka olo atu foki au tamataene ki a koe i luga i mauga tapu,
E pela mo te sau i te vaveao.
4 #
Epe 5.6; 6.20; 7.17,21 Ne fai ne te Aliki se feagaiga mautakitaki, e se toe 'fuli:
“Ka fai koe mo faitaulaga ki te se gata mai,
i te fakasologa o te tofi fakafaitaulaga o Mekisateko.”
5A te Aliki ko nofo i tou feitu fakaatamai;
Ka fakatakavale ne ia a tupu i te aso e ita ei a ia.
6Ka fakamasino ne ia a malo katoa,
Kae ka faka'fonu ne ia a malae taua ki tino 'mate;
Ka fakatakavale ne ia a tupu o te lalolagi katoa.
7A te tupu ka inu i te vai mai te vaitafe foliki i tafa o te auala,
Ka fakamalosigina a ia kae ka tu mo te manumalo.
Currently Selected:
SALAMO 110: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
