قصة الأنبياء 5
5
ذرية آدم حتى النبي نوح
1-2خلق الله الإنسان من ذكر وأنثى، خلقه علشان يعبر عن بعض صفاته. وسمى أول بشر آدم وباركه. وده سِجل أولاد آدم أبو البشر. 3لما كان عمر آدم 130 سنة، خلف ولد تاني كان شَبَهُّه بالضبط، وسماه شيث. 4-5وبعدها خلف آدم أولاد تانين، ومات آدم وعمره 930 سنة. 6-8ولما كان عمر شيث ابن آدم 105 سنة خلف ابنه وسماه أنوش. وبعدها خلف أولاد تانين، ومات شيث وعمره 905 سنة. 9-11ولما كان عمر أنوش ابن شيث 90 سنة خلف ابنه قينان. وخلف بعدها أولاد تانين ومات أنوش وعمره 905 سنة. 12-14ولما كان عمر قِينان ابن أنوش 70 سنة خلف ابنه مهللئيل. وبعدها خلف أولاد تانين ومات قِينانُ وعمره 910 سنة. 15-17ولما كان عمر مَهلليل ابن قِينان 65 سَنة خلف ابنه يارَد. وبعدها خلف أولاد تانين ومات مهلليل وعمره 895 سنة. 18-20ولما كان عمر يارَد ابن مهللئيل 162 سنة خلف ابنه إدريس. وبعدها خلف أولاد تانيين ومات يارَد وعمره 962 سنة. 21-24ولما كان عمر إِدريس 65 سنة خلف ابنه متوشالح. وبعدها خلف إدريس أولاد تانين. ومشَى النبي إِدرِيس على طريق الله ورفعه الله إليه لما كان عمره 365 سنة. 25-27ولما كان عمر متوشالح ابن النبي إدريس 187 سنة خلف ابنه لامَك. وبعدها خلف متوشالح أولاد تانين ومات وعمره 969 سنة. 28-32ولما كان عمر لامَك 182 سَنة خلف ولد وقال: «أنا هاسميه نوح لإنه هيكون سبب في راحتنا بعد تعبنا في عيشتنا بسبَب الخطيئة اللي جلبت اللعنة علَى الأرض.» بعدها خلف لامَك أولاد تانين ومات وعمره 777 سنة. وفي الوقت اللي كان فيه عُمر النبي نُوح 500 سنة، كان مخلف تلات أولاد وهم: سام وحام ويافث.
Currently Selected:
قصة الأنبياء 5: EAT
Highlight
Share
Copy
Want to have your highlights saved across all your devices? Sign up or sign in
Wycliffe Bible Translators, Inc.
