قصة الأنبياء 20

أبيمالك والنبي إبراهيم

1بعد فترة من هلاك سدوم وعمورة، رحل النبي إبراهيم من أرض ممرا الأموري في اتجاة الجنوب، لمنطقة النقب بين قادش وبرية شور شمال صحراء سيناء. ولما سكن النبي إبراهيم فترة من الوقت في مدينة جَرَار القريبة من الساحل جنوب فلسطين، 2وادّعَى قدام الناس هناك أن سارة أخته ومش زوجته. (لأنه خاف أنهم يقتلوه علشان ياخدوها.) فَبعت أبيمالك ملك مدينة جرار جنوده علشان يجيبوها عنده. 3ولكنّ الله اوحَى لأبيمالك في حلم وقاله: «يا أَبيمالك، أنت اخدت امرأة متزوجة في بيتك، علشان كده هتموت». 4وماكانش أَبيمالك لسه لمسَها، فقال: «يا رب، وهل تهلك ناس أبرياء مش مذنبين؟ 5هو بنفسه قال أنها أخته، وهي بنفسها قالت أنه أخوها؟ فأنا بريء تمامًا من ذنبها». 6فقال له الله تعالى: «نعم، أعلم أنك بريء، وعلشان كده منعتك تلمسها. 7الآن رُدّ المرأة لزوجها، لأنه نبي ، فيدعي لك فلا تموت وتحيا نفسك، ولو مش هتردها تهلك أنت وكل شعبك».

8والصّبح بدري استدعَى أَبِيمَالِك جميع حاشيته وحكى لهم عن الحلم فخافوا كلهم وفزعوا. 9بعدها استدعى أَبيمَالِك النبي إبراهيم وقال له: «يا إبراهيم، إيه الي أنتَ عملته فينا ده؟ وإيه الغلط اللي انا ارتكبته في حقك علشان تجلب عليا وعلى شعبي ذنب زي ده؟ 10ليه خبيت عليا أن سارة زوجتك يا إبراهيم؟» 11فقال له النبي إبراهيم: «يا أبيمالك، أنا عملت كده لأني ظنيت أن مفيش حد هنا بيتقي ربنا، فخفت أنهم يقتلوني علشان يأخذوا زوجتي مني. 12وفي الحقيقة هي بالفعل أختي من أبي لكن مش شقيقتي، وبعدين بقت زوجتي. 13يا أبيمالك، من يوم ما أمرني ربنا إني أرحل عن بيت أبي، وأحنا عايشين غرباء لحد النهارده. علشان كده قلت لزوجتي: يا سارة، اعملي معايا معروف، وفي كل مكان نروح فيه قولي أن أنا أخوكي وما تقوليش أن انتي زوجتي.»

14وبعد ما سمع أبيمالك كلام النبي إبراهيم، رَد له سارة زوجته، وعطاه غنم وبقر وعبيد وجواري. 15وقال له: «يا إبراهيم، اهي أرضنا قدامك، وأنت حر تسكن في أي مكان فيها. 16وأنت يا سارة: أنتِ ملكيش ذنب، وأنا عطيت زوجك ألف قطعة من الفضة، تعويض لكِ قدام الجميع عن الضرر اللي أصابك». 17‏-18وكان ربنا ضرب بيت أَبِيمَالِكُ بالعقم لأنه أخد سارة زوجة النبي إبراهيم. لكن لما تشفع له النبي إبراهيم شفاهم ربنا من العقم اللي أصابهم.

Currently Selected:

قصة الأنبياء 20: EAT

Highlight

Copy