സങ്കീർത്തനങ്ങൾ 124
124
സങ്കീർത്തനം 124
ദാവീദിന്റെ ആരോഹണഗീതം.
1യഹോവ നമ്മുടെ പക്ഷത്ത് ഇല്ലായിരുന്നെങ്കിൽ—
ഇസ്രായേല്യർ പറയട്ടെ—
2മനുഷ്യർ നമ്മെ ആക്രമിച്ചപ്പോൾ,
യഹോവ നമ്മുടെ പക്ഷത്ത് ഇല്ലായിരുന്നെങ്കിൽ,
3അവരുടെ ക്രോധം നമുക്കെതിരേ കത്തിജ്വലിച്ചപ്പോൾ
അവർ നമ്മെ ജീവനോടെ വിഴുങ്ങിക്കളയുമായിരുന്നു;
4പ്രളയം നമ്മെ ഒഴുക്കിക്കളയുമായിരുന്നു,
വെള്ളപ്പാച്ചിൽ നമ്മെ തൂത്തെറിയുമായിരുന്നു,
5ആർത്തിരമ്പുന്ന ജലപ്രവാഹം
നമ്മെ തുടച്ചുനീക്കുമായിരുന്നു.
6അവരുടെ പല്ലിനിരയായി പറിച്ചുകീറപ്പെടാൻ നമ്മെ അനുവദിക്കാതിരുന്ന,
യഹോവ വാഴ്ത്തപ്പെട്ടവൻ.
7വേട്ടക്കാരന്റെ കെണിയിൽനിന്ന്
ഒരു പക്ഷിപോലെ നാം വഴുതിപ്പോന്നിരിക്കുന്നു;
ആ കെണി പൊട്ടിപ്പോയി,
നാം രക്ഷപ്പെടുകയും ചെയ്തിരിക്കുന്നു.
8ആകാശവും ഭൂമിയും സൃഷ്ടിച്ച
യഹോവയുടെ നാമത്തിലാണ് നമ്മുടെ സഹായം.
Currently Selected:
സങ്കീർത്തനങ്ങൾ 124: MCV
Highlight
Share
Copy
Want to have your highlights saved across all your devices? Sign up or sign in
വിശുദ്ധ ബൈബിൾ, സമകാലിക മലയാളവിവർത്തനം™
പകർപ്പവകാശം © 1997, 2017, 2020 Biblica, Inc.
അനുമതിയോടുകൂടി ഉപയോഗിച്ചിരിക്കുന്നു. എല്ലാ പകർപ്പവകാശങ്ങളും ആഗോളവ്യാപകമായി സംരക്ഷിതമാണ്.
Holy Bible, Malayalam Contemporary Version™
Copyright © 1997, 2017, 2020 by Biblica, Inc.
Used with permission. All rights reserved worldwide.
