MALAKI 1
1
1Tenei te fekau tela ne tuku ne te Aliki ki a Malaki ke folafola atu ki tino o Isalaelu.
Ko te Alofa o te Aliki mō Isalaelu
2 #
Loma 9.13
#
Isa 34.5-17; 63.1-6; Iele 49.7-22; Eseki 25.12-14; 35.1-15; Amo 1.11,12; Ope 1-14 Muna a te Aliki ki ona tino penei, “Au e alofa faeloa ki a koutou.”
Kae ne tali mai latou penei, “Ne fakaasi mai pefea tou alofa ki a matou?”
Ne tali mai te Aliki penei, “A Esau mo Iakopo se tautaina, ka ko au ne alofa ki a Iakopo mo tena gafa, 3kae seki fiafia ki a Esau mo tena gafa. Ko oti ne fakamasei ne au a te fenua maugā o Esau kae tuku atu ki manu fe'kai.”
4Kafai e fai ake penei a tino o te gafa o Esau, kola ko tino Etoma, “Ko oti ne fakamasei a 'tou fa'kai, kae nei ka toe faite aka,”kae ka tali te Aliki penei, “Tuku eiloa ke toe faite aka olotou fa'kai, e toe ofa foki eiloa ne au ki lalo. Ka fakaigoa ne tino ko te ‘Fenua masei’ mo te ‘Te malo tela e ita ki ei te Aliki ki te se gata mai.”’
5Ka matea ne tino Isalaelu te mea tenei ki olotou mata kae ka fai ake penei, “A te Aliki e malosi i loto i te fenua o Isalaelu pela foki i fenua i tua atu o Isalaelu!”
Ko Faipati Ita atu a te Aliki ki Faitaulaga
6Konei a pati a te Aliki Tafasili i te Malosi ki faitaulaga, “A te tama e fakaaloalo ki tena tamana, e pela foki te tavini e fakaaloalo ki tena pule. Au ko te otou tamana, ai a e se fakaaloalo mai ei koutou ki a au? Au ko te otou pule, ai a e se ava mai ei koutou ki a au? A koutou e se fiafia ki a au, kae fesili faeloa koutou penei, ‘I te feitu fea e se fiafia ei matou ki a koe?’ 7E se fiafia koutou ki a au me e ofo mai ne koutou a meakai se aoga i luga o taku fata-fai-taulaga. Ne toe fesili aka koutou penei, ‘I te feitu fea ne seki āva atu ei matou ki a koe?’ Me ia koutou e se fia'fia ki taku fata-fai-taulaga. 8#Teu 15.21 Kafai e aumai ne koe se manu 'kivi io me masaki, io me masei te vae, e taofi koutou pela me e 'lei faeloa? Ave aka la se manu pena ki te kovana! Mata e fiafia a ia ki a koe io me fai ne ia se mea e manako koe ki ei?”
9Faitaulaga, taumafai nei o kalaga ki te Atua ke atafai mai ki a tatou. Ka se tali mai a ia ki otou talo, ko te otou 'se eiloa e ala ei te se tali mai o te Aliki. 10Muna a te Aliki Tafasili i te Malosi penei, “Aku muna eiloa ke pono aka ne se tino i a koutou a mataloa o te Faletapu ke mo a e toe faka'ka ne koutou ne afi i luga i taku fata-fai-taulaga. Au e se fiafia ki a koutou; ka se talia ne au a taulaga e ofo mai ne koutou ki a au. 11A tino katoa mai te feitu o te lalolagi ki te sua feitu e fakaaloalo mai ki a au. E sunu ne latou a taulaga manogi ki a au i koga katoa, kae ofo mai foki ne latou a taulaga 'lei ki a au. E fakaaloalo mai katoa latou ki a au! 12Ka ko koutou e fakaseaoga ne koutou a au, me i a koutou e fai aka pela i taku fata-fai-taulaga e seai se aoga, kae ofo foki ne koutou i luga i ei a meakai kola e se fia'fia koutou ki ei. 13Ne fai aka koutou penei, ‘Matou ko fita i mea fakaukeuke konei!’ Ka ko fakama'sei otou mata ki a au. Ko fai ne koutou otou taulaga ki a au ki ne manu ne kaisoa io me ki manu e masei a vae, io me ma'saki. I te otou faka'tau e talia ne au ne taulaga pena mai a koutou? 14Ke malaia te tino loi tela e ofo mai ne ia ki a au se manu masei, kae tela la, e isi ei se manu lei i tena lafu tela ne tauto a ia ke ofo mai ki a au! Au ko te tupu maluga, ka ko tino o malo katoa e ma'taku ki a au.”
Currently Selected:
MALAKI 1: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
